The(G)Forum

gschider NHL Spiele

händ nöd all sportspiel settig mechanike mittlerwiile?

thaeye hat geschrieben:

Buccaneer hat geschrieben:
Bime Tschuttispieli mit PG 3 erwarti als Eltereteil wo kei Ahnig vo Games hed, eigenlich nid es elektronisches Casino.
:typej:

und den gisch ihne na dini kreditchartedate zum chli chäufle oder chlauets die amigs bim mami und papi, nach mim wüsse chömet minderjährigi ohni regelmässigs ikomme kei kk über.

familie gönd kaputt

und plötzlich gamed nur na 10-jährigi demit dini meinig chasch duresetze. das wohl 98% vo dem Umsatz die erwachsne gamer usmache spelt plötzli ke rolle meh.
das spielsucht en hirnchrankheit isch au nid. das glücksspel ohni strengi restriktione sit 100 jahr verbotte isch us irgendeme grund au nid.
egal, fixiere mer eus uf die 10-jährige das de freud hesch.
da vermisst me grad de ribit bi dene diskussione.

onion hat geschrieben:

thaeye hat geschrieben:

Buccaneer hat geschrieben:
Bime Tschuttispieli mit PG 3 erwarti als Eltereteil wo kei Ahnig vo Games hed, eigenlich nid es elektronisches Casino.
:typej:

und den gisch ihne na dini kreditchartedate zum chli chäufle oder chlauets die amigs bim mami und papi, nach mim wüsse chömet minderjährigi ohni regelmässigs ikomme kei kk über.

familie gönd kaputt

und plötzlich gamed nur na 10-jährigi demit dini meinig chasch duresetze. das wohl 98% vo dem Umsatz die erwachsne gamer usmache spelt plötzli ke rolle meh.
das spielsucht en hirnchrankheit isch au nid. das glücksspel ohni strengi restriktione sit 100 jahr verbotte isch us irgendeme grund au nid.
egal, fixiere mer eus uf die 10-jährige das de freud hesch.
da vermisst me grad de ribit bi dene diskussione.

erwachseni chönd vill mit geld nöd umgah, und jetzt? muemmer jetzt jedem wo en schade haet helfe? hauptsach staatlichi igriff. widr lerne s lebe i die eigene händ neh und nöd immer nachem staat ruefe.

thaeye hat geschrieben: erwachseni chönd vill mit geld nöd umgah, und jetzt? muemmer jetzt jedem wo en schade haet helfe? hauptsach staatlichi igriff. widr lerne s lebe i die eigene händ neh und nöd immer nachem staat ruefe.

ich bin da 100% bim Röné, chan jede sälber entscheide, ober gäld für Päckli wet usgeh. Panini Bilder sötsch denn übrigens au no verbiete, det sind eh nur Chind d'Zielgruppe.

Ich find s'Prinzip au chli weich vo FUT, drum spielis u.A. nöd oder wenn, chaufi nur spieler mit ingame-money. Aber jede chan das sälber entscheide, gnau wie jede sälber entscheide chan, wieviel Gäld er im Casino möcht verspiele (Spielerschutz in Casinos übrigens, ein grosse Witz )

bi panini chaufsch es produkt wo chasch sammle. du chasch au 15 albe demit vollmache, die au sammle und se nach paar jahr sogar mit gwünn witerverchaufe.
du chasch das produkt au einzeln witerverchaufe und sogar tusche mit anderne, meistens gliche produkt mit anderne abbildige druf. zu allem überfluss chasch sogar bi panini die einzelne produkt mit abbildige druf wo dir nah fehled einzeln chaufe.
so chasch au de chaugummi-automat erwähne wod nid weisch weli farb das bechunnsch.

uf de rest gahni nüm ih wels mi aschisst. schlussendli gahts au drum das sportspili (und nid nur) absolut beschisse im gameplay sind wels nur no a virtuelli währig für chärtli imene spiel dänked.
fifa und pes chasch ja nüm spiele und machi sit letscht jahr au definitiv nüm. nhl und nba si natürli au i dem mist aber dert isch z'gameplay no hochwertig, wobi me sich frage mues wie lang noh.

Ok, 1 Partie gspielt. Hed grucklet, schomal kacke. Aber s Ergäbnis, 8:4, es isch unspielbar, praktisch jede Schuss gad ine, de Goalie (Neuer) isch inexistänt. Spieli ersch wieder wenns patched hend, bis jetzt de gröscht Rotz.

Weles isch s beschte Fuessballschpil für d Plaisen4 Meier?

Herr Rossi hat geschrieben:Weles isch s beschte Fuessballschpil für d Plaisen4 Meier?

Fifa20

zeromeier hat geschrieben:

Herr Rossi hat geschrieben:Weles isch s beschte Fuessballschpil für d Plaisen4 Meier?

Fifa20

Merci

Hed evtl mitm Lag ztue gha, game lauft besser jetzt nach 4 Spiel. Goalie allerdings immer no e Fläsche und bis jetzt findis hektischer als de Vorgänger.

zeromeier hat geschrieben:

Herr Rossi hat geschrieben:Weles isch s beschte Fuessballschpil für d Plaisen4 Meier?

Fifa20

:typej: :typej: :typej:

Wenn echte Fuessball wotsch spelle de muesch PES 2021 Update Version zieh. Kostet au nome 39.-

beidi sind scheisse und hend wenig mit echtem fuessball z'tue, aber pes isch sicher immer nah 100x besser als fifa.

https://www.thegnet.org/post/electronic ... l-verklagt" onclick="window.open(this.href);return false;

Top

300 mio. buess wär no geil, wür glaub grad en champi uftue.

EA FC chli meh gspielt jetzt, immer no ok.