aliens

[Vyse]

denn wärs ja nomal unwahrschinlicher das mir eus konstant mitm exakt gliche muschter im universum bewege würded.

Es isch sowiit bekannt, dass dErde sich um dSunne bewegt, ok? Guet! Es isch wiiterhin bekannt, dass dGalaxie es Galaxiezentrum hät und sich dObjäkt (Sterne, Planete, Planetesystem, dä ganz Kram, us däm dGalaxie bestaht) um das Zentrum dreihet UND es isch bekannt, dass dGalaxieä sich vonenand wägbeweget, also Dischtanze vo dä Galaxieä zunenand mmer grösser wird. Ok? Guet.

Also: e Galaxie bestehend uus, um ihres Zentrum chreisende Sterne, Staubwulche und Planete etc. währenddem das ganze Gebilde sich vo anderne, ähnliche Gebilde im Ruum entfernt. Das isch grob mal alles, was sich über makrosokopische Bewegige vo dä Himmelskörper säge laht. Iiverstande?

Zämmefassend: Zügs bewegt sich also dur dä Ruum, Bahne ziehnd um Gravitationspünkt. Das isch imfall alles. Da gits nüüt, mit däm irgendwelchi Ziitalter chönntsch uusdüüte.
Jetzt verzell, wie genau i dänne Bewegige irgendwelchi Sache voruussäge willsch, irgendwelchi Ziitalter, wo werdet ahstah usw. Dude, get real!

[Herr Rossi]

"Man muß das Wahre immer wiederholen, weil auch der Irrtum um uns her immer wieder gepredigt wird und zwar nicht von einzelnen, sondern von der Masse, in Zeitungen und Enzyklopädien, auf Schulen und Universitäten. Überall ist der Irrtum obenauf, und es ist ihm wohl und behaglich im Gefühl der Majorität, die auf seiner Seite ist."

Johann Wolfgang von Goethe

[Vyse]

So isch es. Wahrheit isch kei Demokratie. Milliarde vo Mänsche chönnt sich i einere Sach tüüsche und en Einzelne chann richtig ligge.

Es staht jedem frei, s aktuelle Wüsse in Frag zstelle aber es staht ebbe au jedem frei, das Wüsse nomal zprüefe, ganz anderscht, als bi zämmefantasiertem Sektegeschwafel vo irgendwelche Süschtem, wo uus Ahnahme zämmegschusteret werdet, wies jedem grad beliebt und schmeichlet.

Ich han au als Zwölfjährige schwelgend bim Iischlafe miinere Fantasie und miim Wohlgfühl überlah, es Universum zschaffe, i däm me sich wohlig iibettet fühlt, so wie das irgendwelchi 80 Jährige, religiöse Fanatiker wahrschiinli no immer mached, anstatt sich dä Nüchternehit vo dä Tatsache stelle.

Ich frög, WIE chamme wüsse, dass sich e Sternekonschtelation (oder e Position vo dä Erde i dä Galaxie oder was au immer) so und nöd anderscht uuf sKlima vo dä Erde uuswürkt und ich bechomme es Zitat vom Goethe? ok, Null Zämmehang und ich frög echt nöd i dä Erwartig, dass mier das dä Mastler erchläre chann. Ich will nur uufzeige, dass aktuells Wüsse prüefbar isch, währenddem so Gheimwüsse nöd zuegänglich isch (ussert du trittsch irgend eme Kult bi, wo di iiweiht... mitäre Ghinrwösch am ehnschte).

[Tatsujin]

was ich aber am meischte krass finde isch, dass mier mensche, oder mier mensche vo hüt, das alles erscht sit es baar jahrhundert wüssed und details sogar erscht sit es paar dekade oder nöd emal.

vergliche mit wie langs de mänsch scho git oder mit em alter vor erde und em aafang vo allem lebe, isch das nöd mal es gufelöchli ufeme kilometer lange band. was sich aber i dem munzigschte gufelöchli scho alles uf de erde verändered het isch aber chli de helli wahnsinn, wenn mer so bedänkt. und genau i dem munzigschte gufelöchli befinded mier üüs hüt.

[Xinobrax2]

Ich finde no immer das sinteressantischte am Thema, wo dä Xino ahgsproche hät. Wänn e Botschaft vo diine Ahweseheit als Userirdische uufeme Planet hinderlahsch, wie machsch das, dass es dZiit überduuret und dass en Iiheimische es überhaupt chann entzifere und inhaltlich au als e Botschaft vo Userirdische begriife chann?

