Wenn im Lade e Mueter ihrem plärrende Chind eis schmiert

[Acid]

D Beziehig isch doch s wichtigscht.


Ich nimm ah sehr vil do inä gsehnd das eigentilch gar nid so viel andersch als de Häxer, aber oft hedmer halt angscht vorem Versäge, und sorgt im Vornherein scho für Entschuldigung... oder installiert Entschuldigung für anderi (z.B. diä eigene Elterä).

Dass mached Lüt wo uf de Stross anderi abschlönd au, und dass mached Frauä wo vo ihrnä Männer abgschlagä werded, ohni dassi das jetzt will uf diä glich Stufä stellä.

Sich sälber, vor sich sälber, für es Versägä verantwortlich zmachä, und dra z schaffä isch öpis schwierigs, und es machts nid eifacher, wenns so en Dimension animmt. Und serig vergehä öperem womer Liebt und au witerhin Liebe will absolut ehrlich azchriedä, und trotzdem z vergeh, isch au nid eifach. Ganz schön asträngede Scheiss das alles, und denn müestmer jo au no Massnahmä verfolgä wo d Zuekunft andersch usgseh löhnd, und das isch grad nomol so asträngend. Und das denn no als Gsellschafft, nachdems s Individuum gschafft hed.

Zudem isch es au Asträngend ständig sälber z hinterfrögä öb diä eigene Überzügigä eigentlich berächtigt sind. Grad Chind sind nid schüch drin das was eim eigentlich säbstverständlich schiint z hinterfrögä, und denn villicht nomol und nomol z hinterfrögä. Je weniger mer diä eigete Überzügigä "duräprüglet" (öb jetzt mit de Fuscht oder mit wort isch egal), und sie tatsächlich versuecht so darzlegä, dass sie z verstoh sind, desto ehnder wird eim Bewusst dasmer seint oder ander villicht sälber gar nid würklich begrifft und diä richtigä Gründ nid finded, und denn muemer det no wieder nohdänkä und machä und redä... Asträngig puur.

Und logisch nimmt so öpis fascht Religiösi Züg ah, wiä do de Overdose gwitzlet hed. Für öper wo i de Gwalt diä letschti Stufä vom Versägä gsehd, isches nid eifach z verstoh, wiämer überhaupt de Meinig chan si, dass Gwalt i de eintä oder i de andere Fäll öpis legitims chan sii. Und das isch echli s Problem mit de Gwalt. Es gid fascht kei Gränzä wo bi rationaler Erörterig nid Willkürlich wirked. Villicht no diä, wos um Verteidigung gohd, aber sälbscht det wirds schnäll mol chli grau und relativ.
Werum dasses Gränzä söll geh wiä Chind bis zu dem alter oder ab dem alter, nid aber anderi, einä wo e dummi Schnurrä hed, dies das, isch für öper wo nid so dänkt chum nachvollziäbar. Es wird also denn zur Entweder oder Frog. Entweder isches es Mittel zur Konfliktbewältigung, oder es isch keis.

Zudem sind diä Ussagä, schloh scho, aber nid so dasses körperlichi Schädä gid, nid mol Blaui Fläckä, nur demüetigung etc. au chum nachvollziäbar. Diä blauä Fläckä sind schnäll weg. Oft würd sogar en Chnochäbruch heilä ohni dass irgendwelchi Folgä devo nachhaltig z spürä werded. Angscht und Demüetigung werded ehnder blibendi Schpuurä arichtä.
Wemer sich d Ussagä vo Gwaltopfer alost, sinds i sehr vilnä Fäll kei körperlichi Problem wo blibed, sondern diä psychischä, wo au Johre spöter nid usem Alltag wegzdänkä sind, oder denn uf e Art und Wiis bekämpft werded wo ganz anderi Problem mit sich bringed.

Drum isches ebä mit Gwaltlosigkeit au in derä do so pauschalisierte "Antiauthoritäre Erziehig" nid to. Wemer s Chind nid schlohd, isch das nid alles. Es brucht trotzdem alli Liebi, Zit, Verständnis, Beziehig ebä. Extrem gseit chöntmer do denn natürlich wider sägä, lieber Eltärä wo ihri Chind Ohrfiged aber liebed, als serig wosi nid schlönd aber gar kei Beziehig zunene händ. Ich weiss nid öb das richtig isch, aber das machts um so komplizierter.

Und ebä, do währ no s Problem vo de glichschaltig vo Angscht und Respekt. Nur willmer Angscht vor öperem hed, heisst das no lang nid dasmeren Respektiert, und mer chan durchus öper Respektiere ohni dasmer Angscht vor ihm hed. Wenn sich öper Respektvoll gägänüber all sinä Mitmänschä zeigä söll, isch zweits sogar dringend notwendig. Suscht chunds denn ebä plötzli so usä, dassmer nur vor de stärchärä und mächtigärä Respekt hed, und vor de schwächereä ebä nid. Leider es Phänomen womer hützutags, vom Pausäplatz bis zum Erwachsänä Alltag sehr sehr vil gsehd, und sehr verbreitet isch, und wemer sich andersch verhaltät stostmer oft uf Unverständnis.

Zudem isch halt d Situation Elterä/Chind kompliziert. Us irgendeme Grund gältet für diä eigene Chind ganz anderi Reglä als für alli andere (ussert villicht für Huustier). D Tatsach dasmer sie uf d Wält brocht hed, und für si sorgt, schiint eim jeglichi Freiheit z geh demit umzgoh wiämer will. Das isch irgendwiä au logisch. Andersits wärs vo dem Gsichtspunkt her ebä au wider logisch, dass de Stärcher de Schwächer uf de Stross verprüglet, wener s Gfühl hed dasses richtig isch.
I andere Gedankämodell gods denn ebä ehnder drum dass jedä Frei isch, und jedä s Rächt hed mit Respekt und Liebi und als das waser isch anerkennt z werdä (do müesstmer denn natürlich au devo usgoh, dass es Chind ebä bereits öpis isch).
Wemer das mit entgültiger Konsequenz verfolgt, ischs denn aber au bald problematisch, wiämer z.B. im "Keoma" Idrucksvoll gsehd. Es Chind isch vo de Mitmänschä abhängig.
Wemer grad bi Film sind, de "Chiedo asilo" isch en interessantä Film zu dem Thema (nid zu Gwalt, sondern zu spezieller Erziehig und möglichä Folgä und Konsequenzä).





Ich han in Schweedä es Wunderbars Bispiel gseh, wo ich als Vorbild wird neh. Es Chind (ich weiss nüm gnau wiä alt, villicht 4i 5i umänand) will es Brätt vo mim Mitarbeiter. D Mueter hilft em Chind in z frögä. Er gid em Chind s Brät. Bim Weglaufä seit d Mueter nach churzem wartä zum Mitarbeiter: "Dankä, *vornamä*." S Chind dreht sich um, macht nomol paar Schritt zrug und seit em Mitarbeiter in unglaublich höflicher Art und Wiis (sogar en chlini Verbügig" "Dankä, *vornamä*.". Woruf natürlich vom Mitarbeiter es glich höflichs "Bitteschön, *vornamä*" zurggeh wordä isch.
Sälbscht uf derä absout Banalä und nidere Stufä isch en Intervention nid zwingend notwendig. Es brucht nid unbedingt es "Was seitmer?!", "Säg dankä!" oder so öpis. Es chan tatsächlich au langä, dassmer sich sälber so benimmt, wiämers für richtig haltet.
Dass das funktioniert mues aber natürlich sehr sehr vil Stimmä, i allnä Bereich, und natürlich muemer sich denn au so beneh, wiämers für richtig haltet, und nid sälber Seich machä und sich denn wunderä wenns Chind au seich macht (do wär denn au wider de Punkt dasses natürlich schwierig isch es Chind mit Gwalt zur Gwaltlosigkeit z erziä... (Bispiel Spielplatz und Prügel)).
Es isch doch schlussendlich so, dass s Beneh vomene Chind (und oft au spöter noh), vo dem Beiflusst wird, was eim Vorgläbt wird. Natürlich gits au no anderi Iflüss als d Elterä, aber schlussendlich glaubi Scho, dass das Vorlebä mit de intensivschtä Beziehig höchschtwahrschindlich am meischtä Ifluss wird ha. Das d Beziehig Intensiv gnueg isch, und mer ebä nid Seich vorlebt, dass isch denn de Eltärä ihri Ufgab.

