Two Worlds 2

[Moff]

Was machtmer denn no wenns kei quests me het? Sp meini iets

[h4xX0r]

Was machtmer denn no wenns kei quests me het? Sp meini iets

ich sägs dir nachher, obs kei quests meh hät, oder ob neui chömmed. ich nimme aah, letzteres.

[Moff]

Und susch? Ischs so guet wie all säged, abgseh vo grafik

[h4xX0r]

ich finds absolut fantastisch. s'einzig wo ich chli bereue, isch dass ich en reine Nahkämpfer gmacht han. Tränkli braue und Zaubersprüch mache isch glaubs en grosse und interessante Bestandteil vo dem Spiel. S'Upgradesystem vo Waffe und Rüschtige isch doch eher e simpli Aaglegeheit im Verglich dezue.
Aber ich glaubs, ich fang denn nomal aa. oder mach online en Zauberer.

[h4xX0r]

holy....


schpoil:

mer chan es schiffli chaufe und uf em ganze verfiggte meer umesägle. zu inslene go erforsche usw...
mer chunnt au meh quests über vo de gildene.

[thaeye]

wieso gits so puff mitem release vo dem spieli?

[h4xX0r]

lol ich bin uf de strand gsegled, denn häts mi über de berg gspickt und s'game isch abgstürzt

[Gurgelhals]

D'Engine isch zum Teil scho ziemlich es Chrüppelding. Es gseht an sich natürlich scho guet us, aber de Bloom isch wieder mal viel z'starch. Augechräbs! Und es chömed irgendwelchi Shadertrickli zum Isatz, so dass s'anisotropic Filtering nöd funktioniert und me drum 2 Meter vom Hauptcharakter entfernt bereits Bodetexturematsch hätt. Dass Antialiasing au nöd funktioniert, überrascht ja efäng niemert meh. Dass stattdesse irgendwie en gruusige Blurfilter drüberzoge wird, gaht hingäge grad gar nöd. Programmiered gfelligscht eui Engines suuber, gopfertammi

Ich warte, wänn überhaupt, uf Tweaks und Patches. Ghört ja im Grund gno sitt Urziite zu eme klassische Rollespielerlebnis dezue

[G-ay-lien]

holy....


schpoil:

mer chan es schiffli chaufe und uf em ganze verfiggte meer umesägle. zu inslene go erforsche usw...
mer chunnt au meh quests über vo de gildene.

geil

[schpoil]Umesegle tönt guet, meh quests tönt super.. und denn erscht no vo Gildene = megen ... Gildene [/schpoil]


Hebt das din Spielumfang vo 20h markant, oder isches eifach no im Umfang vo 1-2 Stunde?

Btw. isch de Spielverlauf eigentlich so, dassmer es 2. Mal durespile rechtfertige chönt? Mussmer sich öpädie mal entscheide, füren guete / schlechte Weg, zwüsched zwei Gildene ( ) usw. usf.

Also ich chaufs mir denn imfall würklich, zwar erscht uf t Wiehnachtsferie.. aber ich han so bock ufes fantasy RPG und em häxxr sini rückmeldige töned doch no recht guet

[h4xX0r]

ja es paar entscheidige chasch andersch wähle, hät aber glaubs nöd soooo en riise iifluss. aber ich han nomal aagfange als Magier, das isch denn chli en andere style als Nahkämpfer. machts game grad 2x so schwer, zumindest am aafang. nachher am schluss wird denn magie wieder überpowered.

[Skeletor]

ischs eigentlich ä komplett offeni wält? jetzt mal abgseh vo därä einte insle wo anschinend nur oder fascht nur für MP isch?

[h4xX0r]

ja isch es

[Skeletor]

[Master(G)]

ich will gärn wüsse ob xbox 360 version rucklet...

[Skeletor]

mich interessiert eher d'ps3 version.

[Master(G)]

ha grad es paar gameplay vids vode xbox version aglueget. lauft ja sogar verusse rächt flüssig! sehr schön.
ich chaufs! aber erscht a wiehnachte. isch ideal für die ziit dette...

[zwirrlibatz]

lol edit. s'forum isch kabutt.

[Skeletor]

gits was zum unterschied xbox vs ps3?

[G-ay-lien]

ha grad es paar gameplay vids vode xbox version aglueget. lauft ja sogar verusse rächt flüssig! sehr schön.
ich chaufs! aber erscht a wiehnachte. isch ideal für die ziit dette...

Super! Ich imfall au, denn machemer zeme t Möltipleier Parts, bisch debi?

Drönks: Chauf dir t XBox Version, mir werded z'dritte im MP zöckerle

[O_O]

ha grad es paar gameplay vids vode xbox version aglueget. lauft ja sogar verusse rächt flüssig! sehr schön.

en trurigi ziit wenn "rächt flüssig" sehr schön isch.

[Skeletor]

es wird ziit für ä neui konsolegeneration.

[NERV]

es wird ziit für ä neui konsolegeneration.

Since 2008!

[Moff]

so han mini prestige edition endlich becho

ab wenn fangts ah richtig guet wärde?
muess säge so richtig usem hocker hauts mich ned, super grafik, derför dialogarm. meh hacknslay als rpg wobi, d'stürig für das scho recht hakelig isch.
freiheite chani chum entdecke bisher. wobi ich au säge muess, dass das savanne setting mir ganz und gar ned zueseit, velicht lihts au a dem. aber obwohls eigentlich sehr stimmigsvoll designt isch füehl ich mich ned richtig i die welt ineversetzt wies i anderne rpgs eigentlich vo afang a de fall isch.

[Skeletor]

ähm xbox version. bi mir isch s'menu etc am rand nur zum teil sichtbar.

ich gseh also nöd, welli taschte ich für was drucke muäss. und ich gseh bi dä waffe zwar dä attriburt wert, aber nöd d'attribut selber, wills gar nöd uf em bildschirm isch. ich han nienet usegfunde wo ich das cha istelle, han no niä so es problem bimene game gha??

[Master(G)]

tönt nacheme uflösigs problem. wie hesch agschlosse? VGA? Welli uflösig? HDMI?