Erlaubt odr doch nid?

[mousch]

I wohne sid 2 Mönet allei und ha no kei einzigi Abfall-Vignete kauft. Tuen de übere Tag agsammlet Müll immer ines Platiskäckli wo süsch eh au nur furtgschosse werdet und tuens am morge ufm Wäg zur Arbeit ine öffentlech Abfauchübel!

Vorteil: Nie stinkende Müll wosech deheim asammlet + nix zahle.

Dörfti das eigetglech odr gids do es Verbot gäg das?

[Jones]

mousch ubass!
illegali abfall entsorgig! dr mousch isch e kriminelle!
chasch im fau die plastikseckli o zämechnüpplä und so i abfallsack schmeisse de stinkts o nid!
machi immer so, wenns rüschtabfall (gemües, frücht etc etc) git!

[mousch]

Wiso illegal? Ich entsorge de Müll doch imne dafür vorgsehene Behälter. Oder isch das irgendwo schrifftlech so feschtgleit dass das nid erlaubt isch?

[Andyator]

haha, Räpplispalter...

[Jones]

Wiso illegal? Ich entsorge de Müll doch imne dafür vorgsehene Behälter. Oder isch das irgendwo schrifftlech so feschtgleit dass das nid erlaubt isch?

lies mau d'abfallverordnig!

was du däheim produziersch heisst "hauskehricht" und muess mit de offizielle seck oder äbe mit märkli entsorgt wärde!

ir verdordnig vor stadt zh steits z.b. folgendes:

III. Pflichten der Verursacher/Verursacherinnen
und Inhaber/Inhaberinnen von Abfällen

Art. 14 Hauskehricht, Betriebskehricht, Sperrgut
Hauskehricht, Betriebskehricht und Sperrgut sind über die vom
Abfuhrwesen selbst oder in dessen Auftrag organisierten Ab-
fuhren zu entsorgen, sofern in dieser Verordnung nichts ande-
res bestimmt wird.

und denn no das:

Art. 23 Bereitstellung
a) Hauskehricht
Der Hauskehricht ist in den offiziellen Kehrichtsäcken, die
auch in dafür bestimmten Containern deponiert werden kön-
nen, bereitzustellen.

natürlech gits viu lüt, wo's so mache wie du um paar wenigi fränkli z'spare! immer no besser als die arschlöcher, wo ihre abfall eifach irgendwo i wald usekippe!
mega schön wenn mit hund und chind im wald spaziersch und überall liegt abfall ume!

dennoch würdi a dire stell besser die dumme märkli choufe! und wenn nid, würdis nid im internet verzelle!

[Tatsujin]

Usserdem mached das suscht eigentlich nur krossmamis wo d rente etc. ds churz grate isch.

mousch = krossmami

[elnino]

Mär dörf sich de eifach nid beklage, wenn's fascht niene meh öffentlichi Güselchübel hed.

[Skeletor]

nene mousch, dsa ghört sich nöd. abfallmärkli chaufe, hopp.

[evo]

abfallmärkli :typej:
bebbi säck!!

[derinderinderinderin]

bebbi säck!!

Shit hei mir glachet wo mir das zum erschte Mal gseh hei, mir heis sogar müesse fötele

Bebbi Sagg

[agestuffer]

Frühner hemmer Chläber muessä chäufä für uf de Sack, jetzt sind kompletti Seck
GLaub vziili vo die Chläber kopiert hend und so.. Hehe...

Die neuä Seck sind aber voll scheisse, Bändel riist immer uus, wenni de Cheib zämäprässä ghis immer grad löcher etc. etc.
Saubilligi China Qualität isches

agestuffer

[Avenger]

Bi üs hei sie au mehreri system usprobiert. Jetz zahlsch eifach pro gfüllti Abfalltonne.

[Shadow]

es chan dir niemer bewiise dass dä abfall vu dihei mitgnoh häsch oder eifach grad vor 10min usem coop öppis kauft häsch und jetzt wegschmeisse wotsch... solangs kein 35Liter Sack isch

[Skeletor]

isch es eigentlich irgendwiä cool oder so, wenn mä schlupflöcher suecht? immer gägä s'gsetz? freiheit für vietnam und wäg mit allne bh's?

