Seite 2 von 2

Re: Crowdfounding - hesch erfahrig?

Verfasst: 07 Mär 2018 10:02
von Xinobrax2
Jones hat geschrieben:
Xinobrax2 hat geschrieben:
Hemer da im Forum ev. en glangwilte Millionär?
verchouf dini bitcoins de bisch eine! :vortex:
I 10 Jahr vilicht...

Re: Crowdfunding - hesch erfahrig?

Verfasst: 22 Mai 2018 22:15
von mr.raw
so, sProjekt isch mol in ere Preview Phase.

https://wemakeit.com/projects/bkbz2tte5 ... cs/preview" onclick="window.open(this.href);return false;

Re: Crowdfunding - hesch erfahrig?

Verfasst: 23 Mai 2018 09:04
von Astroboy
Da hetts no ca. 1 Millione Rechtschriebefehler drin :D
Und: I würd no meh Perks dritue, also meh Abstufige. Mindestens e 1-5 Franke Perk, wöu es wei ja nid aui grad 25 Heble uselah; viu wei eifach bitzli was gä us Sympathie - die Müglechkeit muesch ne gä. När ev. no eine fürne 50er. Und no eine für meh, ev. 500-1000, damit ou Budene, wo Chlütter hei, es Aagebot berchöme. Denkbar wär zB, dass es Kapsel-Abo fürne Kleinfirma machsch, wo sie jede Monat xx Kapslene gliefert berchöme während emne Jahr.

Re: Crowdfunding - hesch erfahrig?

Verfasst: 23 Mai 2018 10:11
von mr.raw
thx für din Input...

wirdes aaluege... dängges aber nid, dass ich es abo mache tue... da Abo = Portoköschte.
Mehr perks bringts eigentlich au nid...was wottsch mit 1000 Kapsel deheime?

Es isch en Teschtlauf. Wenn kei Erfolg, bin ich ehrlich gseit sogar froh.

das mit 1-5.- ...denn ha i das falsch verstande. Ich ha gmeint kha, me kha zwüsche 1.- bis 24.- eifach en freie betrag iigäh und ab em 25.- kunnt denn die abstueffig.

@schriebfähler... gibi witter an Jurischt :shock: :lol:

Re: Crowdfunding - hesch erfahrig?

Verfasst: 23 Mai 2018 20:02
von thaeye
krass wenn ich scho im voruus weiss das ich "wott" kei erfolg ha, würis silah. bisch doch gschäftsfuehrer oder? blöde vertrag igange?

Re: Crowdfunding - hesch erfahrig?

Verfasst: 23 Mai 2018 20:12
von turntablism
Hüt han i öppe föif/sechs kafi s'rohr abeglärt.
Kafi isch guet und gsund.

Re: Crowdfunding - hesch erfahrig?

Verfasst: 24 Mai 2018 04:17
von Herr Rossi
Ich mach sicher mit Raw, ha öiche Kafi no nie gha. Gueti Sach =)

Re: Crowdfunding - hesch erfahrig?

Verfasst: 24 Mai 2018 08:35
von Astroboy
thaeye hat geschrieben:krass wenn ich scho im voruus weiss das ich "wott" kei erfolg ha, würis silah. bisch doch gschäftsfuehrer oder? blöde vertrag igange?
Ja, ds hani gester ou no wöue schribe. Entweder ganz oder gar nid. Schüsch ischs ja ou schad ume Ufwand, wod ja trotzdem hesch. Half-assed Zügs bi Kickstart-Projekt hei e wesentlech schlechteri Erfolgsschance und für dass es funktioniert muess me idR e suberi Grundlag lege - da haperets bis ize scho no chly (v.a. was Präsentation aageit). D'Enttüschig bi 0 response wird trotzdem da si und hinterher wirsch ou müesse dermit läbe, dass nie wirsch wüsse, was wär müglech gsi, wöu's gar nid ersch richtig probiert hesch.

Sorry für the tough love, aber finge dis Gschäft super und di Kafi isch mega - ha zwar e Siebträger aber würd sicher ou e Batze gä. Us ideologische und egoistische Gründ fändi aber Ese-Pads wesentlech geiler :D

Re: Crowdfunding - hesch erfahrig?

Verfasst: 25 Mai 2018 08:15
von mr.raw
Update version 2.0 ... viel weniger bla bla...nur uffs wesentliche Konzentriert und mehreri Belohnige.
Danke für euren Input.

ja, Aug...ich weiss, was du meinsch.
Weisch, für mi isch das absoluts Neuland. Mir sind e Traditionsbetrieb und hend uns immer gege Kapsle gstreut.
Doch nach 40 Johr (so lang gitts uns scho) sett me halt en neue Wäg iischloh und au neus Probiere. Da ich allgmein ein bi, wo mit neuem chli müeh hett...und vor allem au "angscht" vo de Folge ha, wie zbs, dass d Lüt s vertraue i uns tüend verliere, will mir trotz unserer usssagene jetzt doch in die richtig wänd neu fuess fasse.
Weiss, nid ob du mi verstohsch...aber jo. Ich ha halt müeh.

Aber nomol, danke für euren input, vor allem dir Astroboy.
dr neu link zums aaluege wär do:
https://wemakeit.com/projects/bkbz2tte5 ... cs/preview" onclick="window.open(this.href);return false;

uffgschaltet wirds am 27.5 ab de 10i zobig.

Freu mi uff din iisatz Herr Rossi

Re: Crowdfunding - hesch erfahrig?

Verfasst: 25 Mai 2018 09:10
von Astroboy
Scho viu besser. Hett halt eifach würk no unfassbar viu Fehler drin überall, als Sprachnazi macht mi ds chly fertig. Schüsch gisch mr de no ds Login, raw, und i strähle dr ds no düre (nid inhaltlich), isch dr ja ev. dr eint oder anger Espresso wert, falls ig mit dr Madame mau wieder bi öich verbi chume ;)

Re: Crowdfunding - hesch erfahrig?

Verfasst: 25 Mai 2018 22:59
von mr.raw
Thx für dini Hilf. Leider kha ich de text nümmi editiere :(

Re: Crowdfunding - hesch erfahrig?

Verfasst: 01 Jun 2018 16:50
von turntablism
Chasch dini kaffi kapsle als recycling produkt retour näh und denn no de kaffisatz als gartendünger vertschuute