Page 1 of 5

Retrogameworld.ch VIELE RETRO GAMES im Angebot

PostPosted: 27 Mar 2016 17:22
by Retrogameworld
Hallo Forum / Gamers!

Ich möchte an dieser Stelle meinen neuen Retro-Game-Shop vorstellen:

www.retrogameworld.ch

Auf diesem Shop biete ich alles zum Thema Retrogames an (von Amiga bis Playstation 3 aktuell).

Früher öfters auf ricardo aktiv, habe ich nun meinen Traum vom eigenen Gameshop verwirklicht. Der Shop ist noch in seinen Kinderschuhen, neue Angebote flattern laufend herein.

Das Ziel ist, hochwertige Gebrauchtware anzubieten ("anständige Ware"). Als Retrogamer bemühe ich mich, dem Besteller stets komplette und schöne Ware anzubieten. Ware, die in schlechtem Zustand ist (Booklet sehr lädiert oder gar zerrissen), findet den Weg nicht in den Shop. Bei Modulen ist mir wichtig, dass diese nicht grob vergilbt oder verschmiert sind (private Aufschriften etc.).

In Zukunft möchte ich auch mehr JAPAN-Ware in den Shop integrieren, sofern das Interesse vorhanden ist (wird sich zeigen).

Über seriöse Anregungen oder Verbesserungsvorschläge bin ich sehr dankbar. Je nach Zeit kann ich diese in geeignetem Zeitpunkt sogar umsetzen :-)

Schaut bei Interesse mal rein und stöbert ein wenig herum!

Danke und einen schönen (retro-) Tag noch!

Re: Retrogameworld.ch VIELE RETRO GAMES im Angebot

PostPosted: 28 Mar 2016 06:53
by mastercello
Hesch das met em Shady & MasaG abgsproche? ;)

Re: Retrogameworld.ch VIELE RETRO GAMES im Angebot

PostPosted: 28 Mar 2016 18:17
by Grisu
Leider wiedermol en übertüürte shop (ha nur sega games agluegt aber das het mer glänget).

Geile siech, sonic 1, 25stutz fürs modul

Vell erfolg.. :kicher:

Re: Retrogameworld.ch VIELE RETRO GAMES im Angebot

PostPosted: 28 Mar 2016 20:50
by Retrogameworld
Danke für die Rückmeldung, bin froh um alle Hinweise oder Anregungen. Die Preise sind teilweise noch anpassbar, orientieren sich aber auch an vergleichbaren Shops. Was in meinem Shop im Preis inbegriffen ist, sind die guten Zustände.

Auf ricardo verkaufe ich Ware unter CHF 10.-, welche teilweise etwas lädiert oder verschmutzt ist. Dort gibt es immer wieder Schnäppchen zu machen (Rubrik "Other/Auktionen" anwählen).

Einige Spiele sind dafür zu Top-Preisen zu haben. Schaut genau hin und stöbert nach eurem persönlichem Top-Preis. Der Shop ist primär auf Qualität ausgerichtet, nicht vorwiegend auf Quantität.

Da sich der Shop noch im Anfangsstadium befindet, ist noch etwas Geduld notwendig :-). Ziel ist es, am Ende einen guten Shop für Jedermann/Frau auf die Beine zu stellen.

Danke nochmals für die Anmerkungen, welche weiterhin sehr geschätzt werden!

Gruess

Re: Retrogameworld.ch VIELE RETRO GAMES im Angebot

PostPosted: 30 Mar 2016 13:00
by Tatsujin
HIER WURDEN MASSIV POSTS GELÖSCHT!!!

Re: Retrogameworld.ch VIELE RETRO GAMES im Angebot

PostPosted: 30 Mar 2016 18:59
by agestuffer
Also nicht von mir... Habe das nicht gesehen
Wer wars?

agestuffer

Re: Retrogameworld.ch VIELE RETRO GAMES im Angebot

PostPosted: 07 Apr 2016 16:12
by geosnow
was isch da drah promo?

Re: Retrogameworld.ch VIELE RETRO GAMES im Angebot

PostPosted: 08 Apr 2016 13:59
by zeromeier
geosnow wrote:was isch da drah promo?


weiss keine, das topic isch allgemein für nix.

Re: Retrogameworld.ch VIELE RETRO GAMES im Angebot

PostPosted: 09 Apr 2016 14:24
by Lone Wolf
Retrogameworld wrote:Die Preise sind teilweise noch anpassbar, orientieren sich aber auch an vergleichbaren Shops.


