Seite 1 von 1

Frage zu 110V Adapter

Verfasst: 25 Okt 2017 08:29
von mr.raw
Ich hoff, me gseht s Bild:

Bild

Ich ha so nen Seven Star ST-1000 (Watt?)
Step Up & Down Transformer.
Biko, als ich e US Xbox One kauft ha.
Mini frog..
.kha ich min US N64 oder US GameCube au dört aaschliesse ohni dass mir d Konsolene tüend verbrötle?

Für de N64/Cube ha ich ebbe es ähnlichs teil wie uff em Bild unde kha... bi däm aber d XboxOne aagschlosse und wo d One sis Day One update zoge hett, hetts das Teil verbrötlet...
Bild

Re: Frage zu 110V Adapter

Verfasst: 25 Okt 2017 08:42
von nnap
Das chline isch ebe 'h schwach gsi vo dä watt zahl her, drum hättses verbrötled bi dä xbox one. Bim grosse chasch dini retro konsole definitiv aaschlässe wenn sie es 110V netzteil händ. Japan hätt ja 100V aber ich han da nie problem gha mit 110V stepdown converter. Wird wohl im rahme vo dä spezifikation ligge mit dä 10% meh volt.

Re: Frage zu 110V Adapter

Verfasst: 25 Okt 2017 08:46
von mr.raw
nnap hat geschrieben:Das chline isch ebe 'h schwach gsi vo dä watt zahl her, drum hättses verbrötled bi dä xbox one. Bim grosse chasch dini retro konsole definitiv aaschlässe wenn sie es 110V netzteil händ. Japan hätt ja 100V aber ich han da nie problem gha mit 110V stepdown converter. Wird wohl im rahme vo dä spezifikation ligge mit dä 10% meh volt.
ich weiss ebbe no uss alte Zitte, wos dutzendi Konsolene verbrötlet hett wäge de falsche Adapter. Kha dr aber nid sage, was das für Konsolene gsi sinn.


Also du meinsch, de US Cube und JP N64 verbrutzlets NID mit dem Seven Star Transformer?
Au nid, wenn de 1000 Watt tuet wiedergäh?

ok demfall wirdis hütt Obig ussprobiere.
ha :fear:

Re: Frage zu 110V Adapter

Verfasst: 25 Okt 2017 08:49
von nnap
genau, er chan max 1000 watt aber wenn nur 5 watt zoge werded vom cube isch das ok. was halt nöd gaat sind die adapterli wo nur dä stecker wächsled aber nöd 'd volt abe convertiered uf 110v.

Re: Frage zu 110V Adapter

Verfasst: 25 Okt 2017 08:57
von mr.raw
ah, i see!
thx!! :) *pfroi*

Re: Frage zu 110V Adapter

Verfasst: 25 Okt 2017 11:21
von turntablism
wenn glück hesch, chasch s`chline no bruchä - het evtl e sicherig drin wos glupft het. ha au mal soneine für de divers benutzt, isch denn huere heiss worde und het zum glück d`sicherig verbraate und nöd grad de ganz stepdown.

Re: Frage zu 110V Adapter

Verfasst: 25 Okt 2017 18:54
von fifi
also bim chline, het hinne so es schiebetürli ufem foto, lueg doch döt mal inne. vermuete schwer döt isch eh fiensicherig drin.
gseh susch kein grund für so es abnehmbars teil, format wür au passe. oder meh chan döt was umschalte, chönnt au no sie.

zu de 1000w, de speutzt das nöd usse sondern du chasch maximal mit 1000watt belaschte. wie de nap scho gseiht hät.

was die 110V/100V abwichig agaht, denke me söttmeh au langsang chli afange ufpasse. will mir sind ja zu dere ziit mit 220Vgfahre , den irgendwenn change zu 230V, mässe tuesch aber je nach tageziit scho fascht 240V.. also sind scho chli meh als nur die 10%!
falls de stepdown aber für 230V isch, chamme das logischerwiis usser acht lah, mini wo ich han sind 220V.

im zweifel typeschild foto mache. wird hinne si, döt stönd specs druff.

Re: Frage zu 110V Adapter

Verfasst: 26 Okt 2017 10:30
von mr.raw
Danke für euri Hilf.
Jo, das mit de sicherig ha i gseh kha...aber shetts leider nid numme d Sicherig duurebrennt. De Stecker isch absolut unbruchbar und völlig zerstört.
Slauft alles mit dem riese ding *pfroi* Geschtert grad miesse e WWF: NoMercy Session duuregäh und freu mi uff e Sasmchtig mit MK64 und anderne N64 Perlene.

Re: Frage zu 110V Adapter

Verfasst: 26 Okt 2017 11:33
von turntablism
zum glück isch der d`hütte nöd abbrennt :lol:

Re: Frage zu 110V Adapter

Verfasst: 27 Okt 2017 16:02
von Mr. Heli
han ich mir au überleit gha sonen step down/up converter zuetue. sind eifach riesig und cheibe schwer. lohnt sich eigentlich nume wennd öpis anderes als kaltgrät möchtsch betriebe. han mir denn z japan öppis handlichers kauft.

Re: Frage zu 110V Adapter

Verfasst: 05 Nov 2017 21:37
von Reinforced
han mohl vor jahre imne Elektrikergschäft (wos mittlerwile nüme gitt) en <100w converter wölle chauffe für mini retro konsole. De hetmi nur blöd ahgluegt und gseit so öppis sigi verbotte und gäbis nüm :D under 500w heter nüt gha. klar ufem netz findsches no ohni problem

Re: Frage zu 110V Adapter

Verfasst: 06 Nov 2017 18:12
von agestuffer
Reinforced hat geschrieben:han mohl vor jahre imne Elektrikergschäft (wos mittlerwile nüme gitt) en
Keis Wunder... Wemmer sonen Bullshit verzapft. Haha, gschettnä grad rächt
agestuffer

Re: Frage zu 110V Adapter

Verfasst: 06 Nov 2017 19:50
von Reinforced
agestuffer hat geschrieben:
Reinforced hat geschrieben:han mohl vor jahre imne Elektrikergschäft (wos mittlerwile nüme gitt) en
Keis Wunder... Wemmer sonen Bullshit verzapft. Haha, gschettnä grad rächt
agestuffer
haha wird wohl ah däm gläge ha :vortex: