[Eltere] chind :)

[Vyse]

ich eigetli au nöd. aber irgendwie isch cool, dä chline sache biibringe, gseh, wie sie sich sälber e meinig zu sache bildet und trotzdem en teil vo dä eigene erfahrige und iidrück a ine wiitergeh.
mi mänsche erläbed sowieso immer gärn, wie sache wachsed

Ja voll, ich chann mich trotz allem däre Faszination au nöd entzieh, wänn es Chind vonere Begeisterig ergriffe wird.

[sidusson]

ching.. ke plan öbi mau wett oder nid, aber ämu ide nächste paar jahr sicher nid.. finges guet weme fröid dranne het.. ig bi aber säuber no wie e goof u drum söttis gschidr la si..

[sam]

ig bi aber säuber no wie e goof..

sind mir doch alli und das isch guet eso

[mr.raw]

da im thread sölled sich doch die lüüz melde wo scho chind händ oder überchömed.

d`frau isch schwanger; wie finsch? wie isches so vater si? häsch bsunderi erlebniss gha? häsch en bueb wölle und es meitli becho; was denksch drüber? fotis wäred au no nice

Also zu dr erschte frog...
Mis Frauchen isch in dr 16.Wuche... es isch JETZ efang super. Vori sehr sehr seeeeeeeeeeehr müehsam gsi. Durch ihri übelkeit und übergeberei hanni e zitt lang gmeint kha, dass en Dämon in ihre stecke wür. Die Tön...unfassbar 2x ins Spital hett sie sogar müesse, will sie zweni Flüssigkeit kha hett (durch die übergeberei).
Dass ihri Hormon verruckt spiele find ich im fall sehr amüsant. Vom lache ins hüüle wieder ins lache übere.
Was i au scho toll find isch...szüüg aafange iikaufe. Hend shco e Wickelkommode bstellt, uffbaut und iigrichtet Alles schön langsam vorbereite, damit alles im März fertig isch (endi Juni isch es sowitt), damit d Katze sich a die neue sache tüend dra gwöhne.
Wies isch Vater zsii...kunnt denn no.
Mir hend beidi es Meitli welle...wird aber zu sehr grosser wahrschiinlichkeit en Bueb. Klar, nid schlimm...hauptsach gsund. Wär eifach härzig gsi mit de Kleidli und wenns denn im Teenyalter isch ihri Macker eso zbehandle wie dr Al Bundy

wäge fötteli...sgitt so ne "tolli" Inetsitte vo/mit schwangere Fraue (paar pics sinn ab 18)...rofl
http://swollenbellys.tumblr.com/" onclick="window.open(this.href);return false;

[Avenger]

Ds chliine vom Genfer, gseht us als sigs es rechts Energiebündel. Isch es uf em foto schnell 2 Minute ruhig gsi?

[Vyse]

Übrigens findi langsam en Bezug zu Chinde (eigentli chann ichs keis bitzeli uustah)

Ha am Wiehnachtsabig miini gueti Tat vollbracht und zwei chliini Meitlis, wo mit ihrne Eltere bi miine uuf Bsuech gsi sind,
vor dä Langwiil grettet:
Ha miin alt Super Nintendo ahgschlosse und halb Wiehnachte mit dä Chliine Super Mario World gspillt.
Mal dä neue Generation rächti Videospielkutlur präsentiere.

[emP]

Mir hend beidi es Meitli welle...

Männer wo Meitli wei si mir grundsätzlich suspekt.


@Topic, wenn Chind hesch hört Dis Lebe uf. Guet, es faht denn au wieder neu ah, allerdings e chli anders als vorher. Grad us Vater (und hie hetts ja meh potenzielli Väter) hesch am Afang rächt viel Ischränkige und Lebensqualität-Ibuessene wo IMO (das isch natürlich immer individuell) gar nid eso mittem "Payoff" im Verhältniss stöh. Das isch zersch mal öppis wo die meischte Lüt eim gar nid verzelle. Chlichinder (1-6 Mönet) si nach mire Erfahrig vorallem es Mami-Ding. Das heisst natürlich nid, dass ds Mami alles mues mache oder so. Aber die Gugus-Dada Phase isch bis anhin würklich nid mini liebschti gsi. Ds Chind interagiert wenig, und hett vorallem sehr viel Bedürfnis, wos luutstarch cha kund tue, mi weiss aber nie genau was es hett etc. Nach dere Zit, dreiht sich das Ganze allerdings starch ids Gägeteil. Sobald meh Interaktion da isch, sobalds später cha rede und de würklich chasch interagiere isches natürlich öppis vom beschte wo meh cha ha. Chind = super. Grad hüt bini de ganz Tag mit mim Sohn zäme gsi, bi gah Velofahre, ha mitt ihm gspielt, en Bagger baut, er het mer Sache verzellt mir hei Büechli agluegt etc. etc. Alles Sache wo eim selber extrem viel Erfüllig bringe. Ig möchts nid misse.

Fetli posti keini.

Und Lüt wo mit Chind nüt chöi afah, hei glaubs major issues mit sich selber. qed i dem forum.

[sam]

hüt im spital (ultraschall) gsi und tatsächlech es git es meitli.
da tendenz scho länger so gsi isch, haltet sich entüschig in grenze. im moment hani eifach nume freud
jetzt gits aber erscht recht no es zweits

Chlichinder (1-6 Mönet) si nach mire Erfahrig vorallem es Mami-Ding. Das heisst natürlich nid, dass ds Mami alles mues mache oder so. Aber die Gugus-Dada Phase isch bis anhin würklich nid mini liebschti gsi..

han dä frau letschti gseit das ich nach geburt es jahr in d`ferie gah

[PlanetHarrieR]

Übrigens findi langsam en Bezug zu Chinde (eigentli chann ichs keis bitzeli uustah)

Ha am Wiehnachtsabig miini gueti Tat vollbracht und zwei chliini Meitlis, wo mit ihrne Eltere bi miine uuf Bsuech gsi sind,
vor dä Langwiil grettet:
Ha miin alt Super Nintendo ahgschlosse und halb Wiehnachte mit dä Chliine Super Mario World gspillt.
Mal dä neue Generation rächti Videospielkutlur präsentiere.

