schlepptop: sägmer welä söli chaufä

In den Weiten der Galaxie: Technik!

Moderatoren: Master(G), Mr Burzel

Benutzeravatar
Acid
Hardcore Gamer
Hardcore Gamer
Beiträge: 3571
Registriert: 28 Jul 2005 10:53
Kontaktdaten:

schlepptop: sägmer welä söli chaufä

Beitrag von Acid »

ja ich weiss, für was bruchsch, wiä gross wiä schwer mit oder ohni...

Wiä sicher alli wüssed bin ich privat en mac user sit immer, nur wird de Zuestand immer schlimmer.

Ich han de Cholä i de Hand gha und ufs neuä MBP gwartet, relativ lang gwartet muesmer sägä. Und jetzt brüchti öpis und chan nid no länger wartä und hoffe dass zu Verstand chömed. Plus es paar unschöni Sachä a mim Mac Pro (wo aber eigentlich es super Grät isch) und s OS wo langsam aber sicher mit jedem Update (wemers sich denn wagt z'update) müesamer wird, wemer nid uf de cloud iphone7 schwebt, und tatsächlich will dass s Züg funktioniert.

Isch Windows besser, oder wär Linux de Hit. Kei Ahnig, scho ewig nüm brucht (Windows XP, und au das nid intensiv), und drum würis gern mol usprobiere, hani sowieso scho lang mol welä, jetzt bütets sich a.

Jetzt stecki i de Zwickmülli, rächt Cholä i d Hand neh, zum s volä Potential uszschöpfä, mitem Risiko viel in Sand zsetzä weni nid klar chum demit, oder wenig riskiere und öpis günschtigs chaufä, mitem Risiko es völlig unbefriedigends Grät ham und es Scheiss erlebniss obwohls vilicht gar nid a de Software lieht. Oder doch ab durch die goldene Mitte, was alli Vor und Nochteil us de anderne beide Variantä kombiniert.

Ja, ihr gsehnd...als Mac User ischmer sich gwöhnt chaufä oder nid chaufä, tuusig meh oder weniger und pasta. Ich bin völlig überforderet. Und wo zum Tüfel sind all diä Windows Grät mit de bessere Hardware zumene Bruchteil vom Pris vo denä immer alli reded? Schiintmer ehnder als chönti d Nötli grad dussä loh.



Also zu was ich vilicht bruch:

Ich han no de Mac Pro für s hertä Züg, und de wirds wohl vorläufig au blibä müese (halt au softwaretechnisch), dementsprechend bini bezüglich Leischtig nid so feschtgleit. Je meh dasses chan desto meh chani usprobiere, wasmer entgägächämti.
Natürlich bruchis für all diä übliche Alltagssächeli (surfä, videos, audios, chli Dokument, Text Dateiä und so). Ich wür aber scho au gern dehei mol chli chöne a öpis nid zu hertem schaffä, also chli Bildbearbeitig müsst scho au dinn liggä. Video wär toll, aber weiss nid wiä das isch bim Windows mit de Leischtig.
Wenn jetzt aber d Asag wär, für fascht nüt chunsch e Maschinä über wo super chasch Alltagszüg machä und Videos luege und so witer, aber e grossi Bilddatei isch schwierig, wär das evtl. glich e Option eifach zum mol chöne inäluege, und denn muesi halt min Arsch bis uf witeres öfter zum mac bewegä.



Bildschirm: eigentlich 15", bin aber au für anders offä wenns ratsam isch. wär toll wenns nid e totali Krücke isch, wenn möglich nid nur 1080 (ussert es isch en kompromiss wo vil bringt), und so dassmer nid nur im dunkle öpis erkennt.
Touch stellmer eigentlich nur bi denä cool vor wod chasch umklappä...gsehd no cool us, vor allem mitem Stift. Weiss halt nid wiä sehr ichs bimene andere wür bruuchä, do no niä gha. E bitz cool findi de Asatz aber scho es OS für beides zha, will Apple jo vo dem nüt will wüssä. Ich ha s IPad gern, aber es hindered mi dra produktiv zsi, willi das mitem IOS nid würklich chan (bzw. halt ebä nu i sehr limitierte Bereich).

Tastatur und Trackpad (nippel gits jo nur no bi de hertere Maschinä vo Dell und Lenovo): hed nid hinterletschti Priorität, willi wahrschindlich scho diä vom Laptop will nutzä (und zumindescht guet will chöne nutzä). Wenns es nummerä pad hed bini nid truurig (natürlich nid falls 13" oder so).

SSD

Wenn möglich nüt komplett zämägliimts. Upgradbarkeit isch s eintä, aber wenn das Züg so ufwändig zum usänandneh isch dassmers nid mol meh chan recycle findis ethisch scho feng rächt bedänklich...isch scho gnueg schlimm d Lag mit all denä Rohstoff wiä si isch. Au en wichtigä Punkt womi am neuä MBP so grausam aschiisst, also möchti nid de glich Seich i Windows unterstützä wenns nid mues si. Also je offener desto besser...wenn jetzt aber öpis inäglötet isch womer eh niä wür wellä wächslä, isch au keis Drama.

