The(G)Forum

Aber genau das händs doch abgschafft sit Januar:
https://www.srf.ch/news/schweiz/post-sc ... hproben-ab" onclick="window.open(this.href);return false;

Sauchaibe
Ich wür mal ahlüte oder es mail mache vor em zahle und fröge was das söll.

turntablism hat geschrieben:Sauchaibe
Ich wür mal ahlüte oder es mail mache vor em zahle und fröge was das söll.

Exakt:

Acid hat geschrieben: Und e witeri Moral: Eifach mol schriibä denä Bütelschniider, und Rechtfertigung verlangä für ihres Triibä. Denn ziends anschiinend grad de Zipfel zrug und d Höddä inä.

Eifach es Mail machä...chaschne jo au de Link geh.

Oder gar nüt mache...es gat um 13 Stutz

Zersch kriegsch e Mahnig, denn e zweiti, denn droheds mitere Betriebig und denn gebeds Rueh.

ich has bereits zahlt. Sunsch hättis Päckli gar nit becho. Die Sieche händs als Nachnahm zuegschtellt.

The Sheep hat geschrieben:ich has bereits zahlt. Sunsch hättis Päckli gar nit becho. Die Sieche händs als Nachnahm zuegschtellt.

Das macheds immer so.. genau um ebe Mahnige und Betriibige z'vermiide

Isch de Warewert inkl Porto und MwSt effektiv under de zollfreie Grenze?

CHF 67.65 isch de Warewärt inkl. Porto. Definitiv drunter.

Edit:
Han hüte aglüte. Es segi "es Verseh". Sie würdes mir zruckerstatte.

Ab wieviel Warewärt inkl Versand muesch Ifuhrzoll zahle (für Retrogames)? Han äbe gmeint sig ab 62Fr..

Ha au gmeint es sig 63 oder so...

post meint unter anderem no dasdada:
https://www.post.ch/de/geschaeftlich/th ... verzollung" onclick="window.open(this.href);return false;

De Grisu hed recht, s isch 62.-
https://www.comparis.ch/preisvergleich/ ... sland-zoll" onclick="window.open(this.href);return false;

Mag ja si, aber mis isch es Buech gseh:

Liegt der Mehrwertsteuerbetrag für die im Päckchen versandte Ware bei über 5 Franken, so fallen zusätzlich Zollgebühren an. Bei den meisten Produkten entspricht dies einem Warenwert von 62 Franken, etwa bei Kleidung oder elektronischen Produkten. Bei Büchern liegt die Grenze aufgrund des verminderten Mehrwertsteuersatzes von 2,5 Prozent bei 200 Franken.

Zuedäm stoht sogar uf der Zollquittig: 0.- MwSt

poscht het mi mal ziemlich wild gmacht aber momentan hanis wider guet mit ene.
churz vor wienacht hani dene en riiiese uftrag bracht. zwei liferigswäge voll poscht zum versende. es ziitli vorher hends e poschtstell zuegmacht und uf dere poscht woni eusi poscht bracht han, det hends es paar lüüt gha wo chrank gsi sind. und ebbe alle wo uf di ander poscht gange sind, chömed jetzt halt au det hi. bitzli stressig aber ebbe...
d'poschtstell chefin oder wie dere tumme tante seisch ich mer huere an chare anegfahre woni mit em auto choo bin. (hey ! ich han mi vorane sogar agmolde dass i chume mit viel war). die dumm futz het taa wie en wald voll affe. bi de zweite ahliferig s'selbe theater und denn hani ihre gseit obi grad söll is andere dorf go poscht abgäh - det sinds denn einiges fründlicher. denn isch sie bitz obe abe choo. defür bin ich fuxtüüfels wild worde und bin is google maps und han bi dere poschtstell alli schand gschribbe id rezension. denn het sich poscht uf de kommentar gmolde und gschribbe es tuet ihne leid und ich söll mit ihne kontakt ufnäh zum das bespräche hani denn aber nöd gmacht
uf jedefall sinds jetzt ziemlich nett wie jungi lämmli

aso ich bin ja eigentlich nöd eso, aber da hets mer de deckel glupft.

Cooli resonanz, vele dank für d'ufklärig euch allne.

@turntablism: Hättisch dech konsequänt be dene gmolde, de hättisch sicher es paar päckli gratis dürfe verschicke..
..ufwand/ertragsrächnig wär de evtl positiver usgfalle.

The Sheep hat geschrieben:Mag ja si, aber mis isch es Buech gseh:

Liegt der Mehrwertsteuerbetrag für die im Päckchen versandte Ware bei über 5 Franken, so fallen zusätzlich Zollgebühren an. Bei den meisten Produkten entspricht dies einem Warenwert von 62 Franken, etwa bei Kleidung oder elektronischen Produkten. Bei Büchern liegt die Grenze aufgrund des verminderten Mehrwertsteuersatzes von 2,5 Prozent bei 200 Franken.

Zuedäm stoht sogar uf der Zollquittig: 0.- MwSt

Ah nid gwüsst, le güt

Ha uf em normale weg scho s minimum usegholt mit pp stämpel. Mal luege wie's nöchscht dezember wird

Anyway eusi pöschtler wo poscht zu eus bringed sind super. Diä bechömed amal no en kafi oder es gschänkli a de wienacht. S glich gilt für de dhl kurier.

Aber de dpd isch en saftlade. Allpott falschi poscht bi eus oder rüert "schlüdered" s'paket eifach ab em wagä. Schafsekel das. Dä überchunt glaub demnächscht au e schlechti bewertig.

https://www.ezv.admin.ch/ezv/de/home/in ... kzoll.html" onclick="window.open(this.href);return false;


Quelle

Chaufe also zwei Chleidigsstuck im Usland, wird verzollt (38.-), ok.
Beides zchlii -> Umtuusch.
Die neu Sändig mit dä gliiche Produkt innere andere Grössi wird es wiiters Mal verzollt (das mal bitz weniger, nämli 29.75)
Also zwei Mal Zollgebühre für sGliiche zahlt.
Aber hey, du chaschs zruggerstatte für e Gebühr vo 30.-

Chleidigsschtück in Usland bschtelle. Find Dr Fähler lulz

Han en uusgwählte Gschmack und nöd alles, woni fashionmässig will, findi i dä Gägend. Dörfsch imfall beruhigt si, en grosse Teil vo miim Chleiderschrankinhalt bestaht sogar uus hochwärtige 2nd-Hand-war uus dä Umgäbig... biologisch Fuessabdruck und so, miis Gwüsse isch rein.

Ich pstelle d Chleider au lieber im Usland. Ersch grad letschti wieder bi https://symbolika.com" onclick="window.open(this.href);return false; und https://www.jing-shop.com" onclick="window.open(this.href);return false;. I de Schwiz isch halt biz schwiriger bi so Sache...

Han d'Chole tatsächlich zrucküberwise becho. Sie heget Zollgebühre falsch berächnet.
Findi ja schön. Aber jedi Wett: ohni mini Reklamation wäri nüt passiert.

Dasch schinbar s neue Gschäftsmodell vom Zoll...