Anstatt eine 1:1 me too strategie anzuwenden solltest du an dieser stelle bewusst deine preise so attraktiv gestalten dass eben genau retro kenner (wie hier) deine ware kaufen. Sonst wirst du deine seite schneller closen als du denkst

Vernachlässige auch nicht die propaganda im hintergrund. Der ruf ist schnell im ars...

Mein tipp: ebay ricardo preise - 30% sofern du so gute bezugsquellen hast. ;)

Gruss von einem wirtschaftsfuzzi

Re: Retrogameworld.ch VIELE RETRO GAMES im Angebot

PostPosted: 09 Apr 2016 23:53
by gio
Lone Wolf wrote:Gruss von einem wirtschaftsfuzzi


verzell mol chli meh !

Re: Retrogameworld.ch VIELE RETRO GAMES im Angebot

PostPosted: 11 Apr 2016 08:53
by Lone Wolf
gio wrote:verzell mol chli meh !


So Hipster shops spriessed zur ziit wie pilz usem bode. jede macht mal uf di schnelle irgendwo en shop uf will er viel zügs dihei privat gsammlet hät über die jahre oder es einigermasse guets beschaffigsnetz hät. logischerwis isch de au en kenner vo de gameszene und de prise. wenn du denn bequemerwis d'priskultur 1:1 vo anderne site kopiersch und als private no fürschi wotsch mache, denn isch das bereits s'afang vom endi. grad hüt wo jede volli pristransparenz im netz hät. du bisch denn eifach eine meh ufem märt ohni jegliche areiz. es isch illusorisch hützutags z'denke, dass mer so uf länger überläbä chan. guet retro isch e derart prisdynamischi (hochpris)insle und en mindfuck worde aber trotzdem. ich han sit jahre selte wüki lukrativi agebot gseh. früener hät mer no games welle tüschle, oder eifach losha und miteme buchgfühlpris verchauft. hüt isches es bewussts gwünnorientierts metier worde. da wird mer schlecht. tutti z.b. isch versücht vo "ich suche" anzeige, wo jede schnell Retro collections wot abchaufe zum de Einzelhandel floriere lah. ich persönlich find die entwicklig zum chotze. au ade letschte retrobörse in zh hani mit teilwils bi de prise müese an grind lange. aber hey, lüt zahleds. so what.
wani guet find sind so forumagebot wie da. findi wüki guet. du weisch mit wäm das dealsch. verarscht chasch nid werde. oder wirsch basht bis de richtig pris häsch. hier spielt der markt findi.

link überfail bispiel (de): https://www.ricardo.ch/kaufen/games-und ... 821449840/

+ anderi teilwis falsch benamsti agebot vom gliche Verkäufer. hauptsach schnell schnell is netz demit. irgend en tubbel findet sich denn scho...

oder di erbärmlichi prisentwicklig vom kizuna encounter (euro - ng aes - neogeokult.com guide): letscht jahr glaubs 15000 eurone. hüt 30000 eurone. eifach mal so schnell schnell. WTF

zwei szenarie:

1) privatshop: Prisstruktur isch eigensache. es isch meh oder weniger es risikoloses undernehme wenn nebetbi schaffsch und du eifach din stuff det hostisch und mit chli glück verchaufsch. machsch es nid zum überläbä. CONTRA: wenn prise übertürt sind, bisch eifach eine vo vilne. untineressant. als Bonus häsch denn no paar haters wo din ruef im netzt apissed. geilo. de shop da isch zu 90% privat. gsehsch am ufbau ah vo de hp.

2) gwünnorientierts handelsundernehme mit/ohni agstellti etc: wenn es startup wie di grosse wotsch ufzieh und vo afang ah sone Politik fahrsch, versufsch im tribsand. wenn wenigschtens kreativ bisch machsch afangs bewusst so geili prise (und gahsch unedure bzw. hinderschi), dass e wiedercherendi community/chundestamm chasch ufbaue. wenn das mal gschafft häsch chasch easygoing dini prise laaaaaangsam apasse und ufschrube oder so intelligent kombiniere, dass letschtendlich schwarzi zahle schribsch. das machsch aber nid vo hüt uf morn. und WENNS denn mal so wit häsch bisch immer no im zugzwang zum dini eigeni chöschte decke und öpis z'verdiene. also wärsch wieder bi de gliche prise wie bi allne andere. USSERT du häsch de längscht ide hose mit de geilschte händlerconnections oder private wo's zu guete konditione chasch ichaufe. DAS händ di wenigschte. jetzt machsch das für Retro only häsch scho verlore. das Risiko chasch gar nid berechne. zerscht fahrsch es es fetts minus ine und wotsch glich no attraktiver blibe als di andere ufem märt. das wird nid hihaue und es isch de ufwand nid wert. häsch nur de schisser.

