Spiusch jedes Videospili düre?

[TypeJ]

vor 2-3 johr hani na 75% durregspielt woni kauft han...hüt na 1%...bzw. spieli nume na 1-2 spiel pro jahr würklich meh als 5minute!
COD/BF und Forza/GT

[O_O]

ich han mich massiv besseret aber das ligt au eher daran das ich nur no wenig spil überhaupt spile. sind aber immerno nur 1/5 woni durespile.

[Reinforced]

Ich zocke praktisch nur no am Weekend... denn mues ich es game grad "in a row" düremache demits au würkli fertig gspillt wird.

Red Dead Redemption möchti scho lang mal dürespile aber irgendwie motivierts mich nüme ...

[nascarbryant]

fascht jedes....kauf nu "gueti sache". falls ich nid "stecke" blieb wirds durezockt...rotier konsole....


stellar assault(32x)....paper mario (wii), No more heroes 2(wii) ....war for cybertron(Ps3)...brutal legend(360)...disaster report(PS2)...wario world 2(gbc)....metroid m(wii).......jean d'arc(psp).....red dead redemption(360)

grossi retro spieli chömet momentan es bitzli kurz...

[geosnow]

alles neui spieli durre, aber nur eimal idR uf hard. nächst wuche hanni ferie und denn chömmed black ops, metro und galaxler 2 drah. DQ IX und Zelda ST chömmed ide pause drah. leider muesi denn no metrio coruption, paper mario au no beende. SSFIV sötti au nöd vernachlässig und blaz blue hanni nonie gspielt. han schono chli ztue. :typej:

[zeromeier]

Red Dead Redemption möchti scho lang mal dürespile aber irgendwie motivierts mich nüme ...

spiels, bescht spiel wos gid. 100% hani.

[zwirrlibatz]

in letschter Ziit spiel ich praktisch nurno big N's dure und dänn no paar PC edeltitel wie Stalker und äh... ah ja de Witcher chönnti mal fertimache. Bi Endless Ocean würd ich gern no alles hole, han uf beidne scho je um die 40h.

Spieli wo zwar 20+h göhnd aber nach ca 5h nurno repetitiv sind, leg ich bald mal wäg. Da spiel ich lieber wieder mal en alte Favorit zum igschte Mal.

[Mastler(P)]

Da spiel ich lieber wieder mal en alte Favorit zum igschte Mal.

stimmt, sicher weniger repetetiv.

[nascarbryant]

also 100% mach i nu bi mario, han eifach chai zit bi so viele gute neue und v.a. alte spieli....

[G-ay-lien]

Früener hani keis einzigs duregamed, total schad :typej:
Underdesse isches eso, dassi massiv weniger Spili chaufe und aafange spile, die defür au duremach inkl. optionale Ufgabe usw.. Z.T. spilis sogar no es zweits Mal dure.. Würklich gueti Spili sind eifach selte worde, so vil Games entpupped sich nach 3-4h eifach als totale Müll Effekthascherei, Grafik-Blendi, undurchdachti Story wo nur uf einere Idee ufbaut, Massewaar, demotivierend usw.

[mr.raw]

Zu de 16Bit zitte hann ich über 90% vo de Games duuregspielt. Die 10% sinn entwäder schier nid möglich gsi (zu schwer) oder sGame isch eifach grotteschlächt gsi.

Zu 32-Bit zitte sinns denn numme no guet 60% gsi...
Ab N64 öppe jedes 2. oder sogar 3. Game.

Und jetz...puuuh....öööhm
De Kirby wirdi zimmli sicher duurespiele (wägem eifache Schwierigkeitsgrad)...aber sunnscht??? aagspielt und ab in Kaschte. Bad Company2 isch eis vo de wenige Games, das mich i dem Johr für längeri Zitt am TV gfesslet het...sunnscht? D Joana Dark, Limbo, Goldeneye. Ahjo..Resident Evil Shooter uff em Wii und MadWorld denn hett sichs. Evt. wird mi no dr Aff für es Zittli a Bildschirm fessle. Aber duurespiele? Gloubes mol nid. Nid emolle dr Neu Mario Bros uff em Wii hett mi übers 3. Level animiert . Drfür s GTA Chinatown Wars (DS)
Aber duurespiele?
nöööpidedi nöö

[O_O]

[ritschi]

die spili woni am liebste spile chasch nid düre spile.

[damian]

ich spiel nur games dure wo nöd abflachet. sobalds gstreckt werdet oder eifach zwenig neus chunt spielis nümm wiiter. spiel wo über 10h gönd schaffet das so guet wie nie. einzigi uusnahme:

shenmue 1&2
panzer dragoon saga
half life 2
zelda oot (gaht allerdings nur mit komplettlösig gnueg schnell vora...)
und us irgendeme grund hani au no lunar ethernal blue duregspielt, obwohl das eigentli abflacht, aber eis rpg sött mer halt schomal duregspielt ha.

[Mastler(P)]

die spili woni am liebste spile chasch nid düre spile.

snake?

aber eis rpg sött mer halt schomal duregspielt ha.

kaennsch final fantasy?

[elnino]

De Kirby wirdi zimmli sicher duurespiele (wägem eifache Schwierigkeitsgrad)

Fair

[Astroboy]

Ha irgendwo im Internetz e Site gfunge (momentan closed, gloub), wo me cha siner Games iiträge und när e eifachi Übersicht bechunnt weli dass me scho düregspiut hett und weli nid. Finge se aber niene meh - weiss öpper grad weli dasi chönnt meine?

[Mastler(P)]

ahja, ich muss unbedingt mini ziit au na dafuer verschwaende mir eh lischte zmache, will wenn ich is regal lueg weissi tuerli gar nuem wasi scho gspillt han und was noed.