Rauchfrei

[Xinobrax2]

Eigentlich hani Zigi rauche scho immer recht tumm gfunde...nachdemi denn aber mitem Kiffe ufghört han, hani agfange Zigis rauche
Ich han nie versuecht demit ufzhöre...kei Ahnig warum...ich han mi irgendwie dra gwönt unds denn au gar nüm so schlimm gfunde...

Voreme Wili hani mir denn mal us Interesse e E-Zigi kauft und bin recht happy demit. Ich han denn no eimal wele e Zigi rauche und die isch so grusig gsi, dasich si wider usglöscht han. Sither dampfi nur na E-Zigis. S schmöckt nüt me nach Rauch, ich mag umerenne au weni voll inequalmt han, s isch vil billiger und s beschte isch: es het en USB Aschluss! E Zigi miteme USB Aschluss, mega! No besser wärs natürlich gar kei Nikotin me z konsumiere...aber eigentlich bini recht happy mit de E-Zigi und gsene momentan kein Grund demit ufzhöre.

Und du...? Rauchsch na? Hesch ufghört?

[resuscitation]

Du bruchsch genau 1 Wuche und dänn isch d'Nikotinsucht bereits überwunde.. dä Rescht isch nur no Chopfsach..

Ich han vor 8 Jahr vo einer Zigi uf die anderi ufghört und sit do keini meh graucht.. meh besser isch es!

[Xinobrax2]

Ich tuene ebe na gern a öpisem zieh und qualme weni vorem Rechner sitze und nachere Lösig für irgend es Problem sueche. Ich rede mir i, das mir das irgendwie hilft. Genau das isch wohl d Chopfsach....aber im Moment bini zfride so wies isch.

[Skeletor]

gar nie agfange. win.

[feeshlee]

rauche sit dä schuel ca 2 zigis pro monet, mängisch 3 oder 4. hät mi nie greizt meh zrauche.

[hanf]

rauche isch im prinzip än entspannigsüebig. es git au so öppis wo sich "atemtherapie" nennt wo mer sich allei uf dä atem konzentriert zum entspanne. mit rauche gaht das halt eifacher. drum chans halt durchuus si dass eim die entspannigsphasene dänn fehlet wämmer ufhört. körperlich abhängigkeit spielt da ä rächt chlini rolle...

[TypeJ]

dummerwies rauch ich immer no

[Herr Rossi]

ich rauch leider wider. ha 2009 vo hüt uf morn ufghört, eifach so. nie luscht uf e zigi gha. denn vor 2 johr eini graucht und zack, wider voll dinn.
ich dreh selber mitem american spirit. zigis chani mittlerwile gar nümm rauche. wird mer grad schlecht.
ca 5/tag, weni bier trinke denn sinds meh

[TypeJ]

5 mal am tag?

bi mir ähnlich gsi, vo hüt uf morn ufghört, 13 monet nix, denn in WK müese und zack...dumm

[Marco_in_motion]

Ha niä richtig ufghört, eher so schliichend reduziert aber nödmal würklich bewusst, damals woni no boxiert han. woni dänn nümme sportlich gsi bin hani wieder tiptop inegraucht

[zwirrlibatz]

vor 13 jahr nach äbesoviel vo eim tag uf de ander ufghört.

iiserne wille > iiserni lunge

[geosnow]

bin vorgeschtert unfreiwillig in Agadir immene Schmuddelhotel glandet, will mir de Flüger verpasst händ. I dem Hotel häsch chönne ide Lobby, im Gang, im Stägehuus und im Zimmer rauche. Überall sind so grossi mit Sand gfüllti Aschebecher ummegstande. Was guet gxi isch, dass eigentlich gar nöd stunke hät.

[Mastler(P)]

Eigentlich hani Zigi rauche scho immer recht tumm gfunde...nachdemi denn aber mitem Kiffe ufghört han, hani agfange Zigis rauche
Ich han nie versuecht demit ufzhöre...kei Ahnig warum...ich han mi irgendwie dra gwönt unds denn au gar nüm so schlimm gfunde...

das isch bi mir eher umgekehrt.

ich ha mal für 3-4 mönet intensiv sport gmacht. denn au gar nüht meh graucht.
nach 3-4 wuche nüht meh vermisst und mich scho ab qualmende strassepassante ufgregt.
das isch öppe 2008 gsi oder so.

denn nach 5 mönet oder so mal wieder bitz graucht zu alk und sitt dem eich nurno es bitz wenn ich epis alkoholischs trinke.
das wird au immer seltener, vilicht momentan 1-2 mal im monet.

dafür rauchi im schnitt 2-8 j's i dä wuche. mängisch 1-2 wuche gar nöd, aber das reizt mi halt schono.

mini toleranz für zigi rauch isch aber mit dä jahre immer chliner worde.
es nervt mich recht schnell wenn ichs numme atme. denn muessi dlunge richtig ihräuchere damits mi nüm stört.

[Xinobrax2]

ich dreh selber mitem american spirit.

De hani au recht lang graucht....bis ich irgendwenn mal festgstellt han, dass de Fred Tabak sogar na besser isch.
Aber jetzt, nach einige Täg mitere E-Zigi findi American Spirit und Fred grusig De Tabak brennt uf de Zunge und de ganz Gschmack isch eifach hässlich....s isch erstunlich dasmer sich a sowas innerhalb vo chürzischter Ziit chan gwöne...

[Mastler(P)]

s isch erstunlich dasmer sich a sowas innerhalb vo chürzischter Ziit chan gwöne...

survival of the fittest.

[Shadow]

mhm.... bin au grad am zwiifle... rauche 1-2 Päckli/Tag je nach Stress-Level..... han geschter en E-Zigi kauft und probiert... und hüt hani zwar halsweh, aber au kei luscht zum eini rauche mal luege... guet für d'lunge wärs und für s'Portmonnaie au... aber han de Wille nöd... grrrrrrr.

[Xinobrax2]

Weli heschder gholt? Hoffentlich nid sones Schrott Teil wosder a jedem Kiosk naschmeissed
De Wille bruchts übrigens gar nöd...wennt Nikotin haltigi Liquids hesch, denn blibt s Verlange eifach weg...isch zumindest bi mir so gsi...

[Herr Rossi]

s isch erstunlich dasmer sich a sowas innerhalb vo chürzischter Ziit chan gwöne...

das isch so. e zigis hani au paar wuche probiert, ha chopfweh becho devo

[Xinobrax2]

s isch erstunlich dasmer sich a sowas innerhalb vo chürzischter Ziit chan gwöne...

das isch so. e zigis hani au paar wuche probiert, ha chopfweh becho devo

Am erste Tag hani au chli Chopfweh übercho...ich han do aber denkt es liggi dra, dasi über 20 Liquids usprobiert han Mittlerwile isch alles super...nur de Hals wird chli troche wenis übertribe...

[Mastler(P)]

da sach ich immer: "lass dampf ab"!

[turntablism]

gräuchts fleisch hebt länger.

[Master(G)]

e-zigis... rofl...
als würsch ins puff für en umarmig.
rauchet richtig oder gar ned.

[turntablism]

[Xinobrax2]

e-zigis... rofl...
als würsch ins puff für en umarmig.
rauchet richtig oder gar ned.

rolf...

Hesch mal usprobiert?

[Mastler(P)]

hät er eh nöd. er schädigt sin körper richtig oder gar ned!