Seite 196 von 239

Re: Was spielsch grad retrigs?

Verfasst: 28 Mär 2018 20:45
von sadoanarcho
jup, geils Game.

als Goof isch de ersti Boss scho schwierig gsi (gumpe und abeschüsse). Als Teenie hani's dänn mal imene fokussierte Effort duregspielt und bin stolz druf gsi :)

bin au grad am Gameboy game:

Gargoyle's Quest 7.5/10
Castlevania Adventure 7/10
Ikari no Yousai I & II je 6.5/10
Cave Noir 7.5/10

Castlevania isch zwar es biz langsam, aber mir gfallt d'Atmosphäre und 's häd es paar kniffligi Stelle. Ide spötere Loops wird jede Träffer praktisch tödlich und mer mues methodisch vorgah.

Cave Noire isch en reduzierte, arcade-mässige Dungeon-Crawler mit zuefallsgenerierte, churze, rundebasierte Levels. Grinde bringt nüt, mer startet immer wieder blutt. 's häd Konami-typisch hochi Production-Values und 's Gameplay isch recht ustariert.

Re: Was spielsch grad retrigs?

Verfasst: 19 Apr 2018 10:27
von Buccaneer
Mini Schwöster hed gfraged öb sie de Gamecube söll furt schmeiss oder öb ne zrugg wott... blödi Frag! Logisch wott ne zrugg.
Am Wuchenend mal wieder Star Wars Rogue Squadron 2 + 3 inehaue :sabber:

Re: Was spielsch grad retrigs?

Verfasst: 19 Apr 2018 12:17
von geosnow
geil isch furt schmeisse. eusi gsellschaft isch doomed. schad für d goofe uf dere welt.

Re: Was spielsch grad retrigs?

Verfasst: 26 Apr 2018 08:14
von mr.raw
Mich hetts mit Kof98 packt. Völlig begeischteret bini. So begeischteret, dass i sogar d Movelischte ussdruckt :!: ha.

Re: Was spielsch grad retrigs?

Verfasst: 26 Apr 2018 11:03
von m.o.terra kaesi
Yeah!
Sgiht mittlerwiile jo öppe 3 Versione vo kof98.
But only the original is real 8-)

Re: Was spielsch grad retrigs?

Verfasst: 05 Mai 2018 10:09
von turntablism

Re: Was spielsch grad retrigs?

Verfasst: 05 Mai 2018 22:58
von Reinforced
turntablism hat geschrieben:1oicnBZSX6M[/yt]
de sound isch aber hert ar gränze was?

Re: Was spielsch grad retrigs?

Verfasst: 06 Mai 2018 12:20
von turntablism
Schochli. Grafisch aber nice.

Re: Was spielsch grad retrigs?

Verfasst: 15 Mai 2018 17:33
von Mr. Heli
Rogue Galaxy. Ursprünglich für PS2, als Download für PS4 au vorhande. Es JRPG mit Pirate im Weltruum :panik:

S Spiel gfallt mir bis jez (ca. 5h) sehr guet, au wenns recht knackig isch. Ich stirbe teils bi normale Gegner, bi Böss sowieso x mal. Meh mues immer viel Beleber und so zügs mit sich führe, Verteidigung chan meh nid upgrade, nume Waffe. Obwohl ich so frustrierendi Spiel eigentlich nid so gern han, gfallts mir recht guet. Grafisch ischs sicher eis vo de bessere RPGs wo uf de PS2 usecho sind. Wunderschöni cut scenes hets au. Kampfsystem wär sicherlich usbaufähig, git einigi sache wo mich dra störed. aber alles in allem bis jez es solides RPG.

Re: Was spielsch grad retrigs?

Verfasst: 16 Mai 2018 15:36
von turntablism
...gueti frag. wider mal konsole...glaub zersch mal mis lieblings spiel fürs snes "Pilot Wings"
Bild

Re: Was spielsch grad retrigs?

Verfasst: 17 Mai 2018 16:41
von Mr. Heli
isch de superboy s öpis? ha glese s bild isch eifach verzehrt gegenüber em original. wie liegt das ding so ide hand, gits ka chrämpf?

s rogue galaxy wird immer besser, schwierigkeitsstufe het abgnoh gegenüber em afang. chas jedem RPG fan empfehle, nume isch halt s kampfsystem beschisse (druf usgleit dass meh immer heile tuet mit items).

Re: Was spielsch grad retrigs?

Verfasst: 17 Mai 2018 17:42
von turntablism
Ich find en cool. Isch relativ liecht und passt guet i mini händ. S'bild chasch ischtelle uf 4:3 oder 16:9.
Chasch an tv aschlüsse. Han en für 110.- überchoo - da hani nöd vill z'meckere. Display isch au ok. Superufo gaht au und umschalte ntsc/pal...
Ha paar bildli uf mim blogspot ufegladde.

Re: Was spielsch grad retrigs?

Verfasst: 18 Mai 2018 05:30
von evo
Xenoblade 2 beändet, het mi chlei entüscht, gaukelt eim mehr vor als es schlussändlich isch. Grad s kampfsystem het mi entüscht, zersch dänkt me wooohuu isch ja mega komplex, leider würkt sich kei entscheidig wirklich fest uus im kampf. mehr schein als sein. Au t story hani rächt belanglos gfunde, kunt erst ganz am schluss chli in fahrt und zieht liichti paralelle zum serievater xenogears. Het glich no spass gmacht aber mehr als 7/10 kani do nit geh

Jez machi paper mario ufm 64 :wixer:

Re: Was spielsch grad retrigs?

Verfasst: 30 Mai 2018 05:56
von turntablism
geschter abä e rundi simCity snes

Re: Was spielsch grad retrigs?

Verfasst: 30 Mai 2018 08:17
von geosnow
evo hat geschrieben:Xenoblade 2 beändet, het mi chlei entüscht, gaukelt eim mehr vor als es schlussändlich isch. Grad s kampfsystem het mi entüscht, zersch dänkt me wooohuu isch ja mega komplex, leider würkt sich kei entscheidig wirklich fest uus im kampf. mehr schein als sein. Au t story hani rächt belanglos gfunde, kunt erst ganz am schluss chli in fahrt und zieht liichti paralelle zum serievater xenogears. Het glich no spass gmacht aber mehr als 7/10 kani do nit geh

Jez machi paper mario ufm 64 :wixer:
chani jetzt nöd bestätige. Vieli Kämpf findi bide Side Quests nöd so eifach.

Re: Was spielsch grad retrigs?

Verfasst: 30 Mai 2018 08:38
von evo
und finsch du kasch s ganze durch "clevers" spiele beihflusse? mich het das alles eifach mega random dünkt

Re: Was spielsch grad retrigs?

Verfasst: 30 Mai 2018 09:03
von geosnow
es gaht schono. chunt chli druf ah, ob de Rex oder d Nia als Heilerin spielsch. Mir gfallt halt chli sammle und s skills hole. Aber ja, mit Grinden chasch ja jedes Game gwünne.

Re: Was spielsch grad retrigs?

Verfasst: 31 Mai 2018 06:24
von evo
I find das theoretisch au gärn, aber do hets mi gar nit guet glöst dünkt, total überlade und den das dumme zuefällige beschwöre vo de blades. Verstand nid warums so krampfhaft ein uf mmorpg het wele mache. Spiel mol biz world of warcraft denn weisch wasi mein. Dort merksch dr impact grad massivst wenn 2 neui gegeständ ahlegsch oder chli was an de talänt umstellsch.

Re: Was spielsch grad retrigs?

Verfasst: 31 Mai 2018 06:27
von evo
Papier mario rockt hingege praktisch in allne belang. Chli dünni gschicht füres rpg, aber isch halt mario. Sus astreins gameplay, glaubwürdigi wält, spielerisch und optisch abwächsligsriich wie sau, topqualitätsprodukt.

Re: Was spielsch grad retrigs?

Verfasst: 31 Mai 2018 06:43
von geosnow
spielsch uf wii? huere grussigs bild.

Re: Was spielsch grad retrigs?

Verfasst: 31 Mai 2018 06:51
von evo
Ufm n64, und t wii het e guets bild wemmene röhre verwändet und s richtig kabel.

S tumme isch nur das t wii games wo zum schluss ko sin e 16:9 format hän, was die wenigste röhre tv‘s biete. Beamer könnt jehnachdäm au was ahständigs lifere. Oder sone hd röhre teil.

Re: Was spielsch grad retrigs?

Verfasst: 31 Mai 2018 07:01
von mr.raw
hd röhre :sabber:
wenn de nur nid so schwer und klobig wär...i hätt en im Wohnzimmer.

Re: Was spielsch grad retrigs?

Verfasst: 15 Jun 2018 19:16
von turntablism
Snes
- monopoly :typej:
- super punchout
- und e stund mario world - scho eis vo de beschte snes spiel :herzli:

Re: Was spielsch grad retrigs?

Verfasst: 15 Jun 2018 20:43
von geosnow
Esprade

Re: Was spielsch grad retrigs?

Verfasst: 15 Jun 2018 22:27
von turntablism
geosnow hat geschrieben:Esprade
Isch ziemlich wiit unde bi de highscore topics.
Aha, grad gseh dass du no gar kein itrag hesch ;)
Höchsti isebahn...
Isch geils spieli !