Heute erhalten - Retro Edition

[DeftOne]

Mue ja au chli Vorteil ha, wemmer überall agmeldet isch.

Und zumindest han ich's sicher em eint oder andere Reseller wegschnappt, chamer nöd vorstelle, dass die 1700 Games abgseh vo mir niemert het gno.

[agestuffer]

Da mini Ziiit dur Familie, Wiiterbildig, Job und anderi Hobby als Games beschränkt isch, hani gar kei Ziit/Luscht so Sammligä zchaufä... Logisch nämtis wennis für 5000 Stutz oder so überchämt... Aber Gäld hani au keis förig und darum bini halt au nid so aktiv uf de Suechi nach neuem Stuff... Eigentlich willi ja alles verchaufä.... Irgendwenn denn mal
agestuffer

[DeftOne]

Sind lustigerwiis au um di 5000 Fr gsi.
I ha de Chauf eigentli au eher wölle wo ricardo no guet gloffe isch für mi, aber has trotzdem no gmacht, wil i denkt ha, dass i sowieso luege söt, dass i witerhin e grosses sortiment a Games abüte cha.

[agestuffer]

Denn isches sicher en guetä PRiis gsii.. Usser es sind 1700 x FIFA für PS2. Denn wärs zviil
Aber Du schribsch ja es isch wohl vo 16Bit bis PS3 alles debii... Denn isches sicher en guetä Deal gsii
agestuffer

[DeftOne]

Sportspiel sind scho au debi. Aber halt au so Sache wie Chrono Trigger, Shining Force Neo etc. Vo dem her wird i die Sportspiel eifach günstig uselo imene Set oderso und de Rest wird sich scho irgendwie erge. Wenn ichs nöd gno het, het sichs wohl eifach de Bitgames gschnappt.

[agestuffer]

Ich gsee, Du hesch es paar Konkurräntä
agestuffer

[DeftOne]

Joa, da ischs früener bedütend eifacher gsi. Aber joa, drum lueg i au, dass i so viel es gaht abdecke cha.

[sosh_85]

1700 Games vo Mega Drive - PS3. Min Shop wird sich freue.

Wiedermal zumene Top Priis chönne schüsse, da es vomene Forum her stammt.

Krass geile deal gmacht....

[DeftOne]

Da ich die Spiele sowieso nicht mehr alle auf ein Bild bekommen würde:



















Zum Glück derziit au chli e Hoch, wil i d Konsole mit OVP zumindest scho wieder praktisch weg ha.

Im Moment laufts vo dem her wieder knapp mittelmässig.

[agestuffer]

Geil, cooles Züügs drunter
agestuffer

[DeftOne]

Joa da scho. Aber isch halt au wie be fast jedere Sammlig au viel PS1/2 Züüg drunter wo nur viel arbet gebet und wenig würkli Gwünn bringet, wenn mers überhaupt los wird.

Aber i ha zum Glück i de letschte 2-3 Täg paar Lüüt kenne glernt, wo au guet Games vo dem Set chaufe werdet. Isch halt scho wichtig, dass es uf ricardo einigermasse lauft, sust wird's eifach schwer mit Chäuferschaft ufbaue i de hütige Ziit.

[gio]

krass, ha gmeint das seg scho vor es paar mönet über Ricardo wäg … isch es wiili lang für 5555.- uf Ric gsi

[DeftOne]

Hmm cha si, dass es lang döt druf gsi isch. i ha de Verchäufer kennt drum au eifach direkt ihn agschriebe. Bi überrascht, dass da sust niemert het wölle demfall. I finds e durchus bruchbars set. Sind paar 100-200 Fr. games drunter.

[Tsimi]

Und es Mega Drive Visitecharte Case.

[DeftOne]

Normalerwiis beklag i mi selte bem Verchäufer über Games. Aber so hiwiis wie, dass e Game usere Videothek chunt oder dass s Darkstalkers komplett zueklebt worde isch, wäret amel scho guet. Zumindest sind all NTSC-Games imene schöne Zuestand. PAL hingege sind eher so mässig guet, mer cha demit lebe, aber joa, chli besseri Qualität chönnts scho si. Zumindest isch vo de PAL Games s wichtigste mitem Hebereke guet. Has Päckli aber e nur wegm Monkey Island wölle.

[zeromeier]

nöd erhalte, aber grad no bschtellt:

[President Evil]

Wo hesch de 8Bitdo SF30 Pro bstellt?

[zeromeier]

Wo hesch de 8Bitdo SF30 Pro bstellt?

Aliexpress, wäge?

[President Evil]

Ha mer au scho überleit zkaufe

[zeromeier]

Ha mer au scho überleit zkaufe

choscht $34.-; bin ufd sticks gspannt und s'handling insgesamt. de sfc30 isch ja super

mun aber ehrlicherwiis säge: ich find d'retroflag controller besser. hend zwar es Kabel dra, aber oft möcht ich was alts spiele, und denn hed das bluetooth ding kei akku meh, chani zersch charge. Nervt - deswäge Kabel immer no die besser Lösig imo.

[gio]

bim ruume wieder mol was interessants fürecho

[NRG]

Ha mer au scho überleit zkaufe

choscht $34.-; bin ufd sticks gspannt und s'handling insgesamt. de sfc30 isch ja super

mun aber ehrlicherwiis säge: ich find d'retroflag controller besser. hend zwar es Kabel dra, aber oft möcht ich was alts spiele, und denn hed das bluetooth ding kei akku meh, chani zersch charge. Nervt - deswäge Kabel immer no die besser Lösig imo.

Zudem händs Lag; chasch vergässe. Besser Original-Pads (und Lag-free Adapter) ahhänke.

[zeromeier]

Zudem händs Lag; chasch vergässe. Besser Original-Pads (und Lag-free Adapter) ahhänke.

möglich, ich merk das aber nöd, drum ischs mir kpl. egal

[DeftOne]

Endlich han i eis gfunde fürene akzeptable Priis. Mini Kontäkt hemmer da mal wieder gholfe.

[Mastler(P)]

nice. was häsch denn öppe usgeh?