Demfall nomal zrugg zu de Pyramide. Also lut moderner Wüsseschaft sind das ja Gräber für Pharane. Da bis hüt na nie e Mumie inere Pyramide gfunde worde isch sind Zwifel durchus berechtigt. Klar chamer sege die sind vo Grabräuber klaut worde...aber das wär denn eifach e witeri Theorie und chan wüsseschaftlich betrachtet durch nüt beleit werde.

Nebet üsere hütige Wüsseschaft gits aber au na di alte Überliferige. Arabischi Überliferige z.B. verzelled unter anderem, dass d Pyramide vor de grosse Fluet erbaut worde sind und zwar vomene junge Ma namens Saurit. Es wird i dene Text ebefalls vermerkt, dass de Saurit de glichi isch wo d Hebräer als Henoch bezeichnet (bekannt us de Bible, de 7. Patriarch vor de Fluet, ebefalls bekannt us de apokryphe Schrittt "Das Buch Henoch"). Also zrugg zu de Überliferige...de Saurit het bekannschafte mit Wese usem Himmel gmacht....üsi Übersetzige womer hütsotags hend, interpretiered das als göttlichgi Wese. Die Wese hend em Saurit und sim Volk verschideni Sache bibracht, wie z.B. de Ackerbau...un si hend sowas wie Schuele errichted. Um mal uf de Punkt z cho, die Wese hend denn verkünded, dass si sämtliches Lebe uf de Erde werded vernichte. Druffabe het si de Saurit gfröget warum si das mached und warum si ihne denn all die Sache bibracht heged wenn ja eh alles wider vernichtet wird. Er bitted die Wese drum, s ganze Wüsse irgendwie für d Nachwelt z speichere. Si gewähred im de Wunsch und helfed ihm bim Bau vomene gigantische Bauwerk (d Pyramide vo Gizah). I de Pyramide drin hets Chammere geh mit Schrifftrolle wo s ganze Wüsse vor de Fluet seled umfasst ha. D Pyramide sind denn wasserdicht versieglet worde.

So, jetzt chamer natürlich sege das isch eifach es witers arabischs Märli....git ja gnueg devo....oder mer chan chli drüber nadenke. Das isch bi alte Überliferige na oft spannend...mal agno die Story het en wahre Kern, denn stellt sich natürlich d Frag, wo die Schriftrolle anecho sind. Uf die Frag gits au wider es paar Antworte aber das würd jetzt z wiit füere. Eigentlich hani nur wele druff hiwise, dases sonig Überliferige git und dass si usere gwüsse Perspektive eigentlich na recht spannend sind...

Wie au immer, es isch nie d Red devo, dass Aliens, sofern mer si als solchi interpretiert, d Pyramide baut hend...si sind lut dene Überliferige lediglich indirekt involviert gsi. Chamer jetzt devo halte wasmer wot...

Also i dem Fall isch z.B. de Wikiartikel völlig falsch:

http://de.wikipedia.org/wiki/Pyramide_%28Bauwerk%29" onclick="window.open(this.href);return false;

oder das

http://www.spiegel.de/wissenschaft/mens ... 00175.html" onclick="window.open(this.href);return false;


und no so millione anderi Links/Literatur etc.?

*spannend*

Schön das üs so Lüt wie Du, de Erich vo Dänike und de Mike Shiva d Welt neu erkläre.

Ich erkläre gar nüt....ich wirfe lediglich ei Hypothese unter tusige id Rundi demits e spannendi Diskussion git.
Dass die arabische Überliferige existiered isch nunmal Fakt. Als Bispiel nenn ich jetzt eifach mal s Hitat vom al Makrizi.

Tuent doch nid so verbort...und dasd das mit Spiegel Quelle wotsch is lächerliche zieh grenzt scho fasch anere Beleidigung....lad di doch eifach mal uf s Spiel i und frag dich "was wäre wenn". Isch na spannend. Tumm wirds erscht, wennt afangsch jede vo dine halbwägs interessante Gedanke mit Wahrheit z verwechsle.

[Herr Rossi]

Ich frög, WIE chamme wüsse, dass sich e Sternekonschtelation (oder e Position vo dä Erde i dä Galaxie oder was au immer) so und nöd anderscht uuf sKlima vo dä Erde uuswürkt und ich bechomme es Zitat vom Goethe? ok, Null Zämmehang

Sorry, das isch a emp grichtet gsii nach sim c&p Text.

[geosnow]

lol, von Däniken, Stargate, Alien vs Predator. so neu isch das jetzt nöd. de freud hät au alles vode ägypter.

[Tatsujin]

de freud hät au alles vode ägypter.

da heter sicher freud dra gha.

