Seite 1 von 3

Noiji Emulatore

Verfasst: 12 Sep 2016 09:15
von Xinobrax2
Dass de Dolphin 5 sit einige Wuche dusse isch und so ziemlich jedes Cube und Wii Spiel fehlerfrei chan abspile isch glaubs mittlerwile bekannt. Vili Spiel gsend erstundlich guet us in 4K...mal abgseh vo de Navigation und HUD Texture natürlich...


Quelle


...aber hender au scho de CEMU (Wii U Emulator) tested? Ich han grad Super Mario 3D World in 4K gspilt und es lauft mit 60 FPS :sabber: Mario Kart 8 lauft au wunderbar. Vili Spiel hend no grafischi Glitches (Yoshi’s Woolly World z.B.), aber das Teil entwickled sich erstunlich schnell. Ich mein...de emuliert e aktuelli Konsole uf jedem halbwegs vernünfitge Gamer-PC. Ich chan ez s neuschte Mario mitem Gamecube Controller spile...was willmer me? :-D


Quelle


Ebefalls sehr interessant isch de Xenia, en XBox 360 Emulator. S lauft zwar no lang nid alles, aber si sind ufeme guete Weg.


Quelle


Au d PS3 chamer ez emuliere mitem RPCS3. De Emu het ebefalls enormi Entwickligssprüng gmacht. Zwar laufed au da no lang nid alli Spiel, aber wemer bedenkt dases bis vor churzem no gheisse het dases praktisch unmöglich seg die Konsole uf aktuelle Rechner z emuliere denn isch das alles scho ziemlich beachtlich.


Quelle


Ich han enorm froid a so Zügs. PC Master Race :adolf:

Re: Noiji Emulatore

Verfasst: 12 Sep 2016 11:07
von Master(G)
ich hätt gärn en naomi emulator für pc wo perfekt lauft.... kännsch eine??

das zeugs wo ich usprobiert han lauft ned suuber irgendwie... oder ich mach was falsch :lol:

Re: Noiji Emulatore

Verfasst: 12 Sep 2016 11:23
von Xinobrax2
Uff...ich glaube de DEMUL chan das...ich bin da allerdings nid grad ufem neuste Stand...

:arrow: http://demul.emulation64.com/" onclick="window.open(this.href);return false;

Re: Noiji Emulatore

Verfasst: 12 Sep 2016 13:36
von damian
ich het gern mal en computer wo perfekt lauft

Re: Noiji Emulatore

Verfasst: 12 Sep 2016 14:48
von Tatsujin
ich au :(

Re: Noiji Emulatore

Verfasst: 12 Sep 2016 14:54
von Xinobrax2
Fair, ich han vorig au windermal s Windows booted wegem CEMU und es nervt scho enorm. Ich han d Triber vo de GraKa wele aktualisiere...aber das het nid funktioniert, will das AMD Dingens nur funktioniert wemer vorher es Windows Update macht. S Windows Update funktioniert aber us irgend emene Grund nid. Geeeeeez :x

Bi ez wider im arch und alles lauft wunderbar. Tested doch mal es Ubuntu Gnome oder es Linux Mint Cinnamon :P

Re: Noiji Emulatore

Verfasst: 12 Sep 2016 16:34
von Gurgelhals
Geil. Emus sind ebe scho sipr. Nach es paar Jahr die handvoll Spieli nahhole, wo me verpasst hätt, will me für e handvoll Spieli halt nöd grad hätt welle e Konsole chaufe, und das au no in besserer Qualität = Bescht!

Vor es paar Mönet han ich de Twilight Princess uf 1440p namal duregspielt. Cube-Version ohni Fuchtelstüürig und wie sich's ghört mit Linkshänder-Link aber via Hack au s'16:9-Bildverhältnis, wo ja nume d'Wii-Version gha hätt. Super. Twilight Princess isch ja langi Ziit uf em Dolphin chli es Problemchind gsi, aber inzwüsche laufts tiptop.

Re: Noiji Emulatore

Verfasst: 13 Sep 2016 07:13
von Master(G)
ich han en zweite pc mit ere GTX 670 und 6GB RAM, en alti chischte, aber ich han dette all mini emus druff...

würd de dolphin 5.0 dett druff ächt au laufe?

wär geil....

Re: Noiji Emulatore

Verfasst: 13 Sep 2016 07:26
von Xinobrax2
Ziemlich sicher...d Frag isch wohl eher, bi welere Uflösig ;)

Re: Noiji Emulatore

Verfasst: 13 Sep 2016 07:39
von Master(G)
ich suuge das mal abe. wenn gar ned andersch schmeiss ich in uf min brandneue G20CB :herzli:

Re: Noiji Emulatore

Verfasst: 13 Sep 2016 08:13
von Gurgelhals
D'Grafikcharte (und entsprächend d'Uflösig) sind uf em Dolphin mines Wüssens weniger s'Problem, da langet bald emal eini für flüssigs 1080p und meh. Wichtiger isch d'CPU. Grad bi de technisch aspruchsvolle Spieli brucht's da glaubs immer no öppis überdurchschnittlich schnälls, dass es guet lauft.