Ports: Eigentlich nüt würklich entscheidends, solangmers üblichä, wenn nid hed, so zumindescht chan adaptiere. Irgendwiä möglich (wasmer aber klar isch dass das je nachdem unrealistisch isch) thunderbolt 3, aber schön wär zumindescht usb-c...aber no schöner tb3 lol. Tüüri Grät chömed aber eigentlich nur in Frog wenns einä händ.




Chan mir öper hälfä, chamer mit dem irgendöpis i oder usschlüsse, oder isch das echli z'vil verlangt mit minä diffusä Vorstelligä wo nid wahnsinnig guet igränzed?
Oder gids nur scho Tipps bezüglich enere Produktreihä oder so?
Isch vo minä erwähntä Asätz obä ein de ratsamer (tür/günschtig etc.)?
Wiä isch das mit Linux? Im Netz findet mer zu jedem meh oder weniger vo "funktioniert ohni witeres tadellos" bis zu "das lauft nid und disses nid und eigentlich chaschs nid bruuchä".

Ich bin über jeglichi Versüech zur Hilfestellig froh, au wenns nid "nimm Model xyz" isch.

Im moment isch jo au no grad de Wandel bezüglich Prozessore im Gang, villicht chund grad öpis guets, oder es git öpis guets billiger will s neuä chund...(bi Dell isch z.B. bi de "Gschäftskategorie" villes billiger will grad updatet wird.
Aber ebä, ha kei Ahnig wiä vil besser s neuä isch)

ja äh... :help:
Benutzeravatar
Astroboy
Cowboy
Cowboy
Beiträge: 3126
Registriert: 04 Aug 2009 12:29
Kontaktdaten:

Re: schlepptop: sägmer welä söli chaufä

Beitrag von Astroboy »

HP Spectre X360, 13'', 2016 Edition.
Xinobrax2
Hardcore Gamer
Hardcore Gamer
Beiträge: 5662
Registriert: 13 Mai 2013 14:41
Kontaktdaten:

Re: schlepptop: sägmer welä söli chaufä

Beitrag von Xinobrax2 »

Was d Hardware betrifft bini momentan überhaupt nüm ufem neuste Stand, aber...
Acid hat geschrieben:...Isch Windows besser, oder wär Linux de Hit...
Acid hat geschrieben:...surfä, videos, audios, chli Dokument, Text Dateiä und so...
Ganz klar Linux. Wennt es OS willsch, wo durch d Updates nid schlechter sondern besser wird, denn wirds Ziit für e Linux Distro. Blibt nur na d Frag weli...

Momentan gits grad en überraschend grosse Mac Exodus will Apple us de Sicht vo de User wohl einiges verbock. Vili devo wechsled zum elementary OS (https://elementary.io/" onclick="window.open(this.href);return false;). Das chunt rein optisch wohl am nöchschte as OSX ane. Ebefalls sehr beliebt sind bi Umstiger s Solus (https://solus-project.com/" onclick="window.open(this.href);return false;) und s Mint (https://linuxmint.com/" onclick="window.open(this.href);return false;). Alli 3 sind imo ziemlich easy und du bruchsch idR au keis Terminal oder so.

Ich selber schwör uf arch (https://www.archlinux.org/" onclick="window.open(this.href);return false;) aber das wär i dim Fall chli übertribe. Usserdem magi Gnome und die 3 woni obe ufzellt han hend halt iri eigne Desktop-Umgebige...

Linux isch nid perfekt...aber wennt ez eh grad umstigsch chaschder einiges erspare wennt keis Windows 10 nimsch...
Benutzeravatar
Acid
Hardcore Gamer
Hardcore Gamer
Beiträge: 3571
Registriert: 28 Jul 2005 10:53
Kontaktdaten:

Re: schlepptop: sägmer welä söli chaufä

Beitrag von Acid »

Astroboy hat geschrieben:HP Spectre X360, 13'', 2016 Edition.
Ah cool...konkrete Vorschlag. hets 2016 2 geh? (2016 und late 2016)?
Meinsch de erscht? Wenn ich das Rächt gsehn hed de alt meh verschiedeni Aschlüss, ich echli grösser und de neu hed de kaby lake und isch chli chliner.
Und ich glaub mer chan nüm de Stift bruchä, was schad wär wenn wahr. hochglanz Display -> gsehdmer uf dem no öpis wemer dussä sitzt (mis letschtä mbp hani kauft wos no e matt Option gäg ufpriis abotä händ, aber sither hed sich jo einiges gänderet)?

Guet, villicht chamer de alt gar nüm chaufä.

Mercie schomol.



