schlepptop: sägmer welä söli chaufä

In den Weiten der Galaxie: Technik!

Moderatoren: Master(G), Mr Burzel

Xinobrax2
Hardcore Gamer
Hardcore Gamer
Beiträge: 5662
Registriert: 13 Mai 2013 14:41
Kontaktdaten:

Re: schlepptop: sägmer welä söli chaufä

Beitrag von Xinobrax2 »

Neui Tabs machsch mit Ctrl + t....unter Linux nid nur im Webbroweser, sondern z.B. au im Filebrowser (Nemo bi Cinnamon).

Grundsätzlich chasch mehreri Desktops installiere und au parallel verwende. Es chan debi allerdings au zu Komplikatione cho, will di unterschidliche Desktops teilwis di gliche Paket verwended und die, wennt Pech hesch, unterschidlichi Versione vorussezed. Cinnamon basiert z.B. uf Gnome, drum isches nid sehr empfehlenswert die ufem gliche System z verwende. KDE hingege seti keis Problem si. Wennt mehreri druff hesch, chasch denn amigs direkt bim Login-Screen wähle wele dasd willsch verwende...
Benutzeravatar
Acid
Hardcore Gamer
Hardcore Gamer
Beiträge: 3571
Registriert: 28 Jul 2005 10:53
Kontaktdaten:

Re: schlepptop: sägmer welä söli chaufä

Beitrag von Acid »

jetzt hani usägfundä dasses nid mitem firefox zämähängt bim Fehler vom gnome, sondern mit em wlan. sobald i s Netzwerk uswähl chani activities nüm awählä :typej:
Benutzeravatar
Acid
Hardcore Gamer
Hardcore Gamer
Beiträge: 3571
Registriert: 28 Jul 2005 10:53
Kontaktdaten:

Re: schlepptop: sägmer welä söli chaufä

Beitrag von Acid »

Han also nomol mitem normalä Fedora mit Gnome agfangä. Wenni bim Ufstartä scho im Netz bin, isch de Bug au nüm uftaucht...und sither hani jetzt einiges umgstellt, mit erwiterete Istelligä, und mit derä Extension dass s'Dock nid immer verschwindet etc.
Mitlerwillä hanis au gschafft über de Terminal diä rpm free und non free izläsä, und Steam als erschts "Programm vo ussä" z'installiere. Mol en erschtä Erfolg, nach langem hi und her. Und ich glaub ich han zumindescht mol es erschts Prozent begriffäm wiä das wohl so lauft. Au glernt dassmer immer zerscht mol söt läsä etc. bi allem wasmer will machä. D Informationä a de Oberflächi sind nid würklich repräsentativ, und es fehled eim denn Schritt, oder mer ladet Züg abä wo für anderi Distros sind.

Und nach x mol probiere und mich frögä was falsch lauft, hani usägfundä wiä s zweit Programm vo ussä (de Brave Browser) z installiere, nähmlich indem mer d Terminal Befehl wo uf de Brave sitä ageh sind nid uf s Mol igid, sondern einä nach em andere (dnf install hani scho früä mol probiert nachdemi immer s Gfühl gha han es machi nid alli Schritt, aber bisses klick gmacht hed und ich dänkt han "villicht machts nur de allererscht, und ich mues au de zweit einzeln igeh" zu "ah wahrschindlich muesmer immer nur einzelni befehl igeh" und dass de immer fehlendie öffentlich Schlüssel mitem zweitä Befehl gladä wird isch jetzt scho chli gangä. Ich han dänkt chasch eifach copy paste machä, logisch. lol).

Ich glaub langsam chumi i e Richtig woni sogar ernschthaft cha probiere de Computer für öpis anders als s Betriebssystem z bruuchä :lol:

Merci zumindescht schomol für es paar pointers. Wird aber wohl no viel uf mich zuecho...

