Cyberpunk 2077

[Master(G)]

euses review chunt erst nöchscht wuche. mir spieled ned ohni day-0 und day-1 patch, wie die meischte, wos jetzt scho gspielt händ...

voll dumm... und de vo bugs go schriebe... JA LOGISCH! IHR HÄND AU DE PATCH NONIG!!... :facepalm:

[Master(G)]

übrigens hett no kei redaktion weltwiit konsole-codes becho. die chömed erst morn, 9.12.!

alli reviews wo jetzt scho duss sind, sind vode PC reviews OHNI day-1 patch!

[thaeye]

es wird eh bugs ha aber jetzt isch halt widr de druck dezuechoh als ersts muesse d schnorre uftue als reviewer

[Herr Rossi]

Dank all dene Mimimi-si-münd-vorwärts-mache- Vollidiote under üs werded Games verbuggt released. Guet gmacht ihr Mongos

[onion]

Dank all dene Mimimi-si-münd-vorwärts-mache- Vollidiote under üs werded Games verbuggt released. Guet gmacht ihr Mongos

das isch e usnahm, dasmal hets würkli de entwickler verbockt.
unfassbar dämlich isch gsi das sie no agfange hend für ps5/X optimiere wos eh scho im scheiss gsi sind, anstatt für die alte grät bringe wie vor 7 jahr planed und ime jahr de einisch de remaster.

[thaeye]

Dank all dene Mimimi-si-münd-vorwärts-mache- Vollidiote under üs werded Games verbuggt released. Guet gmacht ihr Mongos

also chum scho, nach irgendswie 10 jahr chasch den scho mal au chli de bude schuld geh. aber ja sones spiel bugfrei usezgseh i de coronaziit (homeoffice fuzzis bi CDPR) isch sicher au kei eifachi ufgab.

ich bin überzüügt es isch super.

[Herr Rossi]

Scho klar, aber warum hends es verbockt? Warum hends pressiert?

[thaeye]

sie bruchet nachem witcher halt doch au mal na en anderi franchise wo ischlat und jetzt haends halt z lang umeküngelet. ich glaub schlechts projektmanagement.

[Herr Rossi]

Dank all dene Mimimi-si-münd-vorwärts-mache- Vollidiote under üs werded Games verbuggt released. Guet gmacht ihr Mongos

also chum scho, nach irgendswie 10 jahr chasch den scho mal au chli de bude schuld geh. aber ja sones spiel bugfrei usezgseh i de coronaziit (homeoffice fuzzis bi CDPR) isch sicher au kei eifachi ufgab.

ich bin überzüügt es isch super.

Wege Corona? Lol die dümmscht Usred für alles das Jahr. Für es Game ganz bsunders

[Master(G)]

isch ja ned so, als ob de witcher 3 am afang "guet" gsi wär. en rächti shit-show isches gsi und erst nach eme jahr (!) isch es das gsi, wovo die ganz wält hütt no schwärmt: sbescht Action-RPG ufem planet!

aso ich bin zueversichtlich, dass Cyberpunk super isch. CDPR sind rächt detailverliebt und setzed sich immer (viel) zhöchi ziel. am änd zahlt sich das immer us. mer muess nur bitz geduld ha mit dene boys and girls.

ich dänke au, will ichs uf de series x spiele - und mit em day-0 und day-1 und series x patch - ich freud wird ha. wie ja scho erwähnt, isches für nextgen system scho länger optimiert und lauft guet.

pc version isch glaub die schlächtischt vo allne

"verbockt" isch glaubs sfalsche wort, will das isches garantiert ned.



lueged eifach, dass ihr kei epileptischi afäll bechömed, wenn ihr spieled

[The Sheep]

isch ja ned so, als ob de witcher 3 am afang "guet" gsi wär. en rächti shit-show isches gsi und erst nach eme jahr (!) isch es das gsi, wovo die ganz wält hütt no schwärmt: sbescht Action-RPG ufem planet!

Vollkomme richtig. So "Details" vergisst mer schnäll im Nachhinein

[joe_higashi]

wird mich sicher bism 23/24.12 gedulde bevoris game wird. hets ez scho eine gamet uf d ps4 pro?...mitm day one patch?...

