The(G)Forum

Bonjour!

I de letschte 12 Mönet hani eisern gspart und per Ende November ca. 2'000 Stutz uf dr Site zum Shoppe.

Vilech möcht ja öpper si "alt" TV ufe Black Friday hi verchoufe oder kennt öpper, wo ufne angere TV wott umstiege?

Eis vo de folgende Modell möchti i de nächste 2 Mönet choufe:

• LG ELECTRONICS OLED65B6V
• LG ELECTRONICS OLED65C7V
• PANASONIC TX-65EZC954
• SONY KD-65A1
• LG ELECTRONICS OLED65B7D

Für Aagebot oder we öpper bim Black Friday e guete Deal gseht und's mir miteilt danki zum Vorus!

Bi Privatverchouf chiemi natürlech dr TV cho hole

Sali .... cool möchtest du ein OLED kaufen ich hab einer der ersten 55 Zoll von LG gehabt war aber noch nicht 4K umd hatte ein super Bild. Vor ein paar Monaten habe ich ein 55 Zoll 5K von LG gekauft und im Vergleich zum alten nicht unbedingt besser nur einfach noch 4K dazu. Habe auch noch diese Samsung Flaggachiff Modell aus 2015 und irgendwie gefällt das Bild besser, aber das kann jeder selber beurteilen

Samsung UE65JS9080

Daher am Besten beides haben, weil beide Technologien haben vor und Nachteile

Viel Glück noch, hoffe du findest ein Verkäufer und sonst würde ich überlegen ein 55 Zoll zu kaufen oder zu warten.

Danke für d'Anwwort.

Curved und LCD chöme für mi nid in Frage (und Samsung us Prinzip ou nid); i luege oft Filme/Serie mit vilne Lüt und d'Blickwinkelstabilität vo OLED isch mega. Plus 65 Zoll isch i mire Stube nötig für d'Vorteile vo 4K überhoupt z'gseh. Falls es per Ende November nüt wird, de dueni lieber warte statt e 55-Zöller z'neh - i cha scho no chly warte . Aber wer weiss, vilech ergits sech ja was.

also bi dem Budget gits jetzt scho en ziemli gueti Uswahl.

https://www.digitec.ch/de/Comparison/61 ... 23-6170402" onclick="window.open(this.href);return false;

QLEDs vo Samsung sind au super und übrigens 4K gseht mer au sehr guet uf chlineri Bildschirm min Brüeder spielt ufem PC sogar ufemne 24 Zoll 4K ohni HDR

Er suecht es OLED. Lese Vorteil undso.

derinderinderinderin hat geschrieben:Er suecht es OLED. Lese Vorteil undso.

4K Oled 65inch si derzyt mindestens 3'400 bi digitec. Also isch mini Chance entweder e sensationelle Black Friday Deal oder öpper, wo si "alt" TV verchouft. Darum dr Thread.
D'Liste vom Shady hett paar würk solidi TVs drin, woni mr ou aagluegt ha, aber grad zB bi de Sonys bemängelt praktisch jedes Review vo renommierte Sitene d'Blickwinkelstabilität, und das isch halt für mi es must (Game Of Thrones Sessions, YB-Matches, Game-Nächt).

letscht sunntig im ID 2500.- für de LG OLEDB7V...

Genau um so Tipps bini de Ende November froh

jetzt verstahns ich au

Wiä lang gahts jetzt amigs bis en Oled tv d'Farbintensität verlüürt? oder isch das mittlerwiile besser worde?

derinderinderinderin hat geschrieben:Er suecht es OLED. Lese Vorteil undso.

jähsoooooooooo wayne. sorry gäll.

de ID macht grad 15% uf alli LG TVs...

Takk für d'Info, leider immer no z'tüür. Ggf. muess es de gliich e LCD werde, we d'OLED nid gnue töif gheie. Wär lässig, wenn wenigstens dr SONY KD-65XE9305 unger 2k würd gheie. Es bleibt spannend.

Frag mal de Nerv, ob er dir seinen OLED Fernseher verkauft.

Dr OLED65B6 isch ize 1899.- bim M-Electronics. Mit 10x Superpunkt chunnt me so uf öppe 1700.- Stutz.

https://www.melectronics.ch/de/p/770330 ... 4k-oled-tv" onclick="window.open(this.href);return false;

Me chönnt uf d'Idee cho, bi dem Aagebot zuezschlah, uf Vorkasse z'bstelle und bis am Friti (Black Friday) z'warte und z'luege, öbs no es bessers Aagebot git

Astroboy hat geschrieben:

• LG ELECTRONICS OLED65B6V
• LG ELECTRONICS OLED65C7V
• LG ELECTRONICS OLED65B7D

gitts do eigentlich zwüsche de 3 grossi unterschied?

Dr B7 gits hie eigch gar nid, sie hei d'B-Reihe dür d'C-Reihe ersetzt, aber jetzt ohne curved. Dr C7, Nachfolger vom B7 hie ir Schwiz, isch nomau bitzli heller und hett no paar chlineri Features meh, aber nüt, wo dr Priisunterschied momentar klar rechtfertigt. So vom Schiff uus würdi säge, dass öpperem priisbewusstem dr Unterschied maximal 300-400 Stutz wert sött sii.

