Seite 1 von 2

Crowdfunding - hesch erfahrig?

Verfasst: 31 Jan 2018 08:28
von mr.raw
Mol so uss inträsse

Jede kennt Crowdfunding... einigi hend sicher scho bi gwüssne Projekt mitgmacht und Geld iizahlt, wie au ich bineme MD Game.
Nur, hett öppert vo Euch scho sälber es Crowdfounding Projekt uffd Bei gstellt? Ganz gliich, ob sProjekt schlussendlich erfolgriich oder nid erfolgriich zänd gange isch.
Falls jo...wie sind erfahrige gsi? Wie bisch vorgange?
Jo, ich weiss...Google ist dein Freund - ha au scho einiges drüber gläse kha und vom Theoretische Teil isch mir au scho alles klar, jedoch möcht i gern mol e Erfahrig vo öpperem wüsse.

Re: Crowdfounding - hesch erfahrig?

Verfasst: 31 Jan 2018 09:53
von Astroboy
Jup, ha es erfolgriichs Crowdfunding ufzoge mitm Kolleg zäme. 7'000 heimer bruucht und 11k bercho. Eine vo de stressigste Monet gsi ever.

1. Me cha's nid gnue guet vorbereite.
2. Es bruucht e Strategie, wie me d'Ufmerksamkeit während dr Laufzyt hoch phaltet
3. Es bruucht nützlechi, kreativi Perks, und zwar us Sicht vo dene wo funde. Me gseht viu z'oft pseudo-lustigi Perks wo niemerem was bringe ("Du darfst einen Monat bei uns hinter die Kulissen schauen und selber Getränke servieren!" <- Fuck you, zahle doch nid für dass ig no arbeite für euch).
4. Jede wo "Kraudfaunding" seit, hett verlore. Es heisst "Crowdfunding" mit U, nid "founding"

Git sicher Lüt da drin, wo da no meh Experte si (le aug zB).

Re: Crowdfounding - hesch erfahrig?

Verfasst: 31 Jan 2018 11:28
von mr.raw
Perks sind sehr wichtig ha ich gmerkt. Und wie du seisch...me muess d Lütt a de Stange bhalte. d.h wottsch es neus Produkt lanciere, setts praktisch am nöggschte Tag nach Abschluss scho erhältlich sii. -Bi mir duurets e Monat bis es uff em Markt wäri.
d Uffmerksamkeit vo de Lütt isch ebbe mini Baustell...ussert via de Gschäfts Sitte und de gsammti Social Media Beriich weiss ich ebbe nid / no nid, wie ich d Lütt no meh uff das kha uffmerksam mache.

Darf me erfahre, was du erfolgriich uffd Bei gstellt hesch?
Was mi au interessiere tuet...wieso de stressigischti Monet ever? Bisch die ganz zitt am Informiere gsi?

Re: Crowdfounding - hesch erfahrig?

Verfasst: 31 Jan 2018 15:17
von Marco_in_motion
@ Sternebueb: Was häsch ahbotte gha?

@mr.roh: Was wotsch ahbüüte?

Re: Crowdfounding - hesch erfahrig?

Verfasst: 01 Feb 2018 08:52
von Astroboy
S'hett mit Medie & Kultur z'tüe gha, meh mani hie nid säge. Stressig, wöu mr üs ehrenamtlich für öppis iigsetzt hei, wo viune am Härz isch gläge und s'isch die quasi letschti Chance gsi für das Ding. The stakes were high, so z'säge. Und ja, me geit när würk all paar Stund ga luege, und hofft dass es guet chunnt, und macht sech Sorge dass es nid längt.

Falls es tatsächlich nur e Monet bruucht bis dis Produkt ufm Markt isch post-campaign: EASY. 30 Täg si sehr wenig, da si sech die meiste Backer viu schlechters gwahnet. Die 30 Täg si eher no e Stärke denn es Problem.

Re: Crowdfounding - hesch erfahrig?

Verfasst: 01 Feb 2018 09:32
von Acid
mr.raw hat geschrieben: d.h wottsch es neus Produkt lanciere, setts praktisch am nöggschte Tag nach Abschluss scho erhältlich sii.
Do würimer also ehrlich gseit ehnder verarscht vorcho, wills nüt anders wür heissä dass do öper eigentlich gar kei funding nötig gha hed, und das ganzä eifach als Verchaufskanal missbruucht hed.

Re: Crowdfounding - hesch erfahrig?

