The(G)Forum

Hüt isch sowit mit em Start vo Season 3. Aber wäm verzell ich das. Das Datum isch bestimmt scho ewigs rot agstriche in dim Kaländer

D VR Gschicht wiederholt isch wieder e Mal.

3D Brülle fürs NES, Master usw.
VR Arcade
Virtual Boy
und die aktuell Generation.

nei bisher gehts nit so düschter us. Die nächscht Generation Brille isch bereits vor der Tür:
-HTC Vive Pro
-Oculus Go
-Oculus Santa Cruz
-Pimax 8K
-Magic Leap

Software isch natürlich nach wie vor es Risiko für Major Labels.
Aber es paar blibet dra: zb Valve oder die Firma wo Call of Duty gmacht het wännd beidi grösseri Titel usebringe
Und einigi chleineri Firmene hännd bereits zeigt dass mer au mit weniger Chole Toptitel chann produziere

klar, diä hand au milliarde vode investore übercho und verchlöpfed das geld jetzt. muesch mal luege, wieviel geld sich die manager vo denne firme uszahle lönd. sicher x-fache vom umsatz vos mached.

und ja, ich weiss, wo was ich rede. :typej: tragisch, aber wahr.

geosnow hat geschrieben:D VR Gschicht wiederholt isch wieder e Mal.

Nid ganz...de entscheidend Unterschied zum letschte Mal isch, dass di technisch Umsetzig dasmal realistisch isch. S Problem isch eigentlich nur na de Priis, aber de wird so oder so sinke will VR, AR und Smartphones in absehbarer Zuekunft werded verschmelze.

Btw, die Grät wo du ufglistet hesch hend bis uf VR Arcade nix mit VR z tue...

The Sheep hat geschrieben:Hüt isch sowit mit em Start vo Season 3. Aber wäm verzell ich das. Das Datum isch bestimmt scho ewigs rot agstriche in dim Kaländer

Hehehe, jup. Han schön möglichst viel Modul uf G5 engineered, Mats und Data gsammlet, und die nöchste täg maximier ich min Asp explorer zum dänn die nächste 3 bis 4 mönet uf entdeckigsreis zgah.

Vilich, wenn i nöd irgendwie i de Bubble verhänge hehe.

geosnow hat geschrieben:D VR Gschicht wiederholt isch wieder e Mal.

3D Brülle fürs NES, Master usw.
VR Arcade
Virtual Boy
und die aktuell Generation.

Sitzen, sechs!

Sorry Geo, was erwartisch Du eigentlich? Sone technologie etabliert sich nöd eifach in ein, zwei jahr i dä masse. E verdammt gueti grundlag isch jetzt mal gsetzt mit Oculus, HTC/SteamVR und Windows MR. Mobili Standalone HMDs sind am uf de märt cho (qualcomm snapdragon 835/845 basiert), und AR isch erst so richtig i de startlöcher.

Leistig vo dä Grät gaht stetig ufe, Priise chömed langsam abe (Generation Rift 1 und Windows MR zeiget i die richtig richtig...) Nix vo Gschicht wiederholt sich. Dini Bispiel wo brucht häsch, naja... was händ die mit VR ztue? (Vo VR arcade mal abxeh)

Ich finde, en analogie mit de entwicklig vo smartphones isch passender: s‘hät prinzipiell technisch entwickleti teils gäh, zb vo HTC oder Nokia (communicator), wo i die richtig richtig zeiget händ. Dänn isch‘s verfiineret worde, apple hät mit em iPhone (ab em iPhone 3G) au d‘masse begeistere chöne und dänn isch‘s nüme zum uufhalte gsii.

Ganz ähnlich gaht‘s mit VR und AR ab...

Zu viel zu geils züg chasch scho jetzt mache, und wenn dänn erst mal standalone grät häsch, wo Dir z.B. Im Formfaktor vonere Sunnebrülle in echtzyt Infos über d‘realität iibländet, bi bedarf d‘realität au uusblände chasch...

Dänn wirsch viel weniger Smombies gseh, und viel meh ARombies...

Naja, nöd dass das würklich begrüesseswert isch, aber das wird ziemlich sicher eusi Zuekunft sii.

Drachenherz hat geschrieben:Naja, nöd dass das würklich begrüesseswert isch, aber das wird ziemlich sicher eusi Zuekunft sii.

Wie bi jedere Technologie chunts letztendlich druff a wasmer demit macht...

Einersits wirds flauschigi CGI Tierli gä wo d Chinde zu de Süessigkeite locked, aber anderersits chäntmer demit genausoguet en Adblocker für d Realität mache



Problematisch wird vor allem de Umgang mit de Date. Wenn die Dinger pauselos mit de Cloud kommuniziered wüssed die Konzern jederziit womer isch, womer anelueget und wasmer debi füren Puls het. Nid grad ideal...

Drachi, wie tuesch du 2D Screenshots save usem Huet use?

Schäfli: bi Elite? Mit F12, em screenshotter vo E:D selber

Der Gege gönnts zwar allne wo en gueti Zit händ mit öppis wo er sälber verpasst het, oder ihm us andere Gründe verwehrt blibe isch. Aber er möcht sini Fründe ebe vor mögliche Gfahre warne. Ich find Mensche wos Wohl voder Gmeinschaft im Blick händ ebe scho no guet. Isch sälte in der hütige Zit.