[PlanetHarrieR]

Die plausibelste Antwort fehlt in der Umfrage: "Es ist sehr wahrscheinlich"

[Mastler(P)]

Zämmefassend: Zügs bewegt sich also dur dä Ruum, Bahne ziehnd um Gravitationspünkt. Das isch imfall alles. Da gits nüüt, mit däm irgendwelchi Ziitalter chönntsch uusdüüte.
Jetzt verzell, wie genau i dänne Bewegige irgendwelchi Sache voruussäge willsch, irgendwelchi Ziitalter, wo werdet ahstah usw. Dude, get real!

dude, bisch astrolog? oder wieso massisch dir eigentli immer so definitivi urteil ah?
häsch dich überhaupt scho mal s bitz mit dem thema befasst?

aso min glaube ah die these beruhet uf verschiedene pünkt.

zum eine vertrau ich dä berechnige vo alte hochkulture wie dä mayas, da ihres wüsse um astrologie sehr tüf und exakt würkt.
das gseh ich a hand vo verschiedene sache, wie zb. bauwerk wo exakt uf bestimmti sternekonstilatione usgleiht worde sind.

wieter hät dwüsseschaft, zb. quantephysik ufzeigt das letschtendlich alli materie vibration isch.
das heisst das wenn die "maya" these stimmt, mir logischerwiis ih dä negschte tusig jahr inere höchere frequenz resoniere würded.

im allgemeine chakra(energie) system vom mensch, lerne mer das s herz under anderem für liebi staht.
es bildet dä mittelpunkt vo dä hauptchakre und isch dvereinigung vom weltliche(3 hauptchakras darunder) mit em überirdische(3 hauptchakras darüber).
jeh tüfer es chakra, desto tüfer isch dfrequenz ih dere es virbriert (logisch, isch ja au physisch tüfer. as above so below).

liebi hät eh höcheri frequenz als angst. wenn sich dä planet also inere höchere lag befindet im universum, müsst er theoretisch au inere höchere frequenz virbriere.
höcheri frequenz: überirdischer und schiens au meh verbunde mitm rescht.

und schlussendlich macht die these au bim ne gschichtliche rückblick sinn.
die hochkulture sind schiens vor ca. 15000 jahr no guet dra gsi.
und denn isch wohl mal recht eh dunkli ziit cho wo all die undergange sind sowie villes vo ihrem wüsse.
au wenn die letschte 2000 jahr ahluegsch schient dä fortschritt immer schneller und schneller vorah zgah. understütz aso au die these.

da gib der nomal eh besseri erklärig vo dem phenomen: http://youtu.be/adyqBP5selM?t=7m36s" onclick="window.open(this.href);return false;
dä hät eh super video reihe gmacht wo ich scho mal posted han. sehr ufschlussrich und suber erklärt. chani nur empfehle, glaube mueschs ja immernonig.

[Mastler(P)]

Quelle


Quelle was haltisch davo, vice?

[Vyse]

wow, ok, das isch jensiits, würkli und chli vill, zum uuf alles iigah und berichtige.
Es isch ok intensiv zfühle und en spirituelle Zuegang zum Läbe zfinde usw. aber bring Empfindige nöd mit ii, wänn dWält erchläre willsch.

Fascht all intuitivi und gfühlti Ahnahme über sUniversum händ sich bis jetzt als falsch erwiese. Lis dä Satz nomal: Fascht jedi Intuition zur Beschaffeheit vom Wältganze isch falsch gsi und zwar
wiederholt über die gsamt Gschicht vo dä Mänschheit. Die Ahnahme sind nöd mal id Nöchi cho zum däm, wies würklich isch.
Jedesmal, wänn en Mänsch sich öppis uusdänkt, wie dWürklichkeit tatsächlich isch, ischr falsch gläge. ABER dänn chömmed irgendwelchi Esoterik-Heinis und findet:"ja ok, aber weisch usserhalb und überhalb und i anderne Dimensione, weiss ich imfall, wies isch". Fucking wie? Wänn bim erschtere zum wiederholte mal zeigt worde isch, dass dIntuition unzueverlässig und praktisch unbruchbar isch, wänns um Erchäntnis über dWürklichkeit gaht.

Intuition seit: dWält isch flach, Ziit isch linear, dSunne dreiht sich um dErde, es isch so und so. FALSCH, FALSCH, FALSCH! Häsch nöd sGfühl, me sött sSchiitere vo dä Intuition i däm Bezug in Betracht zieh?
Intution und Spiritualität usw. händ ihri Berächtigung, aber sicher nöd i däm Beriich, i däm si du und anderi ahzwände versuechet.

