The(G)Forum

bin heute in nagano angekommen. einige staedte hab ich schon hinter mir.
hiroshima, nara, kobe, osaka, himeji, kyoutou, miyajima, arimaguchi (onsen) ,
die woche ist nagano, togakushi, matsushiro,jigokudani monkey park, hakabu, und noch zwei orte in der gegend dran.
naechste woche tokio, zwei tage fuji, rest irgendwo in der stadt und nen tag akiba shopping tour (oder zwei, wenn noch geld ueber ist )
kauf auf jeden fall nen jr railpass, spart bares geld, wenn man so rumtourt wie ich zum beispiel.

im Sommer nach Japan findest noch gut so?

so chaltr

hmmmm? hab hier gut 25-36C .... thailand hatte ich 38-42C taeglich....
gab jetzt zwei oder drei Mal nen heftigen Regenschauer, aber sonst super wetter..

Hei,

das mümmer mal chli reanimiere hie!
Ich chan im Herbst 3 Wuche Ferie näh. Wenn gaht mer am beste nach Japan? Letschti bini mal Juli/August gsi und es isch wunderbar heiss gsi. So wunderbar, das i im Hochsummer nüm muss gah .
Wenn wärs am beste? Zum z.B. die berüehmte Laubfärbige go luege?

Wo unkonpliziert Ticktes für Ghibli Museum vorbstelle? Am beste uf Inglish/Dütsch?

Hmmmm wenn ich as Fleisch und de Sake dänke.... . Wie han ich solang chönne ohni si?

ja beantwortischs der jo sälber e chli? wenns der im summer zu heiss gsi isch gosch früelig oder herbst. t sakura hesch äml im früelig.

ghibli museum müesstisch dr sidu froge dä hets organisiert un unserem reisli.

Frag am beste dr Tatsujin. Ihm ghört Japan.

evo hat geschrieben:ja beantwortischs der jo sälber e chli? wenns der im summer zu heiss gsi isch gosch früelig oder herbst. t sakura hesch äml im früelig.

ghibli museum müesstisch dr sidu froge dä hets organisiert un unserem reisli.

Ich wird im Herbst gah. Aber wenn isch am beste? Wäge Herbstlaub und so.

Oktober/november, lut minere japanesischlehrerin.

Ich glaub ich muss nach Koyasan!

Shirakawago isch meh besser.

ferk i het au widermol lust. hauptsächlich glaub wägem ässe

evo hat geschrieben:ferk i het au widermol lust. hauptsächlich glaub wägem ässe

Das isch würkli so. Ich Ignorant han immer gmeint: jaja die Japse chönnd super Miso, Fisch und Gmües mache, aber vo Fleisch hend die doch kei Ahnig... Bereits am erste Abig han ich die Meinig müsse revidiere zu: Fuck, MIR hend kei Ahnig vo Fleisch! D Japaner hend au hie Perfektion erlangt!

Mini Ignoranz bi gwüsse Sache :typej:.

Und de Sake!!!

Und de Dude hie, hed mi andersch wägghaue!

Quelle

mir händ au guets fleisch. aber nöd i jedere chnelle.

lohnt sich im dezember/januar vo tokio us en tagesusflug zum fujihimalaya mache ?
ja, ich will au endi jahr dört hiflüügä. was söttmer in einer wuche in tokio alles gmacht ha ?
i welem viertel isch guet zum übernachte ?

Bi nöd uuf de Fuji wili kei Bock uuf Touri-Tour gha han. Aber im Januar chasch eh nöd ufe. Viel zviel Schnee. De Hakone Nationalpark isch aber schön und a klare Täg hett mer ä super Uussicht uuf de Fuji.
Chunnt druff ah wege was du gahsch. In Tokio chönntsch easy zwei Wuche verbrötle. Wennd gern Kawaii-Yaoi-Zeugs shoppsch ziehsch am beste grad ane.
Hauptsach du wohnsch nebedere relativ zentrale Ubahn-Linie. Denn spielts nöd so ä Rolle. Im Zentrum zahlsch gstörti priise. Ich bi ca. 11 Täg in Tokio gsi und mir hend die ganz Ziit in Minowa gwohnt imene sehr schöne Hostel. Isch super gsi und i 25 Min bisch eigentlich fasch überall im Zentrum ane cho.