@Xino: Ja, uf das elementary bini au scho gstossä. Vilicht aber au gar nid so gschiid, wil eim d Ahlenig as OSX denn immer dra erinnered dasses ebä doch andersch funktioniert...aber wirds sicher mol aluege. S Mint isch au scho lang uf miner Lischtä. Solus hani no niä ghört, aber das gsehd au spannend us.

Und Arch hani natürlich au ghört, aber ich glaub über das chöntimer denn villicht mol gedankä mache wenni usäfind dass das ganzä Züg öpis isch für mich undi villicht besser drus chum wiä jetzt (will jetzt drus cho = fascht gar nid und ich glaub je weniger Stei im Wäg desto ehnder packis. Für das Arch müssti glaub zerscht mol Chünde zum studiere wiä ich das söll machä.)


Und ja, hesch sicher Rächt, für diä vo dir zitierte Sachä wärs s bescht. S Problem isch nur falls I nöcherer oder fernerer Zuekunft en Weggang vo Apple für meh als nur diä Sächeli söll in Frog cho, bruch ich gwüssi Software, hauptsächlich im Foti und Video Berich. Und ich glaub Ersatz z findä wird schwer gnueg sälbscht wenni Linux und Windows zur Verfüegig hätti. Villicht kännimi au eifach zwenig us, Video chundmer z.B. lightworks in Sinn woni scho lang han welä usprobiere, aber für Mac ischs no nid so wit gsi. Oder Vuescan isch au sehr wichtig, das gits aber au für Linux, Druckertriiber hani grad nogluegt, schiints zumindescht vo Epson zumindescht für mis jetzigä Modell au z geh. Bin letschti au uf e Sitä mit jenschtä Apps gstossä (https://pixls.us/software/" onclick="window.open(this.href);return false;) vo denä ich diä meischtä nid känn, und somit scho öpis chönt drunder si. D Wahrheit isch aber au dass diä woni usprobiert han ehnder nid als Ersatz in Frog chömed, und für gwüsses wirds wohl au mit Windows scho rächt schwierig. Sehr vieles gids aber für Mac und Windows, für Linux aber nid.

Natürlich chönt zersch mol nur Linux und denn witerluege...aber ich glaub über churz oder lang wirdi nur mit Linux nid durächo, und denn müssti wüssä öb Windows e gangbarä Wäg isch, oder öbs no verreckter isch wiä bi Apple, wo mini Kritik im Moment no in erschter Linie de Hardware gilt.
Benutzeravatar
Astroboy
Cowboy
Cowboy
Beiträge: 3126
Registriert: 04 Aug 2009 12:29
Kontaktdaten:

Re: schlepptop: sägmer welä söli chaufä

Beitrag von Astroboy »

Dä da: http://arstechnica.com/gadgets/2016/10/ ... op-around/" onclick="window.open(this.href);return false;
Ha mr no e Dongle vo Dell für 40 Stutz bsteut, mit Ethernet, HDMI (4K@60hz) und emne zuesätzleche USB 3.0-Port. Ize muess nur no dr Akitio Node usecho, när chasch mit däm Notebook e externi GTX1080 betriebe. Jamann.
Xinobrax2
Hardcore Gamer
Hardcore Gamer
Beiträge: 5662
Registriert: 13 Mai 2013 14:41
Kontaktdaten:

Re: schlepptop: sägmer welä söli chaufä

Beitrag von Xinobrax2 »

Da hesch vollkomme recht. Es git immerna so Spassvögel wo z.B. s GIMP als Photoshop Ersaz empfeled...aber ich finds scheisse. Ich bruches mengisch für simpli Bildbearbeitig, aber so im Grosse und Ganze findis eher nervig. Ich bin im Photoshop öpe 3 Mal schneller. Zum zeichne mitem Grafiktablet verwendi hingege s Krita. Das findi i dem Bereich sogar no besser als s Photoshop. Für de Notfall hani au na es Photoshop im Wine...s lauft zwar, aber s ischmer au scho crasht...isch nid ideal. Videos tueni eigentlich nie editiere, aber au i dem Bereich isch Linux nochli hindedri...wobi...mitem Blender chamer alles mache, aber das het halt au e ziemlich langatmigi Lernkurve. De gits au no s Natron womer teilwis fascht scho mitem Nuke oder After Effects chent vergliche. Gset interessant us, aber ich hans selber nie brucht. Manchi Lüt vermueted, dass Adobe demnächst mal komplett uf Web-Tools wird umstige. Photoshop im Browser wär natürlich super, aber ich würd mi momentan nonig druff verlah.

