The(G)Forum

Säg mal? Wellä?

Ich will wüsse, welles de schnellscht und allgmein bescht Gaming router für WiFi isch...

"Best" isch chli relativ i dem Bereich. Besser gat immer. Aber wennt overkill magsch, hier:



Bzw. Asus ganz allgemein. Au di billigere Modell sind wunderbar.

Overkill isch super...

ich bin immer fan vo kabel gsi. aber ich glaub mittlerwiile isch WiFi schnell gnueg fürs online gaming und mit mim setup im game-room wär wifi idealer...

Je nach dem wievil Wänd no dezwüschet ligged und weles Sigal (n/g/ac) dasd verwendisch. Ev. wärs na sinnvoll Repeater izsetze wennt es ganzes Huus perfekt willsch abdecke. Abeme gwüsse Punkt würd aber selbst ich mir mal es paar Gedanke weg de Strahlig mache

i mim huus isch de router echt zentral, im EG ide mitti ungefähr... er muess es in 1. OG und in Chäller (game-room) abe schaffe... und da konsole quasi grad unterhalb vom router sind, also ein stock tüfer, bruchi wohl kei repeater...

strahlig isch problem? würkli etz?

Kein Plan ehrlich gseit. S Problem bi so Zügs isch immer dasd Studie für beidi Positione findsch. Letschti isch mal wider e Story durch s Netz geisteret, wonach Kresse Pflanze bimene simple Versuechsufbau nebet em Router kaputt gange sind während anderi us de gliche Zucht prächtig gwachse sind. Die konkret Story het allerdings kein wüsseschaftliche Hintergrund. Bi mir wärs eher e grundsäzlichi Überleggig weni de stärkscht Router würd is Huus stele und de no mit mehrere Repeater würd verstärke Glichzitig isches natürlich au chli bescheuert sich drüber Gedanke z mache wemer bedenkt, wievil Signal us allne mögliche Frequenze so oder so rund um d Uhr durch de Ruum schwirred.


Edit: http://www.n24.de/n24/Wissen/Mensch-Nat ... krank.html" onclick="window.open(this.href);return false;

Eigentlich weissmer spötischtens sit de Urzeit-Code Versüech vo de Ciba-Geigy, dass Elektromagnetismus en enorme Ifluss uf s Erbmaterial het...aber wenn wo wie und ab welere Dosis chan oder will niemert genau sege...

Geils Stachelding de Router.

D'Access Points vo Ubiquiti. Alles andere isch Chindergarte: https://www.ubnt.com/products/#unifi" onclick="window.open(this.href);return false;

Ersetzt halt kein Router, aber es isch eh sinnvoller, die einzelne Ufgabe uf dedizierti Grät ufzteile, wo zwar nume öppis mached, das aber defür perfekt. All-in-one-Consumer-Segmänt-Krempel: Le farque (siehe au: https://www.youtube.com/watch?v=Zw0TKDuv_g4" onclick="window.open(this.href);return false; ).

Ganz neu gitt's vo dene jetzt au en Mesh-Router, wo sich explizit(er) a s'Consumer-Segment richtet: https://www.amplifi.com" onclick="window.open(this.href);return false; Weiss aber nöd, öb das öppis taugt

oh cool, und die gsehnd sogar geil us!

hmm... muess mich mal dureläse! danke!

Bhaltisch de alt Router (sofern de als Router/Switch an sich no verhebet) und hänksch en UniFi Access Point Pro dra, wo'd am beschte im Parterre a de Decki montiersch. Sött dänn eigentlich problemlos ein Stock ufe und abe lange. Natürlich vo det nöd mit voller Bandbreiti, aber sogar für 4K Streaming brucht me ja nume öppe 25Mb/sec. Die Höchstwert im Gigabit-Bereich, wo im Marketingmaterial vo dene AC-Router beworbe wärded, sind drum eh völlig wertlos und praxisfremd. Viel wichtiger isch, dass d'Verbindig an sich stabil isch, sprich: kei Ussetzer und keis Schwanke zwüsched 5, 50 und 500Mbit/sec.

De nörchschti logischi Schritt wär dänn irgendwänn mal de alti Router dur en Ubiquiti Edgerouter Lite z'ersetze und dänn häsch Business-Level Hardware zu eme Bruchteil vom Priis. Allerdings: D'Konfiguration vo eme Edgerouter brucht echli Knowhow. Die Dinger chönd zwar praktisch alles, sind superstabil und routed debi au problemlos 1Gbit/sec zwüschet WAN und LAN, aber d'Konfiguration isch je nach Awändigsgebiet nöd ganz liecht.

