Games sötted 4 Stung goh!

[Sephi]

ich han ja gschriebe diin asatz chani underssütze. ich wehr mich nur degäge, dass es spieli en gueti story brücht. story im sinn vo story imene buech odermene film.
und wenner denn na i anderne pünkt games mit film verglicht chanen ganz und gar nüm ernscht ne.

und wie ich scho gschriebe han, ganz persönlich han ich mit 4stunde games keis problem. mir isch scho es 4 stunde max payne 2 viel lieber gsi als vieli 10stünder. trotzdem han ich au viel freud dra wenn es guets, schön designts "industrie standard" spiel wie castlevania 20 stund gaht. und de grossteil vo de reviewer het das au positiv id wertig iflüsse lah wills ebe grad abwechsligsrich und motivierend designt isch.
und ebe: bi anderne genres hetmer nach 10 stunde nanig mal richtig agfange.

Sowit simmer üs scho einig. Gwüssi Spiel chöi ou für mi nid lang gnue duure und verschideni Konzept und Spiel verlange nach unterschiedleche Spielduure zum richtig chönne ufzgo. Do hani im Eröffnigspost ou nid gnue differänziert. Mini Chlag betrifft ou houptsächlech d "industrie standard" spiel wie ebe Mafia 2. Und d Idee wo gwüssi Lüt allgemein no z pflege schiinet dass bi jedem Spiel länger = besser isch.

Und ebe, was "Notwendigkeit" vo Story abelangt - das chunnt halt bitz drufah wieme Story definiert. Mit dire Definition devo hesch i de meischte Fäll sicher rächt dass sone Notwändigkeit nid zwingend bestoht. Das isch vo mir vori au weniger e rhetorischi Frog gsi, sondern i möcht würklech gärn e träffende Usdruck für das ghöre/finge wo es funktionierends Spil vorahtribt. Also e Alternative zum Begriff "Story" wär no frisch. De Colossus verzellt ja ebe, wie du seisch, nid e Story im "Buech" oder "Film" Sinn, aber ich würds glaub (mangels besserem Begriff) immerno "Story" nenne.

@ NazliCeiser: So kategorisch würdi dä Vergliich äbe nid abtue (ou wenn der Autor vo däm Artikel ne natürlech uf völlig falschi Art macht). Der Verglich isch aber insofärn wichtig aus dass drinne äbe grad d Unterschied zwüsche "Verzelle in Videospielform" und "Verzelle in Filmform" dütlech wärde. Und dass das nötig isch zeigt ja die Schwetti vo Games wo sech uf rächt unnützlechi Art und Wiis de Erzähltechnike vo andere Medie bedient und se quasi ufs Gameplay drufpappt. Gameplay/Zwüschesequänz/Gameplay isch immerno e rächt verbreiteti Struktur wo oft eifach nid funktioniert. Also Orientierig am Filmmedium "nei", aber Vergliich und Unterscheidig cha unter Umständ scho nützlech sii. Schpoilere mal die New Vegas Szene.

Edit: U d Frag "wie wärdet mir so guet wie Chino" ergit sech glaub weniger useme Vergliich vo de jewilige Eigeschafte vo beidne Medie als vilmeh usemene abstrakte Qualitätsideal wo (vilech durchuus fälschlecherwiis) ebe medieübergriifend agwändet wird. Nachem Motto --> Der "Godfather" Pfilm isch besser als alles wos zum Thema Mafia in Pfideospielform je gäh het - chame das ändere?

[zwirrlibatz]

@ NazliCeiser:

du = dumm. wie de artikel mit sine bescheuerte pauschalussage wo du zombiemässig übernimmsch für e "diskussion".

[Gurgelhals]

Der Verglich isch aber insofärn wichtig aus dass drinne äbe grad d Unterschied zwüsche "Verzelle in Videospielform" und "Verzelle in Filmform" dütlech wärde.

Wänn me so Verglich zur Abgrenzig macht, dänn chönds sinnvoll si. Aber es isch halt eifach e Tatsach, dass genau das nöd de Fall isch und de Tenor sowohl i de Mehrheit vo de Spieli sälber sowie im Diskurs über Spieli i die gägeteilig Richtig gaht. Ums zuegspitzt z'säge: Solang de Begriff 'cinematic' i däre Industrie positiv statt negativ konnotiert isch, wird sie garantiert nöd erwachse. S'tragische am Fahrenheit isch nöd gsi, dass d'Story erbärmlich schlächt gsi isch, sondern dass d'Entwickler felsefescht devo überzüügt sind, dass sie da e glorriichi Pioniertat i de Gschicht vo de interaktive Underhaltig gleischtet händ.

