Page 9 of 11

Re: Nintendo-64-Topic

PostPosted: 20 Apr 2012 13:04
by evo
en maa mit gschmack

Re: Nintendo-64-Topic

PostPosted: 20 Apr 2012 13:06
by mr.raw
Genfer wrote:Aber title wie : Deathtrap Dungeon, Medievil, Legacy of Kain, Resident Evil, Metal Gear solid, Pandemonium, Crash Bandicoot, MDK, schpiel ich höt no mit begeischterig.


ja guet...ok ---> vor allem Crash Bandicoot...

aber spielt me hütt no so games wie "Die Hard Trilogy"...auweia...

Re: Nintendo-64-Topic

PostPosted: 20 Apr 2012 13:38
by Tatsujin
Logisch spilt mer so seich nuem. Het mer eigentlich au denn scho noed gspilt.
Es RR Type4 isch aber au huet na geil.
Suscht natuerli all di geile 2D spieli. Ports, exclusives etc. Uf de ps1 giz viel meh als di meischte daenke.
Guet, uf en pal markt natuerli noed, saebschoklar.

Re: Nintendo-64-Topic

PostPosted: 20 Apr 2012 14:31
by hanf
ich han bi dä psx nöd gern wied polygon dargstellt werdet: da viel grundet wird sind d'flächene nöd würkli ächt perspektifisch, sondern irgendwie komisch und würket drum nöd ächt... drum luegi d'grafik amel gar nöd gern gnau aa, will dänn gseht mer das. Ganz andersch ischs bim saturn wo zwar weniger polygon darstellt, die wenige aber viel schöner und ächter sind...

Re: Nintendo-64-Topic

PostPosted: 23 Apr 2012 12:08
by sidusson
N64 chasch hüt eifach no ungeniert spilä.. ps1 nümm.. ämu was egoshooter, funracer ageit ;)

Re: Nintendo-64-Topic

PostPosted: 23 Apr 2012 12:36
by hanf
aber au nur im singleplayer. multiplayer isch d'framrate eifach scho ä rechti qual...
ok, und ego shooter und funracer isch uf dä psx scho immer alles scheisse gsi, die wo wüsset händs scho dänn gwüsst...

Re: Nintendo-64-Topic

PostPosted: 23 Apr 2012 14:37
by sidusson
hanf wrote:aber au nur im singleplayer. multiplayer isch d'framrate eifach scho ä rechti qual...
ok, und ego shooter und funracer isch uf dä psx scho immer alles scheisse gsi, die wo wüsset händs scho dänn gwüsst...


wie dr raw schön gseit het, mir spilä hüt no regumässig goldeneye, PD, Kart, Road Rash 64, Tetris im MP, geit ohni problem :kicher:

Re: Nintendo-64-Topic

PostPosted: 23 Apr 2012 14:55
by geosnow
tetris spieli no uf em GB. fun racer und ego shooter findi nöd so läss allei.

Re: Nintendo-64-Topic

PostPosted: 23 Apr 2012 15:42
by hanf
sidusson wrote: goldeneye, PD


das stockt denn aber scho ziemli im 4p modus. also ohni nostalgie würsch das wohl nümm spiele

Re: Nintendo-64-Topic

PostPosted: 23 Apr 2012 15:47
by Tatsujin
schoso, vorallem wiels hüt sicher ca. ei milliardä besseri alternative git.

Re: Nintendo-64-Topic

PostPosted: 23 Apr 2012 17:01
by m.o.terra kaesi
hanf wrote:ich han bi dä psx nöd gern wied polygon dargstellt werdet: da viel grundet wird sind d'flächene nöd würkli ächt perspektifisch, sondern irgendwie komisch und würket drum nöd ächt... drum luegi d'grafik amel gar nöd gern gnau aa, will dänn gseht mer das. Ganz andersch ischs bim saturn wo zwar weniger polygon darstellt, die wenige aber viel schöner und ächter sind...

stimmt! siehe virtua fighter 2, virtua cop oder die hard.
uusnahme (wo dä dä saturn glich weder alt usgseh löhnd): metal gear solid, vagrant story.