Vor allem find ich die priisunterschied zwüsche B, C , E, G , W extrem ....
guckst du:
https://www.digitec.ch/de/Search?q=lg+oled65" onclick="window.open(this.href);return false;

ich weiss no wo Samsung so schlechti Panels zu aafangszitte uusebrocht hett mit dere Ghosting Gschicht. Das hett mi damals dermasse gnärft, dass ich de TV grad wieder verkauft ha...

Dorum frog i mi jezt... sind B, resp. C Linies billige Ghütter? Oder au aaständigi Grät?
Müesst mi mol mit de Mags Heimkino oder Audio & Vision schlau mache...

Ds Panel isch bi pro Jahrgang ds gliiche. Es si när meh physischi Distinktionsmerkmal (z.B. flacher, mit integrierter Soundbar, Glasabdeckig) wo dr Unterschied mache. Prinzipiell chasches so handhabe: Ab 2016 si aui LG OLEDs usnahmslos Referenz und LCD i fasch jeder Hinsicht voruus. Sie si bitzli weniger hell, aber ou das isch spätistens sit 2016 passé; me cha ou mit dene OLEDs bi Tagesliecht easy HDR-Content luege.

Wer also 65-Zoll-4K-OLED wott ha und wenig Gäud wott usgä, sött bi dene 1700- füre B6 zueschlah. Viu meh TV fürs Gäud geit nüm. Aber momentan mache die 3 grosse (Pana, Sony und LG) mit jedem OLED-Modell Spitzegrät, me cha also wenig falsch mache. Mir persönlech gfaut ds Design vo Sony wesentlich besser und hätti dr Chlütter, würdi mr dr A1 hole vo Sony. Aber äbe...

thanks fürd uffklärig. So schnörkeleie bruch ich nid... sBild muess eifach so guet wie nur möglich sii. Dr rescht isch (für mi) absolut unwichtig.

Astroboy hat geschrieben:Dr OLED65B6 isch ize 1899.- bim M-Electronics. Mit 10x Superpunkt chunnt me so uf öppe 1700.- Stutz.

https://www.melectronics.ch/de/p/770330 ... 4k-oled-tv" onclick="window.open(this.href);return false;

Me chönnt uf d'Idee cho, bi dem Aagebot zuezschlah, uf Vorkasse z'bstelle und bis am Friti (Black Friday) z'warte und z'luege, öbs no es bessers Aagebot git

genau das hani itz gmacht obwohl ig bezwiefle, dass es no es bessers agebot git bis denn... 1899 isch sensationell!

ja, isch würklich en top Priis... wenn no Cummulus Bons hesch, denn grad abzieh oder en 2x resp. 5x Punkte Bon dezue gäh...super ischs!
Hätt ich jetzt grad so viel Batzeli, i hätt grad zuegschlage, da min Plasma Panasonic langsam aber sicher am endi sine kräft isch. (oder ich bild mir das ii)

Das isch würklech en top TV, leider scho "sold out" (guet - ich ha ja scho eine).

Ich ha johrelang en Sony KDL52Z4500 LCD gha, damalige Teschtsieger bi Area DVD etc. Bi eigentlich zfriede gsi bis uff es bitzli clouding. Ha denn letschts Johr sones billigs Samsung-LCD-Gschwür gkauft willi gmeint han, nach all dene Johr wärdid die Schwachpünkt vo LCD au im "untere Sement" scho usgmerzt si. Chasch dänke, schlächts schwarz, ruckligi Bewegige (guet, das het nid unbedingt mit LCD an sich z'tue) etc. Het mi so gnärvt, dassi dä verdammti Mischt wieder verchauft han.

Ha denn dä LG OLED 65B6V gkauft und s'Bild isch eifach perfekt, genau so wie ich mirs vorgstellt ha ...

Mich dunkts eifach, trotz aller Entwicklig bringt mer die grundsätzliche Schwachpunkt vonere jewilige Technik nid wäg - gseht mer am beschte an dr Autoindustrie:

- en Dieselmotor naglet au hüt no und het im Verglich zum Benziner nid so gärn hochi Drehzahle
- en Turbomotor het au hüt no - wenn au es vil chliners - Turboloch
- en Vierzylindermotor tönt trotz emene Soundgenerator wie en Furz gägen Sechs- oder gar Achtzylinder
- Elektrogurkene bruchet au hüt no verglichswiis ewig bis d'Batterie glade isch

Drum lieber grad öppis rächts chauffe - s'Läbe isch z'churz um sich mit sötigem Brunz umenand ärgere ...

Klar, kei OLED, aber isch de öpis...65 Zoll für 900 findi jetzt no geilo

https://vision.mediamarkt.ch/de/fernseh ... 1489235533" onclick="window.open(this.href);return false;

agestuffer