gba isch geil

[Marco_in_motion]

advanced wars
double dragon
domo kun
wario ware

chunt mer zersch in sinn.

Alli geil, vorallem Double dragon

[geosnow]

alli snes umsetzige sind mega.

[Doraemon]

Das Jahr woti viu GBA spile. Im Januar scho 3 GBA Titel komplett düregschpiut:

Godzilla: Domination fingi super, so wie aui Godzilla Spiel! Ja, aui!

Shining Soul - Spili fasch jedes Jahr 1x düre. Obwous eigentlech simpel und stupide isch. Aber me cha grinde und gsammleti Items verchoufe und skillpoints verteile und genau die Kombination hets mer angetan.

Ninja Cop - Geschter fertig worde, het paar Tag brucht. Hani nid so schwierig ir Erinnerig gha, aber es hets no in sich. Es Hammer-Game isch das! Chlei wie ne Mischig us Shinobi und Bionic Commando mit ere Prise Elevator Action. Mit richtig fiese Level, Arschloch-Gägner, überau Stachle, Laser, Füür, Strom, am Graf siner Flädermüs und sogar Frösche, bewegendi Plattforme äbefaus mit Stachle, Laser mit Patterns, etc aues gmacht zum di töte. Aber jedesmau chunnt me es Stückli witer mit der richtige Taktik und ds letscht schafft me ds Level perfekt, egau wie schwierig. Scho lang nüm es Game gschpiut mit sore geniale Lernkurve und so viu guetem Gameplay und Action!

Hüt abe machi River City Ransom. O eis vo mine GBA All Time Classics!

[Marco_in_motion]

Hau Doubledragon ine, besht.

[Mastler(P)]

ich weiss wieder vo wellem game ich grad ha, aber es isch es gameboy color game.


spills glaub trotzdem nachr es bitz.

[Marco_in_motion]

Isch geil? muesi ha?

[Mastler(P)]

lueg doch rasch in es rom oder video und mach der in ihdruck.

ich han vor ca. 5 jahr mal so best of listene und hidden gem züg gsuecht was gb-gba agaht.
so bin ich glaub uf das cho und es hät mich richtig packt nach es paar level won ich drin gsi bin.
han es denn in es paar täg fertig gspillt. jetz mueni au wieder dri cho merki, aber wenn dirs gameplay zueseit ischs sicher dini ziit wert.

ich nimm aber ah das was komplexeres mit ähnliche theme ufm pc finde würsch. was gitz susch scho für ächtziit strategie ufm gameboy?

[geosnow]

gameboy wars isch guet, aber nöd echtziit. sus wäri FFXII uf em DS no so echtziitmässig.

[Marco_in_motion]

was gitz susch scho für ächtziit strategie ufm gameboy?

Mech Platoon und Force21 wänns gbc sii mues, Wänn en Advance häsch isch glaub öppe Napoleon s'einzige rts, däfür gits a Tonne geili Turn based games.

[Mastler(P)]

cool, känni nöd. merci.
ich glaub das ischs damals bi mir gsi: ich han nach advance wars nach andere strategie sache gluegt und bin so uf das game cho.

[Marco_in_motion]

Ufem DS gits eis woni förmlich gfrässe han: Valkyrie Profile - darki Story, geils Kampfsystem, schöni Grafik, top Sound - megen.

[Mr. Heli]

Ufem DS gits eis woni förmlich gfrässe han: Valkyrie Profile - darki Story, geils Kampfsystem, schöni Grafik, top Sound - megen.

ursprünglich glaubs psx, psp gits au was. i rpg rankings au immer wiit obe. selber hani s aber no nie gspielt.

[Doraemon]

River City Ransom EX - Genials Remake vom ne süsch scho geniale Spiel. Chani immer wieder stundelang spile. Und sie hei ds Remake genau richtig erwiteret. Me Moves, me Gägner, Waffe, Sprüch, Artikel i de Shops, etc.

Double Dragon Advance - O nes super Remake! Cool soviu verschiedeni Moves und Gegner. D Gägner si aber wie immer ide DD Arschlöcher wo eim vo beid Site id Zange näme. Derfür hets viu Gräbe wome se cha abekicke.

Aus nächstens machi Wolf3d, Mahjong Cop und evtl. Rock n Roll Racing. Geng chlei abwächsle.

[Mastler(P)]

ursprünglich glaubs psx, psp gits au was. i rpg rankings au immer wiit obe. selber hani s aber no nie gspielt.

gaht mer glich. das ufm ds isch es prequel. chönt mer sich wohl geh, aber denn haui lieber zersch dä erscht titel ie.

[Marco_in_motion]

IHR MÜENDS ZOCKEN! PFLICHTZOCK!



Quelle

[geosnow]

Schümlipflümli suufe

[Doraemon]

Shining Soul 2 düre - Leider biz müehsam im gägesatz zum Teil 1. Bi froh gsi wos isch düre gsi. Aber d Musig isch zum Teil no guet gsi. Gloub aus nächstens isch ds R&R Racing dran.

[onion]

ha covenant of the prune sealed uf ricardo gha und jetzt grad wieger weggnoh. spieles zersch.

[Doraemon]

Bi am Breath of Fire 2 dran. Letsch Jahr hani ds 1 zum erschte Mau düregmacht und jetz isch ds 2 dran. Het am Afang chlei zit brucht zum warm wärde. Iz gfauts mer aber guet. Charmanti Übersetzig hets und guete Humor. Bi irgendwo äuä ca. ir Mitti.

[Mastler(P)]

bitz double dragon und gta gspillt. shit, ischs döbl drägn schwer.

[Marco_in_motion]

bitz double dragon und gta gspillt. shit, ischs döbl drägn schwer.

Aaaaaaber megen geil, d'K.I finde le supérbe.

[Doraemon]

Ds Double Dragon chame guet ustrickse, weme nid immer auzu wit füre louft. De chöme nid immer grad 5 Gegner ufs mau sondern eine nachem andere. De wirsch nid immer id Zange gno und zu Brei gschlage.

[Mastler(P)]

ja, ah gwüssne stelle wo es träppe, oder susch verschiedni ebene gitt, cha mer gueti fighter au liecht dra neh und weniger istecke.

[Doraemon]

Breath of Fire 2 düre nach öpe 65 Stund. Het mi sehr guet tünkt. Aus nächsts machi Final Fantasy 1&2. Ig ha no kes einzigs Final Fantasy gschpiut. Immer nur agschpiut aber der Funke isch nie überegsprunge. Jetz aber scho, ha fang ca. 6 Stund gschpiut.

[geosnow]

65h. Was häsch du gmacht? Bide gba version chunsch doppelt so viel ex points über im Verglich zude SFC Version.