Handyabo

[Buccaneer]

Was hesch für eis?
Han mir jetzt mal das bi Sunrise für 20 Stutz gholt... Telefoni chosted und Inet hani bis 500MB. Isch das was? Wenn i Mobileshit dinne han, bruchts am Tag relativ viel MBs, ohni das ich was mache und ich han au praktisch allne Apps de Rigl gschobe, dass si nid eifahc sälber dörfed Dateustusche und so.. .trotzdem glaub i, dass esm it 500MB sauknapp wird, wenns Telefon shco allei soviel verschlingt, ohni das ichs aktiv nutze. Und das obwohl ich eigentlich fast immer i verschiedene WLAN Berich bin...

Das vo Sunrise mit 20 Stutz hani eifach mal gno, well i das easy chan chünde...

Was hend ihr so für Abos?
Ich bruches eigentlich nur für Whats App, paar Apps, s Chartematerial und GPS bim wandere und ganz wenig zum telefoniere sälber. Langed die 500MB limite viellicht doch?
Ich aber au nid 59 + im Monet usgäh wür sones scheiss Telefon...

Alternative?

[turntablism]

lebara = bescht für mich

[Avenger]

Sunrise Freedom für 20 stutz. Passt für mich, 500 MB si aber ds knapp. 1 GB wäre besser, aber do hets keini Alternativen im Moment. Also nur in WLAN surfen für mich oder speedcap in chauf meh.

[feeshlee]

ich han Priipaid mit 200MB voms Swisscom. Mache au nur WhatsApp, e bitzi Sörfe und echli GPS. Vo däne 200MB sind endi Monet aber no über 100 unverbrucht...
GPS machi natürli mit Here und offline. Nöd dä Googl-Scheiss.

[Avenger]

Sunrise Freedom für 20 stutz. Passt für mich, 500 MB si aber ds knapp. 1 GB wäre besser, aber do hets keini Alternativen im Moment. Also nur in WLAN surfen für mich oder speedcap in chauf meh.

Ergänzig: Eigentlich wär Aldi Mobile mit der 1000er-Option für 27.90 no besser (überchunsch sogar en 50er Wechselbonus). Aber ihri Roamingtarife si verschisse. Drum isch das leider au nüt.

[Buccaneer]

ich han Priipaid mit 200MB voms Swisscom. Mache au nur WhatsApp, e bitzi Sörfe und echli GPS. Vo däne 200MB sind endi Monet aber no über 100 unverbrucht...
GPS machi natürli mit Here und offline. Nöd dä Googl-Scheiss.

Verzehl meh!
Chasch das z.B. bim wandere oder so bruche? Oder wenn inere Stadt was suechsch? Offline?

[Buccaneer]

lebara = bescht für mich

Zum surfe isch das aba nix... für Uslandtelefonie wiederum, schint mir das sehr praktisch z si! Ich nime a du bruchsch es für genau das... is Usland alüte... Rischtisch?

[turntablism]

s gaht. ich telefoniere sehr wenig. is usland telefonier ich no weniger. lebara surf 120mb /mt 4.90 - bin sehr wenig unterwegs im netz und wenn, womöglich wlan
chaufsch 100.- guthaben bechunsch 150.- das hebt mir es paar mönet

[feeshlee]

ich han Priipaid mit 200MB voms Swisscom. Mache au nur WhatsApp, e bitzi Sörfe und echli GPS. Vo däne 200MB sind endi Monet aber no über 100 unverbrucht...
GPS machi natürli mit Here und offline. Nöd dä Googl-Scheiss.

Verzehl meh!
Chasch das z.B. bim wandere oder so bruche? Oder wenn inere Stadt was suechsch? Offline?

natürli. muesch eifach vorhergehend s'entsprächende kartematerial lade.
es mag sii, dass nöd so viel metadate debii sind, wie uf google-maps, aber für zum sich z'rächtfinde oder navigiere, reichts allemal.

[zeromeier]

salt plus, 59.- und alles inkl. (date und speed und telefoniere i all netz und sms und mms (wo keine meh brucht))

geil.

[Herr Rossi]

4G isch beschränkt uf 5GB/Monet

"unlimitiert"

aber würklich sehr günschtig, jetz mues vor allem swisscom de mol chli abe mit de priise

[Buccaneer]

Was isch günstig?`59.- im Monet?

[Avenger]

Verglichs mit Swisscom, denn gsehsch dass es günstig isch.

[Buccaneer]

Ok im Verglich zur Swisscom...

Aber sust?
Mini persönlich Meinig:
59.- für sones chlises Grät im Monet isch massiv z viel und die Prise wärded nie abe cho, solang immer all bereit sind das z zahle. Bin nid uf em aktuellste Stand aber chan mi erinnere, das mer mal irgendwo für 80.- en Heimtelefonaschluss mit jenste Gratisminute, Internet plus no paar HDsänder und was was ich no was becho hed... und jetzt chönnds eim zuesätzlich no 60 Stutz für s Smarphone us de Täsche zieh?

[Herr Rossi]

Muesch ja nid. Ich ha kei Inet dehei, für was au weni für 65.- alles flat ha und 10 GB LTE. Zudem zahlt mer s Gschäft 35.- dranäne
Bruchsch kei Inet dehei, für was au?

