vermuetli gahts drum öb dä pin fürs av signal es Composite- oder es Synchronisationssignal usgit.
Vorteil mit Composite: Es chunt au uf nöd RGB taugliche Fernseh es Bild, resp. chaschs au über Composite aaschlüsse.
Vorteil mit Synchronisationssignal: Es lauft au uf allne Profi-Monitore wie Sony PVM oder moderne Bildschirm mit VGA iigang ohni dass en Wandler bruchsch.
Vo dä Qualität her chunts nöd druf aa und alli normale Fernseh werdet beides chöne darstelle. Nur die Monitore mit BNC Stecker hine bruchet zum Teil es Sync signal. Öbs denn au normali fernseh git wo mit em Sync Signal problem händ weissi nöd, isch mer bis jetzt nonig passiert, wär aber theoretisch denkbar. Ah ja, und diversi moderni Beamer und Fernseh mit eme VGA iigang chöntets RGB Bild mit eme Sync signal wohl no darstelle, mit Composite isch schwieriger uf modernse Bildschirm das RGB signal anezbringe...
ok, die siite meint das d'qualität bime sync signal besser isch. wär mer bis etz no nie uufgfalle, aber wänn dä meint wirds zummindest uf em gamecube so si. 95% vo allne RGB kabel sind mit AV sync, also wirds wohl keis grundsätzlichs Problem si mit dä quali.
das isch für de "normal" umbau vom nes front loader. nimm eifach es NGC rgb kabel voms schwiiz. das häsch sicher no ummeliegge. sus hät de alcom no 100 stück devo.
merci