[Master(G)]

bts dütschi version: https://www.thegnet.org/post/hinter-den ... rpunk-2077" onclick="window.open(this.href);return false;

[abyss]

Warte gloub ufs Ray Tracing!

[Buccaneer]

Näggst Wuche no schaffe und denn Ferie. I dere Zyt wird is öppe mal aluege.

[thaeye]

nöd grad wenig abstürz nach 2 stund bin corpo. es paar lüüt inen tonne verstaut und scho han ich irgendswie 5 paar hose und en dildo im inventar:groel:

[Master(G)]

Dildos sind überall i dem Spiel... als wäri am schaffe

[Buccaneer]

Ich han nur eimsl d möglichkeit, das spiel zum „erste“ mal zocke! Und darum wart i glaubs würkli, bis es meh optimiert worde isch... und wenns früehlig wird!

[zwirrlibatz]

The maturity - and recall CD Projekt describing Cyberpunk, on announcement, as "a mature RPG for a mature audience" - is often not. Maturity in the immature sense, maybe: the teenage idea of it, that 'maturity' equals Rated M and can be found in nakedness, coarseness, blood and guts

genau das han ich nach de erschte gameplay videos vor paar jahr scho befürchtet.


übrigens, cha mir das öpper erchläre: wenn de patch 50gb isch, chunnt das zu de 70gb vom spili no drzue oder wird da eifach zeugs überschriebe? kei ahnig bi so züg.

[Master(G)]

besser als im Valhalla, womer im Options-Menü "Nacktheit - EIN/AUS" hett, die ischaltet und de bi de Nudischte landet und die all underwösch ah händ und säget, sie siget nackt.... und nei, das isch kein bug, sondern es feature (stichwort political correctness). ich hoffe das mer in poland no verstaht, wie mer "party" macht

[onion]

jup, ich wott au en guete erste idruck, wirds niemals i dere form spile.
ha ke stress, warte mind. 6 monet.

weiss no wieni bi witcher 3 e pfanne im arsch gha han im prolog. stimmig isch irgendwie hinüber gsi.

[Master(G)]

weiss no wieni bi witcher 3 e pfanne im arsch gha han im prolog. stimmig isch irgendwie hinüber gsi.

was? isch doch geil mann!


aso wenns bi mir so lauft wie bim witcher, de spiel ich cyberpunkt mehrmals dure. 1x ab release mit bugs, 1x mit nextgen update, und 1x ide "ultimate-definitive-goty-dlc-edition" zwei jahr später

chas nöd erwarte endlich in night city iztauche!

[Master(G)]

Cyberpunk 2077 on PS4 looks very blurry, running between 720p and 900p resolution, and the framerate for any driving around the big city areas is constantly at around 20. While some indoor battles run well at 30fps, they can drop to 25fps. Framerate drops are one thing, but there's also hitching - big hiccups in the action where a new object or texture needs to load in. This can make it a challenge to shoot or drive.

Running the game on PlayStation 5 via backwards compatibility does improve matters to a degree - certainly the loading is faster, and the framerate is unlocked to 60fps - but the glitches, including the T-posing NPCs, remain.

It turns out that Cyberpunk 2077 on PS5 does not have the "quality mode" that is available on Xbox Series X.

ps4 und xbox one versione müend grotteschlächt sii.... 15-20fps isch praktisch standard.

uf nextgen sölls aber guet laufe, ps5 und series x sind nahezue locked at 60fps.
hütt abig tescht ich das persönlich uf minere XSX

[joe_higashi]

so bschisse usgseh tuets ez findi noed...
https://www.youtube.com/watch?v=TLFPTu4mFhg" onclick="window.open(this.href);return false;
zumindest uf d erschti blick...

[Alurios]

so bschisse usgseh tuets ez findi noed...
https://www.youtube.com/watch?v=TLFPTu4mFhg" onclick="window.open(this.href);return false;
zumindest uf d erschti blick...

Muesches mal Full Screen uufnem 4k Bildschirm aluege. Denn gsehts nümm so guet uus.