The(G)Forum

Vilicht wend si di lebende gar nid vernichte, sondern vereine

Us de Sicht vomene Zombie-Lord isch die ganzi Schlacht doch sowieso grundsätzlich fürn Arsch. Di Lebende sterbed so oder so....und wenn d Zombies alli Lebende umbringed gits kei Nachwuchs me :typej:

Ich bin ja susch de letscht wo über mangelndi Logik schimpft, aber paarmal ischs scho sehr auweia plump gsi wie sich gwüssi Lüüt verhalte und was wenn wie passiert nur zum d'Spannig ufrächt zbhalte. Es schiint mir chli d'Kante z'verlüüre i dere Staffle.

Aber immerhin:

"Hi Dany"
"Da.. what? Don't call me that! This isn't Star Wars!"
"Oh sorry... ehm... what about 'my Queen' then?"
"That's better."

Schoso...was GoT so super gmacht het isch ja nid zuletscht, dass trotz em Fantasy Setting mit Drache, Zombies und Magie alles irgendwie halbwegs plausibel gsi isch...

...aber jetzt...mal luege was si drus mached...aber elei scho für d Entscheidig die Season uf 7 Episode z chürze setmer öpertem uf d Eier chlopfe.

I weiss nid gnau wie de Sänder rächnet. Aber es gseht mir nachere Budget entscheidig us. s'Finale söll bombastisch wärde. Da sinds mit der durchschnittliche Chole wos bisher usgä händ eifach nid durecho. Also weniger Episode, defür mehr Budget pro Folg. HBO isch ja kei Sänder wo vo Wärbeinahme läbt. Da chönntmers so mache. Aber ka, villicht liegi au falsch mit dere Begründig.

Grundsätzlich lit d Ursach vo sonige Entscheidige in letzter Konsequenz immer bim Budget...en anderi Rechnig kenned die Lüt ja gar nid. Isch ja au okay...aber womöglich verhunzeds grad es Meisterwerk wo si über mehreri Jahre hinweg ufbaut hend. S Problem bi so Budget Rechnig isch halt na oft, dass si churzfristig plausibel erschined und längerfristig einiges kaputt mached...

Es isch mal e sehr gueti Serie gsii, aber es Meischterwerch... Ich weiss ja nid

Gueti Story, gueti Schauspieler, gueti Regie, guets CGI. Wemer sich aluegt wie die Serie entstaht, wie si usere Mischig vo Kulisse, Greenscreens und Special Effects die Bilder zaubered, denn findi d Bezeichnig Meisterwerk eigentlich scho ziemlich passend. Mag ja si, dasmer mittlerwile usem Kino scho so verwöhnt sind, dass sowas gar nüme richtig uffallt, aber ich finds schono ziemlich beachtlich. Es het Drache...und Skelett wo umelaufed...mit Burge, Schlösser, Schlachte...und alles gset echt us.

Hmm, für mich definiert sich es Meischterwerch eher dür Inhalt als Form. Technisch gseh isch got aber scho recht suprig. Wärs es game würd ichs als Grafiknutte bezeichne =)

Xinobrax2 hat geschrieben:...aber jetzt...mal luege was si drus mached...aber elei scho für d Entscheidig die Season uf 7 Episode z chürze setmer öpertem uf d Eier chlopfe.

ich denke es isch die richtig entscheidig gsi. d'qualität vom drehbuech het extrem abgnah sit d'autore uf eigni fuscht müend plot, Charaktere und dialög schribe. sie chömed eifach ned annähernd an GRRM ane. drum ischs die korrekt entscheidig iets das ganze so schnell wie möglich mit fokus uf de wichtigschte plots zum endi zbringe. au wenn das natürlich anderi Nachteil mit sich bringt, aber ich denke das womer iets händ isch die bescht möglich alternative.

Einersits plausibel...aber anderersits chunt s Rahmewerk für d Story doch nach wie vor vom George, oder nid? Ich han kei Ahnig wie das det so ablauft, aber ich stell mir das so vor, dass er de Autore amigs seit weli Storylines für s Finale relevant sind und wie sich di einzige Plots entfalted. Denach lister sich d Drehbüecher nomal dure und seit ine was passt und was nid...


..oder hends d Serie und s Buech jetzt komplett vonenander abkopplet?

das weissmer ned so gnau
ich denke s'letscht womer weiss isch, dass si ebe nur die rahmehandlung händ. "broad strokes"
die het er ihne garantiert mal mitteilt, aber das isch jahre her.
meh weiss de GRRM vermutlich au gar nanig. wird ja schon sini gründ ha wieso er so lang het.

öb sie bi jeder staffle neu zämehocked und diskutiered, was wohl so passiert oder passiere sött weissi nöd, chamer aber ned vorstelle. ich denke es wird ide büecher recht grossi änderige ha. ned zletscht will d'showrunner sich eventuell gar ned am GRRM sini broad strokes haltet oder will au er sich neui sache überleit während em schribe. isch ja en kreative prozess. oder halt will ers selber au gar nanig weiss.

aber die büecher chömed eh ja nie meh use, vo dem her.

Moff hat geschrieben:aber die büecher chömed eh ja nie meh use, vo dem her.

Quelle

heute nochmals die folge in besserer aufloesung und mit klarer sound geschaut....supr folge gewesen, nochmals 1 woche warten und dann dauerst nochmals ne weile.

kein leak die wuche oder wa

Hüt Nacht, 81 Minute GoT

OMFG

Ich wart mal na miteme Kommentar wills immer es paar Idiote git wo unter de Spoiler Balke lueged obwohl si d Folg nonig gseh hend. Wär schad bi dere Folg will sie verdammt super isch

ich hans ned super berauschend gfunde, lit aber sicher au dra, dassmer alles scho vorneme halbe jahr gwüsst het
relativ en tummi staffle us miner sicht und ich erwarte au nüm viel gschids ide letschte

Warum hetmer das alles gwüsst? Ob d Sansa d Arya verurteilt oder de Littlefinger hani nid gwüsst. Ob d Cercei sich uf en Deal ilat oder nin hani vorher au nid gwüsst. Obs Iisdrache git oder nid hani au nid gwüsst....okay, s het kei Überraschige drunter will alli die Möglichkeite im Ruum gstande sind, aber trotzdem...

d leaks sind würkli wahr gsi. lol.

nei das hetmer alls gwüsst, gleakti scripts oder was
dass de littlefinger killt wird vode arya, dass de isdrache d'mur killt, dass de jon und dany ufem boot bümsled, hetmer alls scho vornehme jahr oder so gwüsst

das da wär de leak gsi, fallses na öpper interessiert
https://www.reddit.com/r/freefolk/comme ... _timeline/" onclick="window.open(this.href);return false;

ned 100% korrekt, aber doch beachtlich, und die sache wo andersch sind hetmer eventiell ide postproduktion g'änderet oder schlicht wegglah

Okay, die hani wohl verpasst....aber warum zur Höll spoilt sich öpert freiwillig s Finale vonere Season?

scho vor de ganze season

Xinobrax2 hat geschrieben:Okay, die hani wohl verpasst....aber warum zur Höll spoilt sich öpert freiwillig s Finale vonere Season?

Da sage ich nur selber schuld.

Supr Folge gewesen, der nervtoetender Finger ist nun putt, leider etwas unspektakulär, aber hauptsache er ist weg.

Vilicht heter ja glich na es paar Uftritt als Gsicht