The(G)Forum

Moff hat geschrieben:ich bi de einzigs wos ned weiss offebar

ich has mol gwüsst aber us desinteresse alles wider vergässe

Moff hat geschrieben:was spilts denn jetzt füren rolle was für lüt ich wähle?
ich weiss scho mit striche, kumuliere, panaschiere etc. aber was spielts füren rolle öb ich iets de franz(sp) oder de fritz(sp) wähle?

Es isch nöd so kompliziert: E Stimm für en Kandidat isch sowohl e Stimm für de Kandidat, wie au e Stimm für d'Lischte, wo de Kandidat druf isch (und wie de acid scho gseit hätt: lääri bzw. gstricheni Lischteplätz zehled nöd als Kandidatestimm, aber immer no als Lischtestimm für die Lischte, wo me abgitt; oder sie gönd komplett verlore, wänn me e neutrali Lischte ohni Parteiname abgitt). Bi de Uszehlig bestimmed dänn z'erscht emal d'Lischtestimme, wieviel Sitz e Partei überchunnt und die Sitz wärded dänn a die jewiilige Kandidate mit de meischte Kandidatestimme vergäh.

Kandidate, wo wiit vorne uf de Lischte sind, händ grösseri Wahlchance, will sie halt i.d.R. am meischte Kandidatestimme überchömed. Drum bringt's z.B. nöd viel, wänn me a eme vernünftige, aber wiit hine uf de Lischte ufgfüehrte FDP-Kandidat sini Stimm gitt. Die Stimm wär ja dänn glichziitig au e Lischtestimm für d'Partei, wo natürlich in erschter Linie de "Frontrunners" mit de höche Wahlchance z'guet chunnt. Und im Fall vo de FDP sind das dänn ebe genau wieder so übli Gstalte wie d'Doris Fiala und de Gerold Bührer

S'Proporz-System chan me kritisiere, ich find's ok. Me wählt nöd primär Persone, sondern ungefähri ideologischi Usrichtige, was bi de d'Wahl vo ere Legislative(!) durchuus sini Rächtfertigung hätt. Und usgehend vo däre Feststellig chan me dänn s'eigene Wahlverhalte au entsprächend sinnvoll gstalte. Was usechunnt, wänn me d'Legislative mittels eme Majorz-System wählt, das gseht me ja in England und de USA. Es isch i beidne Fäll e mittleri Katastrophe.

merci, so ungfähr hani das scho in erinnerig gha, widerspricht jetzt au ned würklich gross dem woni bisher useglah han

ich pack demfall na paar grüenliberali ufd pirateliste und rüehr das so ine

http://www.tagesanzeiger.ch/digital/wil ... y/26073175" onclick="window.open(this.href);return false;

So i ha am Tag, wos Wahlcouvert dra cho isch, gwählt. Alli Plakat sind bi mir fast zspot gsi, i ha scho gwählt cha

turntablism hat geschrieben:es söttet alli go wähle gah...wer stimmt bestimmt!

:typej:

ig ha hüt es BDP Täfeli (Zältli) übercho. Isch guet gsi. Mit "Melone" Gschmack.

ich han en SP öpfel übercho. fair

Moff hat geschrieben:ich pack demfall na paar grüenliberali ufd pirateliste und rüehr das so ine

Grüenliberali sind mer irgendwie unheimlich. S'Etikett vo dene tönt zwar modern und forschtrittlich, aber underem Strich sind das eifach wieder so iischalti Technokratie-Fundis, wo felsefescht devo überzügt sind, dass sich d'Politik 'so ganz eifach, klar und rational' wie e Naturwüsseschaft agah laht. Und dass sie bi finanz- und sozialpolitische Frage stramm d'FDP/SVP-Linie verträted, macht d'Sach au nöd unbedingt besser. D'Pirate mached da ironischerwiis en vernünftigere Idruck. Die chömed zwar mehrheitlich us ähnliche Bruefsfälder wie die vo de GLP, schiined aber au no en gwüsse Sinn für echli Spontaneität und Chaos als Korrektiv bewahrt z'ha

Gurgelhals hat geschrieben: iischalti Technokratie-Fundis, wo felsefescht devo überzügt sind, dass sich d'Politik 'so ganz eifach, klar und rational' wie e Naturwüsseschaft agah laht.

Mit Handuflege und Glaschugle luege chiem meh ebe scho witer, das isch wahr

Grad bi so Sache wie Umweltschutz und Energiepolitik fehlt mir de esoterisch Asatz völlig. Total unemotionell.

http://twitter.com/#!/ppsde/status/10681499333

ja das machi also grad... not

LOL. De Mörgeli hett nei gstumme. De Amstutz aber ja. Total kreisi.
Und Ursula Wyss hett sich enthalte. wo isch si äch gsi? Emmel bim Coiffeur sicher nid.

chchchchch

das da isch die schlimmschti:

http://www.parlament.ch/d/suche/seiten/ ... d=20093422" onclick="window.open(this.href);return false;
http://www.eviallemann.ch/" onclick="window.open(this.href);return false;

au sie hett SP typisch es Frisurproblem.

abwesendi settmer eigentlich au grad abwähle. zeigt doch irgendwie es gwüssnigs desinteressi am topic findi.

politiker wo sich mit videospili aktiv befasse sött meh nid wähle. ob si itz pro oder kontra si isch völlig egal.

Gurgelhals hat geschrieben:Grüenliberali sind mer irgendwie unheimlich.

evtl nur wälleriiter. würd mich überrasche wenn die durchwegs konsequänt bliibe je nach trend.

zwirrlibatz hat geschrieben:

Gurgelhals hat geschrieben:Grüenliberali sind mer irgendwie unheimlich.

evtl nur wälleriiter. würd mich überrasche wenn die durchwegs konsequänt bliibe je nach trend.

da zum bäumle sim uftritt geschter bim schawinski:
http://www.tagesanzeiger.ch/wahlen2011/ ... y/29629386

scho chli unheimlich de typ. irgendwiä nid vertrauenswürdig.

Dasch aber nüt nöis. Sitt wenn isch dä scho Presi? Und vorallem no wichtiger, was fahrt er für es Auto?

du schribsch vill zwenig is forza topic!

emP hat geschrieben:politiker wo sich mit videospili aktiv befasse sött meh nid wähle. ob si itz pro oder kontra si isch völlig egal.

Ds Evi wird sowieso glöscht vo der Liste. Immer alli jede.

Schummelschumi hat geschrieben:du schribsch gschids züg ids forza topic!

*fixed*

Schummelschumi hat geschrieben:scho chli unheimlich de typ. irgendwiä nid vertrauenswürdig.

Ähä, ja, so, demfall.
Denn mal lieber die vertrauenswürdige Lüüt uf t Lischte näh.. Welli sind das scho wider gsi?

dini muäter z.B. HÖHÖHÖ

Schummelschumi hat geschrieben:dini muäter z.B. HÖHÖHÖ

nöd briägä, es gaht wider verbi.