Nur will das sehr schwierig z erreichä isch, heisst das jo aber nid, dasses nid höchschtes Ziel und Ideal si söll. Und nur wills theoretisch möglich isch, dassmer sich nid unter Kontrollä hed, und eim ebä "d Hand usrutscht", heisst das nid, dass das entschuldigt und nid absolut eignigs Versägä si söll, und mers ebä eifach uf diä eignig Chappä mues neh. Sälbscht wemer alli Fehler uf derä Wält macht und hed, heisst das jo nid, dassmer nid trotzdem dra schaffä chan sich z bessere.

[zwirrlibatz]

eigeti chind ha isch äbe was ganz anders herr vortex. hani vorhär au nöd glaubt.

Ich verstah die Ussag ersch jetz. Du hesch aso vorher nie dänkt, dass jemals es Chind würsch schreie oder schlah, aber sit em eigete Chind gaht das locker vo de Hand wenn die halt mal usschlipft.

[zwirrlibatz]

Quelle

[feeshlee]

nei, häxxer, trotz langem teggscht mit zig usfüehrige, wird das ganze eltere-chind verhältnis vo dier uf gwalt und angscht reduziert.

häsch du würkli s'gfühl, dass es entweder angscht oder 'dini' methode git?
häsch du würkli s'gfühl, es chind isch so eifach gstrickt?
einersiits muss in dier s'chind e vorbild gseh.
dänn muess es in dier vertraue ha, dass es sich nöd zweimal überleit, dir was z'verzelle, wo im z'schaffe macht.
dänn muess in dier en fründ ha
und en beschützer. wonen au vor sich sälber schützt.
und trotz alledem muss ihm ufzeigt wärde, wie es sich z'beneh hät.

wenn du eme chind seisch, 'ich han dich gwarnt, jetzt gömmer hei', dänn finds jetzt nöd so lässig.
nägsch mal nimmts vilich aber in chauf, dass es hei muess und dänkt sich, 'wänni scho hei muess, nimmi damal dä schwärer stäcke und luege, dass dä schlag damal richtig sitzt'.
und dänn lasch der was ifalle, woner no weniger lässig findt? und wänns das au wieder in chauf nimmt? hörsch dänn uf und lasches mache? oder lasch der solang öppis ifalle, bis a dä punkt anchunsch, wo s'chind dänn eso fescht nüm lässig findt, dass es devor angscht hät (hmmm.... das wämmer ja vermiide).

also: mir müend vermiide, dass s'chind angsch vor euse handlige hät. s'chind nutzt das schamlos us. wie gasch dä fakt ah? und glaub mir, das isch kei vermuetig - s'chind nutzt das schamlos us.

du chasch s'chind uf d'siite neh und ihm säge, was sich ghört und er begriiffts. und trotzdem heisst das nöd, dass er sich dra haltet, wills tragwiiti vo sim handle nöd realisiert.
wänn ein spruch vo all dene, wo so gängig sind, wahr isch, dänn dä, dass d'chinder d'gränze bis zum üsserschte uslotet. glii chömed sie amene punkt, wo es längt, dass mer sie druff ufmerksam macht, dass jetzt nüm guet isch. hmm... das isch nonig so schlimm gsi, wiiter. dänn chunt dä punkt, womer sich richtig ziit nimmt und ihne versuecht klar z'mache, dass das so nöd gaht. autsch, das findet dä papi gar nöd toll, aber luegemer mal, was no so alles drinliit. und dänn fangets ah annere gränze z'chratze, wo sie nöd überschiitte sötted. und was dänn ganz wichtig isch: dass die gränze da sind und nöd überschritte wärded. und da red ich vo gränze, wo wänn sie überschritte wärded, zersch s'jugendamt und später d'polizei iigriift.

wie also, zeigt mer amene chind die gränze uf?
wie macht mer dem chind klar: bis hierhin und nicht weiter.
und da gits leider nöd en antwort, wo imene forum-topic inepasst. uf das gits kei antwort, wo imene 500-siitige wälzer passt.
da gits kei pauschal-rezept, mer muess das individuell bi jedem chind andersch agah (ja, die chinder verhaltet sich nöd all nach schema f, die händ en eigene charakter) und s'bescht drus mache. das glingt nöd jedem - s'resultat zeigt sich dänn bi dä einte bereits ide pubertät, bi andere dänn vilich später. ich säg nöd, dass ich min job perfekt mache, aber ich bin überzüügt, dass mini chind mich en guete papi findet.

so schlagwörter, wie 'angscht' und 'gwalt' oder so ussage, wiemmer es nöd z'mache hät sind bi some thema ebe nur theorie-geschwafel, wo (sorry, wenn das jetzt beleidigend isch) öpper um sich wirft, wo leider no kei erfahrige mit chinder ha gmacht hät.

[Master(G)]

Fish +3

[emP]

„Denn wen der Herr liebt, den züchtigt er; er schlägt mit der Rute jeden Sohn, den er gern hat. Haltet aus, wenn ihr gezüchtigt werdet. Gott behandelt euch wie Söhne. Denn wo ist ein Sohn, den sein Vater nicht züchtigt? Würdet ihr nicht gezüchtigt, wie es doch bisher allen ergangen ist, dann wäret ihr nicht wirklich seine Kinder, ihr wäret nicht seine Söhne.“

– Hebr 12,6 ff. EU




1. Sorry chind chläpfe/haue was au immer geit nid. Mal chli starch am Arm packe und imperativ klar mache, dass itz fertig isch, ischmer au scho passiert. Aber würklich schlah isch vor Vorgeschter.$
Machi nid, wirdi nie mache und wenns würklich würd vorcho müessti mit mir selber über d Büecher.
2. Es gitt chli viel Lüt hie ohni Chind. Klar, au die mit Chind heis nid glehrt Eltere dsi, aber immerhin hei die chli es Verständnis, was alles uf eim zue chunt we meh Chind hett. Es isch halt mängisch scho grad chli stressig, und wie d Lüt halt nunmal si, chunts je nach Charakter vo de Eltere zu so Situatione wos denn Gwalt gitt, oder no schlimmer so wies de Batz gschilderet hett, zu verbale Entgleisige. D. h Situatione am Chind z.B. vorgworfe wird, dass es Quell vo allem übel isch. Wüll sini Eltere am Chind vorwerfe, dass ihres Lebe doch ohni ds Chind besser wärei gsi oder ähnliches. Das isch ebe mitunter dem Umstand gschuldet, dass jede Chind cha ha, und das oft gilt: desto meh assi, desto eher Chind, resp. desto eher Chind im falsche Alter (als Eletere)
3. De Jones isch doof. Wieder mal idrückliche Bewies.
4. Ihr Internetzhelde. Als würd eine irgendöppis säge i der Situation
5. Ich hät gern ds Burkini diskutiert. Das isch nämlich ganz öppis ähnlichs.

[Jones]

omg jetzt nomal so en nullchecker schiss. nöd schlah, kei klaps geh (ja au ohni rötig) = antiautoritäri erziehig. säged mal tüesch du eigentlich so saublöd zum trolle oder bisch würklich so. logischerwiis sind problemchind alli "antiautoritär" erzoge worde. die sind sicher nie gschlage worde dihei und händ weg dem en knacks.
wow du setzisch würklich dere ganze farce no s'chrönli uuf. wenn bi dir autorität was mit physischer gwalt ztue hät isch es au nöd verwunderlich, dass du bull worde bisch. das erchlärt so einiges.

lahn mich rate: au du häsch vo dine eltere amigs paar übercho, will so en schlimme gsi bisch. und jetzt gesch au ii, dass es dir nöd gschadet hät, im gegeteil. drum isch es au ok so wiiterzmache.
isch komisch bis jetzt sind alli da wo das propagiered selber au amigs gschlage worde, findet selber, sie hegeds verdient und findets im grund gno au ok zum so wiitermache. denked mal drüber nah.

du wirsches nid gloube aber i bi nid gschlage worde. dennoch het meh mir gwüssi sache bibracht. o z.b. dass es grenze u konsequenze git im läbe. dass das hützutags läääängstens nüme bi allne der fall isch, gseh ig tag für tag. authoritäte akzeptiere isch nüme "in". lieber paar steine oder fläsche schmeisse oder zumindest e dumme latz cho ha, wenn sire meinig nach irgendöpäräm "unrächt" passiert. und das, obwohl meh nid im gringschte e ahngig vor gschicht derhinger het!