Re: Nintendo-64-Topic

PostPosted: 25 Apr 2012 07:31
by hanf
au di schöne psx spiel händ die grafikfehler... bim saturn hät jedes spiel anderi grafikfehler :sabber:

Re: Nintendo-64-Topic

PostPosted: 25 Apr 2012 09:09
by sidusson
Tatsujin wrote:schoso, vorallem wiels hüt sicher ca. ei milliardä besseri alternative git.


was de?

Re: Nintendo-64-Topic

PostPosted: 25 Apr 2012 11:04
by hanf
Also eigentlich alli womer multiplayer chan zocke... ussert counter strike, das findi verschisse...

Aber va. Halo oder Unreal Tournament.
Outtrigger ufem DC isch au no geil, oder Marathon...

Golden Eye isch geil für singleplayer bond feeling, aber multiplayer chasches ächt rauche. öppe s'schlechtiste fps im multiplayer...

Re: Nintendo-64-Topic

PostPosted: 25 Apr 2012 11:33
by Marco_in_motion
Es hät früehner trotzdem huere Fun gmacht eim sone Bewegigs-empfindlichi Miine an Rugge z'chleube und furtseckle :vortex:

Han bi keinem Multizocker fps uf Konsole annähernd sovill Spass gha wiä mit Goldeneye.

Meh " :vortex: " git's glaub i keinem Mutlti-play-fps.

Re: Nintendo-64-Topic

PostPosted: 25 Apr 2012 13:31
by mr.raw
Marco_in_motion wrote:Es hät früehner trotzdem huere Fun gmacht eim sone Bewegigs-empfindlichi Miine an Rugge z'chleube und furtseckle :vortex:

Han bi keinem Multizocker fps uf Konsole annähernd sovill Spass gha wiä mit Goldeneye.

Meh " :vortex: " git's glaub i keinem Mutlti-play-fps.


:1thumb:

Re: Nintendo-64-Topic

PostPosted: 25 Apr 2012 13:38
by hanf
Marco_in_motion wrote:Han bi keinem Multizocker fps uf Konsole annähernd sovill Spass gha wiä mit Goldeneye.


JEDE hät bi sim erste Multiplayer FPS am meiste Spass demit gha. Bi mir ischs Marathon gsi, bi dä Xbox Fans Halo, und bi dä PC Gamer Counterstrike... Es chunt eigentli gar nöd so ufs spiel druf aa. Aber d'framerate vom golden eye verunmöglicht halt würkli gwüssni schusswechsletype...

Re: Nintendo-64-Topic

PostPosted: 25 Apr 2012 13:53
by Marco_in_motion
Hanf? ich han Dich scholang mal öppis welle fräge und ich möcht der definitiv nöd as Bei pisse, es nimmt mi eifach Wunder :

Meine ich das nur oder isch das würklich eso das di eigentlichi Technik wo hinder eme Game steckt, also Sache wiä fehlerfreii Programmierig, di richtig Farbwahl, einzelni Animatione, d'Wahl vom Soundchip ufere Platine, besseri texture (lol N64) etc. etc. Din Spielspass definiered?

Grad im Fall vo Goldeneye, d'Framerate isch für nüt, das ganze gseht huere matschig uus und d'Hitboxe sind d'Höll, trotzdem simmer ämel fast vom stüehli gheit vor luuter Schadefreud und Fun:-) Das isch det alles egal gsi, hauptsach irgend en möngel lauft i mini Laser-Miene und fräged hässig wer das gsi isch, irgendeine fangt dänn ah gröhle
willers eifach nümm verhebe chan lol, ich glaub ich hol dä N64 hüt Abig füre :-D

