Klassiker wo nonid gspielt hesch

[Mr. Heli]

weli klassiker hesch nonid gspielt und wieso? viellicht scho lang im regal aber nonid dezue cho oder eifach nume kauft dass es hesch? ich fang mal a, obwohl s nachher wohl en riese ufruhr git

Donkey Kong Arcade (isch vor minere ziit gsi. würs aber gern mal spiele)
Legend of Zelda NES (kei ahnig wieso, s macht mich momentan irgendwie gar nöd so ah, well ich sinerziit nume 2 games ufem NES gha han und eher mit em SNES ufgwachse bin)
Super Metroid SNES (has nonid)
Secret of Mana SNES (s gaht z lang, s chömed z viel spiell dezwüsched use. z viel rpgs im regal)
Mega Man (egal uf welere konsole, no nie gspielt )

[geosnow]

Super Metroid SNES (has nonid)
Secret of Mana SNES (

muesi au no mache.

SotC 2 au no.

[evo]

S mana würdi unbedingt im 2 oder gar 3 player mache, allei isches fast scho chli faad. Und extrem lang isches au nit, so 15h schätzi.

Mini grösste leiche im käller sin wohl shenmu und mario 64. s mario hani zwar schonöfter gamed, aber nie fertiggmacht.

[Herr Rossi]

SotC 2 au no.

???

[DeftOne]

Naja nur zum allei zocke find i Secret of Mana nöd so toll. Da hent mer Quintet-Games meh zuegseit.

[rebornkid]

SNES - The Legend of Zelda / A Link To The Past

Kei Ahnig, Super Nintendo han ich dazu mal nöd gha. Mini ersti eigni Konsole isch en Sega Nomad gsi.

Da ich nur alles in original zocke hets en Moment duret, bis ich s'Zelda immene super Zuestand und für en faire Preis gfunde han.

[Panther]

ha no kei Tömb Reider, kei Resident Ivel und kei Metal Gear gmacht

[DeftOne]

Tomb Raider brucht au niemert. Da game isch scho wo's aktuell gsi sind en absolute Murks gsi zum stüüre. I ha mer zwar dazumals die erste 3 Teil kauft i de hoffnig es wird besser, aber i find abgseh vom 3 lohnt sich's nöd würkli. Es isch stüürigstechnisch eifach e mittleri Katastrophe, da hent scho viel Games zu sebere Ziit besser gmacht.

[mr.raw]

Da ich nach em NES de MegaDrive kaufet ha (isch halt die cooleri Konsole gsi damals :typej: ) ha ich vieli SNES Perle verpasst.
Sett no einiges nachhole...aber mir fählt leider d Zitt.
dFrog wo i mir stell isch...sell i en SNES Mini kaufe, denn dörte sinn praktisch alli die Perlene druff wo ich verpasst ha...oder sell ich se als Original zuetue.
gröschti liichene sinn Secret of Mana, Zelda a Link to the past und no es Spiel wo mir dr Evo empfohle hett (es guets iistieger rpg uff em SNES...weiss aber grad de Name nümmi)

uff em MegaDrive möcht i endlich emolle Soleil und Pier Solar zocke.

Was ich würklich no nie zocket ha isch Metroid & MegaMan.

[DeftOne]

Het de Evo evtl. EVO gmeint?

Seb wör i nemli a sich scho als eis vo de istiigerfründlichere RPG's bezeichne. Einzigartig, simpel, schön Welt und joa, wenn's nöd so tüür wär eigentli scho super.

Sust wör i vermuete, dass er vilicht Soul Blazer oder Terranigma gmeint het. Wobi Soul Blazer agnehmer isch.

[damian]

ich han glaubs alles gspielt. ussert metal gear (solid). aber ich find das spiel eifach scheisse.

[The Sheep]

Die ganze Dragon Age Spieli. Witcher 1 bis alli

[Herr Rossi]

Doom

[turntablism]

Irgendwelchi pokemons.
Ha ehrlich gseit au kei luscht druff

[rebornkid]

Irgendwelchi pokemons.
Ha ehrlich gseit au kei luscht druff

Stimmt, ich au noed!

[Mr. Heli]

dFrog wo i mir stell isch...sell i en SNES Mini kaufe, denn dörte sinn praktisch alli die Perlene druff wo ich verpasst ha...oder sell ich se als Original zuetue.

De mini isch sicher günstiger und fründlilcher fürs familiebudget, sofern en grad bim release bechunsch.

[Mr. Heli]

Mini grösste leiche im käller sin wohl shenmu und mario 64. s mario hani zwar schonöfter gamed, aber nie fertiggmacht.

shenmu dito. wenns mitem shenmu 3 en neu release gäbt, wär ich sofort defür z ha.

[mr.raw]

dFrog wo i mir stell isch...sell i en SNES Mini kaufe, denn dörte sinn praktisch alli die Perlene druff wo ich verpasst ha...oder sell ich se als Original zuetue.

De mini isch sicher günstiger und fründlilcher fürs familiebudget, sofern en grad bim release bechunsch.

ich ha vorsichtshalber 4stk bstellt und ein wird mir bim MM Basel uffd sitte gleggt.
Also wirdi sicher eine ha am endi.

[mr.raw]

Het de Evo evtl. EVO gmeint?

Seb wör i nemli a sich scho als eis vo de istiigerfründlichere RPG's bezeichne. Einzigartig, simpel, schön Welt und joa, wenn's nöd so tüür wär eigentli scho super.

Sust wör i vermuete, dass er vilicht Soul Blazer oder Terranigma gmeint het. Wobi Soul Blazer agnehmer isch.

Nene isch nid EVO gsi. Ich glaub Terranigma isch es gsi.
Kennt öppert secret of Evermore? Gseht jo vo dr Grafik her Traumhaft uss!

[Herr Rossi]

Ja isch e unglaublich suprige Zock. De Name isch chli verwirrend wils nüt mit em Mana ztue hed. Hed paar witzigi NPCs und s Konzept mit de verschiedene Epoche hed mer gfalle

[Panther]

Kennt öppert secret of Evermore? Gseht jo vo dr Grafik her Traumhaft uss!

nit wirkli geint oder? sone billige SoM2 ersatz für e Weschte isch das, unwürdig no e grossi Box z'becho zha lol

[Herr Rossi]

Chum gibs zue Panther, es isch der zschwer gsii

Ich findes es sehr erfrüschends Schpil wo sich sine Platz me als verdient het mi de 16bit rpgs. Es isch nid Secret of Mana 2 oder seiken blah sowieso, es isch eigeschtändig und läbt genau vo dem.

[sosh_85]

Mini grösste leiche im käller sin wohl shenmu und mario 64. s mario hani zwar schonöfter gamed, aber nie fertiggmacht.

shenmu dito. wenns mitem shenmu 3 en neu release gäbt, wär ich sofort defür z ha.

bi wog.ch chasch vorbstelle

[turntablism]

Elite uf em c64

[Panther]

Chum gibs zue Panther, es isch der zschwer gsii

Ich findes es sehr erfrüschends Schpil wo sich sine Platz me als verdient het mi de 16bit rpgs. Es isch nid Secret of Mana 2 oder seiken blah sowieso, es isch eigeschtändig und läbt genau vo dem.

lol hesch no recht, has nie ganz fertig gemacht, 2-3mol wider aagfange und immer kei freud dra gha. Eifach s SoM gameplay kopiert und es wüeschts game drus gmacht.

dh natürlich nit das es objektiv schlecht isch, klar e guets und sicher mehr oder weniger es originels rpg. Aber damals eifach nit annähernd e Ersatz für s erwartete Mana2. Wenn die Screenshots ir VG gseh hesch vom Mana2 und denn kunsch sone irgedwas vorgesetzt, i weiss nit, aber für mi e herte fail gsi