The(G)Forum

Crossy road

agestuffer

Rogue Galaxy (PS2 classics uf PS4):

Wunderschöni Cut Scenes und gueti Story, mit kompletter Sprachusgab. S Gameplay isch recht speziell. Isch zwar wie jedes nicht rudenbasierte RPG, aber d Kämpf sind extrem abhängig vo extra Fähigkeite (wo meh individuel chan ufelevle anhand items) und heil items. s Spiel isch druf usgleit, dass meh immer gnueg Heil Items mit sich fürd. Ganz normal i dem Spiel das meh immer wieder mal chli stirbt. Am Afang het mich das mega gnervt, will s Spiel ufgrund vo wenig Geld denn au no recht knackig gsi isch. Schwierigkeits grad het denn nahloh und bis zum Endboss denn ka Problem meh gha. D dungeons sind chli eintönig, oft chunts eim vor als währed die eifach id längi zoge worde. Nichts desto trotz hets mir sehr guet gfalle und trotz aller kritik hani amigs s pad chum chöne weg lege. Lut ere Walkthrough gäbs jez no en neue Planet zum mache. Mal denn mal no ineluege.

heavy rain

Hät mr mega guet gfalle.. d'Story isch total packend verzehlt, au wänn d'Stüürig ziemlich müehsam isch.

heavy rain findi eis vo dä beschte spiel vo dä letscht egeneration. d'story isch super. d'stüürig findi gar nöd so schlächt. es gaht ja drum sämtlichi handlige intensiv nahfühle zchöne, und das händs recht guet erreicht...

Wider mal Blackthorne ufem snes. Love it!

Tales of the Abyss (3DS, ursprünglich uf PS2 usecho)

Isch okay, aber nid s beste isch us de Tales serie.

No nid abgschlosse, spiele momentan eifach z viel uf eimal:

Dragon Quest 7 ufem 3DS. Het mich nonid überzügt, s erste DQ wo ich spiele.

Tales of Arcadia Legends ufem Cube. Gfallt mir guet, au wenn leider z viel gegner begegnige und müehsam id längi zogeni kämpf mit de schiff. bi fast dure.

Legend of Kay PS4. Ha meh erwartet, d stürig find ich nid so toll. S kampfsystem macht mir au chli z schaffe. bin jez bide mit französischem akzent redende frösch, nachdem ich di stotternde hase gmacht han

Mr. Heli hat geschrieben:
Tales of Arcadia Legends ufem Cube. Gfallt mir guet, au wenn leider z viel gegner begegnige und müehsam id längi zogeni kämpf mit de schiff. bi fast dure.

Do hängi an sonere sautumme stell, isch schiffkampf geg sone huere festig woni nit schaff und zrug zum uflevle kame au niid, reggt mi biz uuf, wurds eigentli no gärn beände.

evo hat geschrieben:

Mr. Heli hat geschrieben:
Tales of Arcadia Legends ufem Cube. Gfallt mir guet, au wenn leider z viel gegner begegnige und müehsam id längi zogeni kämpf mit de schiff. bi fast dure.

Do hängi an sonere sautumme stell, isch schiffkampf geg sone huere festig woni nit schaff und zrug zum uflevle kame au niid, reggt mi biz uuf, wurds eigentli no gärn beände.

ja die schiff kämpf sind zum teil recht müehsam. das e stell git wo nid vorwärts und nid rückwärts chunsch isch dumm. häsch mal es walkthrough konsultiert? mit heile sötsch es durch jede kampf schaffe, später unbedingt schiff waffe chaufe.

ja ha video gluegt. isch rächt spoht im game, fast am änd, aber gliich.

shenmue 1 ps4. zum teil recht übli sound und grafik glitches. alles was geg endi 2ti cd (dreamcast) chunt a cut scenes zeigts mir nume wasser oder bode. d stüürig isch mängisch sehr müehsam. kenne s original nid, vermuetlich ischs aber dete au scho schlimm gsi.

defür isch d story mega und krass dass das spiel so uf DC gloffe isch.

