S ultimative Studio Ghibli Topic reloaded

[Sephi]

Eigentlech total logisch dass s beschte Animationsstudio vor ganze Wält es eigets Tribut-Topic verdient het. Das wär das do hie! S Ziel vom Topic isch euch ufem Laufende z halte was Updates, Neuakündigunge und Releases vo Ghibli-Relevante Sache abelangt. Nodisnoo dueni wennmer langwilig isch und i gad Zit ha vilech au paar Hintergrundinfos zum Studio, sine Gründer und natürlech de Filme hie ineschribe.



Hintergrund: Ghibli bechunnt im Weschte, usser i Insider-Kreise und ehner sporadisch, immerno zwenig Anerkennig. Und das obwou si einigi vo de schönschte, wichtigschte und beschte Fiume vo de letschte 20 Johr Fiumgschicht gmacht hei.

Wichtig: Das Topic ghört natürlech nid is Shubidubi-Forum - es goht ja um richtigi und vor allem qualitativ aständigi Filme, unabhängig vom Härkunftsland!

[Tatsujin]

Gone forever!

[nascarbryant]

frög de pony(o)

[Shadow]

chasch denn usem alte usekopiere, morn oder so

[bladerunner]

Also Read-only geht es wieder...

http://old.thegforum.ch

[Sephi]

News: Im Juli het Ghibli am Miyazaki sin Nausicaä, als erschte Film wo ungerem Ghibli-Label isch usecho, uf Blu-Ray veröffentlecht!



Isch übrigens Codefree und sogar mit dütscher Tonspur wenni mi nid tüsche!
Wichtig: Natürlech hetme dörfe hoffe, dass das bedütet, dass jetz nodisno
alli Ghibli Filme uf Blu-Ray usechömed! Und anschinend isch das der Fall.
Uf amazon.jp si blu-ray-versione vo andere Ghibli-Filme in gliiche Design
wie d Naushika blu-ray uftaucht:

Tenkû no shiro Rapyuta (Castle in the Sky)



Hôhokekyo tonari no Yamada-kun (My Neighbors the Yamadas)

[Sephi]

Uf Afrog und Hiwiis vom CJay:

Quote:
# "Suzuki-san is making a dissolution program for Ghibli. No joke, we talked about it the other day." This dissolution program changes if Arrietty succeeds.
# "For example, Ghibli should be able to continue with about five staff members as a copyright management company even if we smash the studio. So, Ghibli can say 'We stop film production. Goodbye'. I do not have to be there."

I gloub das isch meh es Notfau-Programm faus de mou gar nütme goht. S Problem derhinger (u momentan isches no kes richtigs) isch dass de Miyazaki sech irgendwenn wou wird zrüggzieh - oder stirbt. Drum heisi mit Arrietty ou probiert e neue Regisseur uszbiude und hoffe dasser de mol no meh Fiume macht.

Irgendwie hani ou s gfüeu dasses sech um e ungnaui Übersetzig handlet! Im gliche Interview redet er ja vo öppe 2-3 neue Projekt!

Also tönt nachemene "if all else fails" Plan.

Interessiere würdmi indesse wie wit am Takahata (Grave of the Fireflies) sini adaption vo Kaguya-hime (Tale of the Bamboo Cutter) isch. Scho lang nümme ghört!

[Sephi]

Säget mir, wie bschtelle und ich chauf alles.

ALLES!

Mire Meinig no die aktuell schönschte DVD-Variante vo Ghibli-Fiume (Spezial-Japan-Editione usgnoh) si die hiezuland veröffentlechte Special Editions vo Universum Film. Si die wod üblecherwiis im Lade findsch. Momentan isch die billigschti Variante (Normalerwis im Lade sicher so 35 Stutz) über amazon.de.

Da zum Bispil de Chihiro:
http://www.amazon.de/gp/product/B00013P ... os_product

Und da s Wandelnde Schloss:
http://www.amazon.de/Das-wandelnde-Schl ... 534&sr=1-2

Für die beide Zäme hani im Ändeffekt 34 Euro zahlt (44 Stutz) - muesch immer luege wases der schlussändlech azeigt wenns im Warechorb hesch.

Nausicaä Blu-Ray bini gad nid sicher womese cha bstelle. Bi Play-Asia uf Ahieb gad no nix gfunge... hmmm... evtl. über amazon.co.uk. chame dört id Schwiz bstelle? I hase halt diräkt z Japan göifft.

Ponyo Blu-Ray US isch codefree, aber der Film chunnt jetz denn hie is Chino und chunnt entsprächend denn wohl au hie no uf Blu-Ray use.