Drum isch retro für mich nüme s'gäle vom ei. wenn en shop ufmachsch nur für retro häsch di wohl müehsamschti nische ever gwählt zum fürschi cho :) :fick: :suicide: :frisch:

Re: Retrogameworld.ch VIELE RETRO GAMES im Angebot

PostPosted: 11 Apr 2016 09:11
by zeromeier
1. das ricardo agebot :lol:

2. de typ vo dem topic macht das doch privat und nöd hauptbrueflich (hoffentlich lol)

Re: Retrogameworld.ch VIELE RETRO GAMES im Angebot

PostPosted: 11 Apr 2016 11:51
by Avenger
der konsolenkost mit sine "schnäppli" :lol:

aber wies der wolf scho seit: der markt isch völlig überhitzt im Moment, Goldgräberstimmung überall. Dementsprechend si d Priise und Akiba wird plünderet. Sehr unschön, aber d priise wärde zahlt. Fair. Als Käufer wartisch uf besseri Zite. Do machsch am beste nur als privatshop öppis. als unternehme wo längerfristig wot gschäfte hesch ganz anderi herusforderige.

Aber das isch i de 90er au scho so gsi. Vo de damalige Game-Importers si hüt nur no die wenigste aktiv. Ich weiss nur no der Alcom wo au hüt no gschäftet. King Games, Makro, Chaud Soft, Electronic Tivoli, (C)enter, Arctic Games... alli weg.

Re: Retrogameworld.ch VIELE RETRO GAMES im Angebot

PostPosted: 11 Apr 2016 11:58
by gio
Lone Wolf wrote:
gio wrote:verzell mol chli meh !


So Hipster .......:



ich ha me gmeint, was Du schaffsch, bzw. wo/was im Wirtschaftsbereich ?

Re: Retrogameworld.ch VIELE RETRO GAMES im Angebot

PostPosted: 11 Apr 2016 12:05
by Lone Wolf
gio wrote:
Lone Wolf wrote:
gio wrote:verzell mol chli meh !


So Hipster .......:



ich ha me gmeint, was Du schaffsch, bzw. wo/was im Wirtschaftsbereich ?


Rüschtigsindustrie Auftragsmanagement :biggun2:

Re: Retrogameworld.ch VIELE RETRO GAMES im Angebot

PostPosted: 11 Apr 2016 12:09
by Panther
Lone Wolf wrote:
So Hipster shops spriessed zur ziit wie pilz usem bode. jede macht mal uf di schnelle irgendwo en shop uf will er viel zügs dihei privat gsammlet hät über die jahre oder es einigermasse guets beschaffigsnetz hät.


Scho lang kei so guete Post me gläse. Und genau das hani au dänkt gha, "scho wieder eine wo näbäiine no mit sim Hobby biz Profit will mache?" Scho s'Logo bringt mi richtig zum Chotze. Im Private Sektor isch das natürli Ideal, hebsch paar Spiel ins Netz und machsch en beliebige Pris dra, mit biz Glück chunnt scho eine wo grad dr Grips abgschaltet het will er grad Heimweh nach sine Pixelmännli het und sini Zit im Chnidsgi vermisst.

Ich ha immer gern Chole id Finger gno für Games, aber die Prisutopiä jetzt unterstützi nit. Git no gnueg andere geili Sache zum sammle als Retrospiel. Und nur will paar "schlaui" meine sie heige d'Erlüchtig gha indem sie Retrospiel zämme kaufe (Japan wie do) und denn s Prisschema nach eigene Vorstellige und Meinige gstallte, sell me das eifach so akzeptiere? Leider jo, will isch es mittelrwil eso dass kei Alternative hesch wo usserhalb vom Netz bzw Prisregischter basiere. Also als bisch fascht zwunge die Prise zahle wo gforderet werde. Oder losch es si. Leider sinds no viel wos nit könne loh si und bereit sind es paar Läppe für es Spieli abdrugge um ihre Status, Errinerige a sorglossi Nomitäg mit ihrem NES oder schlicht ihre Ego z'befridige. Ich für mich los es si, und nit weg em Geld...