Re: Noiji Emulatore

Verfasst: 13 Sep 2016 08:34
von Master(G)
min Emu-PC isch vo 2012... da isch en quad-core drin, aber weiss ned uswändig wellä (?)
und er hett en GTX670 drin...
... es wär eifach praktisch würds uf dem laufe, will ich ALLI emus uf eim pc hätti und de isch au grad ame TV agschlosse.
wobi, naomi/atomiswave games laufed eigentlich au ziemlich perfekt (bis uf dummi grafikfehler wo vom demul her chömed). vo dem her sött mer meine gamecube games laufed besser (de dolphin emulator isch ja au ziemlich perfekt, wasi so gläse han)...

bi gspannt wenni hütt hei chume wird grad umebaschtled :sabber:

Re: Noiji Emulatore

Verfasst: 13 Sep 2016 11:45
von Master(G)
shit zelda twilight princess wii lauft ufem dolphin emu sogar da uf mim büro pc absolut suuber (uflösig intern zwar nur uf 640x480 gstellt, aber immerhin!) :lol: :shock:

geile emu... grad no paar roms suuge :sabber:

Re: Noiji Emulatore

Verfasst: 14 Sep 2016 13:32
von Jones
i has ufem shield probiert aber dert loufts nid zfriedestellend...
vorem PC wotti nid hocke zum emus game...
und dr nivida stream ufe shield muessi gloub nomau aluege. ha ke ton gha... hmm...

Re: Noiji Emulatore

Verfasst: 14 Sep 2016 23:44
von Xinobrax2
Jones hat geschrieben:i has ufem shield probiert aber dert loufts nid zfriedestellend...
vorem PC wotti nid hocke zum emus game...
und dr nivida stream ufe shield muessi gloub nomau aluege. ha ke ton gha... hmm...
Ich han letschti widermal imene Büro gschaffet und det hani amigs au ufen Stuel müese size. Das nervt scho ziemlich...

PC = Arbeitsplatz = Chillzone
pc.jpg

Re: Noiji Emulatore

Verfasst: 15 Sep 2016 09:11
von Jones
i ha es verstellbars Stehpult vo däm här bini flexibel...lol

Re: Noiji Emulatore

Verfasst: 15 Sep 2016 11:10
von Xinobrax2
Demnächst gits wohl wider e noiji Version vom CEMU...


Quelle

Re: Noiji Emulatore

Verfasst: 15 Sep 2016 12:44
von geosnow
ich find eigentlich nur d emulatore weg de programmiertechnik geil. zum spiele brucht sie glaubs eh niemerd. okay, eis zwei Mal, aber meh nöd. ussert für nintendo games.

Re: Noiji Emulatore

Verfasst: 15 Sep 2016 13:14
von Xinobrax2
geosnow hat geschrieben:ich find eigentlich nur d emulatore weg de programmiertechnik geil. zum spiele brucht sie glaubs eh niemerd. okay, eis zwei Mal, aber meh nöd. ussert für nintendo games.
Bi mir isches chli beides. Psunders PSX, PS2, DC, Gamecube & Wii emulieri lieber. Ich bin zwar au der Meinig, dass s Gameplay wichtiger isch als d Grafik, aber grad bi dene Konsole löschtsmer amigs ab weni d Original widermal will spile. Bim N64 gats na will de Low Poly Stil irgendwie sin ganz eigne Charme het...aber all das suschtige 3D Zügs vorem Sprung uf HD isch d Höll wennt das hütsotags na mit de original Hardware willsch spile.

Darum: Adapter für d Controller chaufe, Istellige uf 16:9 HD, AA ine und guet isch.

Re: Noiji Emulatore

Verfasst: 21 Sep 2016 14:31
von Pombaer
Es isch soo super. Letscht wuche grad mit Mario Galaxy agfange in WQHD, konstant 60 FPS (chame irgendwie no meh erreiche?).

Hamer iz no grad e Dolphinbar + Controller bsteut :sabber:. Only mit 360-Pad isches chli spezieu..

Re: Noiji Emulatore

Verfasst: 21 Sep 2016 15:13
von Lone Wolf
Pombaer hat geschrieben:Es isch soo super. Letscht wuche grad mit Mario Galaxy agfange in WQHD, konstant 60 FPS (chame irgendwie no meh erreiche?).

Hamer iz no grad e Dolphinbar + Controller bsteut :sabber:. Only mit 360-Pad isches chli spezieu..
diesen hier? --> http://www.mayflash.com/products/ninten ... /w010.html" onclick="window.open(this.href);return false;

Re: Noiji Emulatore

Verfasst: 21 Sep 2016 15:23
von Pombaer
genau :)

Re: Noiji Emulatore

Verfasst: 21 Sep 2016 16:34
von feeshlee
Han geschter dä Remix OS Android Emulator usprobiert. Isch nöd schlächt, aber nöd färtigdänkt und gaht immerno devo us, dass en pc mit tätschscriin häsch.

Re: Noiji Emulatore

Verfasst: 21 Sep 2016 16:36
von feeshlee
apropo: ich nimm ah s'laufwerk muss bluray läse chöne? oder schaffsch mit ISO files?

Re: Noiji Emulatore

Verfasst: 22 Sep 2016 11:20
von Xinobrax2
Ines paar Stund wird de CEMU 1.6 veröffentlicht...s Update lohnt sich!