Es chunt halt würklich druff a wasd willsch mache. Ich bi momentan usschliesslich mit Webentwicklig beschäftigt und da isch Linux schlicht und eifach unschlagbar. Bi Windows und OSX isches amigs chli so, dass am Afang alles wunderbar lauft...aber mit de Ziit chömed immer me Bugs dezue bis zume Punkt wos denn halt afangt nerve. Bi Linux isch das genau umgekehrt. Am Afang hesch s Gfühl, dass es paar wesentlichi Sache fehled, aber mit de Ziit findsch denn use, dass ebe doch alles irgendwie gat und irgendwenn laufts perfekt und gat au nüm kaputt. Mer mues sich mengisch chli Ziit ne und sich demit befasse, aber längerfristig isches di bescht Option. Mit Triber hani scho sit Jahre kei Problem me gha. S Einzige wo mi momentan würklich na nervt isch, dass s Vive nonig unterstüzt wird...das chunt aber zum Glück innerhalb vo de nögschte paar Monet :-D
Benutzeravatar
Acid
Hardcore Gamer
Hardcore Gamer
Beiträge: 3571
Registriert: 28 Jul 2005 10:53
Kontaktdaten:

Re: schlepptop: sägmer welä söli chaufä

Beitrag von Acid »

Astroboy hat geschrieben:Dä da: http://arstechnica.com/gadgets/2016/10/ ... op-around/" onclick="window.open(this.href);return false;
Ha mr no e Dongle vo Dell für 40 Stutz bsteut, mit Ethernet, HDMI (4K@60hz) und emne zuesätzleche USB 3.0-Port. Ize muess nur no dr Akitio Node usecho, när chasch mit däm Notebook e externi GTX1080 betriebe. Jamann.
Ah geilen, sind jo thunderbolt...han us irgendeme Grund gmeint sig nur USB, weis au nüm wieso...wohl s falschä gläsä oder öper heds falsch gschribä. Aber um so besser natürlich.
Aber hüt gläsä dasses Ändi Monet neui söll geh, wieder mit Stift Unterstützig und au en 15" wo in Frog chämt wenn nid all zu tür. Wärmer ebä scho lieber, do bis uf witeres mis einzigä Display für Mediäkonsum...und wenn de Stift nur annähernd wiä bim IPad isch willi das au ha.

Geduldig sii isch en Brunz bi so Sachä... :-x

Aber tönt guet, säged jo au erstuundlich vili guets über d Tastatur für das dasses doch ehnder zu de sehr dünnere ghört.


Xinobrax2 hat geschrieben:Da hesch vollkomme recht. Es git immerna so Spassvögel wo z.B. s GIMP als Photoshop Ersaz empfeled...aber ich finds scheisse. Ich bruches mengisch für simpli Bildbearbeitig, aber so im Grosse und Ganze findis eher nervig. Ich bin im Photoshop öpe 3 Mal schneller. Zum zeichne mitem Grafiktablet verwendi hingege s Krita. Das findi i dem Bereich sogar no besser als s Photoshop. Für de Notfall hani au na es Photoshop im Wine...s lauft zwar, aber s ischmer au scho crasht...isch nid ideal. Videos tueni eigentlich nie editiere, aber au i dem Bereich isch Linux nochli hindedri...wobi...mitem Blender chamer alles mache, aber das het halt au e ziemlich langatmigi Lernkurve. De gits au no s Natron womer teilwis fascht scho mitem Nuke oder After Effects chent vergliche. Gset interessant us, aber ich hans selber nie brucht. Manchi Lüt vermueted, dass Adobe demnächst mal komplett uf Web-Tools wird umstige. Photoshop im Browser wär natürlich super, aber ich würd mi momentan nonig druff verlah.
Vo Adobe hanimi ebä au im Dec. mol trennt, wil ich bin en chlinä Digitalrebell. Nei, einersits weli kei Bock meh han uf das saublöde CC Abo Züg wo ständig nid chasch schaffä will wieder irgendöpis bi de Registrierig nid stimmt oder wiedermol sötsch de Updater Update, für das aber e neuinstallation vom installationsprogramm bruchsch und was weiss ich, und nachdem alles gmacht hesch seitsder Benutzer und Passwort stimmendi nid... und anderseits will Affinity ihri Programm wo super sind für 50.- verchauft, und scho unglaublich vili gratis Updates nochägschobä händ für diäs locker hettet chönä cholä verlangä. S glichä im Videoberich, je nach dem für wases bruchsch isch FCPX praktisch nid z'überträffä, modern und schnäll, und mittlerwilä wieder sehr sehr viel bütend...han vor Johrä mol 300.- zahlt. mer chönt behauptä es isch so viel dezuä cho und besser wordä dasses mitlerwilä es ganz anders Programm isch, niä öpis witers müese Zahlä.

Bi Adobe drucksch irgendwiä jedä Monet über 50.- ab wenn wilsch phötlishop und premiere ha. Öb sich gross öpis verbesssered oder nid. Und öb d Programm funktioniered undder nid bi Updates ungfrögt irgendwelchi Systemfiles wo absoulut nüt mit Adobe ztuä händ lösched oder nid.

Photoshop im Browser tönt scho no Cool, je nach Zahligsmodell. D Frog isch halt eifach wiä guet mer das denn würklich chan bruchä, andersch als zum gelegentlichä Bild, oder für en Notfall wemer kei geigneti Maschinä chan verwändä. Ussert du hesch dini sämmtliche Files i de Adobe Wolkä hesch jo mitem Internet Upload zumindescht im Moment und wohl au no uf witeres en krassi Bräms... do nützed denn üsi ultraschnällä SSDs und Thunderbolt 3 Aschlüss au nid viel.

Vo Videos gar nid z redä.



Was d RAW Situation abelangt isch jo no chli komplizierter, will diä meischte Kamerahersteller hend hald immerno ihres Format, wos nid offelegged (wieso au immer dass meined das sig tatsächlich en gueti Idee...einigi benützed .dng, halt chlineri, Leica z.B. das isch offä, aber au nid unabhängig da Adobe). Do ischmer entweder druf agwisä dassmer d Originalsoftware chan installiere, oder diä vo öperem wo das guet rückwärtsinscheniert hed. Aber ebä, villicht gits do für Linux au öpis, und ich han eifach nonid devo ghört. Probieren geht über studieren.




Dasses für igfleischti Coder es guets OS isch glaubi natürlich sofort. Isch jo scho fascht sälbschterklärend wieso. Und hetti natürlich nüt degägä wenns au für mini Zweck voel z bütä hed.
Benutzeravatar
Acid
Hardcore Gamer
Hardcore Gamer
Beiträge: 3571
Registriert: 28 Jul 2005 10:53
Kontaktdaten:

Re: schlepptop: sägmer welä söli chaufä

Beitrag von Acid »

Hüt isch min neu Schleppi cho...

...und hüt Obig wirden wohl zum erschtä mol ischtellä.


Gits irgendwo e gueti Alleitig wo ich denn als erschts mol alles chan abschaltä was ungfrögt Züg a Microsoft oder anderi sändet?
Benutzeravatar
Acid
Hardcore Gamer
Hardcore Gamer
Beiträge: 3571
Registriert: 28 Jul 2005 10:53
Kontaktdaten:

Re: schlepptop: sägmer welä söli chaufä

Beitrag von Acid »

soo...nach harter Arbeit fähig gsi de relativ simpel Vorgang duräzfüehre zum Mint ufere zweite Partition näbä Windows z installiere :)

Jetzt muesi als nöchschts usäfindä wieni demit is Internet chum bzw. wienis W lan verbindä, und wieni alles chli grösser heräbring (isch wägem 4k Display rächt huere chli... got zwar scho au, aber grad wemer nonid druschund und alles gnau mues aluege nid vo Vorteil...)

Mues aber wohl bis Morn wartä, will mues wieder mol am Morgä scho afo büglä.

Wird spannend.
Xinobrax2
Hardcore Gamer
Hardcore Gamer
Beiträge: 5662
Registriert: 13 Mai 2013 14:41
Kontaktdaten:

Re: schlepptop: sägmer welä söli chaufä

Beitrag von Xinobrax2 »

:1thumb:

Mer setti eigentlich meine, dass HiDPI bi Cinnamon mittlerwile automatisch erkennt wird :? Wahrschinlich chasches aber irgendwo istelle....au WiFi seti erkennt werde. Was füren Laptop heschder kauft?
Benutzeravatar
Acid
Hardcore Gamer
Hardcore Gamer
Beiträge: 3571
Registriert: 28 Jul 2005 10:53
Kontaktdaten:

Re: schlepptop: sägmer welä söli chaufä

Beitrag von Acid »

De HP 15" Spectre x360.
Weiss jetzt natürlich nid öb Wifi gar nid erchänt wird, oder öb ich nid fähig gsi bin zums irichtä, oder zum findä wo.
Unnä rächts bi dem Netzwerkstecker Symbol heds uf jedä Fall nur diä beide Optione zu de Istelligä. Wifi Netz tauched det no keini uf. Also muesi jo sicher no irgendwo irgendöpis istellä.

Ich han au mol so en abfrog im Terminal gmacht woni irgendwo gläsä han (iwconfig oder irgendöpis so...2 buechstabä und config, wenni mi recht erinnere) und det isch denn öpis cho wiä no wifi extension oder so öpis...muesi denn nomol luege, hani geschter nur am Schluss no schnell versuecht, und irgendwie s Gfühl gha dass villicht ebä doch dra lieht dasses d Hardware nid erkennt. Aber ebä, nach allem wasi bis jetzt weiss chan das au alles möglichä bedütä lol
Xinobrax2
Hardcore Gamer
Hardcore Gamer
Beiträge: 5662
Registriert: 13 Mai 2013 14:41
Kontaktdaten:

Re: schlepptop: sägmer welä söli chaufä

Beitrag von Xinobrax2 »

ifconfig....

Aber so wie das tönt hets tatsächlich d Hardware nid erkennt bzw. d Triber nid glade. Als erschts würdi mal versueche d Updates z installiere (fallsd irgendwie via Kabel chasch verbinde) demit alles ufem neuste Stand isch. I dim Fall wär wahrschinlich vor allem s Update vom Kernel relevant...lueg ma, dasd mindestens uf 4.8.* chunsch...

Genau so Zügs seti eigentlich nid passiere...erscht recht nid bi Hardware wo scho siteme Wili ufem Markt isch :?
Für Lüt wie mich isch das zwar chli wienes Intro vomene Text-Adventure....aber für Neuling isches scho ziemlich nervig...
Benutzeravatar
Acid
Hardcore Gamer
Hardcore Gamer
Beiträge: 3571
Registriert: 28 Jul 2005 10:53
Kontaktdaten:

Re: schlepptop: sägmer welä söli chaufä

Beitrag von Acid »

Xinobrax2 hat geschrieben:ifconfig....

Aber so wie das tönt hets tatsächlich d Hardware nid erkennt bzw. d Triber nid glade. Als erschts würdi mal versueche d Updates z installiere (fallsd irgendwie via Kabel chasch verbinde) demit alles ufem neuste Stand isch. I dim Fall wär wahrschinlich vor allem s Update vom Kernel relevant...lueg ma, dasd mindestens uf 4.8.* chunsch...
genau, ifconfig...Ja mit Kabel verbindä wird no schwierig, will weder am Grät no am Modem Ethernet. Guet, han noimed andersch es Modem mit Ethernet, und denn müesti no en Adapter chaufä, zum das via USB chönä aschlüsse, was aber wahrschindlich au e rächt willkomni Glägäheit für Komplikationä wäri, diä laufed jo amigs au suscht nid immer glich guet...
Gäbs en Möglichkeit so öpis vomene Stick zladä?

Mol witer luege am Obig weni wieder dehei bin. Wiä gfind ich usä was für en Kernel ich han?
Xinobrax2 hat geschrieben:Genau so Zügs seti eigentlich nid passiere...erscht recht nid bi Hardware wo scho siteme Wili ufem Markt isch :?
Meinsch d Wifi Einheit sälber... will de Laptop isch nid scho es wili ufem Markt...nigelnagelneu, nonig mol de HP Shop chanen usliefere lol (isch de HP Spectre x360 15-bl090nz). Villicht liehts halt scho a dem.



Was ich gmacht han: Geschter uf de Linux Mint Sitä diä neuscht ISO für cinnamon-64bit abägladä, und das im Windows mit dem Universal USB Dingens Tool uf en Stick to und denn vom Stick installiert. Ich glaub während de Installation hedsmi no gfrögt öb ich will dasses Züg laded für Wifi, MP3 und no anderi sachä, und ich bin eigentlich sicher dasi das usgwählt han, bzw. dassi nid diä ander Option agwählt han, willi ebä dänkt han denn lauft villicht scho chli alles.
Xinobrax2
Hardcore Gamer
Hardcore Gamer
Beiträge: 5662
Registriert: 13 Mai 2013 14:41
Kontaktdaten:

Re: schlepptop: sägmer welä söli chaufä

Beitrag von Xinobrax2 »

D Kernel-Version chaschder mit "cat /proc/version" azeige la...oder im Mint glaubs au irgendwo bi dem Update Fenster Dingens (han scho länger keis Mint me verwendet)

Via USB Stick gächtis sicher au, allerdings hani das scho sit Jahre nüme gmacht...Linux oni Internet isch chli wienes Internet oni Linux :P
Benutzeravatar
Acid
Hardcore Gamer
Hardcore Gamer
Beiträge: 3571
Registriert: 28 Jul 2005 10:53
Kontaktdaten:

Re: schlepptop: sägmer welä söli chaufä

Beitrag von Acid »

Also s erschte wo chund isch gmeint nimi a... stohd bi mir "Linux Version 4.4.0-53-generic" Also han ich nur 4.4.

Ja isch no geil wennmer s Internet bruucht zum s Internet zum laufä bringä. Isch chli wiä früener womer no keis Handy gha hed, de Internet Aschluss Tod gsi isch, undmer d Hotline usägsuecht hed zum denn Feschzstelle dassmer mit totem Aschluss natürli au nid Telefoniere chan :typej:
Xinobrax2
Hardcore Gamer
Hardcore Gamer
Beiträge: 5662
Registriert: 13 Mai 2013 14:41
Kontaktdaten:

Re: schlepptop: sägmer welä söli chaufä

Beitrag von Xinobrax2 »

Apropos Handy...USB Tethering wär susch au no en Option...
Benutzeravatar
Acid
Hardcore Gamer
Hardcore Gamer
Beiträge: 3571
Registriert: 28 Jul 2005 10:53
Kontaktdaten:

Re: schlepptop: sägmer welä söli chaufä

Beitrag von Acid »

:shock:

:idea:

grad mol probiere
Benutzeravatar
Acid
Hardcore Gamer
Hardcore Gamer
Beiträge: 3571
Registriert: 28 Jul 2005 10:53
Kontaktdaten:

Re: schlepptop: sägmer welä söli chaufä

Beitrag von Acid »

Gueti Nachricht: Ich chan übers Telephon/USB is Interntz, han jetzt also Internetz im Linux über de Wäg. Und ich han au diä doppelt dpi Dingens Istellig gfundä.
Nid so guet: Ich han im Aktualisierungsverwaltungs Teil mol alles gladä, au uf de höchschte Stufä. Das hed no nüt gänderet am Wireless, und au nid wahnsinnig viel a miner Kernel Version. Bin also nid bi 4.8.