Re: Retrogameworld.ch VIELE RETRO GAMES im Angebot

PostPosted: 11 Apr 2016 12:31
by geosnow
Panther wrote:
Ich ha immer gern Chole id Finger gno für Games, aber die Prisutopiä jetzt unterstützi nit...


wer wot mir s Super turrican nöd verchaufe, will de pris no stiigt. :groel:


geosnow wrote:
Panther wrote:Axelay kei Manual, 40
Contra 60
Umihara 80


Turrican, verkaufi noni, ha gseh dass es gut im Pris stigt :happy:

vo de andere bruuchsch keis?


was muesch fürs turrican ha, ich zahle scho okay, wenn de zuestand stimmt. :-D

Re: Retrogameworld.ch VIELE RETRO GAMES im Angebot

PostPosted: 11 Apr 2016 12:42
by geosnow
IMG_7128.JPG


isch alles nüt neus. höred mer doch uf mit jamere. ich bi sitt 30 jahr am games sammle und han amigs viel verchauft und wieder kauft. will ichs eifach no geil find.

aber die türe games sind scho immer tür gxi. :mrgreen:

das bispiel isch darius alpha, aber twinkle star sprites, blazing star etc sind scho immer tür gxi. und wenn jetzt mal es paar spiel türer worde sind, isch das doch au egal. verchaufed diä doch tür und chaufed eu sus öpis schöns, oder nähmed 2 mönet unbezahlt. das isch geil.

Re: Retrogameworld.ch VIELE RETRO GAMES im Angebot

PostPosted: 11 Apr 2016 12:45
by philsublime
Wörkli guete Post. Es send mehreri Effekt wo zämewörke. Die Generation wos früecher gspelt hed, hed jetzt s'Gäld zum die nostalgische Gfühl ufzläbe lo und vöu Jungi wos ned kenne fendes jetzt ou plötzli geil wöu das new Generation Gedöns eifach hüfig zum chotze esch. Denn hesch halt be Retro Games en gegebeni Knappheit, wo sech im Grund gno ned lot lo öberwinde. Klar, i 10 Johr esch weder meh Zügs Retro, aber säge jetzt mol 8 und 16 bit esch eifach e relativ grossi Knappheit.

Denn hesch en witere Faktor, nämli Pristransparenz. Höt cha jede Flohmarktfuzzi wo ke Ahnig hed nocheluege was das zügs wert hed. Schnäppli geht's so eigentlech sehr sälte.

Ond denn esch es notüli ou s'verhalte vo üs allne, wo dezue bitreit. Klar, verchoufe games ou ned, wenni weis das es voll am stiige esch em pris. Das esch halt eifach menschlich. Ou Tendenz zum sammle esch halt menschlich. Insofern denki brengts nüt, weme med em finger uf anderi zeigt.

Re: Retrogameworld.ch VIELE RETRO GAMES im Angebot

PostPosted: 11 Apr 2016 12:46
by Lone Wolf
gege :lol: isch ja völlig ok wenns privat machsch zum fun ha. nänämers en Sport. seit ja niemert öpis, aber säg mer en grund mit dine 30 retrojahr was zum tüfel z.b. en astig +50% bim kizuna farking Encounter grechtfertigt :shock: da schrumpft mer de pimmi uf nanogrössi wänni das gsehn. doppelschwör :headbang: 1996

Re: Retrogameworld.ch VIELE RETRO GAMES im Angebot

PostPosted: 11 Apr 2016 12:58
by Panther
@geo, würsch dini sache für d'hälfti geh als si "wärt" hei? wie würsch du di fühle wenn en turrican
für paar pipe gisch us "nättheit" mit em wüsse bisch genauso verarrscht worde wie die wo 700 zahle?

das isch s'günschtigschte Axelay woni grad gfunde ha, im verglichbare zuestand, also en 40er ir CH dünkt mi fair und
nit gwünorientiert.

http://www.ebay.com/itm/BOXED-AXELAY-SFC-SNES-Super-Famicom-from-Japan-/141917722278?hash=item210af496a6%3Ag%3A6-8AAOSwa-dWrj8L&nma=true&si=MBeLibuh1QUaIJY20veOYFVRnJc%253D&orig_cvip=true&rt=nc&_trksid=p2047675.l2557

@tür immer tür gis, jo ich bi au scho im 97 in Akiba und Dendentown go ichaufe. Und denn hani für e twinkle star 380 chf zahlt gha. I sag au nüt gege seleteni Spiel wo halt tür sind, nur hüt isch alles tür, luschtigerwis nit mol die hard to find sache. Und das unterstützi nit, aber anyway, fact isch dass die Spiel nit nochewaschse, au ds'Japan nit, eigentli isch es scho fascht eso dass usserhalb Japan scho s bessere Agebot hesch als dört.

@philsublime, s komische an dr ganze Fasnacht isch jo dass es fasch nur 16bit +/- betrifft, i mein lueg i PC Sektor oder Amiga, PC-98 oder MSX, niene hets die Prisexplosion geh wie im 16bit berreich...werum?