Verzell mol, weli Ghibli-Pfilme hesch de scho gseh und hesch no gad söttigi uf der Lischte wod wosch gseh?

[Sephi]

News: Im Juli het Ghibli am Miyazaki sin Nausicaä, als erschte Film wo ungerem Ghibli-Label isch usecho

das isch ebe grad scho mal falsch. Nausicaä isch ebe grad de letscht film wo nanig vo ghibli isch usecho.

[Ghibli Gründig] 1985年6月
[Naushika] 1984年3月11日

somit isch

[Laputa] (1986年8月2日) de erscht wuerkli ghibli

Nachdem mer das gad per Skype usdiskutiert hei simer zu folgender Einigung cho:

Min Post isch bitz irrefüehrend und do het der Tatsel recht. Nausicaä isch usecho wo Ghibli noni FORMELL (und das isch wichtig) gründet isch gsi. Aber, mini Formulierig obe stimmt gliich insofärn, als dass Nausicaä NACH der Gründig vo Ghibli denn unger Ghibli gloffe isch und somit der erscht Film ungerem Ghibli Label isch gsi.

Usserdem chamene de facto (wenn ou nid de jure OLOLOL) uf Grund vom Inhalt zu 100% als erschte Ghibli-Film identifiziere. S Chern-Team wo im Folgejohr Ghibli gründet het (Miyazaki + Takahata) und der Joe Hisaishi hei dranne garbeitet und der Film beinhaltet alli Merkmal wo Studio Ghibli i de folgende Johr bis hüt no uszeichnet hend und usmache! Nausicaä, unabhängig devo unger welem Label er zersch usecho isch, isch also der erscht eigentlech Ghibli-Film.

Ich entschuldige mich für d Ungnauigkeit und danke am Tatsel für d "Richtigstellig".

[Sephi]

Aktuelleri Updates:

- Ponyo jetz au hie im Chino
- Nausicaä Blu-Ray chunnt UK use

[Sephi]

Am Miyazaki si nöischt Churzfilm isch enthüllt und het e höcheri Cel/Minute ratio aus aui angere Ghibli
Wärch vorhär. Chunnt leider wider nur im Ghibli-Museum z Mitaka use, aber d Story tönt absolut fantastisch!

Titel: Pan-dane to Tamago-hime (Mr. Dough and the Egg Princess)

In a lonesome water mill deep in a forest of briers and brambles lives a witch named Baba Yaga. There the witch keeps her servant the Egg Princess confined and forces the tiny egg-girl to do all the hard daily chores around the mill. One night, a large batch of kneaded dough resting in a trough suddenly comes to life from the witch’s spell. Fearful of the witch, the Egg Princess and her new friend decide to run away. What will lay ahead for the two of them…?

Quelle: http://www.ghibli-museum.jp/en/ (Offizielli Site vom Ghibli-Museum)
und http://www.nausicaa.net

[Tatsujin]

News: Im Juli het Ghibli am Miyazaki sin Nausicaä, als erschte Film wo ungerem Ghibli-Label isch usecho, uf Blu-Ray veröffentlecht!

[Sephi]

Iblicke ind Entwicklig vom Miyazaki sim neue Churzfilm Pandame to Tamagohime.

http://www.youtube.com/watch?v=ArEFtoE1Ij4

Wie immer leider nur im Ghibli Museum z Mitaka... der Hass, i würd dä so gärn gseh
Tatsel, gang en go luege und verzell!

[Sephi]

Am 15. Dezämber kündige Studio Ghibli ihres nöchschte full-length feature ah!!! Meh goht devo us dasses sech nid um Porco Rosso handlet, möglech isch aber alles.

[elnino]

Mir gefallen die Ghibli-Filme sehr gut.

Gruss

agestuffer

[Sephi]

Arrietty chunnt tatsächlech in Weschte - hätti nid druf gwettet!!!

Erschti confirmed Voice Actors:
Bridgit Mendler as Arrietty
David Henrie and Carol Burnett as the human "beans"
Amy Poehler and Will Arnett as Arrietty's parents

(Quelle: Frank Marshall si Blog, isch Executive Producer)

[Sephi]

Bonus des Tages: Es Video wo mi Chopf zum explodiere brocht het! Zwöi vo mine absolute Lieblingsregisseure träffe ufnang. Teh OMG!!! Der eint eine vo de iflussrichschte Film-Regisseure vom 20ischte Jahrhundert und der ander eine vo de beschte Animationsregisseure, aber vergliichswiis no amene früeche Punkt vo sire Karriere. Jetz ohni witers Gschnorr: Living and Loving Movies: Miyazaki vs. Kurosawa, s Video foht effektiv bi 02.03 ah und het denn no mehreri Teile.


Quelle

Für die wos interessiert hie s übersetzte Transcript in Änglisch:
http://www.nausicaa.net/wiki/Living_and ... -_p.1_of_2

[kraut]

Arrietty chunnt tatsächlech in Weschte - hätti nid druf gwettet!!!

super! hesch du ne scho gseh?

btw: schöni ussicht het dr akira gha!

[Sephi]

Arrietty chunnt tatsächlech in Weschte - hätti nid druf gwettet!!!

super! hesch du ne scho gseh?

btw: schöni ussicht het dr akira gha!

Joarr, hei ne das Johr z Japan gseh churz nach Release. Isch wider e super schöne Fium, eifach e härzigi Gschicht und im Stil vo de bodeständigere Ghiblis (Whisper of the Heart etc.). Aber darum nid minder fantasievoll und vor allem extrem schön zeichnet, au pespektivisch (goht ja um d Borger, wo extrem chliin si im Verglichz ur Umgäbig und das chunnt super übere).

[Sephi]

No besser aus ufne US-Release vo Arrietty warte:



Yes, im gliiche Design wie die angere Ghiblis chunnt Arrietty ou uf Blu-Ray use. 17. Juni und, wait for it, anschiinend mit änglische Ungertitle, wennme am Ghibli Blog (http://ghiblicon.blogspot.com/) darf troue.

So öppis vo kouft!

[kraut]

yes, hammer news. ha arrietty nämlech immer no nid gseh. i däm fau spari mir der gang i die weschtleche gefielde...

[Sephi]

Vor paar Tag acho:



Whisper of the Heart Blu-Ray, wohl der schönscht Tschibli i der Kategorie vo de bodeständige non-fantasy Fiume wo si gmacht hei. Und somit der bescht Non-Miyazaki Ghibli.

[Sephi]

Da no es churzes allgemeins Ghibli-Update:

- Heidi und Future Boy Conan chöme als Komplett-Serie-Boxe uf Blu-Ray use. Problem: Vorläufig ersch z Japan und füre stolz priis vo 400 Stutz pro Box Jänu, s nöchschtmau weni übere reise nach billige Occasione Usschou haute.

- Kokuriko Zaka-Kara (der neu vom Goro Miyazaki) het vor chli meh aus ere Wuche Premiere gfiiret z Japan und isch sehr guet ufgno worde.

- Der nöchscht Ghibli wird vermuetlech wider vom Hayao Miyazaki cho. Was genau es isch isch unklar (s Porco Rosso 2-Grücht isch vermuetlech uf e Fählübersetzig zruggzfüehre, Porco Rosso: Last Sortie wird entsprächend wohl es manga). Aber egal was de neu Miyazaki wird: Es isch sehr sehr wahrschinlech dass das der letscht Fium vom Miyazaki wird .

- am Takahata sini Interpretation vo Taketori Monogatari (Tale of the Bamboo Cutter, aute japanische Mythos) isch immerno in Arbeit. Är nimmt sech bekanntlech gärn bitz meh zit aus der Hayao. Dänkbar wär für mi dass dä nöchscht Johr is Chino chunnt z Japan, als überbrüggig wiu am Hayao sin nöischt sicher 2 Johr Entwickligszit in Aspruch dörft näh.

[kraut]

hey merci für z update.

gloub ou nid dass der nöi miyazaki porco rosso 2 wird, das würd gar nid zu ihm passe. aber egal, wird eh super. so öppis richtig mononoke/nausicaä wär widermau super!

und öppis nöis vom takahata wär scho nid schlächt. isch ja scho omg 12 jahr här sit de yamadas!!

whisper of the heart isch würklech sehr guet. weiss aber nid obs grad der bescht non-miyazaki isch. würd e herte fight gä zwüsche däm, de glüehwürmli und only yesterday.

[Sylvara]

ich ha grad vor 2 tag tales of earthsea gseh. i ha büecher nid gläse, drum bini recht vorurteilsfrei.

mir hets gfalle, o wenns zimli 'schlicht' und gradlinig isch. für einisch het mich ds bizarre aber nid eso überwältigt, wie süsch immer mit ghibli, drum isch das es plus für mich.
cha mir guet vorstelle, dass dä film für "echti" ghibli fans dr aller-schlechtist isch, laul