Ja d'Franzose sind scho es speziells Völkli aber eis muesi zur Ehrerettig au säge: Die tüend defür au nid blöd, wenn de ihne im umgekehrte Fall en Schrott verchauffsch. Für die isch immer alles "Nickel" wo dr Schwizer wieder s'Hoor in dr Suppe suecht.
Isch halt es schwierigs Thema will Candy Cabs in de letschte Johre immer begehrter worde sind. Dr Märt isch uströcknet und es git nid allzuviel Abüter. Und au Verchäuffer mit guetem Ruef (ich nenn jetzt keini Näme) reiched d'Grät nid selte au eifach wyter und ich ha diesbezüglich au scho rächti Grottene gseh wo aber Unsumme drfür zahlt worde sind.
Ich has scho am sosh_85 gschribe: Bi dertige Summe würd ich kei Experiment igoh mit überwiese etc. sondern es Tages- oder Wuchenändusflügli mache, Fründin mitneh und ganz entspannt das Ding persönlich go abhole. Soviel ich weiss, befindet sich dä im Link in emene idyllische Städli uf Höhi Montpellier, also ca. 4 Stunde vo Genf entfernt. Isch ja nid eso, dass sich die Cabs uff Kuba würded befinde.
Live goge aluege und wenn's nid passt halt lo blibe, wyter nach Marseille go übernachte und sich en schöns und unvergässlichs Weekend mit em Schatz mache. Wenn er uf die persönlichi Abholig nid igoht isch eh scho öppis fuul ...