Verfasst: 01 Feb 2018 13:29
von mr.raw
Astroboy hat geschrieben:Falls es tatsächlich nur e Monet bruucht bis dis Produkt ufm Markt isch post-campaign: EASY. 30 Täg si sehr wenig, da si sech die meiste Backer viu schlechters gwahnet. Die 30 Täg si eher no e Stärke denn es Problem.
Jo, wär praktisch nur en Monat, wenn nid sogar kürzer.
Acid hat geschrieben:
mr.raw hat geschrieben: d.h wottsch es neus Produkt lanciere, setts praktisch am nöggschte Tag nach Abschluss scho erhältlich sii.
Do würimer also ehrlich gseit ehnder verarscht vorcho, wills nüt anders wür heissä dass do öper eigentlich gar kei funding nötig gha hed, und das ganzä eifach als Verchaufskanal missbruucht hed.
Weiss nid, ob me das in gliche Topf kha wärfe. Nämme mr mol aa, du heigsch es fertigs Produkt, wo aber no en fiinschliff brüchti. De fiinschliff passt aber optimal in die hüttigi Zitt ihne, isch unverzichtbar, nur isch s Risiko viel zhoch uff de Zug druffzspringe, will das dini chliini Firma könnti koschte, falls es hindeuuse goht....
Marco_in_motion hat geschrieben:Was wottsch abüüte
möcht i ebbe noni a die grossi Glocke hänge. :oops:

Re: Crowdfounding - hesch erfahrig?

Verfasst: 01 Feb 2018 20:22
von evo
S aller wichtigst isch glaub dass me chli gäld uf dr site het zum sälber dr räschte zahle söttis ziel knapp nit erreicht wärde :lol:

Ha au mol oberflächlich bimne ding mitgmacht. Renovation vomene boot wo für personevercher ufem rhy brucht wird aka. t fäähri. Het e hochi tradition in basel, drum hets rächt schnäll klappt. Sin glaub so 15k gsi wennimi rächt erinner. Aber i ha nur flyer gmacht, bi de perkz gholfe und biz überd schultere gluegt, wirkli deep bini nit din gsi. Als perk hän t spänder ihre name (oder vo dr firma) ufe bootssteeg glazered beko. Simpel aber efektiv.

Re: Crowdfounding - hesch erfahrig?

Verfasst: 01 Feb 2018 20:23
von evo
:doppelfark:

Re: Crowdfounding - hesch erfahrig?

Verfasst: 02 Feb 2018 08:00
von mr.raw
evo hat geschrieben:S aller wichtigst isch glaub dass me chli gäld uf dr site het zum sälber dr räschte zahle söttis ziel knapp nit erreicht wärde :lol:
Jo, das wär au vorhande.

Danke für dini hilfriiche tipps.

Re: Crowdfounding - hesch erfahrig?

Verfasst: 02 Feb 2018 15:44
von Acid
mr.raw hat geschrieben: Weiss nid, ob me das in gliche Topf kha wärfe. Nämme mr mol aa, du heigsch es fertigs Produkt, wo aber no en fiinschliff brüchti. De fiinschliff passt aber optimal in die hüttigi Zitt ihne, isch unverzichtbar, nur isch s Risiko viel zhoch uff de Zug druffzspringe, will das dini chliini Firma könnti koschte, falls es hindeuuse goht....
Also es Produkt wo s ganzä Produkt so wenig choschtet dasses im Verglich zum Fiinschliff wo e chlini Firma in Konkurs chönti triibä völlig vernachlässigbar isch. Zudem isch de Fiinschliff innerhalb vo 24h nach Finanzierig vollzogä, s Produkt fertig und erhälltlich.

Möcht jetzt nid behauptä dasses das nid chan geh, aber schiintmer denn doch ehnder bitz untypisch, und isch jetzt so für mich es bitzli schwierig zum das eifach so azneh, chämtmer nid grad es guets Bispiil in Sinn.

Re: Crowdfounding - hesch erfahrig?

Verfasst: 03 Feb 2018 12:06
von mr.raw
Also...
produkt = Kaffi = vorhande
Fiinschliff = In Nespresso kompatibli Kapse verkapsle = 2 Wuche duuret de Prozess = fiinschliff.
Verkapsle koschtet knapp 10'000 .-

jetzt klar?

Re: Crowdfounding - hesch erfahrig?

Verfasst: 04 Feb 2018 21:31
von Acid
Jep, und voll und ganz akzeptiert. ;)

Sorry, heschmi glaub falsch verstandä. Bzw. mini Bemerkig isch uf de Wortlut gmacht gsi, au wenns so wörtlich villicht nid gmeint hesch.
Ich han explizit de Teil mitem "es söt am nögschtä Tag nach Abschluss erhältlich si" zitiert, und gmeint denn würd ich mich ehnder verarscht vorcho.

Bi dim Bispiel vomene Monet, oder gar zwei Wuchä wür ich das Problem bi sonere schlüssigä Herleitig nid ha (sälbscht bimene Tag falls es würklich öpis gid wo das realistisch isch, wasmer aber halt schwer fallt vorzstelle). Wenni das Produkt will würmi det denn wohl scho ehnder freuä gods e so gschwind.

Re: Crowdfounding - hesch erfahrig?