i ha niene behouptet, dass "nid schlah" = antiauthoritär sig! ha sogar e neue absatz gmacht aber wär sich sini meinig über sache u anderi mönsche scho derartig zrächtgleit het wie du, cha das natürlech gekonnt überlese u stattdesse grad mit "du findsch gwalt guetalso bisch bulle worde" um di wärfe. eifach e sehr sehr eifachi u erbärmlechi art öper z'denunziere ohni im gringschte e ahnig vo däm mönsch z'ha! i verabscheue gwalt u schlah nid chli zum spass mönsche zum macht demonstriere! das mache 98% vo mine kollege o nid! das isch es dumms märli, wo so lüt wie du immer bringe. wahrer wirds wäge däm aber nid! ch </> russland! :typej:
mi job het sowieso nüt mit mine statements da inne z'tüe! du und alli andere (insbesondere o de emP) chöi also jeglichi bezüg uf das getrost ungerlah. i hätt die glich meinig zu so theme wenni no im büro würd bügle! also vergässet das mal!! aber isch halt für ghwüssi lüt e guete punkt zum e agriff z'starte anstatt überhoupt z'läse, was öpär schriebt. lieber grad gwalt/bulle rüefe!

i akzeptiere, wenn du dini kids nid schlahsch. finds sogar guet. i aktezpieres o, wenn du ihne keni gränze bibringsch! akzeptier du bitte o, dass es lüt git, wo ihrem nachwuchs chli öpis anders wei mitgäh fürs läbe! NEI, nid verprügle u verletz aber halt chli strenger als du!
niemer git dir z'rächt, dini art vom läbe und dini asichte allne andere wöue ufzdrücke und andersdenkendi grad als nullchecker z'bezeichne!

[Acid]

authoritäte akzeptiere isch nüme "in".

Du seisch das jo wiä wenn das öpis negativs wär...

[Jones]

Du seisch das jo wiä wenn das öpis negativs wär...

und du, als obs umgekehrt wär...

chame geteilter meinig si isch mir klar!

[Acid]

Es isch eifach so dass all diä Sachä wiä "Respekt", "Aschtand", "Grenzä" usw. super Wert sind, wo ich au Teilä.

Allerdings bestohd kei kausalä Zämähang zwüsched denä Wert und em Glaubä a es Autorithätä System. Ich würd sogar wagä z Behauptä, wenns einä hetti, würder wohl nid zu Gunschtä vom Autorithätä System usfallä.

[Jones]

Es isch eifach so dass all diä Sachä wiä "Respekt", "Aschtand", "Grenzä" usw. super Wert sind, wo ich au Teilä.

das isch doch guet wenn du so wärt teilsch!

[Mastler(P)]

Quelle

[zwirrlibatz]

oh sie vo New Girl. sehr e schöni.

[Mastler(P)]

oh si.

[Shadow]

oh sie vo New Girl. sehr e schöni.

Lol sie isch dur anders bekannt worde als new guuurl

[Mastler(P)]

Lol sie isch dur anders bekannt worde als new guuurl

[Mastler(P)]

http://edition.cnn.com/2013/10/22/opini ... index.html" onclick="window.open(this.href);return false;

wie isch eigentlich wenn dini fründin spanksch? chan das au zu psychische problem füehre oder bliebet nur di eigentliche bestah?

[evo]

du hast kein recht deine kinder zu schlagen

[Mastler(P)]

aber, aber.. es sind doch MINI.

[turntablism]

wenns nöd richtig tüend denn sägi amigs dass ichs in ratze-chäller abe sperre ! denn isch rueh

[Mastler(P)]

mis mammi hät amel gseid dmüllmänner würded mich mitneh.

[turntablism]

teppich chlopfer
hät bi mir gwürkt

[Jones]

Alao nid schlah aber bedrohe he?

[turntablism]

ganz eifach, e massnahm ergriffä

[Master(G)]

das bild dett ob mit de würscht! hahahah

es super topic übrigens, wieder mal gueti und einigermasse ärnschtzunehmendi diskussion da inne. en sälteheit! bravo!