[OT]Generelles Politik-Topic

[Jones]

bisch würklech so doof oder tusch itz nume so? i hoffe doch zweiteres...

[abyss]

Würds wie dr braxer gseh. Cha beides si. Religion als Kontrollorgan (Kirche Mittelalter) oder halt us purer Idelogie Lüt unterdrücke.

[Acid]

bisch würklech so doof oder tusch itz nume so? i hoffe doch zweiteres...

Wer tuet do doof... Du stellsch Behauptigä uf, und ziesch nochher über mich her, will eifach absolut nüt dezuä chasch oder willsch liefere, und zum witer devo abzlänkä dass nüt zsägä häsch versuchsch us minä Wort irgendwiä so herä z stellä dass so chasch tuä als wär ich de Ignorant. Leider chasch das aber nid mol durch glungni fehlinterpretation, sondern muesch sälbscht das uf reini Behauptigä reduziere, will das was ich säg überhaupt nid mit dem überi stimmt was du gern wilsch darstellä.

Dass du nur scho uf d Idee chunsch mir fehlendi Disskussionskultur zunterstellä isch scho lächerlich gnueg bi dem was du do z büütä hesch.

[Buccaneer]

Um am jones chli under d arme z griffe: 1. mai isch sones datum womer gwalt vo lings chan feststelle. Gid sicher no meh so biespiel. Ich persönlich finde aber eher, dass eher meh vo rächts chunnt. Wenn mer sochli d lag in europa alueged und gseht de wirtschaft gahts nid guet, immer meh und meh flüchtling, denn erchennt mer, dass da sehr viel nöhrbode isch, wo vor allem rechti strömuge chönnd profitiere. Darum hed wahrschindli de herr im video das agsproche und wenn ich mir de so aluege, hani nid s gfühl, das er irgend en art vo gwalt guet heisst.
Sehr e guet red, aber schad das mer merkt, dass viel vo sine politkollege nid in erwähig ziehnd, sich biz gedanke drüber z mache.

[Jones]

Sälbscht wenns so wär dasses diä linki Gwalt genau so git

genau DAS si dini wort gsi und wenn öpär sone seich uselaht, vergeit mir d'luscht über das thema mit dere person z'diskutiere und mir d'müeh mache, links z'poste wiu er sini meinig eh scho gmacht het.
im übrige müsst das nid mau nötig si wiu jede, wo chli zytig liest säuber mitbechunnt was alles louft (und das obwohl lang nid alles drin steit)

alles wo anschl. cho isch, isch vo mire site natürlech o nüme als "normali diskussion" z'verstah gsi sondern als joke. insbesondere dä mitem "religiösi gwalt gits nid". wenn das nid gschnallt hesch, chani dir o nid häufe...

[Jones]

Um am jones chli under d arme z griffe: 1. mai isch sones datum womer gwalt vo lings chan feststelle. Gid sicher no meh so biespiel. Ich persönlich finde aber eher, dass eher meh vo rächts chunnt. Wenn mer sochli d lag in europa alueged und gseht de wirtschaft gahts nid guet, immer meh und meh flüchtling, denn erchennt mer, dass da sehr viel nöhrbode isch, wo vor allem rechti strömuge chönnd profitiere. Darum hed wahrschindli de herr im video das agsproche und wenn ich mir de so aluege, hani nid s gfühl, das er irgend en art vo gwalt guet heisst.
Sehr e guet red, aber schad das mer merkt, dass viel vo sine politkollege nid in erwähig ziehnd, sich biz gedanke drüber z mache.

da stimmi dir zue. es git viu potential für rechtsextremismus dür die allgemein lag wäutwit. beobachte das mit sorge (nid nur z'resultat sondern d'ursach genau so)

das isch aber no nid z'gliche wie gwalt vo rechts.

und am 1. mai geit scho sit jahre nüt meh...

[Acid]

Was isch denn a derä Ussag so absolut dänäbed, dassmer ufgrund devo nid mol meh mitmer redä chan?

Ich han doch vo Afang a gseit dass das mini Wahrnehmig isch, dass diä Gwalt vo Rächts wos im Moment in Dütschland z verarbeitä gilt nid genau so vo links gid. Das hani als Vermuetig dargstellt, näb de politischä Vorbelaschtig woni jo durchus als Argument zuegloh han, wenns drum god wieso dasser eifach vom rächtsextremismus reded.

Du bisch offesichtlich de Assicht dass diä Wahrnehmig nid viel mit de Realität ztuä hed, und min Iwand falsch,was Grund gnueg für mich isch zfrögä wieso du das meinsch...
Nur willi diner Meinig nid glich guet informiert bin wiä du, binis nid wert dassmer d Informationä zuäschiebsch...das isch doch absurd. Wenn überhaupt isch das es Argument defür dass ich informiert mues werdä.

Ich weiss doch bis jetzt überhaupt nid, öb tatsächlich öpis dezuä zsägä hesch, oder öb das eifach inä gworfä hesch zum mini Kritik a diner Ussag zentgägnä ohni dass überhaupt öpis dehinter stohd. Wiä söll ich das wüssä, wenn ich frög und es chund nüt wo mi witer bringt.


Und ich informier mich no ganz guet i verschiedenschte Mediä und ich gsehn diä linki Gwalt würklich nid i derä Art und Wiis, hin und wieder gits Usschritigä und Randale a irgendwelche Demonstrationä womer villicht unter linki Gwalt chönt.. Aber ansonsten gsehn ich würklich nid so linki Gwalt.

[Jones]

Und ich informier mich no ganz guet i verschiedenschte Mediä und ich gsehn diä linki Gwalt würklich nid i derä Art und Wiis, hin und wieder gits Usschritigä und Randale a irgendwelche Demonstrationä womer villicht unter linki Gwalt chönt.. Aber ansonsten gsehn ich würklich nid so linki Gwalt.

und was gsehsch de überall für rechti gwalt? wärde reihewiis asylante verprüglet und asylheim azündet? viellech hani das ja verpasst...
dass rächti bewegige ufgrund vo de wäutlag (flüchtling etc) zuestrom hei, isch bekannt aber das an sich isch ke rächti gwalt.

meh liest vo gezielte agriffe / falle stelle uf polizeipatrouille oder -wache. primär in dütschland wenn mer im nähere umfeld wei bliebe aber o ir CH scho vorcho. und das nid am 1. mai sondern eifach eso wenns grad passt. aber nach de meinig vo dene si poliziste ja kener mönsche und sie agriffe und verletze somit o ke gwalt... jedem sini logik...

saubannerzüg wo ganzi strassezüg zerstöre unterem motto "gegen die aufwertung" und statt die böse grossbanke dr chligwärbler träffe. o sehr intelligent... -> europaallee...

und JA, mir isch klar, dass es nid immer allei die linke si sondern oftmals e dürmischig vo verschiedene gruppierige (husbsetzer, revolutionäre ufbou, schwarze block, fuessballchaote, perspektivlosi jugendlichi, mitläufer, bsoffni usgangstuble etc).

[thaeye]

oh mann das mir momentan amene scheideweg sind, sött wohl allne klar sii, de bevölkerige radikalisieret sich uufgrund de verflechtig vo de politiker und de wirtschaft und de ganze glichmacherei. ganz eifach.

das d lüüt sich langsam vo gmässigte positione verabschiedet, isch en logische entwicklig.

[abyss]

Jup, dr ganz Tag in Anus bürschtet z werde verleidet irgendeis ou em hinderundletscht.

[Jones]

Wieso wirsch de du dr ganz tag is füdli pöpperlet?

[Mastler(P)]

und denn das da mit billige witz und sprüch überspiele.
besser du ficksch zrugg wenn kes luschtloch bliebe wötsch, junge.

[Jones]

meinsch itz mi? i meine das ärnscht. nämt mi wunder...

[Herr Rossi]

de frosch im topf

[Mastler(P)]

nei, dä abyss dängg.

[Acid]

Und ich informier mich no ganz guet i verschiedenschte Mediä und ich gsehn diä linki Gwalt würklich nid i derä Art und Wiis, hin und wieder gits Usschritigä und Randale a irgendwelche Demonstrationä womer villicht unter linki Gwalt chönt.. Aber ansonsten gsehn ich würklich nid so linki Gwalt.

und was gsehsch de überall für rechti gwalt? wärde reihewiis asylante verprüglet und asylheim azündet? viellech hani das ja verpasst...
dass rächti bewegige ufgrund vo de wäutlag (flüchtling etc) zuestrom hei, isch bekannt aber das an sich isch ke rächti gwalt.

Tatsächlich: http://www.welt.de/politik/deutschland/ ... Woche.html" onclick="window.open(this.href);return false;

Aber isch natürlich schwierig das jetzt genau ufzzeigä und es git bi de Rächtä genau so wiä du das bi de Lingä erwähnt hesch diä andersch Gschädigtä, wo eifach grad i de Stimmig vom Moment irgenden Scheiss mached (ich bin jo zwar eh de Meinig dass alli wo so Sachä mached i erschter Linie en Egge ab händ, und erscht i zweiter Linie en Ideologie verfolged). Aber diä Stimmig mues natürlich au zerscht mol no entstoh.

Ich han aber eigentlich au weniger alltäglichi Sachä gmeint, wiä ebä z.B. diä NSU Gschicht...De Prozess lauft jetzt doch scho es Zitli, und au wenn natürlich immer wider anderi Theme i d Mediä chömed, ischs immerno brisantä Stoff, und no überhaupt nid ufklärt und verarbeitet. Einersits d Tatä, andersits s ganzä drum herum mit Verfassigsschutz, falscher Ermittlig und so witer...

Denn hends es riesä Problem mit de Asylantä umzgo, was diä stimmigä aheizt (wemmer überleit dassi sälbscht jetzt wos für Dütsschi Verhältniss wahnsinnig viel ufnähmed, doppelt so viel müsstet ufneh, wenns pro Chopf diä glich Zahl wänd ha wiä d Schwitz, schiint das relativ lächerlich...und sie sind scho fascht usgraschtet wos en viertel gsi isch... das nützt de Stimmig au nid...Hauptsach d Politiker reded ständig devo wiä viel dassi ufnähmed, und näb Schwedä am meischtä vo Europa blablabla), und denn sind plötzlich Rächtsextremi als Sicherheitspersonal i Asylantäheim.

Und ebä, im ischs jo wohl nid nur drum gangä, was alles grad isch, sondern au was d Stimmig isch, und do isch das mit denä ständingä Kundgebigä es Thema, oder dass sich i gwüssä Ort Rächtsextremi Lüt Land chaufed, mit Gäld womer nid so gnau weiss vo wo dasses chund, und normali Awohner behauptet sie werdedi Bedroht etc.

Ich han z.B. nid s Gfühl das diä Situation mit derä i de Schwiz verglichbar isch. Mit de implikation dass diä i de Schwiz besser, "gsunder" isch

meh liest vo gezielte agriffe / falle stelle uf polizeipatrouille oder -wache. primär in dütschland wenn mer im nähere umfeld wei bliebe aber o ir CH scho vorcho. und das nid am 1. mai sondern eifach eso wenns grad passt. aber nach de meinig vo dene si poliziste ja kener mönsche und sie agriffe und verletze somit o ke gwalt... jedem sini logik...

saubannerzüg wo ganzi strassezüg zerstöre unterem motto "gegen die aufwertung" und statt die böse grossbanke dr chligwärbler träffe. o sehr intelligent... -> europaallee...

und JA, mir isch klar, dass es nid immer allei die linke si sondern oftmals e dürmischig vo verschiedene gruppierige (husbsetzer, revolutionäre ufbou, schwarze block, fuessballchaote, perspektivlosi jugendlichi, mitläufer, bsoffni usgangstuble etc).

Ja, diä Demonstrationsproblematik ischmer scho bewusst. Allerdings ebä, näb all denä wo du ufzellt hesch, gits au no de klassisch Agent Provocateuer. Drum bin ich Froh dassmer i de Schwitz dank em politischä Syschtem bis jetzt kei Demonstrationskultur sind und au nid händ müese sih. Hoffemer es bliebt eso, au wenn d Zeichä i letschter Zeit diesbezüglich es bitzeli Unsicherheit brocht hed.

Aber au wenns diä lingä Chaotä sind, isches zwar natürlich absolut Scheisse und sicher nid in Ordnig, und es chan au verletzti geh, ich möcht das gar nid verharmlosä, aber es isch doch es ganz es anders Phänomen als ebä terroristischi Mord und Bombäaschläg. Drum hani au d RAF erwähnt.