Verfasst: 05 Feb 2018 17:11
von Mr. Heli
mr.raw hat geschrieben:Also...
produkt = Kaffi = vorhande
Fiinschliff = In Nespresso kompatibli Kapse verkapsle = 2 Wuche duuret de Prozess = fiinschliff.
Verkapsle koschtet knapp 10'000 .-

jetzt klar?
ha gmeint die hend so es teil drin wo fremdkapsle kaputt macht? oder hends das nümm dörfe mache? ha das nid so mitverfolgt.

Re: Crowdfounding - hesch erfahrig?

Verfasst: 05 Feb 2018 17:13
von Mr. Heli
oder grad kapsel-maschine mache, denn cha jede sind kaffi selber kapsle. :idea:

brand: kapselkasper :vortex:

Re: Crowdfounding - hesch erfahrig?

Verfasst: 05 Feb 2018 18:44
von Koop Kooper
Es git chapsle wome wider cha verwände. Si us chromstau. Chasch zb dini lieblings kaffibohne mahle und de i die chapsle inestopfe. Git rächt guete kaffi wenn mes chli im grif het.
Isch mer nume gead so i sinn cho. Ha nid alles gläse im topic. :oops:

Re: Crowdfounding - hesch erfahrig?

Verfasst: 06 Mär 2018 12:46
von Xinobrax2
Ich würd gern d Entwicklig vonere Website via Crowdfunding finanziere, allerdings hani kei Ahnig vo dem Zügs. Weli Plattform chönder mir für sones Projekt empfele?

Re: Crowdfounding - hesch erfahrig?

Verfasst: 06 Mär 2018 13:09
von Astroboy
Falls CH based und für CH relevant: wemakeit.ch
Falls international: kickstarter.com

E entsprechende reach z'bercho via kickstarter isch aber eifacher gseit als gmacht und d'Chance si gross, dass es verpufft/ungergeit, sofern nid suber orchestriert und/oder dr Bedarf klar vorhande.

Und fucking hell es heisst crowdFUNDING. FUNDING, nid founding :D

Re: Crowdfounding - hesch erfahrig?

Verfasst: 06 Mär 2018 13:13
von Xinobrax2
Ich hans editiert :oops:

K, also wemakeit hani schomal aglueget, nebst 100 days und c-crowd. Bi welem Abüter hesch du dis Projekt umgsetzt?

Re: Crowdfounding - hesch erfahrig?

Verfasst: 06 Mär 2018 13:18
von Astroboy
wemakeit. Bi 100days si d'Kollege mau gsi, cha dr derzue nüt säge, ussert dass ig 100days wesentlich weniger wahrnihme als wemakeit. Ds Handling vo wemakeit.ch isch ziemlech professionell gsi, eifach dr Betrag wo sie abzwacke no happig.

Re: Crowdfounding - hesch erfahrig?

Verfasst: 06 Mär 2018 13:32
von Xinobrax2
Weni mi so durch die Site klicke gsets chli so us, als würded die Kampagne letztendlich me Ziit in Aspruch ne als d Projekt selber. D Backer krieged je nach Betrag Gschenkli und so lol. Eigentlich wili eifach nur d Server zale und arbeite. Sowas wie C-Crowd wär da wohl chli passender.


Hemer da im Forum ev. en glangwilte Millionär?

Re: Crowdfounding - hesch erfahrig?

Verfasst: 06 Mär 2018 13:32
von Buccaneer
Crowdfounding isch scho no n gueti Sach, viel Glück

Re: Crowdfounding - hesch erfahrig?

Verfasst: 06 Mär 2018 14:39
von Vyse
Ich sött mich Crowdfunde. Je nach Betrag, bechonnsch e bestimmti Ahzahl Karmapünkt. Karmapünkt sött me eigentli au uuf e Blockchain tue.

Re: Crowdfounding - hesch erfahrig?

Verfasst: 06 Mär 2018 16:01
von mr.raw
Astroboy hat geschrieben:Falls CH based und für CH relevant: wemakeit.ch
Falls international: kickstarter.com
Danke für din Hiiwiis. wemakeit.ch ha i nid kennt.
Xinobrax2 hat geschrieben:Weni mi so durch die Site klicke gsets chli so us, als würded die Kampagne letztendlich me Ziit in Aspruch ne als d Projekt selber. D Backer krieged je nach Betrag Gschenkli und so lol. Eigentlich wili eifach nur d Server zale und arbeite. Sowas wie C-Crowd wär da wohl chli passender.
isch scho so. Me isch praktisch 24/7 uff droht und muesch allne usskunft gäh. Vo de Gschänggli wott i erscht gar nid rede. Zum Teil isch no krass, was de do MUESCH verschängge...nur, damit lütt hesch wo kömme cho sponsere.
Ich bi immer no am usstüftle, was bi de Lütt kha guet aakho.

Re: Crowdfounding - hesch erfahrig?

Verfasst: 07 Mär 2018 05:53
von Jones
Xinobrax2 hat geschrieben:
Hemer da im Forum ev. en glangwilte Millionär?

verchouf dini bitcoins de bisch eine! :vortex: