Seite 48 von 89

Re: Welles game häsch grad fertig gspielt?

Verfasst: 22 Aug 2017 09:29
von Snatcher
Radiant Historia
Shenmue 2
Dragon Force
No mans sky
south park stick of truth
Iron Storm

Re: Welles game häsch grad fertig gspielt?

Verfasst: 24 Aug 2017 13:18
von thaeye
pyre, was für en geili reis :wixer:

jetzt mal path of exile zocke :wixer:

Re: Welles game häsch grad fertig gspielt?

Verfasst: 24 Aug 2017 15:06
von mr.raw
Hey! Pikmin
Super zock...schön gmietlich, easy...genau für mi gmacht.
Splatoon2
Aber nid 1000% - isch mr zblöd mit allne Waffene alli Levels zmache. Gitt glaubs eh nüt gschieds wenn alles duurezocket hesch.

mometan bini grad an Retro City Rampage DX.
Fuck, isch das geil!! Bi total überrascht und eifach nur begeischteret. Hätti nid dänggt, dass es so guet isch!

Re: Welles game häsch grad fertig gspielt?

Verfasst: 24 Aug 2017 21:18
von DeftOne
Final Fantasy 12 The Zodiac Age.

Für mi au mitm Remake immer no de schlechtest Final Fantasy Teil. S einzig wa positiv a dem Game isch, isch Soundkulisse. De Rest isch für mi schlechter als i andere Serie-Teil. Bi froh, dass es d Möglichkeit ge het, da Game i doppleter bzw. vierfache Gschwindigkeit zspiele. Da i eigentli immer mit doppleter Gschwindigkeit gspielt ha und sogar da isch mers Game no zlang gange. Vierfach het de Nachteil gha, dass i ziemli hüfig geg d Wand gseglet bi. :mrgreen:

Wird definitiv nie wieder igleit. I halte zwar au vom Final Fantasy 9 nöd viel, döt denk i mir aber immerhin no, dass ichs mer mal wieder aluege bzw. wieder durespiele chönnt. FF 12 het mer hingege so überhaupt nöd gfalle, dass i kei Motivation meh ha zum da jemals wieder zspiele. Aber i has zumindest wie all anderi Serie-Teil mal durezocke wölle.

Re: Welles game häsch grad fertig gspielt?

Verfasst: 24 Aug 2017 21:34
von evo
finschs sogar schlächter als die erste 3? find die zwar interessant zum dr beginn vor serie ahzluege und ie s sich so entwickelt het. aber scho rächt starke tubbag zum game :lol:

Re: Welles game häsch grad fertig gspielt?

Verfasst: 25 Aug 2017 06:12
von DeftOne
Naja, mit NES Games a sich chan i ja scho relativ wenig afange. Drum ignorier i die mal eifach.

Aber ha au döte mal vom 3 s Remake ufm DS probiert, seb het au so sini Mängel gha, weswege ich seb schnell verworfe ha. Aber im Grunde wör mers wohl au besser gfalle als de 12. Teil. Find halt eifach, dass au d Charaktere so bleich wie i kum emene andere FF-Teil sind. Abgseh vom Balthier sind all so unnötig. Bi mi da eifach meh gwohnt vomene Final Fantasy.

Re: Welles game häsch grad fertig gspielt?

Verfasst: 25 Aug 2017 09:38
von Mr. Heli
also ich han s ff1 und 2 ufdr psp gspielt und mir gfallt sowas. han aber dennach no keis ff gspielt (au s 7ni nonid :oops:)

Re: Welles game häsch grad fertig gspielt?

Verfasst: 25 Aug 2017 10:02
von DeftOne
Hmm stimmt, PSP remakes han i ganz vergesse. I ha nur die grauehafte DS-Teil im Chopf gha. :mrgreen:

Und die sind für mi optisch leider überhaupt nix. FF IV für PSP han i mir au irgendwenn mal no wölle aluege.

Re: Welles game häsch grad fertig gspielt?

Verfasst: 25 Aug 2017 18:34
von evo
I hase au nit im original gspielt. Gba version vom 1 u 2 und ds vom 3.

IV isch denn s erst woni sag, mol sehr gutes gamu. S 5i isch den so richtig mega fett, mega mega fett sogar.

Re: Welles game häsch grad fertig gspielt?

Verfasst: 26 Aug 2017 10:16
von DeftOne
Isch a sich au mal no plant zum durespiele. Aber im Moment zock i glaub mal was anders. :mrgreen:

Mue säge mer gfallt a sich vo de alte JRPG's sust immer no d lunar reihe und Breath of Fire mittlerwili fast besser als FF.

Re: Welles game häsch grad fertig gspielt?

Verfasst: 26 Aug 2017 11:14
von geosnow
1-6 hani au uf em GBA und DS durre gspielt. s 7-9 hani niä gspielt. gits diä uf emene HAndheld remastered?

Re: Welles game häsch grad fertig gspielt?

Verfasst: 26 Aug 2017 11:21
von DeftOne
Bimer nöd sicher, aber glaub 7 mössts au uf de Vita ge. Uf de PS4 isch zumindest e Remaster usecho wo liecht schöner usgseht und istellbarem XP Boost und meh Gschwindigkeit. Denk daher, dass die Version au uf de Vita usecho isch. 8 wird scho länger spekuliert, dass es au mal no e remaster git.

Re: Welles game häsch grad fertig gspielt?

Verfasst: 04 Sep 2017 20:16
von rebornkid
Uncharted / Lost Legacy

Naja, schlussendlich vieli Element vom 4 drin, aber trotzdem super gsi. Kapitel 9 isch eifach wieder mal zu heftig!

Re: Welles game häsch grad fertig gspielt?

Verfasst: 26 Sep 2017 04:44
von rebornkid
Matterfall / PS4

Het mir sehr guet gfalle. DStüürig isch am Afang gwöhnigsbedürftig, macht aber alles Sinn und gaht mit Üebig schlussendlich den flüssig vo de Hand. Leveldesign hetti vo mim Gschmack her no es bizeli me Abwechslig dörfe ha. Au Azahl vo 3 Stages mit je 3 Abschnitt findi chli churz grate. Bossfight am Endi vo jedere Stage findi glunge. Vorallem de Final Fight hets in Sich. Ohni präzisi Beherschig vo de Stüürig und Uswendig leere vo de Agriffswellene chunt mer nöd wiit. Nach em Durespiele wird mit mit emene zuesätzliche Schwierigkeitsgrad belohnt. Naja, wers brucht...

Chas Spiel uf jede Fall wiiter empfehle

Re: Welles game häsch grad fertig gspielt?

Verfasst: 26 Sep 2017 05:45
von Mr. Heli
am wucheend s mario & luigi paper jam bros. duregspielt. s kampfsystem isch super, de seich mit de kartonkolöss het meh sich aber chöne spare. jez han ich no s mario & luigi dream team bros. agfange. chan nonid viel dezue seg. die ältere teil ufem gba und ds han ich bis jetzt aber besser gfunde. afangs oktober gits ja denn nachschub vom erste titel neu ufgleit.

susch bin ich no am tales of graces f ufdr ps3 drah und am star ocean 2nd ufdr psp.

Re: Welles game häsch grad fertig gspielt?

Verfasst: 26 Sep 2017 10:26
von mr.raw
Mr. Heli hat geschrieben:. jez han ich no s mario & luigi dream team bros. agfange. chan nonid viel dezue seg. die ältere teil ufem gba und ds han ich bis jetzt aber besser gfunde. afangs oktober gits ja denn nachschub vom erste titel neu ufgleit.
DreamTeam tuet spöter recht aazieh und muesch vieles mache...isch sehr spassig. Mis lieblings Mario & Luigi isch aber das mit de usserirdische...also Partners in Time. Hammer guet gmacht.
Inside Bowser isch aber au nid z verachte :idea:

Re: Welles game häsch grad fertig gspielt?

Verfasst: 27 Sep 2017 22:38
von Snatcher
Panzer Dragoon Saga
Prey

Re: Welles game häsch grad fertig gspielt?

Verfasst: 04 Okt 2017 20:48
von Snatcher
Star Wars Kotor

Re: Welles game häsch grad fertig gspielt?

Verfasst: 08 Okt 2017 06:51
von Snatcher
Starwhal
Watch dogs 2

Re: Welles game häsch grad fertig gspielt?

Verfasst: 08 Okt 2017 08:53
von rebornkid
Inside 9/10

Eifach genial!

Re: Welles game häsch grad fertig gspielt?

Verfasst: 11 Okt 2017 20:46
von rebornkid
Limbo 7/10

Inside isch für mich vo de Collection definitiv de besser Titel.

Re: Welles game häsch grad fertig gspielt?

Verfasst: 15 Okt 2017 21:07
von geosnow
lesben uncharted. so en lange abspann hani no niä gxeh.

Re: Welles game häsch grad fertig gspielt?

Verfasst: 17 Okt 2017 14:32
von Mr. Heli
mario & luigi dream team bros:
frischi neui idee id serie bracht, d kämpf sind teils chli is lange zoge und die mega luigi kämpf het meh vo mir us chöne spare. alles in allem es solids mario rpg.

star ocean second evolution:
hänge bim endgegner und lueg de abspann wohl uf youtube. müest nomal stunde lang go ufelevle, evt. sogar müehsam usem dungeon usegah und neui waffe chaufe. schiisst mich irgendwie ah da nomal soviel ziit z investiere. empfiehl jedem wo de erst und zweit teil spielt sich über d spiel strategie z informiere. charaktere chan meh au nöd alli hole, wenn meh gwüssi het chan meh anderi nöd ha. und meischtens isch au nöd so offesichtlich wie meh die charaktere holt.

s game büütet mega viel, segs waffe selber schmiede, musiziere (was ich nie gmacht han, has geld immer für anders usgeh), individuel d charaktereigenschafte ufelevle, usw. mängisch han ich mich recht ufgregt, s git bosskämpf wo meh eifach e gwüssi ziit mues überlebe, anderi wo meh mues verlüüre und das nöd merkt, wieder anderi wo meh sicher bim erste mal verlüürt und denn nomal ellelange text mues lese wo meh nöd im schnelldurchlauf chan dureklicke. s spiel gfallt mir susch eigentlich sehr guet wills soviel z gseh und z mache git. und natürlich gsehts au schön us.

advance wars ufem GBA:
wie erwartet grandios. leider isch d kampagne chli churz, aber meh chan ja no viel maps spiele. tuen gern geld voll ufeschrube dass so richtig abgaht vo afang a :lol:

lady layton oder wies heisst ufem 3ds:
schlechtisch titel vode ganze layton serie. sogar de layton vs phoenix het mir besser gfalle. s git ka richtige gschicht sondern verschiedeni fäll wo meh löse mues. sobald all hiiwies da sind lösst sich de fall uf, nume sind mit dene hiiwies d fäll eigentlich gar nöd für eim persönlich lösbar. d rätsel sind eigentlich fascht nume fangfrage, was sehr schad isch. meh mues eifach überlege was di grösst arschloch antwort wer und das isch es denn meistens. ha s gfühl d luft isch chli duse. bi jetzt denn bald dure, letscht fall no zmache.

golden sun ufem GBA:
Suchtfaktor, läck het mich das spiel schnell packt. finds mega, wie erwartet. freu mich drah da no es paar stunde z investiere.

Re: Welles game häsch grad fertig gspielt?

Verfasst: 17 Okt 2017 18:57
von mr.raw
Die Mega Luigi Kämpf sinn lang, ja... I find se aber voll früsch und macht laune. ;) ha mol e Zugfahrt Basel --> Olte für so en Kampf vrbrucht :groel:

Re: Welles game häsch grad fertig gspielt?

Verfasst: 17 Okt 2017 20:42
von Astroboy
Mr. Heli hat geschrieben: golden sun ufem GBA:
Suchtfaktor, läck het mich das spiel schnell packt. finds mega, wie erwartet. freu mich drah da no es paar stunde z investiere.
Es git wenig bessers als Golden Sun 1 & 2. Mir düe eifach bitte witerhin so, als hätts nie e dritte Teil gä.