No fasch wichtiger: Wii

[Chäller]

Bim Rote hani d'Erfahrige gmacht, dass mit 15.- Wii us Spanie, Chile, Argentinie o.ä. nüt falsch mache chasch und dass die mega sind.

[Tatsujin]

Bim Rote hani d'Erfahrige gmacht, dass mit 15.- Wii us Spanie, Chile, Argentinie o.ä. nüt falsch mache chasch und dass die mega sind.

[TypeJ]

fair

[Sephi]

Min Pfater chunnt vo Manduria - Entsprächend hets bi üs haube scho Primitivo di Manduria gäh 15 Johr bevor der Hype hie ufcho isch. Jetz wos en sit paar Jahr billig a jedem Egge git umso besser, isch e gueti Sach!

[feeshlee]

am bescht fahrsch sowiso, wänn ane deguschtaischen gasch und det dänn vo däm bstellsch, wo am liebschte häsch.

[Acid]

de 2003 Churer Blauburgunder vom Gian-Battista von Tscharner vom Schloss Richenau isch glaub de bescht Wii woni je gha han.

Industrie Wii findi rächt langwilig...so flachä surä Seich wiämer do teilwis verwütscht wemer in coop oder so is Regal langt isch denn also rächt Schad um de Choä, au wenns kei 30 Stutz choschtet... (und s verrucktä isch, dass jo teilwis glich so tür sind). Allerdings trink ich sehr sältä Wii, und drum chanimer wenni den mol tuen au es schöners Schlückli gönnä, ohni zfescht uf de Pris zluege.

suscht vo mim Unkel, au kei schlächtä Trinkwii usem Piemont.

[Avenger]

Mit der Schuel hei mir vor es paar Johr im Wallis e Wiidegustation bsuecht. Het interessants Züg drunder gha (Eiswein). Und zum Schluss hei sie üs e Fr. 2.95 Schrott us em Denner vorgsetzt. De het jede wieder usegspeuzt. Wenn einisch weisch wie guete Wii schmöckt überchunsch sörtige Scheiss nüm abe.

[Acid]

Bim Rotä gots teiwis schono, au wenn jetzt en industrielle nimsch. Merksch eifach dasses panschts Züg isch. Während en richtigä Wii (au wenns jetzt kein Deluxe weiss ich nid was isch... mues au kei türä si, eifach einä vomene Wiipur, wo sin Wii meh oder weniger Traditionell macht, und nid de ganz Wii nach formlä zämäsetzt) en richi Vielfalt a Gschmäcker und Grüchetc. hed (mol meh mol weniger) während diä andere durchus Trinkbar chönd si (guet, git natürlich scho au katastrophali), aber halt ebä total flach und langwilig. Do trinki denn i de Regel lieber Wasser.

[Jones]

am bescht fahrsch sowiso, wänn ane deguschtaischen gasch und det dänn vo däm bstellsch, wo am liebschte häsch.

chani so ungerschriebe! wird eifach unter umständ chli tür!

[feeshlee]

ja... bin mal im mamma africa a einere gsi... dä wii, woni det gern gha han, hani leider nöd welle zahle. schad.

[TypeJ]

oder me bstellt bim schwander wo NUR gueti wii verchauft und au sehr guet beschriebt! han na nie falsches bstellt...logischerwies chame au go deguschtiere!

[turntablism]

Nomal es winetopic gfunde
Ha grad e fläsche brunello montalcino 2010 vo banfi offe. Sehr guet !

[Koop Kooper]

Ronco di Sassi muesch probiert ha. chunsch im aldi für 15.- über. bi aktion irgend nume 10.-!
prisleischtig