Ich bi jez 3 mol in däm hostel gi:

http://www.juyoh.co.jp/de/" onclick="window.open(this.href);return false;

kas jedem empfähle wo nit ghobenere compfort ha muess. isch bir station minami senju, 1 nach minowa. also sehr schnell in akiba, ueno, ginza, etc uf shibuya ziehts sich den scho chli, aber au dert bisch in 40 minute.

ufe fuji isch no heftig, has huere unterschetzt gha
nur turnschue und e windjacke gha und denn simmer no dur t nacht ufegloffe, öppe am 5i am morge akho, schweine kalt, e kolleg hämmer irgendwo ufem wäg verlore und erst 2 tag spöter in tokyo widergfunde, und s schlimmst isch dr abstieg-> 3 stund lang rächt steili und monotoni zick-zack wägli uf vulkansand abelaufe. mit biz mehr vorbereitig aber scho guet machbar. uf jede fall e gueti erfahrig gsi

evo hat geschrieben:ufe fuji isch no heftig, has huere unterschetzt gha
nur turnschue und e windjacke gha und denn simmer no dur t nacht ufegloffe, öppe am 5i am morge akho, schweine kalt, e kolleg hämmer irgendwo ufem wäg verlore und erst 2 tag spöter in tokyo widergfunde, und s schlimmst isch dr abstieg-> 3 stund lang rächt steili und monotoni zick-zack wägli uf vulkansand abelaufe. mit biz mehr vorbereitig aber scho guet machbar. uf jede fall e gueti erfahrig gsi

Krasse Scheiss! Aber es si genau sörtigi spontani Aktione wo am schluss bliibe.

Han de Fuji nie gseh! Immer schlächt Wätter und wenn schön gsi isch, isch eifach nur de Fuji i Wulche ghült gsi. Einisch hemmer usflug nach Hakone und Owakudani (wie au immer) gmacht und sind au am Fuji biz ufegfahre und a de Flanke vom Bärg umestürchled. Aber au denn hed mer de Gipfel nid gseh!
Trotzdem u schön gsi und wird wieder gah! Chli Schifli fahre ufem Ashi-See.

Tokyo, Kyoto, Tämpel und so Zeugs alles sehr idrücklich und imposant. Aber im Nachhinein sind mir die Natursache am meiste blibe und die Sache, woni am meiste schätze...
Äbe Hakone und umgägbig oder in Kyoto de Inari-Schrein... De Wäg bim Inari-Schrein i de Abigstunde mache, wenn langsam d Sunne under gaht und d Liechtli im Wald agönnd... undglaublich schön! Inari wirdi wi 100% wider gah!

ha glese dass zum zug fahre in Tokio am beste e "pasmo card" nimmsch. isch das guet ? wo chunsch das über ?
ich bruch das für 4 persone nur i de city - fahred vilicht vo shinjuku nach akihabara und umgäbig...

Das chasch a jedem billetautomat choufe. Minimum isch 2000 En, gloubs.

japan isch dr hammer!!!

isch de metropolitan tower lässig für e ussicht - ha glese isch sogar gratis ? oder besser de skytree ?
was mues mer usser sake und sushi no gässe ha, bim ne japan psuech ?

Fugu Fisch.

turntablism hat geschrieben:isch de metropolitan tower lässig für e ussicht - ha glese isch sogar gratis ? oder besser de skytree ?
was mues mer usser sake und sushi no gässe ha, bim ne japan psuech ?

wenns schöns wetter isch gsesch vom metropolitan de fuji-san. isch gratis (zumindest wo ich vor es paar jahr mal gsi bin).

fürs esse chönt ich dir jez x super restaurants nenne, aber am beste gasch eifach det, wos di amacht. richtig grusig gesse han ich z japan glaubs no nie. sogar s grössti huere loch isch no besser als bi üs mängs ghobnigs restaurant