Findest du das nicht etwas zu pauschal, eine komplette Gesellschaftsgruppe nicht zu mögen?

[Vyse]

Diese gesamte Gesellschaftsgruppe ist eben durchgehnd gleich nervtötend im Verhalten und etwas debil auch.
Wobei ich ja dabei bin, meine Meinung zu revidieren. Hat spass gemacht mit den beiden kleinen Mario zu zocken.

[SinGinSmith]

Männer wo Meitli wei si mir grundsätzlich suspekt.

[PlanetHarrieR]

Diese gesamte Gesellschaftsgruppe ist eben durchgehnd gleich nervtötend im Verhalten und etwas debil auch.

Und du warst es natürlich früher nicht, oder wie? :typej:

[Herr Rossi]

..... Sobald meh Interaktion da isch, sobalds später cha rede und de würklich chasch interagiere isches natürlich öppis vom beschte wo meh cha ha. Chind = super. Grad hüt bini de ganz Tag mit mim Sohn zäme gsi, bi gah Velofahre, ha mitt ihm gspielt, en Bagger baut, er het mer Sache verzellt mir hei Büechli agluegt etc. etc. Alles Sache wo eim selber extrem viel Erfüllig bringe. Ig möchts nid misse.

Fetli posti keini.

Und Lüt wo mit Chind nüt chöi afah, hei glaubs major issues mit sich selber. qed i dem forum.

Ich gseh das genau so.

@sam
Sorry aber wenn erscht recht no es Chind wetsch nur wil s Erschte es Meitli wird..... :typej:
Das sich en zimlich dummi Ischtellig. Freu dich jetz erscht mal uf es gsunds Chind und bhalt das witgehend für dich.
Wenn dini Tochter chli elter isch lisisch das da nomol.

Mini Töchtere sind fascht 10i und 7i, unterschidlich wie tag und Nacht. Ich finds extrem herusfordernd, i de Entwicklig vom Chind immer mitzhalte. D.h. sälber dra wachse.
Krass findi amigs, wenn di gross mir z.B. altklug verzellt, warum iri Lehrerin letscht Wuche e Schissluune gha het. Mit bestächender Logik und us tüfschter Überzügig.

[sam]

am afang hani ja gschriebe das mir keis einzelchind wänd. klar hani au freud am meitli. wenns zweit kein bueb wird denn isch das halt so. heisst ja nöd das ich s`chind denn weniger gern han

[geosnow]

...
Mis Frauchen ...

Was ich nöd check, warum du dini Frau Frauchen nennsch. Das tönt so, als ob sie dis Hündli ade Leine isch.

[Herr Rossi]

...
Mis Frauchen ...

Was ich nöd check, warum du dini Frau Frauchen nennsch. Das tönt so, als ob sie dis Hündli ade Leine isch.

Für mich tönt das eher so als ob er ires Hündli isch.

[geosnow]

hehe, stimmt, aber ich finds glich chli e schrägi bezeichnig. okay. vielleicht stönd die zwei uf rollespiel.

[PlanetHarrieR]

Vielleicht Skyrim.

[Vyse]

Diese gesamte Gesellschaftsgruppe ist eben durchgehnd gleich nervtötend im Verhalten und etwas debil auch.

Und du warst es natürlich früher nicht, oder wie? :typej:

Und? Desshalb soll es unmöglich sein, diese Meinung zu vertreten?

[PlanetHarrieR]

Diese gesamte Gesellschaftsgruppe ist eben durchgehnd gleich nervtötend im Verhalten und etwas debil auch.

Und du warst es natürlich früher nicht, oder wie? :typej:

Und? Desshalb soll es unmöglich sein, diese Meinung zu vertreten?

dann musst du dich doch zu einem gewissen zeitpunkt selbst gehasst haben.

[Vyse]

Hä? Man kann eine gute Kindheit gehabt haben und später dennoch das Verhalten und die Wirkung von Kindern als nervtöndend erachten. Es ist nicht alles so konsistent, wie du es dir denken möchtest.

[Herr Rossi]

konsistent oder konstant, das ist hier die frage.

also ich vyse nur eis, dass ich mal genau so dänkt ha. denn hani e frau kenneglehrt und mini asicht het sich chli verschobe. nid dass die frau im nachhinein das wärt gsi wär (das ischs läbe), aber d asicht isch grob gseh blube.
chind sind öpis wunderbars, wemmer de muet het sich uf si izlah. wemmer das cha, wird mer mit verdammt vil liebi belohnt. MEGA

[feeshlee]

s'git tag, woni richtig freud han ade racker.
s'git tag, woni mir stöpsel id ohre stecke muess, wänni nöd grad usechan, will ich ihri stimme nöd mag chöre.
vorallem, wänn sie ab jedem scheiss nörgele, jammere, wimmere, motze, brüele tüend.

[Herr Rossi]

ab jedem scheiss nörgele, jammere, wimmere, motze, brüele tüend.

mached erwachsni au, eifach inere andere tonlag

[geosnow]

so isches, aber denne chamme iisi us em weg gaht. s eigene chind chamme nur zur adoption frei gäh oder is internat schicke. oder eifach au d frau verlah. bleche muesch aber immer.