Tetris 99

[Doraemon]

Hallo spielt das eigentlech niemer me? Ig weiss isch scho über nes Jahr här aber das chame ja wohl jahrelang spile. Ig finges top. Cooli verschiedeni Modi und viu zügs zum unlocke. Und ds Battle Royal isch ja wohl der Hammer! bi scho paarmau erst worde und när unlockets Tetris Maximus wome nur gäg angeri Gwinner mues spile

[Alurios]

Also ich spiels immer mal wieder, aber ich schaffs nie unter de top 10. Bin eifachd zschlecht =(

[mr.raw]

Scho längers nümmi zocket... Höchschti Platzierig isch 7te gsi. Kei ahnig wie ich das gschafft ha

[Doraemon]

Schaffes fasch immer unger d Top 3 iz woni ds targeting System verstande ha. Macht extrem Spass wesi eim agriffe, när machts zack boom! Tetris for Doraemon und KO Mi rekord isch 21 KO's i eim Match

[DeftOne]

Da Tetris und Pac-Man so di älteste Spiel sind, wo i relativ guet bi, ha i au Tetris 99 am Afang einigi Mal zockt. Es isch au nöd so, als ob mers nöd gfalle het oder wör, aber git halt eifach zviel anders zum zocke.
Has aber im Tetrits 99 au nur paar mal uf 2-4 gschafft.

[Mr. Heli]

spiele ab und zue mal, aber besser als 3te bini glaubs nie worde. drum no nüt unlocked.

s targeting system hani scho verstande, eifach zwenig ziit zum es opfer uswähle

[XYBOT]

Isch vo dene wo TGM gmacht hend. TGM best tetris ever!!

[Doraemon]

Ja das merkt me scho dass da biz erfahrig derhinger steckt. Was ig o super finge si d Hingergründ wome cha freischaute, Mario Hingergrund mit Mario Musik Remix oder Game Boy Tetris, macht extrem Laune!

[Astroboy]

Protip: Weme zur gliiche Zyt dr Chnopf drückt, de isch d'Chance ziemlech guet, dass me i die gliichi Session chunnt und somit zäme/gägenang cha spiele.

Ha öppis über 10 Siege und mau fasch dr Tetris Maximus Modus ou no gwunne, aber die Bots si müehsam. Ize bini dr Double T-Spin am lehre, aber dä wott mr nid so recht ine.

[Doraemon]

So isch fain! Ja mit T-Spins chame ziemli easy garbage erzüge. Aber i bi fasch schneuer mit Tetris mache, und weme suber ufbout gits gar ke müglechkeite für t-spins. Isch me so notfall option für mi. Aber i gloubs einigi spile sogar eher uf t-spins aus uf linie bolze. Aber bi no nid so überzügt vo däre Taktik.