Arcade Cabs

[sam]

neui frag

ich han bim e3 dä monitor vo horizontal uf vertikal dreiht. wenn das machsch muesch dä monitor normal nach rechts dreihä. ich has nach links gmacht. hüt en pcb drahghänkt und sbild isch richtig also vo unde nach obe. hani jetzt eifach glück gha oder stellt sich das automatisch i?

[mastercello]

Glück - e huufe Platine chamer per Dipswitch oder Option "flippe"!
Ged aber au settig, vorallem älteri wo das ned god.

[sam]

ich han jetzt strikers 1945 II. hät kei dipswitsch.

[The Sheep]

Strikers 2 het es soft Menu. dört chamer de Screen flippe. manual

[sam]

ah super merci!

edit1: service switsch gfunde^^
edit2: ja kacke dä moni isch glich verchert. im menü staht bi screen: reversal. jetzt chauf ich nur platine wo das chasch iistelle

[Marco_in_motion]

Gester mitem Hanf gholt, merci Hanf und merci Sam

Staht jetzt ebe im Chäller.









Endlich...

[Fade]

A R C A D E

[mastercello]

Gratuliere - gsehd relativ vernünftig us das Teil!
Chli guet puetze met "Cilit Bang" und guet esch.

[Marco_in_motion]

ich zocke jetzt mal echli, lernes känne, mit dä ihstellige womer mache chan und wännimi dänn Fit däzue fühle nimmen usenand und lackieren neu.

[mastercello]

Wie gsehd Monitor Röhre so us? Kei Ibrännige vorhande?

[Marco_in_motion]

fiini ihbrännige wo aber bim zocke nöd würklich bemerksch, eigentlich echt nöd. Was mi aber ahkackt isch daser obe rächts zimmli Konvergenz-problem hät.

[turntablism]

WOW Gratuliere !!! und jetzt isch no wuchenend , viel spass bim zocke

[Marco_in_motion]

merci han eifach nur mvs zeug... sone Multiplatine mit 120 zocks druff aber ebe slug 3 muesi mir sowieso immerwidermal gäh sowie garou

[mastercello]

Was mi aber ahkackt isch daser obe rächts zimmli Konvergenz-problem hät.

Esch leider bi dem Typ Monitor e chli es "Familie Problem" - het min Net City au gha.

[Marco_in_motion]

wiä chani flicke?

[damian]

dä yuan soo hät gmeint mer chömi d'ring vom röhrehals ev no chli verstelle... seg möglich, aber huere ufwändig.
dä boergi hät das ja mal bi sine 31khz naomi monitore müese mache. ev hät er da me erfahrig...

[turntablism]

was isch denn für en monitor drin (typ) und was für es chassi?
da findsch evtl s manual zum dim monitor...
http://wiki.arcadeotaku.com/w/Category:Monitor_Manuals

aber gell VORSICHT und nur mit einere hand inelange

[Marco_in_motion]

mit einere Hand inelange

[boergi]

nüt alänge a de ring!!

wenns nur en egge esch chames nur met magnetli mache.

grundsätzlech esch es eso.
- wenns e de mitti ned passt mues mes met de ring ischtöue.
- wenns a de site oder obe und unde ned guet esch lits a de usrichtig vu de ablänkspuele.
- eggeproblem met magnetli wome under d'ablänkspuele füert korrigiere.

di erschte zwöi sache würd i gar ned alänge. i ha be mine sanwa's aso ned würkli erfoug gha.
bem egge richte amene nanao hingäge scho. das esch am eifachschte wöu me nüt vu de fix igschtöute sache mues alänge und somit ou nüt cha verschtöue. wenns ned pass chame s'magnet eifach weder usezie.

i ha die magnetli übrigens no nie nöime zum choufe gse. mini hani vu sanwa röhre woni g'schlachtet ha.

[Marco_in_motion]

ja bi mir isches dä Egge obe rächts... isch en nanao trisync ( also es sött eine sii)

Magnetli, ja chani nöd irgendwelchi näh i demfall...

[turntablism]

die vom chüelschrank wo poschtizettel amachsch dermit, oder en alti musig lutsprecher

[boergi]

du hesch doch de blast vum goran oder?
dasch kei nanao.

nüt met normale magnet mache!
die send vöu z'schtarch. verziesch höchschtens durhaft s'ganze böud.

wennt ned ganz genau weisch wasd machsch sötsch sowiso nüt alänge! das wär nur gföhrlech.
du hesch über 20 kV hende drah!

[damian]

nei, isch vom vsa eine mit original bildschirm. krassi konvergenzproblem im rechte obere egge (rot wiicht mind. 1cm vo dä andere farbe ab). rechte untere egge isch au recht stark, aber weniger (5mm öppe).

[damian]

apropos: http://www.supermagnete.ch/index.php


en kolleg het ebä namal genau dä gliich monitor mit genau dä gliiche problem. wär huere geil wämmer das chönt behebe das konvergenzproblem...

[mastercello]

Dito was de boergi seid - esch öppis womer mues drues cho!
Söscht werds nor schlimmer - das met 100% Sicherheit.