Schpoilere mal die New Vegas Szene.

Ich mues sie nöd spoilere, es wär schad und es gaht au ohni. Vault 11 isch en Ort im New Vegas wo us zwei Gründ exzellents Videospiel-spezifisches Storytelling hätt:

Erstens wird d'Story nöd aktiv verzellt, sondern passiv dur s'Leveldesign an sich. Es liit am Spieler, die einzelne Informationsbrocke im Level z'sammle und z'kombiniere, so dass sich nach und nach es ganzes Bild ergitt. Es gitt kei NPCs, wo eim alles direkt verzehled, und au kei Zwüschesequenze, wo eim d'Story is Gsicht schmiered (mit einere "halbe" Usnahm, wo effektiv au nume eis Puzzleteili vom ganze isch). Das isch mal rein formal "interaktivs Storytelling" wo die Bezeichnig verdient.

Zweitens hätt de Leveldesigner sin Job offebar bös im Griff gha. Es stimmt nöd nume d'Form, sondern au de Inhalt. Er hätt de Level einersiits rächt offe gstaltet (also keis Händlihebe vom Spieler durs Spieli, me fühlt sich als Spieler ganz klar als en de Level eigemächtig erkundendi Akteur). Anderersiits hätt er die einzelne Informationsbrocke so gschickt positioniert, dass de Level doch ere relativ klare Dramaturgie folgt (natürlich isch das effektiv Händlihebe über verschlosseni Türe und ähnlichs, aber ebe sehr diskret, so dass me's als Spieler nöd würklich merkt): Agfange mit "Ok, da isch öppis ehner übels passiert, aber was?" zu "Lulz, wie absurd isch das dänn?" zu "Ok, WTF söll das, das macht überhaupt kein Sinn!" zu "Ok, jetzt macht's Sinn. Und wie. Huere hert! ... Aber was isch mit dene passiert, wo...???" zu "Ok, jetzt ganz ruhig - da une wird sich das alles kläre." zu "OMG, LULZ! WTF?" zu "OHSHITFUCKFUCKFUCK!!!!" zu "Ok, uff, jetzt aber..." zum Moment, wo s'Puzzle nach däre dramaturgische Berg- und Talfahrt endlich komplett isch und d'Pointe wie en Box i d'Magegrueb chunnt. Und wänn me dänn nachher wieder zrugg zum Usgang vom Vault gaht und sich det namal an allererschte Informationsbrocke erinneret und de namal konsultiert, dänn verlaht me de Vault nachher scho chli mit eme mulmige Gfühl. E Meischterleischtig.

Und das ganz ohni 'cinematic'. Storytelling, wo rein über d'Erfahrig vom Level dur de Spieler ablauft. Das chan nume es Videospieli.

[Sephi]

@ NazliCeiser:

du = dumm. wie de artikel mit sine bescheuerte pauschalussage wo du zombiemässig übernimmsch für e "diskussion".

Lis s Topic bissoguet wenn wosch mitrede.

[Sephi]

Der Verglich isch aber insofärn wichtig aus dass drinne äbe grad d Unterschied zwüsche "Verzelle in Videospielform" und "Verzelle in Filmform" dütlech wärde.

Wänn me so Verglich zur Abgrenzig macht, dänn chönds sinnvoll si. Aber es isch halt eifach e Tatsach, dass genau das nöd de Fall isch und de Tenor sowohl i de Mehrheit vo de Spieli sälber sowie im Diskurs über Spieli i die gägeteilig Richtig gaht. Ums zuegspitzt z'säge: Solang de Begriff 'cinematic' i däre Industrie positiv statt negativ konnotiert isch, wird sie garantiert nöd erwachse.

Faire Punkt! Ich glaube äbe grad d Notwändigkeit vonere Änderig i der Konnotation und Bedütig vo "cinematic" im Bezug uf Spiel loht sech guet dür en "Verglich" (oder äbe ere Differenzierig) vo de beide Medie lo zeige. Schlussändlech macht das dis New Vegas-Bispil (woni übrigens schön finde) au dütlech. Schlussändlech widerspricht d Iisicht dass Games (oder Gschichte in Games) anders funktioniere als anderi Medie aber ja nid unbedingt em Vorschlag Spiel chürzer und bündiger z mache. Wie füegt sech die Vault 11-Szene in Räscht vom Spiel ii?