[Shadow]

nei, ich würds jetzt au nöd mache, aber es gitt halt viel lüt diä müend spare....

wennd ebe scho bim abfall afangsch chuntsch ebe würklich uf diä "gege s'gsetz und bestimmige" - Schiene wod denn abe mit 50i oder 60i immer no fahrsch... denn chunts denn ebe zum Amokläuf etc.... ich zahl eifach und guet isch.

[Skeletor]

git däfür au cumuluspünkt, wenns ih dä migros chaufsch

[mousch]

git däfür au cumuluspünkt, wenns ih dä migros chaufsch

stimmt nidmol..

Naja mau luege...spare wär ja no ds einte, aber für was zahle mer denn bitte sehr Abfallstüre? Isch eifach widrmol was vo dr Bürger dopplet zahlt..frächheit isches!

Schlupflöcher sin btw. e super Sach!

[Acid]

git däfür au cumuluspünkt, wenns ih dä migros chaufsch

stimmt nidmol..

Naja mau luege...spare wär ja no ds einte, aber für was zahle mer denn bitte sehr Abfallstüre? Isch eifach widrmol was vo dr Bürger dopplet zahlt..frächheit isches!

Schlupflöcher sin btw. e super Sach!

De Pris pro Abfallsack isch demit du würklich zahlsch was du bruchsch, also ein Abfallsack entsorgä choschtet so und soviel, also zahlsch das...

D Abfallstür isch damit sich diä wo üs regiered chönd vo dem undurchsichtig abgrächnätä Stürli en Kafi leischtä, es Huus Bauä etc.

Gsesch de Unterschied?

[Gurgelhals]

Littering isch jetzt also würklich öppis vom Trüürigschte wo me überhaupt chan mache (drum isch es wahrschinlich au so es sautumms Wort ). Und, nei, me isch weder bsunders schlau und nonkonformistisch, wänn me sin Müll nöd suber entsorgt, no isch me en verchnöcherete Bünzli, wänn me's macht

[zwirrlibatz]

erscht schritt zu intergalaktischer coolness:

de eiget dräck aständig entsorge!

[Jones]

es chan dir niemer bewiise dass dä abfall vu dihei mitgnoh häsch oder eifach grad vor 10min usem coop öppis kauft häsch und jetzt wegschmeisse wotsch... solangs kein 35Liter Sack isch

i sägs gärn nomau: hauskehricht!

gseht scho chli andersch us als wenn es snickers chouft hesch im coop und när d'verpackig wägschmeissisch!
aber viellech hesch ja ufem wäg vom coop zum chübel 2l milch usem tetrapak trunke, hackfleisch roh gässe, 7 eier verschlage, öpfel und orange grüschtet und wosch itz eifach schnäu das, wo übrig bliebe isch, entsorge!

[blackraini]

wiä ish das mit grüänabfall, uf äm puur sini wisä und keis problem?

lauft genau glich - Grüenabfuhr... wenn di z.B. im Wald bim Entsorge vonere Zimmerpflanze verwütschend, chan das rel. tür werde

[Jones]

wiä ish das mit grüänabfall, uf äm puur sini wisä und keis problem?

lauft genau glich - Grüenabfuhr... wenn di z.B. im Wald bim Entsorge vonere Zimmerpflanze verwütschend, chan das rel. tür werde

zu rächt! es wärde immer wieder pflanze im wald entsorgt, wo die iheimische pflanze när bedrohe oder verdränge! isch öpä glich dumm wie es exotisches tier ime CH see ussetze u paar jahr später si iheimischi tier bedroht! aber d'dummheit vo de mönsche isch leider gränzelos!

[Tatsujin]

gseht scho chli andersch us als wenn es snickers chouft hesch im coop und när d'verpackig wägschmeissisch!
aber viellech hesch ja ufem wäg vom coop zum chübel 2l milch usem tetrapak trunke, hackfleisch roh gässe, 7 eier verschlage, öpfel und orange grüschtet und wosch itz eifach schnäu das, wo übrig bliebe isch, entsorge!

[Schummelschumi]

aber viellech hesch ja ufem wäg vom coop zum chübel 2l milch usem tetrapak trunke, hackfleisch roh gässe, 7 eier verschlage, öpfel und orange grüschtet und wosch itz eifach schnäu das, wo übrig bliebe isch, entsorge!

im coop verchaufeds eier im sibnerpack????