D'UniFi-Access Points sind hingäge relativ eifach z'konfiguriere: WLAN irichte und am AP säge, dass er sini IP vom Router via DHCP holt und das Ding lauft.

Gurgelhals hat geschrieben:D'Access Points vo Ubiquiti. Alles andere isch Chindergarte: https://www.ubnt.com/products/#unifi" onclick="window.open(this.href);return false;

Ersetzt halt kein Router, aber es isch eh sinnvoller, die einzelne Ufgabe uf dedizierti Grät ufzteile, wo zwar nume öppis mached, das aber defür perfekt. All-in-one-Consumer-Segmänt-Krempel: Le farque (siehe au: https://www.youtube.com/watch?v=Zw0TKDuv_g4" onclick="window.open(this.href);return false; ).

Super Grät für en Super Priis

Wifi Gaming
han au en "guete" Asus Router und de Underschied zu wired isch ned ganz wenig..merke wirsches i jedem Shooter wie BF und Co.

TypeJ hat geschrieben:Wifi Gaming
han au en "guete" Asus Router und de Underschied zu wired isch ned ganz wenig..merke wirsches i jedem Shooter wie BF und Co.

WLAN isch guet für Bequemlichkeit. 349857398475 Grät chöne verbinde ohni es Kabel müesse z'zieh und so Sache. Sobald hingäge Latenz und/oder de effektivi Datedurchsatz die entscheidende Faktore sind, chunsch am Kabel eigentlich nöd verbi. De ganzi Asus-Marketing-Bullshit, wo so öppis wie das hässliche Spinneroboter-Ding als Profi-Gam0rz-Teil verchauft, isch genau das: Marketing-Bullshit. Und für so en Blödsinn dänn au no meh als 400.- z'verlange, isch eifach nume no fräch

äbe doch!

guet kabel hani ja eis abezoge... mini konsole sind gägewärtig all verkablet und ame switch.

ha eifach dänkt 2016 sig das mit wifi vielleicht no easy... aber demfall wohl eher ned

mini wohnig isch "ab werk" verkablet.
vom modem/router im kabelchaschte istecke, im andere zimmer e switch ane u fertig. alles kabelbasiert bis uf mini mobile devices...

Master(G) hat geschrieben:äbe doch!

guet kabel hani ja eis abezoge... mini konsole sind gägewärtig all verkablet und ame switch.

ha eifach dänkt 2016 sig das mit wifi vielleicht no easy... aber demfall wohl eher ned

WiFi gitt dir gägenüber Ethernet im Schnitt pauschal es paar Millisekunde Latenz druf (grad husch uf mim Mac mini en Test gmacht: google.ch pinge hani via Ethernet konstant 1.3ms, via WLAN 4.5ms(*)). Wie viel isch abhängig vo de Verbindigsqualität (wie wiit vom Router wägbisch, usw.).

Für Online-Gaming viel wichtiger sind aber die sporadische Ussetzer gäge ufe. Ethernet bliibt da konstant, während's bim WLAN vorchunnt, dass plötzlich für e Sekunde oder zwei mal e Latenz vo 100ms statt 10ms häsch. Grad namal churz en Test gmacht und direkt mit Router pingt. Via Ethernet: Im Schnitt 0.57ms, minimal 0.47ms und maximal 0.7ms; Standardabwiichig: 0.07ms. Via WLAN: Im Schnitt 4.8ms, minimal 0.9ms und maximal aber 69.5ms mit ere Standardabwiichig vo 9.6ms. Churz und guet: In ere Situation wo über en längere Ziitruum jedi Millisekunde zellt, isch Kabel König.

(*) Shit, isch min Internetprovider super

WiFi blibt WiFi. Eigentlich funktionierts nur iwandfrei wennt so nöch bisch dasd grad so guet es Kabel chäntsch verwende. Ich hans eigentlich nur für d Smartphones und Tablets. Min Rechner het nid mal WiFi...kriegter au nie...

Btw, das Spinneding vo Asus verhebet scho, nur chasch für de Priis grad so guet s ganze Huus verkable. Bi mine Eltere hani ez au es Asus Grät miteme OpenWRT im Isaz. Das isch für mich s erste Grät gsi, wo durchgehend oni Unterbrüch funktioniert het. Biz trurig im Jahr 2016...