Hesch übrigens de Braid mal duregspilt?

[h4xX0r]

mario galaxy 2 hät e huere gschissni story und gaht länger als 4 stund. drum isch es au eis vo de schlechtischte spiel vom letschte jahr.

[sidusson]

6h = perfekt

[Sephi]

mario galaxy 2 hät e huere gschissni story und gaht länger als 4 stund. drum isch es au eis vo de schlechtischte spiel vom letschte jahr.

Es het äbe grad ke gschisseni Story. Bzw. e besseri und passenderi "Story" als vil möchtegärn Hollywood-Spiel.

Will you save the universe, Mario? YES/OF COURSE

[Gurgelhals]

Schlussändlech widerspricht d Iisicht dass Games (oder Gschichte in Games) anders funktioniere als anderi Medie aber ja nid unbedingt em Vorschlag Spiel chürzer und bündiger z mache. Wie füegt sech die Vault 11-Szene in Räscht vom Spiel ii?

Guet. Will New Vegas es klassisches Bispiel vo eme guet umgesetzte "Timewaster-RPG" isch, wo e Spielziit vo mind. 40 Stund schlicht und eifach notwendig isch. De Punkt vom Artikel isch ja, dass es Spiel genau so lang ga söll, wie s'Spielprinzip verhebt. Da degäge isch ja nüt izwände. Nume sind dänn d'Bispiel verdammt schlächt gwählt. Nach dem Kriterium erschöpft sich nämlich s'Spielprinzip vom Fahrenheit bereits nach 10 Minute (übrigens exakt d'Duur vo de Demo). Die erscht Szene im Diner isch interessant und vielversprächend. Alles was nachher chunnt, isch Gameplay uf em Niveau vo ere schlächte Minigame-Collection, wo einzig und ellei de Zwäck hätt, e no schlächteri Story voraztriibe. Fail.

Und bim Fallout 3 ebefalls Fail: De Sinn vo eme Timewaster-RPG isch, de Spieler in e grossi, stimmigi aber fremdi Spielwelt inezfüege. E Spielwelt, wo e eigeni Gschicht mit eigene Kulture, Gsellschaftsstrukture, Abhängigkeite, Konflikt, Interaktione, usw. beinhalted. D'Spielwelt bildet sozsäge - ums chli gschwulle uszdrucke - es "koheränts virtuells Netzwerk vo soziale Energieä" ab. S'grundlegende Spielprinzip vo eme Timewaster-RPG leited sich dänn vo dem ab: Me wird als Spieler i die z'erscht mal völlig fremdi Wält gworfe. Dänn tuet me sich erstens i eme lange Erkundigsprozess nach und nach mit däre Wält vertraut mache, z'erscht zaghaft und vorsichtig und je länger je meh souveräner und sicherer, bis me dänn ab eme gwüsse Punkt die gross Idee, s'Big Picture vo däre Spielwelt möglichst vollständig vor sich gseht. Und zweitens setzt me sich als Akteur i die Wält ine, das heisst, me erkundet und erfahrt sie nöd nume, sondern me wirkt au wiederum aktiv i das "Netzwerk" ine und probiert aktiv Sache dra z'verändere (au da in zuenehmendem Mass. Je besser me d'Wält kännt, desto meh Handligsfähigkeit hätt me als Spieler). Dass das Spielprinzip nöd 4 sondern 40 Stund beasprucht und die 40 Stund au total grächtfertiget sind, isch ja klar. Witcher, Gothic I & II, Dragon Age, Planescape, Deus Ex, Baldur's Gate 2, Vampire: Bloodlines, Fallout 1, 2 und s'New Vegas, usw. funktioniered alli nach dem Prinzip und sie sind nöd z'lang. Planescape isch wahrschinlich so ziemlich s'aspruchsvollschte und ziitufwändigschte vo dene Bispiel, will die Spielwelt derart fremdartig isch (im Gägesatz zu eme klassische Fantasy-Setting mit Zwärge, Elfe, Zauberer Co.), dass de erwähnti Erkundigsprozess entsprächend viel vom Spieler abverlangt.

Fallout 3 isch degäge leider es extrem schlächts Bispiel, will die Spielwelt dank de generelle Unfähigkeit vo de Bethesda-Designer ebe genau keis koheränts Netzwerk abbildet, sondern es zämehangsloses Nüüt vo halbgare Einzelideeä ohni stimmigs Konzept, ohni Big Picture darstellt. Das wird eim nach und nach klar je länger me spielt und drum erschöpft sich dänn au s'Spielprinzip bald emal. Nöd will s'Prinzip an sich problematisch wär, sondern will s'Spiel zwar d'Form vo eme Timewaster-RPG hätt, aber nöd die defür nötige Inhält büütet. Das isch au genau *de entscheidendi* Punkt, wo sich s'Fallout 3 negativ vo de beide Vorgänger und em New Vegas underscheidet (und d'Fallout-Fans drum de dritti Teil au so abgrundtüüf hassed). Zu dem Thema isch es no interessant, echli i de Fallout Bible z'läse. Da wird eim so richtig klar, wie fundamental wichtig es solids und zämehängends Konzept für e Spielwelt isch, dass sie würklich funktioniert.

Hesch übrigens de Braid mal duregspilt?

Ja. Es paar intressanti Spielideeä und d'Längi passt au, aber es hätt au en relativ höche "Artsy-Fartsy meets Poesiealbum"-Faktor. Isch ja beides hochglobt worde, aber ich find nume die erstgnännte Element guet. Bi letschterem stimm ich mit em Roger Ebert überein: "prose on the level of a wordy fortune cookie."

[Master(G)]

8h isch bescht!
für es hammergame.
da hett de cjay für esmal rächt!

weniger isch eifach zwenig für das, was mer zahlt.

[zeromeier]

8h isch bescht!
für es hammergame.
da hett de cjay für esmal rächt!

weniger isch eifach zwenig für das, was mer zahlt.

und meh isch oft zlang. 10h isch äigentli bi fasch jedem spiel s'maximum.

fabler3 spieli numä nöd wills lang gad. fallout vegas choscht mich scho meh ziit, als das ich effektiv han.

[Supersonic]

Ich verstahn am Verfasser vo dem Artikel sini Meinig sehr guet, aber ich bin au de Meinig das Videospiel vo andere Stärchene uusgmacht werded als vo de Story.
Es Mario Galaxy wo Weltwiit Scores vo 90-100% abgsahnt hett isch s'beste Biispiil defür. D'Story isch nöd nume sekundär, sondern mer hett sie bereits unzähligi
Mal gseh, gspielt oder ghört, aber es isch trotzdem (fascht) allne egal wils Game de Spieler mit ganz andere Stärchene verzaubered. Daher isch d'Story au ganz bewusst
in Hintergrund gstellt.

Es Problem wirds bi Games wo echt glaubed das sie ä gueti Story verzelled und das über Stunde versueched mit Cut-Scenes und idiotische Dialög z'vermittle. Aber au bi
dene Spiel druck ich meistens es Aug oder zwei zue wenn d'Inszenierig und/oder s'Gameplay stimmt. D'Metal Gear Reihe isch darum es absoluts Phänomen für mich selber, da ichs super find aber eigentlich recht viel negativ Kriterie erfüllt

Was d'Längi vo Games betrifft find ichs birreweich irgendwo en Riegel devor z'schiebe. Rein vom Storytelling her würdis natürlich Sinn mache d'Längi uuf 4h z'chürze, so dases jede durespiele würd aber bi mir ischs scho bi extrem vielne Games vor cho, dass ich mir gwünscht hett, dasses no wiiter gange wär. Red Dead Redemption wär für mich es aktuells Biispiil.

Schlussendlich isch d'Längi vomene Game völlig Genrespezifisch. Bimene Vanquish mached 5h total Sinn wobii es Game wie Borderlands total dumm wär wenns nach es paar Stund fertig wär. S'Letschtere isch für mich übrigens au es Biispiil, dass d'Story oftmals eifach nume sekundär isch.

@Ettore
Du und ich wüssed das s'Okami öppis vom beste isch was d'Videospielwelt ide letschte 10 Jahr gseh hett. Aber mal ehrlich: D'Story isch nöd unbedingt das wo das Spiel zum Magnum Opus vo Clover macht.

