The(G)Forum

ähä. dä bschisst genauso wie dä vw-filter.

Welcome to the next level!


Quelle

Stabiler als en Alki mit 1 Promill...faszinierend

da atlas würd vo dä bulle im süde vo amerika sofort ihbuchtet, will er bsoffe isch. au wänn er wiiss ahgstriche isch.
und warum gaht er am typ, wonem d'box us dä händ schlaht, nöd eini go brätsche?!

feeshlee hat geschrieben:und warum gaht er am typ, wonem d'box us dä händ schlaht, nöd eini go brätsche?!

atlas shrugged. bsoffe - glichgültig.

...

brace yourself, skynet is coming.

waen gits echt die erste roboterrechtler? es schöns nois betätigungsfeld wird sich da uftue. awält für roboter, roboter sozialisierigsprogramm, roboter heim. richtigs konjunkturprogramm wied "flüchtlingskriseeeeee".

kick roboter, nix robotergrecht.

d'robotik wird die schlächschtischte siite vo de mänschheit hervorbringe.

thaeye hat geschrieben:waen gits echt die erste roboterrechtler? es schöns nois betätigungsfeld wird sich da uftue. awält für roboter, roboter sozialisierigsprogramm, roboter heim. richtigs konjunkturprogramm wied "flüchtlingskriseeeeee".

kick roboter, nix robotergrecht.

Gid scho... z.B. bi dene automatische Autos. Die münd sich relativ viel Gedanke über "Rächt" mache. Z mitzt uf de Strass staht en Oma. Wenn s Auto lings uswicht, überfahrts zwei Chinde, wenns rächts uwicht en Frau mit Chind. Wa mache?
Wer isch Schuld? S Auto? S Programm? De Programmiere? D Firma? Die wo sich hend la überfahre? Niemmer? Gott?

Buccaneer hat geschrieben:Wer isch Schuld?

de wo de roboter hett lah fahre.

Also wenn Frau Müller bime Autohändler us de Nachbarschaft es Auto vo de überus zueverlässige und renomierte Firma VW chaufe tued wo 100% automatisch fahre tued und mer dinne chan schaffe oder schlafe oder what ever, denn sich Frau Müller tschuld, wenn das Auto inere schwierige Situation wahllos Lüt umfahrt?

Ich wür demfall uf Velo umstiege, wenns sowit isch unds Velos bis denn no gid.

Buccaneer hat geschrieben:Z mitzt uf de Strass staht en Oma. Wenn s Auto lings uswicht, überfahrts zwei Chinde, wenns rächts uwicht en Frau mit Chind. Wa mache?

brämse.

manuell söttsch us prinzip immer dä autopilot override chönne, find ich.

Buccaneer hat geschrieben:Ich wür demfall uf Velo umstiege, wenns sowit isch unds Velos bis denn no gid.

denn wirsch eifach selber vo vw's agfahre. besser? häsch ja helm..

vvw - volks vernichtungs wagen

Naja,mer söll ja i dene Autos inne chönne schaffe und schlafe und sust Zügs mache. So heikli Situation künded sich ja nid lang im Vornherein a. De Autopilot wird als nid chönnd säge: Du, i 5 Minute wirds bränzlig. Tuesch s Onlinemeeting langsam beände und din Kaffe ustrinke, damit de parat bisch.

Fahre dänk mit em Velo uf Schlichwäg. So das Autos keni Gfahr für mich sind, ich aber für Fuessgänger!


Letschti i de Zitig gstande: Frau fährt Kind an! SCHLEEEEEM
Wenn mer aber genauer list staht denn ungefähr so: Frau fahrt useme Parkplatz use. Es Chind hed s Auto gseh, halted a und warted. Es hed aber Glattis, Chind rutscht plötzli usem Stand us und knallt gägs Auto.
Aber äbe: Frau fährt Kind an! Ich nime a, dass es für sie wird Konsequänze ha...

