Windows Phone

[Skeletor]

Hät öper es Windows Phone da inne? Isch das mittlerwiele bruchbar?

S'zämäspiel zwüschet hard- und software söll ja rächt guät si. aber s'app-agebot isch glaub immer no rächt mau oder?

hett mal bock was anderes zgseh als android. nachdem was ich bis jetzt aber gläsä ha, bringts es nöd würklich.

[Scarface]

Hät öper es Windows Phone da inne? Isch das mittlerwiele bruchbar?

S'zämäspiel zwüschet hard- und software söll ja rächt guät si. aber s'app-agebot isch glaub immer no rächt mau oder?

hett mal bock was anderes zgseh als android. nachdem was ich bis jetzt aber gläsä ha, bringts es nöd würklich.

i ha scho es wili nur no windows phone.

WM 6.5 isch d höll gsi
WP 7 hani gar nid mitbecho... hetts da was gäh?
WP8.0 isch scheisse gsi
WP 8.1 isch bruuchbar

hans vorallem wägm gschäft weg verschidne outlook konte ect. han bis jetzt no nieproblem demit gha ( bi android hani amigs stunde verbracht mit zügs usprobiere u zum laufe bringe, was mi mitlerwile aschisst chasch jo jenschte shit mache mit root)

es grosses plus isch au immer d kamera gsi bi de nokia phones, immer sehr dsfride gsi demit.

aktuell hani es Lumia 925, det gits leider kes update uf Windows 10. hole mir afangs jahr s Lumia 950 (cha ersch denn dr vertrag verlengere), d fründinn het es 930, wo kaputt gange isch. ihre hani grad es 950 bstellt. sett afangs dezember usecho.

http://www.chip.de/news/Lumia-950-XL-Da ... 79217.html" onclick="window.open(this.href);return false;
https://www.digitec.ch/de/s1/product/mi ... on-5628208" onclick="window.open(this.href);return false;

sowies usgseht wird d kamera widr sehr guet (im gliche stil wie d nokia lumia gsi si).
950/950xl si isch s erschte migrosoft lumia wo vo mir us gseh chaufbar si.
über design/material chame sich strite, d hardware isch sichr sehr guet.
au die nöii akku generation mit dem fastcharging fingi fren(hei anderi sichr au) und usb c aschluss hets au

nöi isch au d docking station, chasch en bildschirm, muus/tastatur ahänke u de hesch en desktop pc.

was d apps abelangt, isch jo immer s problem gsi dass si für Desktop / Tablet / Phone jewils es eigets app hend müesse entwikle, daher isch das mit de apps immer dürftig gsi. chunnt sichr au dezue das für vil entwickler de ufwand für WP ds app au no zentwickle nid i frag cho isch weg de wenige user, was mit w10 hoffentli änderet. Nöi söll alles uf alne grät funze. bini sehr gspannt druf wie und ob das ganze guet chunnt^^.

aktuell bi WP 8.1 hesch vo de apps her eigetli alles wichtige. Banke, 20min, sbb, battle.net, bf4 stats, Synology apps, local.ch, netflix, shazam, swisscom tv, ect.
es fähle ou viu sache, vorallem games wo uf iOS u android verfüegbar si, z.b. Hearthstone, finalfantasy games ect.

[Scarface]

btw: het öpper es 930? wenn jo isch ihms guet? chame das scho uf w 10 update? übrlege mr grad obi mr es occ. söu choufe uf ricardo...

[Skeletor]

Geil,merci.
Funktioniert dswisscom tv app problemlos? Also swisscom 2.0?

[Scarface]

Han nonie problem gha demit

[Scarface]

Lumia 950 isch cho hüt

[TypeJ]

windows phone, gids de dreck immer no?
dfrag isch wielang no...

[Jones]

Louft stabiler als IOS... Aber erfolg hets dennoch nid... lol

[Herr Rossi]

mir gfallt s 950 irgendwie no, aber s Microsoft OS isch es NoGo
Gseht chli us wie mis z3 compact bzw z5 compact. Warum nid grad so eis? Priis Leischtig isch massiv besser?
chasch bim 950 de speicher endlich erwitere? ich mein hallo, s 930 isch vo 2015 und hed kei speichererwiterig.... sörsly?

grad mol id chip top 100 inegluegt (nach gfühlte 2 johr wider einisch), s Bewärtigssyschtem isch recht guet det. Krass wie wiit abgschlage d Apple und Windows Phones afangs sind.

[Scarface]

Spicher chasch erwitere, kamera isch top u chasch bildschirm muus taschtatur ahänke u hesch en desktop pc
Universal Windows Platform (UWP) megen! Resp wis scho vor gfühlte 100 johr hätt sölle si

Dr iris scanner zum entsperre isch ou sehr geil u funzt iwandfrei!

[mr.raw]

ich ha scho sitt release s 925 ... doch es wird zitt vo Microsoft ewäg zgoh. Ich bruch (ellei fürs Gschäft) 4 Apps, wos nid im WinStore gitt und das isch in dr hüttige Zitt eifach es no go.
Bin immer sehr zfriede gsi und dfötteli sinn au super gsi für es Mobile...aber jo.
Immerhin wird (zimmli sicher) kei Samsung oder iPhone ins huus kho. Ich liebäugle mit eme Sony Grät (bescht Kamera)...
Schad, dass de Store bi M$ nid so ussbaut isch wie bi Android/iOS

[Skeletor]

welli 4 apps sind das?

[mr.raw]

- sumup - bezahligs system
- BLT
- 20min app, wo me kha Fötteli uufelade (Wettbewerb)
- Migros/Coop Apps zum iikaufe/zahle/Bons druff lade.
- Sonos, Spotify (nid so ne Beta gschmäuss - ok, Sonos hett inzwüsche öppis gmacht)
- Watson
- Basel geht aus

usw... gitt no vieli witteri, wo mir JETZ grad nid tüend iifalle, aber sehr müehsam isch, wenn me se bruche tuet und nid hett.

[TypeJ]

Louft stabiler als IOS... Aber erfolg hets dennoch nid... lol

ähä

[TypeJ]

. Krass wie wiit abgschlage d Apple Phones afangs sind.

logisch sinds abgschlage, darum hed gfühlt au jede eis

[Scarface]

Windows

[damian]

ich glaube windows phone isch ächt guet. ich wird mir eis chaufe. usb-c aaschluss und volli desktop pc funktionalität tönt extrem praktisch. und android isch öppe dä gröscht schrott woni scho jemals benutzt han (es riese chaos). Und iOs nimmt sich mit dä horrende occassionspriiise, am nöd abschaltbare siri und em fehlende dual sim handy grad selber us em ränne... Han beides scho gha, beides scheisse. Windows, du bisch mini letscht hoffnig

[Skeletor]

Volli pc funktionalität isch nöd korrekt.

[Master(G)]

dass mer siri nöd deaktiviere chan isch au ned korrekt.

[Skeletor]

Was für es chaos genau bi android?

han jetzt sit chli me als emene monet es lumia 950.
Akku rächt scheisse. Wie bim s6edge.
Mit google kalender nöd optimal leider.

Rächt en umstieg, trotzdem gfallts mir. Chans nöd erklärä lol

[Xinobrax2]

Ich nime mal a er het eis Android tested, festgstellt dases andersch isch als iOS und für "kompliziert" befunde...
Ich han au jenschti Android müese dureprobiere bisi eis gfunde han wo für mich passt. Das wo standardmässig driff gsi isch isch d Höll...aber Cyanogenmod rockt scho ziemlich.