[Sephi]

Ich verstahn am Verfasser vo dem Artikel sini Meinig sehr guet, aber ich bin au de Meinig das Videospiel vo andere Stärchene uusgmacht werded als vo de Story.
Es Mario Galaxy wo Weltwiit Scores vo 90-100% abgsahnt hett isch s'beste Biispiil defür. D'Story isch nöd nume sekundär, sondern mer hett sie bereits unzähligi
Mal gseh, gspielt oder ghört, aber es isch trotzdem (fascht) allne egal wils Game de Spieler mit ganz andere Stärchene verzaubered. Daher isch d'Story au ganz bewusst
in Hintergrund gstellt.

Es Problem wirds bi Games wo echt glaubed das sie ä gueti Story verzelled und das über Stunde versueched mit Cut-Scenes und idiotische Dialög z'vermittle. Aber au bi
dene Spiel druck ich meistens es Aug oder zwei zue wenn d'Inszenierig und/oder s'Gameplay stimmt. D'Metal Gear Reihe isch darum es absoluts Phänomen für mich selber, da ichs super find aber eigentlich recht viel negativ Kriterie erfüllt

Was d'Längi vo Games betrifft find ichs birreweich irgendwo en Riegel devor z'schiebe. Rein vom Storytelling her würdis natürlich Sinn mache d'Längi uuf 4h z'chürze, so dases jede durespiele würd aber bi mir ischs scho bi extrem vielne Games vor cho, dass ich mir gwünscht hett, dasses no wiiter gange wär. Red Dead Redemption wär für mich es aktuells Biispiil.

Schlussendlich isch d'Längi vomene Game völlig Genrespezifisch. Bimene Vanquish mached 5h total Sinn wobii es Game wie Borderlands total dumm wär wenns nach es paar Stund fertig wär. S'Letschtere isch für mich übrigens au es Biispiil, dass d'Story oftmals eifach nume sekundär isch.

@Ettore
Du und ich wüssed das s'Okami öppis vom beste isch was d'Videospielwelt ide letschte 10 Jahr gseh hett. Aber mal ehrlich: D'Story isch nöd unbedingt das wo das Spiel zum Magnum Opus vo Clover macht.

I stimme dir fasch ganz zue, bzw. mir gseh das ähnlech, bis uf d Usnahm vo Mario und Okami. Mir si üs im Grundgnoh einig, aber i fasse "STORY" ebe im Bezug uf Games als wäsentlech breiteri Kategorie uf als nume d Dialög und Zwüschesequänze umfassend. Der Ceiser het ja mit New Vegas es schöns Bispil brocht, wo der Spiler dür sini Handlige d Gschicht hinter eme Spielabschnitt Schritt für Schritt quasi "härleitet", u das anschinend miteme Minimum a Dialog oder schriftlecher Erklärig. Entsprächend, und das hani scho i angerne Topics erwähnt, findi ebe me sött im Zämehang mit Spiel de Begriff "Story" oder "Erzählig" oder "Handlig" so erwitere, dasser s Gameplay (und anderi relevanti Elemänt) mit ibezieht. Im Bezug uf Okami ghört für mich denn entsprächend die ganzi Pinsel-Mechanik ou zur Gschicht wo das Spil verzellt, schlussändlech wird dür das System ja au d Frog derno ufgworfe, wele "kreativ" Biitrag eigentlech der Spiler zumene Game leischtet (oder cha leischte). Mit dine Handlige veränderisch d Spielwält und Okami verzellt ebe en Gschicht (nid nur i de Dialög) vo Veränderig (aber ou Widerholig, SPOILER siehe de Bös Orochi wo immer wider chunnt).

Do devo abgseh würdi jetz die gschribene Dialög und Charaktere vo Okami doch als glunge bezeichne, will s ganze bitz comichaft derhär chunnt u sech nid ärnscht nimmt. Aber, u da hesch natürlech rächt, es sind nid d Dialög und Zwüschesequänze wo das Game usgmacht hei. Für mich isches aber ebe d Tatsach gsi dass die Dialög eis Puzzleteili imene Gsamtwärch si gsi wo sech die verschidene Einzelteili nahtlos anand agfüegt hend - insgesamt verzellt denn Okami für mich ebe au en Gschicht (oder treit es Argument vor, wennme so wot) wo nur dürs Zämespiel vo de verschidene Spielelemänt funktioniert. Weniger guet funktioniere würd das ganze Puzzle vermuetlech wenn d Gschicht sech ärnschter würd näh, und entsprächend si d Texte durchuus Adäquat (oder "guet"). Aber nomol: Für mich isch d Story i dem Spiel nöd de "text", sondern s funktionierende Gsamtsystem. Isch aber sicher e Definitionsfrog.