[Mastler(P)]

intuition chammer wie alles trainiere und stärche.
ich glaub jetz aber nöd das zb. quante physik uf intuitivi ahnahme berueht.
au die andere sache wo ich erwähnt han sind eher uralts wüsse, wo du dur selbstversüech und gnaui beobachtig für dich bestätige chasch.

dini bispiel wo du dä intuition zueschriebsch sind au alles sache wo us dä egoahsicht und mit wenig allgemeinwüsse wahrgno worde sind.
und wieso muess ich spiritualität und intuition vo wüsseschaftlich gstütze fakte trenne? es ghört alles zämme, es isch alles verchnüpft.
desto meh ich über eis thema weiss, desto meh weiss ich über anderi theme wo dä berich tangieret.

dägypter händ scho dur dschrift beidi hirnhälftene aktiviert und stimmuliert.
wieso söll ich mich bi dä informationsverarbeitig und usgab nur uf di lingg hälfti stütze und all aspekt vo dä rächte abschalte?
aso mir chönd scho, nur glaub ich das mer vill langsamer vorah chömmed.


ahja: au wenns di nöd interessiert. intuition wir am ne höchere chakra zuegsproche.
somit müssti eusi intuition ih dä negschte paar tusig jahr natürlich vo allei stärcher werde.

[Xinobrax2]

Intuition und Spiritualität find ich bi so Theme eher hinderlich...meistens...aber nid immer...
Grundsätzlich setmer eh immer devo usgah, dasmer sich chent irre...und wemer vo öpisem 100% überzoge isch, chamer sich sogar zimlich sicher si, dasmer sich irrt.

[Mastler(P)]

Grundsätzlich setmer eh immer devo usgah, dasmer sich chent irre...und wemer vo öpisem 100% überzoge isch, chamer sich sogar zimlich sicher si, dasmer sich irrt.

ja, das stimmt sicher. das isch au dass wo mich so am vyse sine posts stöhrt.

[Vyse]

Ebbe nöd, hey, wo läbet iehr eigentli? Ich gibs uuf

[geosnow]

dass mer sich nöd chan irre?

[Vyse]

Nei, dass so einigi Zämmehäng und Beschaffeheite vo dä Würklichkeit erchännt worde sind und niemals wieder werdet müesse revidiert werde, höchschtens ergänzt und präzisiert.

[Xinobrax2]

Z.B.?

[Vyse]

z.B. Weisse me, dass Elektrone exischtieret und me weiss sowiit über ihri Eigeschafte Bscheid, dass me gezielt uuf sie iiwürke chann und uus däm Wüsse chasch en Fucking CRT Baue uuf däm nacher diini Retrogames druf chasch spille. Tatsach, dass dWürklichkeit chasch gezielt beiiflusse, bewiist, dass tatsächlich öppis über ihri Beschaffeheit weisch.
Und es gaht mier nöd um Beherrschig vo dä Natur oder drum, dass nur en Erchänntis wahr isch, wänn uus ihre es Produkt hervorgaht, dä Punkt isch, dass mitäre Ahnahm nüüt weisch und mit ihre au nöd mit dä Struktur vo dä Würklichkeit wirsch chönne interagiere. Es reins Gedankespiel i diim innere, wie es Einhorn, wo uuf dä Saturnring ummehüpft. Ja, es isch dänkbar, ich dänks grad jetzt, aber was dänkbar isch, stimmt sälte mit dem überein, wies würklich isch. Mann, das isch Chindergarte, würkli.

[geosnow]

in gwüsse dimensione chan das stimme, aber bi extem wert weisch das nöd so gnau. de absoluti nullpunkt isch au so en wert.

[Vyse]

Und häsch sGfühl, es säg ahbracht bi däre Wüssenslugge Esoteriker zu Rat ds zieh, wo bitz ummefantasieret und dier verzapfet, was bim absolute Nullpunkt passiert?

[Xinobrax2]

Was du beschribsch bedüted lediglich, dass mir Modell hend, wo d Würklichgeit recht guet erkläred...Elektrone sind usere quantemachianische Weltsicht aber wider überflüssig bzw. gar nid existent, so what. S isch ja guet, dass mir verlässlichi Modell hend...s Problem isch nur, das si blind für anders mached, wemer zu sehr devo überzoge isch. Das gilt genauso für esoterischi oder religiöse Weltbilder...

Ich chan mit dem Liebi Zügs vom Mastler(P) z.B. au nid vil afange...aber ich bin froh dases Mensche git, wo d Welt völlig andersch interpretiered als ich.

[geosnow]

hehe, drum isch das au s alien topix und es verschwörigstopix hämmer au.

[geosnow]

http://de.wikipedia.org/wiki/Ungel%C3%B ... Mathematik" onclick="window.open(this.href);return false;

chasch ja mal diä problem im link kläre: ei umfassendi klärig wär, dass gott alles erschaffe hät.