Re: Retrogameworld.ch VIELE RETRO GAMES im Angebot

PostPosted: 11 Apr 2016 13:00
by geosnow
Lone Wolf wrote:gege :lol: isch ja völlig ok wenns privat machsch zum fun ha. nänämers en Sport. seit ja niemert öpis, aber säg mer en grund mit dine 30 retrojahr was zum tüfel z.b. en astig +50% bim kizuna farking Encounter grechtfertigt :shock: da schrumpft mer de pimmi uf nanogrössi wänni das gsehn. doppelschwör :headbang: 1996


das isch ja sitt 20 jahr gar niä meh traded worde.

aber ehrlich gxeit hät s neogeo für vieli lüt en reiz. es isch arcade perfekt und es git nöd unendlich viel games vo denne. d uflag isch doch sehr begrenzt gxi.

guet, shodown 1 und 2 gits günschtig. aber alli, vo gern es fullset händ, zahled denn für die letschte games es vermöge. bide turbografx isch es ähnlich. wobi nöd alli prise zahled werded. so 300-500usd zahlt mer für die türschte und viellicht 3000 für magical chase. diä buy it now games für 2000usd hät no niemerd kauft.

ein grund hät ebay au no, dass mer nüt zahlt fürs istelle bi fixe angebot bi unendlicher laufziit. dh ich chan s game ewigs drinlah und es choschtet mich nüt. erscht bim verchauf muesch 15% kommission mit paypal zahle. und in USD muesch es au drin ha. denn häsch no wechselkursverlüscht vo 3-6%.

das isch für vieli lüt sehr praktisch. es choschtet nüt, und wenn eine s game unbedingt ha wott, chan ers ja für de höchi pris chaufe. ich han bis jetzt fasch jedes game uf ebay au als reini auktion gxeh. dete gaht de pris nöd markant höcher.

bispiel

http://www.ebay.com/itm/331821997900?_t ... EBIDX%3AIT

1009usd. dodonpachi mit artwork.

wär das de chris gxi, hätti er übercho 1009 * 0.95* 0.85 = 814chf. aber das isch mit artwork. s artwork isch ca. 90chf , denn hätti er 725chf. s risiko bliibt aber, dass viellicht de typ ihn verarscht oder dumm tuet und er hät umtrieb und chöschte. zudem hätti de pris au nur uf 900usd chönne ufe gah. viellicht hät ja eine de pris für de verchäufer chli pushed. wär bi 900usd gxi, hätti er wieder de glich pris, wiä er au sus da im forum verlangt. da hät er aber rueh und de chole sofort. bi paypal wartisch no en monet.

alles hät sini vor und nachteil.

Re: Retrogameworld.ch VIELE RETRO GAMES im Angebot

PostPosted: 11 Apr 2016 13:02
by geosnow
Panther wrote:@geo, würsch dini sache für d'hälfti geh als si "wärt" hei? wie würsch du di fühle wenn en turrican
für paar pipe gisch us "nättheit" mit em wüsse bisch genauso verarrscht worde wie die wo 700 zahle?


nei würdi nöd, aber ich jammere au nöd umme. :bussi:

Re: Retrogameworld.ch VIELE RETRO GAMES im Angebot

PostPosted: 11 Apr 2016 13:05
by geosnow
Panther wrote: komische an dr ganze Fasnacht isch jo dass es fasch nur 16bit +/- betrifft, ..werum?


wills plug n play sind. und zudem no sehr geil zum spiele.

aber nur abwarte, de nächsti crash chunt schono.

Re: Retrogameworld.ch VIELE RETRO GAMES im Angebot

PostPosted: 11 Apr 2016 13:12
by philsublime
Panther wrote:@philsublime, s komische an dr ganze Fasnacht isch jo dass es fasch nur 16bit +/- betrifft, i mein lueg i PC Sektor oder Amiga, PC-98 oder MSX, niene hets die Prisexplosion geh wie im 16bit berreich...werum?


16 bit esch kompakt, hed e langi lebensdur, loht sech schön lo sammle ond is regal z'stelle, carts send relativ robust und trotzdem esch d'Spielbarkeit sehr höch.

CD send afällig, 3d esch scheisse wöu schlecht galteret, Diskette gönd kaputt...

Ausserdem send wohl d'verchoufszahle i dene johr extrem gstege. D'uflag vomene durchschnitts 16 bit game esch secher vöu tüüfer als vomene ps1 game. dasch jetzt eifach mol en vermuetig...

@geo: e ha gloub 499 zahlt fürs dodonpachi do em Forum vor es paar monet. esch gloubs vom xybot gsi. hed ewigkeite kene wele. Ah, ond PayPal han eg am nöchste tag uf em Konto...