Anders und vilech dütlechers Bispil: Shadow of the Colossus. Au das Spil verzellt für mich en Gschicht! Oder wirft zmingscht en Verhandlig drüber uf obs jetz okay isch die Kreature im Spiel z verletze, und wivil Opfer me fürnes eigenützigs Ziel darf bringe (siehe der Schluss vom Spiel). Tönt bitz pathetisch, aber wenns gspilt hesch weisch wasi meine. Aber äbe die Gschicht wird sicher z letscht in Dialög oder Text, also i der "STORY" im härkömmleche Sinn verzellt. Es isch ebe en Videospiel-Story im eigetleche Sinn, will si i kem angere Medium so guet würd funktioniere (es brucht s Engagement vom Spiler, d Interaktivität, zum am Argument die nötigi Schlagchraft z verleihe).

Also Sönigg: wennmer i dim Post "Story" mit "Text" oder "Dialog" ersetze gibi dir absolut rächt, das sind nid Stärche oder en Notwändigkeit vo de entsprächende Spiel, oder em Medium. Aber i plädiere fürne breiteri Ufassig devo was imene Spiel als "Story" cha gälte (und bruche immerno der Usdruck Story bismer öpper e bessere Begriff liferet - "Argument" isch wohl bitz z holprig).

[zwirrlibatz]

Lis s Topic bissoguet wenn wosch mitrede.

lol mitrede. Liesisch's du würkli? Ich hans gläse und de "Nazliceiser" isch bi aller Dütlichkeit sehr differenziert. Im Gägesatz zu dine und em Artikel sine haarsträubende Ussage.

[Sephi]

Lis s Topic bissoguet wenn wosch mitrede.

lol mitrede. Liesisch's du würkli? Ich hans gläse und de "Nazliceiser" isch bi aller Dütlichkeit sehr differenziert. Im Gägesatz zu dine und em Artikel sine haarsträubende Ussage.

Äbe, wenn wosch mitrede gib der mal chli Müeh und lis d Posts hie inne anstatt Scheisse z bhaupte. Süsch lohs doch grad lo sii. Es het übrigens niemer der Ceiser kritisiert siter sin Hass ufe Autor vo dem Artikel "überwunde" het.

[zwirrlibatz]

rolf, komplett hinüber.

[Sephi]

rolf, komplett hinüber.

Danke ou für dä Biitrag. Jetz due dich nomol selber quote, eis Wort i dim Post ungerstriche und es -smiley derzue!

[Gurgelhals]

...sin Hass ufe Autor vo dem Artikel...

'Hass' isch übertriebe. Hohn, Spott und Verachtig trifft's besser. Und vo 'überwunde' chan au nöd d'Red si. Jede, wo so blöd isch zum im Fahrenheit, GTA IV und Fallout 3 bedüütendi und positivi Schritt i de Entwicklig vom Medium Videospieli z'gseh, verdient schliesslich nöd meh als Hohn, Spott und Verachtig

[Sephi]

...sin Hass ufe Autor vo dem Artikel...

'Hass' isch übertriebe. Hohn, Spott und Verachtig trifft's besser. Und vo 'überwunde' chan au nöd d'Red si. Jede, wo so blöd isch zum im Fahrenheit, GTA IV und Fallout 3 bedüütendi und positivi Schritt i de Entwicklig vom Medium Videospieli z'gseh, verdient schliesslich nöd meh als Hohn, Spott und Verachtig

Darum in Afüehrigszeiche! "Füre Momänt in Hintergrund gstellt" häts besser troffe .

[h4xX0r]

wieso eigentlich GTAIV und nöd III?

[Sephi]

wieso eigentlich GTAIV und nöd III?

Gloub är redt rein vo Dialög und Cutscenes - bi mit sire Definition vo Story u de Bispil nid würklech iverstange. Aber d Dialög und Handlig im IV hani scho bitz besser in Erinnerig als die im III.

[h4xX0r]

die beschte dialög und handligssträng gitts in saints row 2. übrigens.