En anderi Gschicht woni no entdeckt han isch dsa mit de Triiber und em Secure Boot. Bi de Triberverwaltig sind zwei mit alternativä Triber gsi (d Grafikchartä und en Intel Chip, CPU öpis).
Entweder det oder bi de Updates isch wieder ufcho wägä Secure Boot, und dass das nid gängi mit drittabüter Triiber, und dass bim Boot en Code bruchä wird. Do hani mi wieder dra erinneret, dass das scho mol cho isch bir installation, aber irgendwiä isch bim erneutä Boot glaub niä en Code cho. Wiä au immer, ich han wieder bootet, es isch en blauä bildschirm cho, ich hans nid kapiert...im BIOS isch aber tatsächlich immerno Secure Boot igschaltä gsi, und ich han det uf Legacy gwächslet. Ich han jetzt au es NVIDIA Symbol i de Leischtä (NVIDIA X Server Settings) und ich han es Bluetooth wo beides vorher zimlich sicher au nonig det gsi isch (sit alles chli grösser isch gsehni zwar no viel woni vorher so nid gseh han vo dem her...)
Aber nix WLAN.


Edit: Ok, Audio funktioniert au nid. Chan zwar luter und liesliger schaltä, aber ghör nüt.
Edit: Das hanimer jetzt villicht dur eis vo de Updates kaput gmacht...bin eigentlich sicher dassi vorher de Startton ghört han. Bi de Audioistelligä hani numä en Dummy Output.
Xinobrax2
Hardcore Gamer
Hardcore Gamer
Beiträge: 5662
Registriert: 13 Mai 2013 14:41
Kontaktdaten:

Re: schlepptop: sägmer welä söli chaufä

Beitrag von Xinobrax2 »

:?

Ich würd susch mal anderi Distros teste...oni si z installiere...eifach mal d live Version teste und luege ob alles lauft...
Benutzeravatar
Acid
Hardcore Gamer
Hardcore Gamer
Beiträge: 3571
Registriert: 28 Jul 2005 10:53
Kontaktdaten:

Re: schlepptop: sägmer welä söli chaufä

Beitrag von Acid »

also, zersch solus welä probiere, aber det hanis leider irgendwiä nid gschafft de USB Stick richtig heräzbringä.
Denn Fedora, und siehe da, Audio wiä au WLan funktioniert. Nachdemi eimol Firefox göffnet han isch aber irgendwiä s Dock nümä uftaucht weni obä rächts uf aktivitäten klickt han...das hed wohl nüt mit de Hardware ztuä, aber isch reproduzierbar passiert.
Denn hani no Ubuntu teschtet, s glichä Problem wiä bim Mint (was jo glaub ufem Ubuntu basiert...denn isch das einigermassä logisch). Bi Audio au wieder nur dummy output.
Anderi Versione mitem Fedora Stick macher händ nid welä fehlerlos go, aber wonimer s Fedora Cinnamon seperat als ISO abägladä hani en Stick chönä machä w t Teschts überstandä hed, Audio funktioniert und WLAN au immer no.

Han jetzt das mol installiert, und wirds probiere chli z bruuche. Triiberverwaltig und Application verwaltig gits z.B. glaub nid wiä bim Mate. Würdmi no wunderneh öb mini Graka au funzt, bzw. wiä ich am eifachschtä en Triiber wür ladä wenn nid.
Xinobrax2
Hardcore Gamer
Hardcore Gamer
Beiträge: 5662
Registriert: 13 Mai 2013 14:41
Kontaktdaten:

Re: schlepptop: sägmer welä söli chaufä

Beitrag von Xinobrax2 »

OMG, du erlebsch grad s worst case Szenario :lol:

Fedora isch eini vo de erste Distros wo komplett uf Wayland umgstige isch (en Art Nachfolger vom X-Server). Nach und nach stiged jetzt au di andere um...bisch also me oder weniger ufem neuschte Stand. Nid di dümmscht Idee bi neuer Hardware...ich sets wohl au widermal teste :-D

Bezüglich Grafik Triber, ich verwende momentan de Open Source Triber und de lauft wunderbar. Vo Steam bis Dolphin Emu lauft eigentlich alles...



Edit: No was wegem Gnome Desktop falls de nomal testisch. S tolle a dem Desktop isch, dasmer en komplett chan modifiziere. D default Istellige sind leider ziemlich scheisse. Via Gnome Extensions chasch so ziemlich alles mache. Das Plugin isch für mich z.B. unverzichtbar: https://extensions.gnome.org/extension/ ... h-to-dock/" onclick="window.open(this.href);return false; Ich hasses wenn d Liste immer wider verschwindet...ebefalls unverzichtbar findi d Hot-Corners (gits au bi Cinnamon). Ich stell de Corner obe links immer so i, dasi e Übersicht vo allne Fenster krieg. Isch super praktisch :idea:
Dateianhänge
tmp.png
Benutzeravatar
Acid
Hardcore Gamer
Hardcore Gamer
Beiträge: 3571
Registriert: 28 Jul 2005 10:53
Kontaktdaten:

Re: schlepptop: sägmer welä söli chaufä

Beitrag von Acid »

wiä tüüfgehend sind diä einzelne Versione (gnome, cinnamon, etc.)? Isch das nur en Skin womer au chan uswächslä, oder isch dass denn doch no chli meh wo diä Sachä vonenand unterscheided?

S Gnome isch jo nöcher anere Darstellig wiäs im OSX wäri... Cinnamon isch wahrschindlich ehnder am Windows orientiert.

Wobi alli d Chnöpf vom Fänschter rächts obä händ.

Wasi au nonid z schlag chum sind d Tastatur Chürzel. Im OS isch alles mit cmd-irgendöpis. Und cmd isch bim Tuumä, so das eigenlich d Hand nid muesch gross bewegä. Isch aber wohl gwöhnigssach...fühlt sich aber rächt bescheuert a immer mitem chlinä Finger ganz in Eggä abä zum ctrl. zmüese.

Triiber hani kei ahnig...gfind bim Fedora nüt wo für das wäri, lauft wahrschindlich ufere andere Ebeni.
Xinobrax2
Hardcore Gamer
Hardcore Gamer
Beiträge: 5662
Registriert: 13 Mai 2013 14:41
Kontaktdaten:

Re: schlepptop: sägmer welä söli chaufä

Beitrag von Xinobrax2 »

Gnome und KDE sind am flexibelschte. Cinnamon isch eher für Afänger und drum ziemlich fix. Chasch halt eifach s Theme wechsle und no Plugins installiere. Bi Gnome und KDE chasch...uff...eigentlich alles :lol: Cinnamon isch aber sicher e gueti Option für de Afang...

Di meiste Shortcuts woni bruche sind via Super Key (Windows Taste)...z.B. zum Desktop wechsle und so...

Xinobrax2 hat geschrieben:Am Afang hesch s Gfühl, dass es paar wesentlichi Sache fehled, aber mit de Ziit findsch denn use, dass ebe doch alles irgendwie gat und irgendwenn laufts perfekt und gat au nüm kaputt. Mer mues sich mengisch chli Ziit ne und sich demit befasse, aber längerfristig isches di bescht Option.
Das betrifft halt so ziemlich alles inc. Desktop. Min Desktop wiicht ziemlich vo de Standards ab, isch aber perfekt für das wonen bruche :sabber:
Benutzeravatar
agestuffer
The(G)Forum Moderator
The(G)Forum Moderator
Beiträge: 18398
Registriert: 06 Mär 2002 07:13
Wohnort: Goldau und schuscht nüt
Kontaktdaten:

Re: schlepptop: sägmer welä söli chaufä

Beitrag von agestuffer »

Solang kei Schlepphödä hesch isch alles guet.......
Schönes WE - haha

agestuffer
Immer ein Besuch wert - die Auktionen von agestuffer:

https://www.ricardo.ch/de/shop/agestuffer/offers/
Benutzeravatar
Acid
Hardcore Gamer
Hardcore Gamer
Beiträge: 3571
Registriert: 28 Jul 2005 10:53
Kontaktdaten:

Re: schlepptop: sägmer welä söli chaufä

Beitrag von Acid »

Ich han meh gmeint öb chasch zwüsched denä wächslä...oder öb wenn gnome willsch ebä es neus System muesch instaliere.
S'Gnome hani zerscht scho wellä, aber isch halt nid gangä.

Also z.B also alles so Sachä wiä z.B. Fänschter/Tab züene, neuä Tab, zrugg, copy-paste, etc. all diä Sachä sind eigetnlich alli mit ctrl + irgendöpis. Sälbscht d Windows Taschtä isch aber no huere wiit links. D Öpfel (bzw. jetzt scho lang d cmd) Taschtä bim Apple isch det wo d alt Taschtä isch. Dass heist s einzigä wasmer a de Hanstellig mues ändere vo det wosi au zum schriibä lieht isch irgendeiä de Duumä 5mm wiiter inä.
Mit ctrl wird das zur Handgymnastik (oder ehnder verchrampfig oder mehr mues beidi Händ bruuchä...uf jedä Fall aber chanmer sie nid eifach so loh wiäs sowieso sind.).
Antworten

Wer ist online?

Mitglieder in diesem Forum: 0 Mitglieder und 12 Gäste