Re: Nintendo-64-Topic

PostPosted: 25 Apr 2012 16:40
by mr.raw
Tatsächlich isch es eso, dass zu dere Zitt NIEMMERT...GAR NIEMMERT au nid im gringschte öppis gege die Graphik kha hett. Me hett Bauklötz gstuunet kha ab dere Graphik.
Ich weiss no, als ich damals d US Version i de Händ kha ha und no NÜT....N Ü T über das Game gläse ha. Söll ichs kaufe? Söll ichs würklich kaufe? hmmm, Screenshots sehn no guet uss,he? Dr Verkäufer hett nur gschwärmet und ich so...hmmm, verkaufstaktik. Koschtet jo au "nur" Fr. 149.90 (ächz)... Trotzdem...ich has kauft. Dehei iihne ta (um die 7ni zobig). Und am 4i am Morge ins Bett gange...und dört nid emoll dr schlof gfunde, will ich eifach ha welle witter zogge. Scheiss egal hann ich dört am nöggschte Tag e Priefig kha... 8-)

Denn dr MP Modus mit de Frens entdeckt....am 3 am Nomittag iihnetoh und um die Mitternacht hämmer denn uff Mario Kart gwächslet... Isch eigentlich bi kei anderem Game so extrem vorkho...

Hett scho einiges a iidrück hinterloh...und simmer ehrlich. Hütt macht das Game immer no fün. Gitt scho vieli alternativene, do gibi recht...aber trotzdem griffe mir 4 sehr oft uff Goldeneye zrugg. (wie lettschte Zyschtig...mir hend wahnsinnig fun kha und hend so "gjublet und gschraue" wie damals) :-)

sgitt seeeehr wenigi fps wo im MP modus so viel fun bereite....demit mein ich andere fun...nid so a la Battlefield usw.

Re: Nintendo-64-Topic

PostPosted: 25 Apr 2012 16:49
by Tatsujin
euphorie isch halt scho öppis sehr schöns :)

Re: Nintendo-64-Topic

PostPosted: 25 Apr 2012 17:54
by hanf
mr.raw wrote:aber spielt me hütt no so games wie "Die Hard Trilogy"...auweia...


ich :lol:

aber zuegä, es isch grotteschlecht...

Re: Nintendo-64-Topic

PostPosted: 25 Apr 2012 18:04
by hanf
Marco_in_motion wrote:Meine ich das nur oder isch das würklich eso das di eigentlichi Technik wo hinder eme Game steckt, also Sache wiä fehlerfreii Programmierig, di richtig Farbwahl, einzelni Animatione, d'Wahl vom Soundchip ufere Platine, besseri texture (lol N64) etc. etc. Din Spielspass definiered?


Ich interessiere mich sehr für d'Technik. Tuen ja selber au programmiere und findes geil mit wellne technische möglichkeite mer was alles gmacht hät. das chan natürli au si dass ä konsole bsunders guet uusgnutzt worde isch. panporama cotton wär da sones biispiel. es macht immer wieder sache wo en megadrive eigentlich gar nöd chöne därft...

Aber dä spielspass selber dänki eigentli tueni eher dur d'innovation und d'intuition vom spieldesign (und nöd vo de technik) beurteile. Also z.B. nights into dreams oder twinkle star sprites sind lieblingsspiel vo mir... fortsetzige findi denn scheisse, wills nüt me neus sind.

Im fall vom golden eye ischs en spezialfall: bi spiel wo mer gegenenand spielt find ich mues d'framerate verhebe, stell der mal es garou mit slowdowns vor. das bringt ja s'ganze timing durenand. Gliich ischs für mich halt au bi dä ego shooter. es därf nöd si dass wänn du inen grosse ruum luegsch mit vielne polygon, dass dänn plötzli d'framerate iibricht.

bi singleplayr findis weniger tragisch, da d'KI eifach vorhersehbar isch...

Re: Nintendo-64-Topic

PostPosted: 26 Apr 2012 06:14
by Marco_in_motion
Ok :-) Du weisch warum ich das fräge?

Re: Nintendo-64-Topic

PostPosted: 26 Apr 2012 09:12
by sidusson
mr.raw wrote:sgitt seeeehr wenigi fps wo im MP modus so viel fun bereite....demit mein ich andere fun...nid so a la Battlefield usw.


isch genau so.. mir spiles ou immer ds 4. öppe jedes weekend, es isch eifach kult :herzli:

Re: Nintendo-64-Topic

PostPosted: 26 Apr 2012 10:09
by Marco_in_motion
Goldeneye, eis vo dä best g'alterete Videospiel, top5.