PS (@ Drachi): Falls nit weisch was i mein, lueg mol in Bitcoin Thread im Tech Forum ine, und lies in de letschte paar Site, wie de Gege uns vor Krypto Inveschtitione bewahrt het, will er ebe Gschicht vo de Tulpe us Amschterdam gläse het, und darum gwüsst het, dass es nume an Blase isch und es Sparkonto bi der UBS viel sicherer isch.

Geo inere Nussschale: Alles blibt so wies jetzt isch. Für immer.

Xinobrax2 hat geschrieben:

Drachenherz hat geschrieben:Naja, nöd dass das würklich begrüesseswert isch, aber das wird ziemlich sicher eusi Zuekunft sii.

Wie bi jedere Technologie chunts letztendlich druff a wasmer demit macht...

Einersits wirds flauschigi CGI Tierli gä wo d Chinde zu de Süessigkeite locked, aber anderersits chäntmer demit genausoguet en Adblocker für d Realität mache

https://sieleben.files.wordpress.com/20 ... -live5.jpg" onclick="window.open(this.href);return false;

Problematisch wird vor allem de Umgang mit de Date. Wenn die Dinger pauselos mit de Cloud kommuniziered wüssed die Konzern jederziit womer isch, womer anelueget und wasmer debi füren Puls het. Nid grad ideal...

Genau das... isch ja klar, dass Facebook und co. sones Interessi a dere Technologie händ.

Ich find die Technik uf die eint siite huere geil - aber han au e grossi portion respekt davo, bzw. de aawendigsmöglichkeite.

Xinobrax2 hat geschrieben:Geo inere Nussschale: Alles blibt so wies jetzt isch. Für immer.

De Wahrheit isch härt. Alles wiederholt sich und dreht sich im Chreis. VR isch und bliebt s glich, solang s Holodeck nonig git.

Ihr schriebed über Umsätz und ich kommentier sie.

Isch halt Tatsach, dass de Romero und Co. sich e goldigi Nase verdiened und die geldgiirige Investore ihri Dukate verlühred. Findi au guet so.

VR isch luschtig, aber wenns mir schlecht wird, chani nüt defür.

The Sheep hat geschrieben:Der Gege gönnts zwar allne wo en gueti Zit händ mit öppis wo er sälber verpasst het, oder ihm us andere Gründe verwehrt blibe isch. Aber er möcht sini Fründe ebe vor mögliche Gfahre warne. Ich find Mensche wos Wohl voder Gmeinschaft im Blick händ ebe scho no guet. Isch sälte in der hütige Zit.

PS (@ Drachi): Falls nit weisch was i mein, lueg mol in Bitcoin Thread im Tech Forum ine, und lies in de letschte paar Site, wie de Gege uns vor Krypto Inveschtitione bewahrt het, will er ebe Gschicht vo de Tulpe us Amschterdam gläse het, und darum gwüsst het, dass es nume an Blase isch und es Sparkonto bi der UBS viel sicherer isch.

Stimmt scho.

The Sheep hat geschrieben:...wo er sälber verpasst het, oder ihm us andere Gründe verwehrt blibe isch.

Das isch zB en schön Powder Tag ide Berge. Gits viellicht 3-5 Mal im Jahr mit minus 10-20grad, gueter Unterlag und 40cm super liechtem Neuschnee und blauem Himmel und kei Lüt.

geosnow hat geschrieben:VR isch luschtig, aber wenns mir schlecht wird, chani nüt defür.

Du hesch scho sit vielne Jahre kei VR me usprobiert, hmm? Alles klar.

Geo inere Nussschale: Alles blibt so wies mal gsi isch. Für immer.

doch. er het für churzi Zit en PSVR gha.

The Sheep hat geschrieben:doch. er het für churzi Zit en PSVR gha.

Hmmm....das Teil fallt bi mir sowieso knapp unde dure. Es git es paar Sache wo in VR oni Kompromiss müend funktioniere...und Sony hets verbockt. Es sind zwar nur Details, aber genau uf die Details chunts halt a. S einzig beidruckende bi dem Teil isch imo d Software und de Priis.

So guet chans ja nöd sii, wenns nur zum TV luege bruchsch.

Ich meine, es isch nur TV luege.

Ich glaube, du läbsch inere Nussschale. Git ja nüt belangloseres als TV luege.

Wenn chani im VR im Wasser go schwümme, dass es denn au so sich schwerelos afühlt und wenni nümme mag, auch versuufe chan.

Wiä langwillig isch das, wenns kei Risiko meh git.

Das lit eher dra, dass mich d Spiel nid psunders interessiered. Di interessante Titel hani bereits duregspillt. D Uswahl isch ja ziemlich beschrenkt...

Ich spiele momentan aber au susch nix oni VR. Ich han grad allgemein kein Ziit defür und Film luege isch halt nett, willmer komplett abgschirmt isch und vo nüt abglenkt wird. In VR hesch nid mal s Handy...nur dich, es virtuells Kino und en Film. Ich luege übrigens kei TV, sondern Film in 3D imene gigantische virtuelle Kino. Momentan Grad The Hobbit. Hüt Abig isch de zweiti Teil dra. Ich froi mi druff


Btw, warum Mario spile wemer nid würklich stirbt wemer d Plattform verfehlt? Wiä langwillig isch das, wenns kei Risiko meh git? Argument sind viel effektiver wenn si rational sind.

Denn isch recht oder link?

Entweder recht...oder link...oder beides oder keis vo beidem oder alles glichzitig.

Ich gang jetzt dänn die nöchschte paar Mönet go Star Trek - Voyager go luege. I mim ruumschiff, während ich grösseri Streckene in eusere Galaxie zrugg legge.

Isch no früsch.

Fair. Infusion inne und guet isch.