Wohnigssuechi: Privathaftpflicht- oder Hausratsversicherig?

[chind]

Isch beides gliich wichtig binere Bewerbig? Ich han nämli keis vo beidem.
Ich han ghört, eini vo dene zwei Versicherige segg zimli günschtig und es Muess für d'Wohnigssuechi, ich weiss aber nöd gnau, welli.
Ischs d'Privathaftpflicht?

Sölli mi für beidi Versicherige aamälde zum mini Chance binere Wohnigsberwerbig z'erhöhe oder langt eure Erfahrige naa au numme scho d'Privathaftpflicht?

[evo]

i han kei blasse schimmer obi sowas ha aber uf jede fall hani scho e paar wohnige zuegsproche beko ohni jehmals sowas müesse vorzlegge

[thaeye]

was es muess?

[Supersonic]

Es sind beidi Versicherige extrem günstig (je nachdem wieviel Huusrat du häsch) und du muesch ide Regel keini chönne vorwiise bim Wohnig sueche. Klar chans mal en Vermieter geh wo seit das du ä Privathaftpflichtversicherig ha muesch, din Huusrat isch am Vermieter aber zimli egal Usserdem chönnd Vermieter in Züri langsam sogar Blowjobs verlange also chunnsch mitere Privathaftpflicht no guet weg

Aber als Ex-Versicherigs Guru empfiehl ich dir beidi vo dene Versicherige abzschlüsse. Chostet nix und wenns Velo eimal klaut wird oder en Wettersatellit durs Chuchifenster inetätscht häschs scho wieder drin

[Schummelschumi]

oder en Wettersatellit durs Chuchifenster inetätscht häschs scho wieder drin

häsch so schadensfäll no hüfig müäse behandle wod versicherigsmänsch gsi bisch?

[geosnow]

mach eifach beidi versicherige. privathaftpflicht muesch eifach ha. egal, was passiert.

[evo]

privathaftpflicht muesch eifach ha. egal, was passiert.

kumi ind höll wenis gliich nit ha?

[Pandemonium]

lol chunt no tüür wennd keini häsch unds passiert mal was!

[geosnow]

privathaftpflicht muesch eifach ha. egal, was passiert.

kumi ind höll wenis gliich nit ha?

dini mueter verdient ja zum glück gnueg, denn chan sie ja bläche, wenn was passiert.

[putzfrau]

ich ha scho öppe züglet und no nie häts en vermieter intressiert wieni versicheret bi. de lohn und de arbetgeber findeds aber no intressant, zum usefinde öbd d'wohnig längerfrischtig chasch zahle.

[evo]

privathaftpflicht muesch eifach ha. egal, was passiert.

kumi ind höll wenis gliich nit ha?

dini mueter verdient ja zum glück gnueg, denn chan sie ja bläche, wenn was passiert.

i könnts jo au eifach sälber bläche?

[Schummelschumi]

privathaftpflicht muesch eifach ha. egal, was passiert.

kumi ind höll wenis gliich nit ha?

dini mueter verdient ja zum glück gnueg, denn chan sie ja bläche, wenn was passiert.

i könnts jo au eifach sälber bläche?

meinsch du chöngsch d'reha chöschte vo eim zahle wod mit em velo über de hufe gfahre häsch?

[evo]

nö. aber so seich machi ja niit

[Schummelschumi]

besser wärs

[Skeletor]

also ä haftpflicht isch sicher sehr empfehlenswert. das würdi uf jedefall machä.

[geosnow]

privathaftpflicht isch je nachdem mit fremdfahrzügversicherig um die 100chf. mit "normalem" huusrat als mieter innere 2 zimmerwohnig öppe 150chf. das chan aber au bis unendlich gah, wenn zb e picasso und ferrari sammlig häsch.

[evo]

im monet oder im jahr ?

[geosnow]

im jahr.

[Gurgelhals]

Im Jahr. Huusrat isch abhängig vom ganze Krempel, wo me hätt. Und wie höch me d'Versicherigssumme für Diebstahl uswärts setzt. Für en 1-Persone Hushalt würd beides also schätze mal total uf ca. 200.- bis max. 250.- pro Jahr cho. Also praktisch nüt

[Supersonic]

nö. aber so seich machi ja niit

Logisch machsches nöd und es passiert au fascht nie aber leider passierts.
Ich find d'Schwiizer eigentlich masslos überversicheret, aber d'Haftpflicht findi ziemlich fair wil sie günstig isch und du au dini Mitmensche schützisch.
Wennd ä alte Frau bim usesekkle usem Tram/Bus umnüsslisch und sie sich d'Hüfte bricht chasch ohni Haftpflicht wenns dumm chunnt bis zu 200'000 Stei zahle wege Operatione und so Chäs. Wenn keini häsch chaschs nöd zahle, bisch arm und d'Frau isch au am Arsch wenn sie selber nöd uhuere guet versicheret isch. Darum lohned sich die 50 Stutz jährlich irgendwie scho no.

[Supersonic]

oder en Wettersatellit durs Chuchifenster inetätscht häschs scho wieder drin

häsch so schadensfäll no hüfig müäse behandle wod versicherigsmänsch gsi bisch?

Ich han nie ide Schadeabteilig gschafft han aber natürlich einiges ghört vo Kollege oder vo Chunde wo mir aaglüüte hend. En abgstürzte Wettersatellit im Chuchifenster hani jetzt no nie ghört, aber es wär tatsächlich versichered. Abstürzendi Teil usem Weltruum oder Meteorite sind i de AVB erwähnt

[Avenger]

i han kei blasse schimmer obi sowas ha aber uf jede fall hani scho e paar wohnige zuegsproche beko ohni jehmals sowas müesse vorzlegge

chunt wohl uf d verwaltig/vermieter druf ah. bi mir han igs müesse ageh und vieli anderi sache au no.

[Marco_in_motion]

Privathaft isch scho am wichtigste, ich find diä sött oblig. sii. aber für 50.-/ Jahr chunnsch diä niäneds meh über, ussert Du häsch irgend en spez. Rabatt dur dä$ arbeitgeber oder irgendeme verein wo Du däbii bisch und/oder sie deckt nur 3mio. ab...

Warum häsch ufghört Supersonic? bisch im Vertrieb gsi oder?

[Marco_in_motion]

Evo, mach sone Privathaftpflicht, isch meh besser. Wändt mal zügle tuesch und dä Vermieter motzt will dä Parkett es paar kabutti Elementli hät und evtl. no es Brünneli es paar Hickli meh drin hät als Vorher, verlangt Er dä Ziitwert dävo zrugg, wändt kei Versicherig häsch, suugt er Dir das vo dä Kaution weg. Wänn diä nöd langet zahlsch dä Rest usem eigete Sack. Häsch ä Versicherig, häsch no en chliine Selbstbehalt vo sägemer en 100er oder so ...däfür zahleds der d'Schadefäll gemäss dä Allg. Bedingige.

Huusrat bruuchsch nöd zwingend, isch aber no geil vorallem wändt Kasko ihbausch, dänn zahleds sogar wändt dis Züüg sälber schliessisch. Hani so gmacht wäg dä Arcadechäste. das chasch uf ä bestimmti Summe hi abschlüsse wo im Schadefall als Maximum uuszahlt wird.

[evo]

ja denn isch halt t kaution wäg, jessesgott au.

das mit em omi woni kabuttfahr isch als os 100 mol besser argument. wobi ich glaube das t wahrschinlichkei dass ich selber uf dr strass überrollt wird um einiges höcher isch.