PC/Xbox Shredders

[sirarthur]

Wills hütt nomal gschneit hätt...Es Indie Snowboard Game für PC und Xbox. Ich finds rächt guet, es hett no chli finschliff vertreit, aber s'Fahrgfühl isch guet und es hätt nöd so viel schnick schnack wie Steep etc.. Erinnert chli a Amped, aber es softers Gfühl bim fahre. Ich hans ufem PC, mini alt Gurke chan das aber chum spiele, isch wahrschinli auch schlächt optimiert, will Grafik isch ok, aber nütt bahnbrechends, ah ja rächt viel wiis...
https://www.shreddersgame.com/

[Reinforced]

gseht nice us. riders republic chasch ja nid würklech bruche. Steep isch immer no geil zwüsche düre!

[damian]

cool dasses au i dem genre indie games git...

[Vyse]

Ha gester kauft. Isch dLernkurve extremscht steil, sKontroll-Konzept schlächt oder bin ich im Alter fiinmotorisch nümm uuf dä Höchi? Ich bringe überhaupt nüüt hi. sFahrfeeling wär no cool, wänns präzies wär aber Moves duurezieh isch absoluti Katastrophe, en 360 Tailgrab oder sowas bring ich umsverrecke nöd häre, nach äre halb Stund oder so schmerzed dSehne im Handrugge. Ok, ich bin alt

[Master(G)]

de fabrice hetts i eusem review ähnlich beschriebe:

https://www.thegnet.org/post/the-g-net-review-shredders

[Vyse]

über einen [...] Kampagnenmodus freuen, bei dem getrost alle Zwischensequenzen übersprungen werden dürfen

Ja! dCharaktere im Game sind alles Social-Media-Huurene, chamme also definitv überspringe.
Ich phalte sGame jedefalls, glaube scho au, dass wänne me chli Üebig bechonnt, sganze no rächt cool chönnte werde, voruusgsetzt es git au längeri Abfahrte (am Ahfang sinds scho extrem churz).

[Vyse]

No paar Stund gamed, es isch bitz e Hass-Liebi. sFahrfeeling isch irgendwie scho super aber dStüürig isch leider eifach extremscht müehsam und vor allem hüüfig au sehr inkonsistänt bi gwüsse Sprüng, was frustrierend isch. Es isch definitv eis vo dänne Games, wod richtig üebe muesch uuf dä andere Siite wirsch defür au belohnt mitme zunähmende Spielfluss.

[LuiStyle]

Es gseht aber fantastisch us!
Aber so wie ihr da schriebet isch das leider nüt für mich, wills halt zu schwer isch und ich kei lust han gross go üebe.

[feeshlee]

ja früehner bim ssx chnöpf id finger, hüt weissi gar nöd, wie ich das meischtere würd.

[Vyse]

Es erinnered würkli bitz ah die alte Ziite, wome als junge Spunt stundelang irgend en Taschtekombination bis zur Perfektion güebt hät.

Has langsam dusse mit dä Stüürig, langsam (nach öppe 8h). Däm Game fählt sowas vo en guete Tutorial-Mode aber sFahrfeeling isch scho öppis vom beschte, wo ich imene Snowboard Game erläbt han, wo zämme mit dä Stüürig mängisch scho fascht chli ahn e Simulation gränzt.

[Reinforced]

has jetzt auno gspillt. am afang dänkt das chunnt denn scho mit chli üebig aber bin immer no en voll noob schad hoffnig gha i das game aber so wirdi wohl wiiterhin mis gliebte Steep vo 2016 zocke im Winter

[turntablism]

aber so wirdi wohl wiiterhin mis gliebte Steep vo 2016 zocke im Winter

Isch das dass wingsuite game ?
Ich will das au mal uf em pc spile. Chan i das ohni account ? Ha nur mal was glese vo LumaPlay_x64.exe
Kennsch da ? Isch da en emulator ?

[Reinforced]

aber so wirdi wohl wiiterhin mis gliebte Steep vo 2016 zocke im Winter

Isch das dass wingsuite game ?
Ich will das au mal uf em pc spile. Chan i das ohni account ? Ha nur mal was glese vo LumaPlay_x64.exe
Kennsch da ? Isch da en emulator ?

also de emu kenni nid aber ja Steep het u.a. Wingsuit ja und macht immer no fun hets mal gratis gä uf Epic für churzi zyyt