Und, au wenn diä lingä det mit Sicherheit au mitmisched, hani s Gfühl isch sälbscht d Protescht Szenä zimlich nihilistisch wordä... Tanz dich Frei und so idiotischs Züg, das hed jo i de Schweiz i de letschtä Johrä meh Ufsehe erregt als jede Ling Protescht.

Das mitem Polizischtä Fallä stellä ischmer jetzt so tatsächlich ehnder neu... han nur mol vor es paar Johr bi denä grössere Unruhä ghört dass det au e Polizeiposchtä agriffä wordä isch. Das isch natürlich e problematischi Entwicklig.

[abyss]

Wieso wirsch de du dr ganz tag is füdli pöpperlet?

Zviel Stress, zviel Ufträg, zweni Lüt, chaotisches unsichbars Management. Also wie vielorts in dr Industrie. Naja, wird wohl eh Zit füren Jobwechsel.

[Ribit X Titan]

Vokster Pisper het gseit, "Mir chriegät innere Demokratie für öpis wo 80% profitiärä würdät kei Mehrheit"... ja sowas aber au, komischi Wält sötti er rächt ha. Würdi das heissä dass d Merheit für d Minderheit stimmt i dä Hoffnig dass sie irgendwänn auch zu de Minderheit ghörät? Isch das jetz Religion oder mini Tummheit?

[Herr Rossi]

Weder noch, es isch de Bewiis dass d Propaganda funktioniert

[Jones]

isch viellech o subjektiv, ob meh sich zu de verlürer vom system zellt oder mit däm zfriede isch, womer het o wenns stinkrichi seck git...

[Xinobrax2]

Mer chan au zfride si und dennoch öpis degege ha, dass d Bevölkerig pauselos verarscht wird...s git immer Potential für Verbesserige...andernfalls chentmer di ganz Zivilisation so wie si jetzt isch au eifacht in Ise güsse, demit si di nögschte paar Jahrtusig überdured...

[Jones]

Ob meh pouselos verarscht wird oder nid, isch aber genau so subjektiv. I gib dir aber recht, dass es sicherlech ruum für berbesserige gäbti. Nume göh d'asichte, was besser isch, bekanntlech massiv usenand...

[Acid]

Und au öb besser für eim sälber oder für anderi...

Mir ghöred, zumindescht im Moment no, eh alli no zu de Gwünner, und miner Asicht isch halt je gwüniger desto me Verantwortig.

[Xinobrax2]

Ob meh pouselos verarscht wird oder nid, isch aber genau so subjektiv. I gib dir aber recht, dass es sicherlech ruum für berbesserige gäbti. Nume göh d'asichte, was besser isch, bekanntlech massiv usenand...

Ich briches mal abe uf s Wesentliche...üses Geldsystem isch so ufbaut, dass neus Geld via Kredit gschöpft wird. Ergo durch Schulde was widerum bedüted, dases nur sovil Vermöge chan gä wie Schulde. Grundsätzlich han ich keis Problem mit dene riche Seck...s Problem bestat eigentlich eher darin, dass ire Richtum uf de Armuet vo anderne basiert, nid nur im übertragene Sinn. Selbst das wär grundsätzlich no vertrettbar, wenn d Azahl vo de betroffene Persone nid so verdammt unglichmässig verteilt wär. Uf ein Riche chömed es paar tusig Armi.

Üs i de Schwiz chent das eigentlich zimlich egal si, mir mached knapp 0,1% vo de Weltbevölkerig us und selbst di ärmste i üsem Land beweged sich was de Wohlstand betrifft dütlich im obere Drittel vo de Weltbevölkerig....und dennoch laufed di gliche Spili im Chline wie au im Grosse und da fragt mer sich doch, warum alli nach Regle spilled wo nur enere Minderheit Vorteil verschafft...e Minderheit wo global betrachted grad mal öpe 0,0001% usmacht. Klar werdedmer alli pauselos verarscht

Sorry, bin chli usgschweift...

[Jones]

und dennoch füehle IG mi nid verarscht und die meischte andere schweizer offebar o nid. dass es wäutwit andersch usgseht, isch e anderi gschicht, das findi o nid guet aber uf das ha ig (und mir alli schwizer) nid würklech ifluss.
dass z'geldsystem komplett im arsch isch, gseht meh momentan grad mau wieder sehr guet... EZB... *hust* :typej: