Ponyo on the Cliff by the Sea oder Gake no ue no Ponyo isch der "neu" Film vo üsem Kolleg, em Hayao Miyazaki! "Neu" in Afüehrigszeiche will er in Japan bereits im Juli letscht Johr isch usecho! Leider simmer denn drü Tag vor Release wider heigreist. Dummerwiis lauft de Film hie ersch im Oktober ah, wiemer geschter hend müesse usefinde! Gliichzitig heimer aber ou usegfunde, dasser ir Romandie scho jetz lauft... Langi Red, churze Sinn: Mir sind hüt uf Lausanne gfahre ( Laughing ) de Film uf japanlisch mit franzsöslische Untertitel go luege und er isch, wait for it, FUCKING AWESOME!
Wahrschinlech eine vo de härzigschte Filme wos überhaupt git mit klare Aleihe bir Little Mermaid. Minor Spoilers ahead (Grundlegende Plot): D Ponyo isch en Goldfisch-Prinzessin wo gern en Mönsch möcht wärde und fründet sech mitem 5-jährige Sosuke ah. Wie so üblech bim Miyazaki sine Wärch isch de Film für Chind durchus geignet, aber het so vil Tiefgang, dass au es Erwachsnigs Publikum durchus sini Freud drann wird ha. Es goht um s erwachse wärde, die gägesitig Unabhängigkeit vo geischtigem und körperlechem Alter und, wie so oft, d Chraft vor Fantasie! Er chunnt vilech nid ganz an anderi Ghibli-Meischtlerwärch wie Chihiro, Mononoke oder Whisper of the Heart häre, isch aber gliich en unfassbar guete Film wo no lang in Erinnerig wird blibe und sech nahtlos ins Ghibli-Universum iiordnet! D Miyazaki-Trademarks und die Ghibli-typisch Fantasie - alles vorhande!
Will wahrschinlech niemer id Romandie reist zum de Film go luege, ischs wohl bitz früeh für das Topic, aber fuck it! Ha gad mini Begeischterig müesse kundtue! Wär öppis für Ghibli-Anime übrig het muesne go luege, wär das nid het isch ziemlech dumm! Fair? Fair!
PONYO!
Japan-Release Juli 2008, Welschland im Chino April 2009, DVD einisch im Summer 2009, Dütschschwizer Chino-Release vor paar Wuche!