Gits e Möglichkeit diä offene Fänschter au is Dock z versorgä? Ich han im moment d Window List Extension no drin, unnä adockt. Funktioniert scho au.
ExFat formatierig vo Datäträger chönd alli Syschtem läsä, stimmt das?
Xinobrax2
Hardcore Gamer
Hardcore Gamer
Beiträge: 5662
Registriert: 13 Mai 2013 14:41
Kontaktdaten:

Re: schlepptop: sägmer welä söli chaufä

Beitrag von Xinobrax2 »

Für di offene Fenster verwendi wie gseit d "Hot-Corner". Möglicherwis sind die bi Fedora nid fix integriert. Hier es Plugin defür: https://extensions.gnome.org/extension/ ... -corn-dog/" onclick="window.open(this.href);return false;
Das isch öpis vom beschte sits Desktops git. Jedes Mal weni wider im Windows bin und nüt passiert weni mit de Muus in obere linke Egge gane regi mi drüber uf :x

FAT32 chönd alli lese, allerdings hesch det e maximali Dateigrössi vo 4GB weni mi recht erinnere. NTFS set aber au vo allne chöne glese werde...


Das da isch ev. au na hilfriich:

Quelle

Bruchsch aber nur wennt öfters mal im Terminal bisch ;)
Xinobrax2
Hardcore Gamer
Hardcore Gamer
Beiträge: 5662
Registriert: 13 Mai 2013 14:41
Kontaktdaten:

Re: schlepptop: sägmer welä söli chaufä

Beitrag von Xinobrax2 »

Btw, vilicht findsch d Hot Corner au i de Settings und vilicht gits au no es bessers Plugin defür...
Xinobrax2
Hardcore Gamer
Hardcore Gamer
Beiträge: 5662
Registriert: 13 Mai 2013 14:41
Kontaktdaten:

Re: schlepptop: sägmer welä söli chaufä

Beitrag von Xinobrax2 »

Au na praktisch, aber ufem Laptop ev. nid sehr hilfrich wennt kei externi Muus hesch: wennt mit de mittlere Muustaste uf es Icon klicksch machsch es neus Fenster uf. Wennt mit de Muus über d Icon-Liste gasch und mitem Muusrad scrollsch wechslisch zwüschet de Desktops.
Benutzeravatar
Acid
Hardcore Gamer
Hardcore Gamer
Beiträge: 3571
Registriert: 28 Jul 2005 10:53
Kontaktdaten:

Re: schlepptop: sägmer welä söli chaufä

Beitrag von Acid »

Also das mit de Hot Corner funktioniert scho au mit fedora. Vorher mitem cinnamon hani alli vier gha, und au i de Istelligä chönä konfiguriere. Jetzt bim Gnome hani de links obä mit de Fenschterübersicht und han nonig gfundä wiäni die andere Eggä und die entsprechende Funktionä chönt konfiguriere.

De Überblick isch uf jedä fall schono praktisch, allerdings hani de bi osx nur am Afang amigs probiert z bruchä, und bin denn wieder devo abcho, und eigentlich nur bruucht wenni würklich de Überblick verlorä han. Irgendwiä bini ni richtig Warm wordä demit, und de Wäg mit de Muus eifach direkt s richtige Fenschter azklickä ohni das zerscht hervorrüefe z müese ischmer irgendwiä immer schnäller und intuitiver vorcho. Aber mol luege, verändert sich villicht jo au no, um ehrlich zsi chunds nälich scho au immer wieder vor dassi s richtig Fänschter nid immer so schnäll find oder mol es falschs öffne, und suscht bllibt eifach mol d Window List bis uf witeres.
D Frog isch ebä cho, will im OSX s'Dock jo quasi näb de Programm womer will drin ha, au diä minimierte Fänschter ufnimmt. Plus no Ordner/etc. womer will direkt zuegriff druf ha. Villicht hed jo öper so öpis do au gmacht.

Diä verlinkt extension schiint nüt z bewürkä bi mir. Zumindescht gfindis nid falls doch. Suechi denn villicht mol chli drüber, aber ebä, do ich au anderi Eggä und Funktionä bim osx sältä bruchä ischs nid mini erscht Priorität.

Das mitem scrolle im Dock hani scho gseh, das isch cool, aber das mit de mittlere Muustaschtä hani nonig gwüsst, han nämlich scho au eini uf mim extrem breite Touchpad, woni bis jetzt meh oder weniger us versehe druf cho bin. Wenns für so Sachä praktisch isch, ischs villicht no Klug diä bizbhaltä (eigentlich ebbä welä usä neh...). Und wird sicherlich au no en Externi Muus ha in Zuekunft.

Ja FAT32 isch ebä leider das mit denä 4GB...und ich glaub au d Feschtplattä sälber dörfed überhaut nid gross sii. Muesi mol luege wiemer ufem osx aständig chönti ntfs schriibä.

Mercie für s Video...mol dri gügslä. Also so wieni das bis jetzt gsehn, bliibt eim gar nid so richtig viel übrig als zimlich oft im Terminal zsi lol
Xinobrax2
Hardcore Gamer
Hardcore Gamer
Beiträge: 5662
Registriert: 13 Mai 2013 14:41
Kontaktdaten:

Re: schlepptop: sägmer welä söli chaufä

Beitrag von Xinobrax2 »

Ah, wennt de Hot Corner obe links hesch isch ja guet...anderi bruchi au nid, seb isch imo de Einzig wo Sinn macht. Via Super Taste chunsch susch au na id Übersicht. Für alles andere gits sicher au no Extensions...es git jenschtes. Ich han bi mir z.B. no en Ping Indikator druff...dank dem gseni obe rechts immer min Ping und merk sofort wenn was mit de Verbindig nid in Ordnig isch...Topicons Plus hani au no, demit die Icons wo susch amigs links unde sind obe rechts i de Liste sind. Es lohnt sich au, sich a mehreri Desktops z gwöhne und denn halt ebe hin und her z scrolle. Uf eim hani amigs de Browser, uf eim de Code-Editor, eine für de Server und na eine für n IRC Chat. Es isch ungwohnt wemer vomene andere OS her chunt, aber s isch halt scho ziemlich praktisch.

Eigentlich wärs ja scho de Sinn vo manche Distros, dasmer s Terminal nid brucht...aber Fedora ghört glaubs nid dezue :P Aber egal, es mag Neuling abschrecke, aber es het sich useme guete Grund bis zum hütige Tag bewährt.

S Theme woni drin han heisst übrigens EvoPop...findi s bescht. Kei Ahnig obd das bi Fedora scho debi hesch...
Benutzeravatar
Acid
Hardcore Gamer
Hardcore Gamer
Beiträge: 3571
Registriert: 28 Jul 2005 10:53
Kontaktdaten:

Re: schlepptop: sägmer welä söli chaufä

Beitrag von Acid »

Xinobrax2 hat geschrieben:Via Super Taste chunsch susch au na id Übersicht.
Das isch Super. Mit dem chöntimi wohl tatsächlich dra gwöhnä d Fänschter mit de Übersicht wieder zholä. Isch au en Grund wieso ich d Hot Corner im OSX nid würklich bruucht han: d Taschtatur isch bi so Sachä amig dütlich schnäller für mich.
Xinobrax2 hat geschrieben:Es isch ungwohnt wemer vomene andere OS her chunt, aber s isch halt scho ziemlich praktisch.
Wennmer vom OSX chund isches ehnder "wie gewohnt" :) Gits det wiä d Eggä au scho sit langer Zit. Was mer allerdings nid chan isch ufem Dock Scrollä zum wächslä. Defür chamer dur Geschte uf diä nögscht hüpfä.
Xinobrax2 hat geschrieben:Eigentlich wärs ja scho de Sinn vo manche Distros, dasmer s Terminal nid brucht...aber Fedora ghört glaubs nid dezue :P Aber egal, es mag Neuling abschrecke, aber es het sich useme guete Grund bis zum hütige Tag bewährt.
Bis jetzt hani de Terminal nur amigs bruucht weni System Sitig irgendöpis han wellä Umstellä, Aktiviere oder so, wo über d Benutzeroberflächi nid zuegänglich gsi isch. Macht aber eigentlich nur Sinn dass eim au chli nöcher gleit wird so es mächtigs Tool nid eifach unatastet z loh, und sich chli dra z gwöhnä mit Terminal Befehl zu dem zcho womer will. Z sach isch halt eifach chli dass Lüt wo no nid so demit vertraut sind de Beschriebigä vo de jewiligä Software Abüter echli usgliferet sind. Und so wird halt de Wäg bismer es Syschtem überhaupt mol chan afangä usprobiere und richtig z bruchä doch rächt viel steiniger und länger was halt scho chli Frustrationstoleranz brucht. Im Moment willi z.B. de VLC installiere...diä händ sogar schöni Beschrieb und de Code, bis hi zur Distro und de Versionä, aber ich giben i, es chömed Fehler, und ich wird jetzt wahrschindlich wieder unmängene a Zit müese investiere, dass ich irgendwenn mol de VLC installiert han. Eifach abäladä, in Programm Ordner schiebe und denn startä isch scho chli simpler.

der bi anderne ladisch eifach Paket abä...ja und denn? Kei Ahnig, also isch s vorerscht mol nid z bruuchä, bismer usägfundä hed wasmer mit dem söll machä dassmer am Schluss en App hed.
Xinobrax2 hat geschrieben:S Theme woni drin han heisst übrigens EvoPop...findi s bescht. Kei Ahnig obd das bi Fedora scho debi hesch...
Das hani irgendwiä niened gfundä. Zumindescht nur eis wo nid funktioniert hed. Es anders hani jetzt aber mol chönä installiere.




Edith seit: exFAT chani jetzt au läsä...
Benutzeravatar
Acid
Hardcore Gamer
Hardcore Gamer
Beiträge: 3571
Registriert: 28 Jul 2005 10:53
Kontaktdaten:

Re: schlepptop: sägmer welä söli chaufä

Beitrag von Acid »

so... zimlich gnau 2 wuchä hani bruucht bis zum "no boot device found" und emene unbruchbarä Computer :panik:

:typej:


Geschtern nachdemmi immer meh igrichtet gha han wahrschindlich dur es update oder e triiber (graka) s fedora gschrottet. und wo det a ischs downhill gangä :lol:

natürlich au keis USB Stick debie gsi bim Compi für so Fäll...
Benutzeravatar
Acid
Hardcore Gamer
Hardcore Gamer
Beiträge: 3571
Registriert: 28 Jul 2005 10:53
Kontaktdaten:

Re: schlepptop: sägmer welä söli chaufä

Beitrag von Acid »

lol @ HP.

Han de Support kontaktiert gha, isch jetzt jo scho über en Monet her, diä händ gfundä ich sölis ischickä. Hani dänkt isch also au no en Ufwand zum es Grät neu ufzsetzä, aber easy, denn halt, schickis gschwind i, hani sicher wider inere Wuchä oder so, und solangsmi nüt choschtet...

Han jetzt langsam dänkt mües mol nochäfrögä was lauft, hüt lütetmer aber ein a (immerhin händs au gmerkt dasses scho chli lang duuret) und meint es fehlendi Ersatzteil, und er chöng leider nid sägä wiä lang dasses no duured...guet, was für Ersatzteil au immer, hani gfundä ok was willsch machä.
Denn hani realisiert dass ich jo grad zmitzt im Zügle bin, und diä das wahrschindlich nid werded per Poscht zrugschickä (wo das denn wür a diä neu Adressä witerleitä), also Adresse ändere über diä langwiiligä Supportwäg, wo so en Fall drin gar nid vorchund...sii schriibed eim zwar mails, aber nid mol i laufende Prozess hedmer irgendwiä d Möglichkeit diräkt churz öpis mitzteilä.

De Computer hedmi i derä churzä Zit wonen gha han nid so schlächt dunkt, aber weiss also nid öb HP de way to go isch...zum Glück hani no anderi Computer.
Benutzeravatar
Acid
Hardcore Gamer
Hardcore Gamer
Beiträge: 3571
Registriert: 28 Jul 2005 10:53
Kontaktdaten:

Re: schlepptop: sägmer welä söli chaufä

Beitrag von Acid »

tsischtig vorere Wuchä: mail, ich müesi en Kopie vomene Chaufbeleg schickä...ich sofort PDF zrugggmailt...meinsch sinds würklich so wit, cha das würklich sii, wändsmi verarschä?

Am Fritig vorere Wuchä, es Mail, ich sölli alütä (emene bestimmtä Typ, ha trotzdem dur diä beschissnig Hotline Scheisse müese zum nach im z verlangä). Fritig z spot gsi, Wuchanend natürlich au nid off, und am Mentig au zuä gha wiä irgendwelchi Kommunischtä, also hanen am Tsischtig erreicht. Ja er heigi erfahrä dass mis Teil no immer nid gmacht sigi, un er büti mir a dassmer en neuä schicked -hani natürlich sofort gseit ja gern - guet denn schickedsmer einä, sötti denn öpä passiert sie bis i 14 Tag - wtf 14 Tag...han au scho Päckli verschickt, A Poscht isch am nögschtä Tag det...wth... aber nüt gseit, will lieber i 14 Tag als gar niä - er müesmer no en Brief schickä wo ich schriflich beschtätigä dass min altä Computer in Bsitz vo HP übergäng, aber ich chöng natürlich au uf min eigene Computer wartä wenn mir das lieber sig - was ächt wieso ächt schick Brief, unterschrieb alles wenni ändlich wider en Laptop chan ha bin scho paar mol nöch devor gsi nomol Gäld i d Hand zneh und nomol ein z chaufä - Ja er machi das no "Hüt".

Bis jetzt hani no nüt zum unterschriebä im Briefchaschtä gha.

Nimmtmi wunder öbmers unter emene Quartal schaffed. Sind nur no 14 Tag bises drü Monet her isch siten gschickt han.
Benutzeravatar
Acid
Hardcore Gamer
Hardcore Gamer
Beiträge: 3571
Registriert: 28 Jul 2005 10:53
Kontaktdaten:

Re: schlepptop: sägmer welä söli chaufä

Beitrag von Acid »

Acid hat geschrieben: Nimmtmi wunder öbmers unter emene Quartal schaffed. Sind nur no 14 Tag bises drü Monet her isch siten gschickt han.
Tatsächilch no bis uf 1 Tag innerhalt vomene Quartal isch letscht Fritig de neui cho (guet, er wär scho 2 Tag früener umä gsi, hätti einä vo minä mehrfachä Versüech e Adressänderig mitzteilä tatsächlcih zu öpis gfüehrt...zum Glück hed mini ehemalig Vermieterin ar Tür de DPD Zättel gseh, und mer es Photi devo gschickt).


Ok, here we go again :)
Benutzeravatar
Acid
Hardcore Gamer
Hardcore Gamer
Beiträge: 3571
Registriert: 28 Jul 2005 10:53
Kontaktdaten:

Re: schlepptop: sägmer welä söli chaufä

Beitrag von Acid »

Frage bezüglich Browser:

Im Moment hani jetzt grad Antegros und Fedora installiert. Ufem Antegros hani nid usägfundä wiä ich Brave istalliere, und au bi vilnä andere Program gits amigs nur DEB und RPM Paket, drum hani dänkt probieris glich nomol mit fedora.

Jetzt isches so, dass im Linux grundsätzlich d'Browser "Chopf" ei Zeilä höcher isch (diä wo de Titel azeigt wird, und minimiere, maximiere, schlüssä). Bim Brave isch diä bi andere OS automatisch weg, bim Firefox chamersi wegmachä. Isch diä bi Linux systembedingt zwingend vorhandä, oder schnall ichs nid?

Au suscht gfindi bim Brave fascht kei Apassigsmöglichkeitä, chamer det grdundsätzlich nid so viel machä? Bim Firefox hani normalerwiis numä 2 Zilä, eini mit de offene tabs und zwei drü buttons, und denn alles andere ufere zweitä, inkl. Lesezeichenleiste.
Xinobrax2
Hardcore Gamer
Hardcore Gamer
Beiträge: 5662
Registriert: 13 Mai 2013 14:41
Kontaktdaten:

Re: schlepptop: sägmer welä söli chaufä

Beitrag von Xinobrax2 »

Ich bruche de Brave bi mir nur für es paar bestimmti Sache. Bitcoin trading, PayPal usw.. halt Zügs woni strikt vo allne anderne Sache will trenne. Für alles andere bruchi de Chromium (bzw. Chrome). Bim Browser "Chopf" weissi grad nid wasd meinsch :P

Antergos isch Arch, oder? Also grundsätzlich setis möglich si so ziemlich alles via yaourt z installiere. Das isch eine vo de gröschte Vorteil bim Arch...e gigantischi Community und Zuegriff uf fascht jedi Software ufem neuschte Stand.
Benutzeravatar
Acid
Hardcore Gamer
Hardcore Gamer
Beiträge: 3571
Registriert: 28 Jul 2005 10:53
Kontaktdaten:

Re: schlepptop: sägmer welä söli chaufä

Beitrag von Acid »

Ich mein eifach das was nid Website isch. Also lesezeichen leiste (wobi ich diä bim Firefox ebä usbländet han, wil ich d Läsezeichä han chönä ufäschiebe näbed s Fäld womer d Adrässä igid), drüber Adrässä Plugins, drüber d'Menüleiste wemer will (natürlich au usbländet), und denn heds ebä nomol en Zeile, i de Miti de Titel vo de Sitä womer grad druf isch (jetzt z.B. grad "The(G)Forum - Abtrugg etc. etc.") und ganz rechts natürlich d Symbole für s Fenschter z minimiere, maximiere, schlüssä.

Ufem macOS und em Windows han ich diä oberschti (also diä mit "The(G)Forum - Abtrugg etc. etc.") chönä usbländä (bzw. so wit reduziere dasses nur no en chlinä streifä isch, will diä Fänschter Symbol halt noch no noimed münd si), bim Brave ischsi bi de andere OS' gar nid erscht vorhandä wenns mer rächt isch (bi Chrome glaub jo au nid...das hani im Linux nonig installiert). Das spart de relativ unnötig bruuchti Bildschirmplatz, und isch drum no rächt gäbig. Hed das villicht mitem Gnome ztuä, dass de so dominant vorhandä isch, und müssti det zerscht öpis ändere? Glaub mues mol i diä richtig forschä.

Was am Firefox no cool isch, isch d sync Option für Lesezeichä und Plugins. Grad jetzt weni am mehreri Betriebsyschtem am usprobiere bin halt scho rächt praktisch.

De Chrome han ich amigs nur für Sachä bruucht, wo no nid ohni Flash gönd. Für s glichä han ich au de Brave Browser jetzt welä bruchä (funktioniert allerdings nonig so vo huus us, müsst no öpis installiere und d Istellig vorneh). Wiä handhabsch du das mitem flash im Linux?



Ah, ja, vertippt, Antergos heissts, isch Arch soviel ich weiss. Han zerscht welä Arch puur installiere, bin aber bi derä Alleitig woni verfolgt han scho dra gschitteret dassi nid frisch will e Harddisk irichtä, sondern dual bootä mitem Windows. Hani das Unternehmä mol uf spöter verschobä, und en Abchürzig gno.
Denn muess ich mich mol über das yaourt kundig machä. Bi de Software hersteller selber (z.B. Fusion vo Black Magic oder Lightworks heds halt amigs nur diä DEB und RPM gschichtä).
Xinobrax2
Hardcore Gamer
Hardcore Gamer
Beiträge: 5662
Registriert: 13 Mai 2013 14:41
Kontaktdaten:

Re: schlepptop: sägmer welä söli chaufä

Beitrag von Xinobrax2 »

Ah...kei Ahnig obd die chasch usblende, aber das lit wohl am GTK+ (S GUI Toolkit wo unter anderem au vom Gnome verwendet wird). KDE als Verglich verwendet z.B. Qt...

Für Flash bruchi Chromium/Chrome...wobi, standardmässig hanis eh deaktiviert. Di meiste Site unterstüzed mittlerwile sowieso HTML5 Medie und suschtigi Alternative zu Flash...isch eh besser und sicherer...
Benutzeravatar
Acid
Hardcore Gamer
Hardcore Gamer
Beiträge: 3571
Registriert: 28 Jul 2005 10:53
Kontaktdaten:

Re: schlepptop: sägmer welä söli chaufä

Beitrag von Acid »

Ja so Livestream Züg halt, suscht bruuch ichs eigentlich au nid.
Benutzeravatar
Acid
Hardcore Gamer
Hardcore Gamer
Beiträge: 3571
Registriert: 28 Jul 2005 10:53
Kontaktdaten:

Re: schlepptop: sägmer welä söli chaufä

Beitrag von Acid »

Also nach einiger Ziit gebruch mues i Sägä isch d Erfahrig mit Linux sehr Durchwachsä.

Es gid e huufä sehr gueti Pünkt, und vieles womer guet gfallt. Und für so diä üblichä paar Sachä lauft i aller regel au s meischt ganz guet. Für chli spezialisiertes Züg ischs schwieriger, do bini aber au nonig gnueg wiit cho zums würklich z beurteilä. Und so vo de Standard Sachä vom OS und de Standard Programm, bini bis uf es paar Details im Dateibrowser (Spaltäasicht und Vorschau), und em verlangä nacheme guete, simple Medie Player, findi eigentlich s meischt glich guet oder besser...Browser und so isch jo eigentlich e s glichä.

D Schattä Sitä isch aber ebäfalls rächt gross. Vieles lauft, vieles aber au nur so halbä, und vieles au gar nid. Und vieles lauft im eintä Moment, im nögschtä aber wieder nüm. Z.B. USB Laufwerk...eimol erkäntses, eimol nid. wlan, chan immer d Verbindig herstellä, denn plötzlich nüm (obwohlses erkännt und nachem Passwort frögt und alles). Denn gots plötzlich wider. Oder ich schaffs zums ufem Fedora zum laufä z bringä, nid aber ufem Arch oder umgekehrt.
Und wasmer sich halt suscht so gwöhnt isch, suechmaschinä -> Problemstellig -> Antwortä nachere Lösig abklappere wo funktioniert, isch nur sehr begrenzt en gangbarä Wäg, wemmer nid scho sehr Tüf drin steckt i de Materiä. D Sproch wo greded wird und d Begriff wo brucht werded isch für öper vo somene nidrigä Kenntnis Stand wiä mim oft scho zviel zum kapiere öb überhaupt vo dem Problem d Red isch wo ich han. Und wenns das isch, denn sind d Awisigä so gfasst, dassi kei Ahnig han was z machä isch (und no weniger was z machä isch wenn ich das gmacht han aber nüt passiert...).

Also isch de momentani Stand dassi de Linux Laptop für vieles bruch und au oft freud dra han, aber genau so oft Stundä oder Tage verschwänd für irgendwelches chlises Züg, und sehr oft au ohni das s Problem nochher behobä isch. Und dassi wewnni en funktionierende Computer bruch, mit dem ich würklich produktiv öpis chan erledigä ich fascht immer an Mac hock. Nid us bequemlichkeit, oder will ich de halt gwöhnt bin, sondern willi det chan machä was mues erledigt werde, undi ufem Linux zerscht müest es Johr lang Informatik studiere.

Aber schaumer mal weiter...
Xinobrax2
Hardcore Gamer
Hardcore Gamer
Beiträge: 5662
Registriert: 13 Mai 2013 14:41
Kontaktdaten:

Re: schlepptop: sägmer welä söli chaufä

Beitrag von Xinobrax2 »

Tönt realistisch :)

Di erschte 2 - 3 Jahr isch Linux zum Teil scho nochli wienes Text-Adventure....aber mit de Ziit leit sich das ;)
Antworten

Wer ist online?

Mitglieder in diesem Forum: 0 Mitglieder und 14 Gäste