Castlevania Aria of Sorrow uf GBA

Also Shenmü 1 han i mittlerwili au dure und eigentli nöd so Problem gha. Stürig isch natürli gwöhnigssach, denk wemmers Original gspielt het, denn ischs nöd so schlimm für ein, wemmers nie gspielt het wohl chli nervig.

Denk mit de Cutscences hesch eifach Pech gha, i ha da zwar ei mal au gha, aber sust eigentli nöd. Au Soundussetzer han i eigentli nur eimal gha. Denk drum sind mer die Püntk au nöd so negativ ufgfalle.

DeftOne hat geschrieben:Also Shenmü 1 han i mittlerwili au dure und eigentli nöd so Problem gha. Stürig isch natürli gwöhnigssach, denk wemmers Original gspielt het, denn ischs nöd so schlimm für ein, wemmers nie gspielt het wohl chli nervig.

Denk mit de Cutscences hesch eifach Pech gha, i ha da zwar ei mal au gha, aber sust eigentli nöd. Au Soundussetzer han i eigentli nur eimal gha. Denk drum sind mer die Püntk au nöd so negativ ufgfalle.

ha glese gha das di einte mega problem hend, anderi überhaupt nöd. kei ahnig wora das es ligt.

Marco_in_motion hat geschrieben:Castlevania Aria of Sorrow uf GBA

Hani o ersch grad wieder mau gmacht. Guete zock, nid so guet wie ds Circle of the moon, aber besser aus ds rächt längwilige Harmony of Dissonance.

Gears of War 4 / Single Player

Mit 11 Stunde relativ churz. Findes aber e gueti länge, doch teilwiis sehr repititiv. Het teils cooli Abschnitte dezwuesche.
Uf de X mit 4K gsehts optisch super us. Probiere mal no de Multiplayer us.

shenmue 2 ps4. kei so nervigi glitches wie im erste teil. super spiel. geld mache am afang het mich recht gnervt, nie chartene gha usw. au die täglich grüsst das murmeltier mässige ufgabe sind nid so das wahre gsi, aber insgesamt het mich s spiel sehr packt. vode story und vode grafik, aber au vo de chinesische gschicht. bi mega viel go goole über die ortschafte. guilin

gits kein Cheat?

Bloodborne

spiele momentan dragon quest xi uf ps4. es isch mega. mit de hübsche hase meitli chasch go "oh la la" mache

d gschicht isch top, zeichnet sowieso super vom toriyama und sim team. d gegner sehr abwechsligsriech und nume ufem meer random encounter. musig abwechsligsrich und schön, viel charme vode verschiedene charakter und e gueti portion witz.

CONTRA HARD CORPS (MD)
...ändlich, nach all dene Johre mittem FADE im Co-Op dorezockt. Sauchschwerig de cheib, schwieriger no als d'SFC Version!!

https://www.dropbox.com/s/ye5owz7s9kqlq ... 2.JPG?dl=0

Super esch gsi

m.o.terra kaesi hat geschrieben:CONTRA HARD CORPS (MD)
...ändlich, nach all dene Johre mittem FADE im Co-Op dorezockt. Sauchschwerig de cheib, schwieriger no als d'SFC Version!!

https://www.dropbox.com/s/ye5owz7s9kqlq ... 2.JPG?dl=0

Jap.? ich bruuch das game no jap.

yep. jap-version. die andere versione bringsch ned fertig, da limited continues. krass.
es esch au ohni continue-limite fasch zom verzwifle.
aber geil esches. spieltechnisch i de SFC-Version öberlägge. Stilistisch weniger. Sound tönt of SFC cooler, aber MD esch ofem unverwächselbare MD-Soundchip au saugeil.

randbemerkig: händ no rasch is MEGA TURRICAN inägschpillt. Verstohne de Hype ned: esch en fixfertige brunz gäge s'Hard Corps.