[Buccaneer]

Und deheime chasch s Handy als Router nütze?
So dass du chasch a uf de PS4 oder so eis game und dini Alt hockt ime andere Zimmer und luegt was uf Netflix und drückt am iPad ume... Mine alt Computer hed z.B. keni WIFI Antenne oder so... dete muess es Netzwerch-Kabel ine. Wie machsch das? Fuck... han mich jahrelang nid mit dem Thema befasst

[Herr Rossi]

ich teile s mobile Internet via teethering (kabellos) mit em laptop bzw. tablet weni det dra öpis im web mues mache. uf de Konsole schpili nie online games und weni schpili oder inhält wett chaufe nimi d konsole mit ufd arbet oder zum kolleg hei is wlan.
tv luegi scho ewigs lang nümm und netflix hani mangels ziit und inträssi kündt.

da ich itz mit de fründin zämezoge bi gsehts wider chli anderscht us. si wett es swisscom all in one paket für 100.-. Natel, tv, Internet.
de chani ufs günschtigere sunrise-abo wechsle

wenn wetsch online game bhaltisch gschider dis internetabo dehei und machsch es prepaid mobile oder es günschtigs abo.

[Shadow]

bruche gern chli date (zwüsche 2-7 GB) darum bini bi de upc cablecom mit em 49.-/Mt. Abo guet bedient, isch 10GB Date, 10'000 Minute und 10'000 SMS. Bruche aber praktisch nur Date.

[Shadow]

@bucaneer: für 29.- würds bi eus 1gb gäh, 1000 Minute, 1000 SMS
http://www.upc-cablecom.ch/de/mobile/abonnemente/" onclick="window.open(this.href);return false;

und chasch au nur es mobile abo mache ohni susch was z'abonniere.

[Herr Rossi]

Ich find das Agebot vo de Cablecom interessant, scheue aber chli d Korrespondenz. Wie isch das wenn die 10GB ufbrucht sind, gits e Möglichkeit no dezue zchaufe? Gits e Tageslimite? Isch LTE?

[Buccaneer]

Das agebot tönt ez ächt nid schlächt! Hetti no 500mb meh als bi sunrise.

[Shadow]

per hüt hämmer nomal neui abos. JETZT MIT 4G und nomal billiger!
http://www.upc-cablecom.ch/de/mobile/ab ... _unlimited" onclick="window.open(this.href);return false;

[Jones]

isch volle 4g speed?

wär eigentlech no easy inkl. tel i alli ch netz (inkl mobil) aber 10.-- pro MB im usland (z.b. thailand oder USA) als roaming isch scho hert lächerlech... lol

[Buccaneer]

Usland-Roaming isch doch bi allne en hueren shit. Für das chan mer doch amigs no so spezial Päckli für die beträffendi Zyt chaufe demit mer günstiger chunnt... nit?

Hmmm s letschte Agobt hed glaubs besser tönt...

Jetzt:

Unlimitiert surfen, davon 250MB
mit High Speed Internet 4G+

Sie surfen bis 250MB mit High Speed Internet 4G+ in der Schweiz. Danach surfen Sie bei reduzierter Geschwindigkeit (bis zu 128kbit/s) kostenlos weiter.

[Shadow]

isch volle 4g speed?

wär eigentlech no easy inkl. tel i alli ch netz (inkl mobil) aber 10.-- pro MB im usland (z.b. thailand oder USA) als roaming isch scho hert lächerlech... lol

ja sowiit ich weiss ja... aber ehrlich gseit bin ich mit em 3G speed zfriede, weiss nanig obi s'ubgrade mache.... roaming simmer meh oder weniger uf eme normale level, jedoch no wiit vu de möglichkeite vu andere provider weg. Aber es chömed sicher no viel besseri Roaming Priise und Päckli wo meh chan churzfrischtig adde wenn me z.b. i d'Ferie gaht oder so. Aber das isch halt wie susch, je meh dass meh chan ichaufe, desto billiger wirds und mir händ no lang nöd soviel chunde wie anderi mobile abüter.

bi de swisscom choschts z.B. 1GB USA 69.- extra au nöd würklich billig, chaufsch lieber en US Simcharte, wie ichs au gmacht gha han. für 70.- 10GB und rescht gratis (prepaid).

Jetzt:

Unlimitiert surfen, davon 250MB
mit High Speed Internet 4G+

Sie surfen bis 250MB mit High Speed Internet 4G+ in der Schweiz. Danach surfen Sie bei reduzierter Geschwindigkeit (bis zu 128kbit/s) kostenlos weiter.

ich finds ok, wenn speed en rolle spielt (denn würdi aber eher ufs mittlere abo gah)... will 128kbit/s sind genau 16KB/s, dh. für 100KB ladeds ca. 7 sekunde und das isch mir zlangsam, aber das mached anderi provider au, finds schaad, dass da nöd wenigschtens uf 300-500 ufe sind zum sich vu de andere abhebe.

aber finds würklich cooli priise für en quasi flatrate. han bis jetzt mini 10gb no nie erreicht. hans mal uf 5GB gschafft lol