Buccaneer hat geschrieben:Also wenn Frau Müller bime Autohändler us de Nachbarschaft es Auto vo de überus zueverlässige und renomierte Firma VW chaufe tued wo 100% automatisch fahre tued und mer dinne chan schaffe oder schlafe oder what ever, denn sich Frau Müller tschuld, wenn das Auto inere schwierige Situation wahllos Lüt umfahrt?

ja. will sie d'verantwortig a d'technik abgäh hett. aber au d'firma vauwe, will ihres produkt fählerhaft isch. und die ganz gsellschaft, will sie so öppis überhaupt ersch zueglah hett.

ja aso irgendwo muesch au bremse mit dä fuhlheit, scho so.
"schaffe und schlafe und sust Zügs mache" ghört das eigentli zum werbeslogan? chasch jetz au scho, nur am beschte nöd grad wenns fahrt.

Han irgendwo gläse, dass es so si wird oder sie dete ane wönnd... who cares? Fahre mis Auto ez no 15 Jahr und del uegi de mal, öb ich mir wieder eis chan/wott leiste...

Roboter...

s schlimmste im Mänsche...
viellicht au,
s beste im Mänsche...

wahrschindli öppis i de Mitti. Aber glaube als FPS Gamer chunnsch de sicher spannendi Job-Agebot über!
Highscore 42 kills on Multiplayer Map Kabul.

geil, ich freu mich uf de neui Job

Buccaneer hat geschrieben:Also wenn Frau Müller bime Autohändler us de Nachbarschaft es Auto vo de überus zueverlässige und renomierte Firma VW chaufe tued wo 100% automatisch fahre tued und mer dinne chan schaffe oder schlafe oder what ever, denn sich Frau Müller tschuld, wenn das Auto inere schwierige Situation wahllos Lüt umfahrt?

Also de Punkt wo machsch isch fair, aber s Bispiel nid grad s Glücklichschtä


Das was du seisch isch en Grund wieso dasses wohl chum wird cho dass sälbscht fahrendi Auto so umäfahred wiä hüt Lüt mit ihrnä Autos.

Sälbscht wenns denn mol technisch so wiit wär, was allerdings au no sehr lang wird go. S erschtä wo i de Richtig vo würklich sälbschständig fahrende Autos (also im Sinn vo nid nur automatisch, unter ständiger Ufsicht und Verantwortig vom Fahrer) wird cho isch s Autobahnfahrä, mit de klar definierte Spurä, klar definierte Richtig ohni aprupti Wächsel, klari Gschwindigkeitsvorgabä, und wohl ganz unbeufsichtigt au det nur, wenn uf derä Autobahn denn nur serig unterwägs sind, oder zumindescht ufere physisch abgränztä Spezialspur.

Det funktionierts jo hüt oft scho guet, aber i sehr villnä Situationä wo hüt Mänschä autofahred, chämtet diä nonig zgang. Alles was nid klip und klar beschildert isch cha so es Auto nid wüssä, wenn mol d Farb echli vo de Spuräbezeichnig weg isch, wird das au schnäll mol schwierig, starchi Kurvä mit chli Schwung ufere Passfahrt und so Sachä würd glaub au no niemert empfehlä und ebä, komplexi Vercherssituationä mit vielnä verschiedene, ebä au mänschlichä Faktorä.

Es brucht also quasi e Fahrbahn, es Netz, wo entsprend de Fähigkeitä und Programmierig vo dennä Autos erstellt und usgstattet sind, und wo denn au allnä Klar isch um was es sich handlet, und denn gits au keis moralischs Dilemma, isch jo dänn wiä bimene Trämmli oder bimene Zug, isch öpis uf de Strecki wird brämst, und ghoft dasses langet. Wennmer so wit isch sones Netz zha, isch das denn aber wohl eh überwacht, und mit de druf fahre de Autos in Kontakt, bzw übernimmt villicht d Kontrollä über d Chärä.

wird tatsächlech no tricky da ganze mitem gsetz wenn's mau sowiet isch. z'erscht, dass ÜBERHOUPT so soutos dörfe fahre uf öffentleche strasse. scho nume das isch e riiiiese sach füre gsetzgäber. und denn wie erwähnt d'haftigsfrag im worst case. wahrschinlech ungerschriebsch mitem chouf e klousle, dass dr hersteller/verchäufer ke haftig muess übernäh. so übernimmsch du säuber d'verantwortig für öpis wo (irgendwenn, nid grad am afang) gar ke ifluss meh druf hesch. super oder?

dank de immer tüfer sinkende Eigeverantwortig wird d Haftigsfrag immer meh zunere Frag vom Kontostand. Selbschtfahrendi Autos; vo Arschlöcher für Arschlöcher!