Seite 1 von 1

VR Brülle - PS4 edition

Verfasst: 24 Jan 2019 13:28
von Mastler(P)
sorry, ha keis topic um dps4 brülle gfunde.

mich nimmts wunder wers da inne hät und wie ihr si findet. bringts das? wievil gueti releases gitz scho dazue?

resi wär ja vilicht no cool mit dä brülle, aber 200+ stutz zum eis zwei games zspille reuht mit halt scho.
ich bin nöd ufm laufende, han aber es gfühl es git nöd meh als eh hand voll spiel wos no richtig cool für wer. bitte um hiuf u beschte dangg!

Re: VR Brülle - PS4 edition

Verfasst: 24 Jan 2019 18:41
von Vyse
Ace Combat 7 säg no guet mit dä Brülle

Re: VR Brülle - PS4 edition

Verfasst: 24 Jan 2019 22:59
von The Sheep
Mis Statement nach 2 Wuche PSVR: Chaufs nit!

warum?
Will si uf so zimlich jedere Ebeni verseit:
- Grafik wird inere gringere Uflösig grenderet, demit PS4 bzw PS4 pro überhaupt nachemag. Speziell bi dene Games womer in d'Färni chann luege fallt uf wie pxielig sBild isch
- Brille isch miner meinig nach unnötig schwer und klobig
- Kabel sind churz, dick/gschtabig und laufend im Wäg
- s'Tracking isch e Kataschtrofe. Händ hani laufend (mängisch mehrmals in der Minute) müesse nachjustiere, Kamera het im Resi 7 bim interagiere oder mängisch mitte im Kampf Blickrichtig gänderet... I han PSVR nur wägem Resi kauft gha, und has fruschtriert abbroche nach ca 2 Stunde Spielzit.

Sony behauptet, dass PSVR (wahrschinlich wil sie gmerkt händ dass sie für Roomscale VR nit bruchbar isch), für seated Experiences konzipiert segi. Also für Lüt wo ufem Sofa spiele und sich nit bewege. Das mag technisch einigermasse funktioniere, aber het für mi nüt mit VR ztue.

Re: VR Brülle - PS4 edition

Verfasst: 25 Jan 2019 08:47
von Mastler(P)
:scared:

danke eu! has mer scho dänggt. :(

häsch suschd no was agspillt gha? ehrlichgseid würd ich au welle ufm sofa hänge, mit controller spille und dbrülle nur für meh immersion bruche. :oops:

Re: VR Brülle - PS4 edition

Verfasst: 25 Jan 2019 09:01
von The Sheep
Until Dawn: Rush of Blood hani eigentlich s'bescht game gfunde. Bruchsch aber no d'move controller dezue demits spass macht.
VR Worlds hani no agspielt. so en compilation us churzspiel und experiences. het mi nit so überzoge.
Robinson The Journey: Schön gmacht, aber chamer nur mit Joypad spiele, und mer muess sich bewusst si dass es es chinderspiel isch.

Mittlerwile gits einiges mehr an Games, und au es paar wirklich gueti. Aber i han mini Brille halt relativ schnäll wieder verchauft.
Mastler(P) hat geschrieben:ehrlichgseid würd ich au welle ufm sofa hänge, mit controller spille und dbrülle nur für meh immersion bruche. :oops:
s'Problem vom Spiele ufem Sofa isch, dass en guete Mage bruchsch. Speziell wenn Games spielsch wo für Roomscale gmacht sind, will alli Richtigsänderige mit em Joystick machsch, statt mit dim Körper. Da chann dir sehr schnäll übel wärde.

Re: VR Brülle - PS4 edition

Verfasst: 25 Jan 2019 09:19
von Mastler(P)
The Sheep hat geschrieben:s'Problem vom Spiele ufem Sofa isch, dass en guete Mage bruchsch. Speziell wenn Games spielsch wo für Roomscale gmacht sind, will alli Richtigsänderige mit em Joystick machsch, statt mit dim Körper. Da chann dir sehr schnäll übel wärde.
ich find ebe, mer sött richtig mit chopf drehe ahgeh und laufspeed mitm pad. aber wenn das niemert macht ischs wohl recht suboptimal ufm sofa.

gitt ja bereits vill games wo vr ahbühtet: https://de.wikipedia.org/wiki/Liste_der ... -VR-Spiele" onclick="window.open(this.href);return false;
zone of the enders würd mi no wunderneh. das töhnt ja scho mal nach nem klassische fall wo nach 15min am chörble bisch. :)

Re: VR Brülle - PS4 edition

Verfasst: 25 Jan 2019 09:44
von thaeye
das noire roboter jump n run seg super. resident evil 7 in VR haet sich d aschaffig für mich scho glohnt, was füren höllerit gsi (ab und zue au wegem vr apparat ufem chopf :) . das spiel isch grad namal en stufe intensiver in vr.

aber ja usgriiiift isch die sach na nöd.

Re: VR Brülle - PS4 edition

Verfasst: 25 Jan 2019 10:29
von Mastler(P)
du häsch also bim resi mit plötzliche kamera wechsel chöne läbe, oder nöd so starch wahrgnoh?

Re: VR Brülle - PS4 edition

Verfasst: 25 Jan 2019 10:32
von thaeye
han demit lebe chöne nach es paar abbrüch am afang :lol: aber s problem isch halt scho d duur, das teil chasch knapp 1 stund ufem grind ha, den isch bi mir fertig. im resi lösets es ja mit so schwarze usblendige bi schnelle wechsel. gat eigentlich guet, bi mir isch eifach de mage chli s problem gsi am afang.

aber vergiss nie wies gsi isch, s erscht mal chöne nach hine z luege etc. isch bi resi 7 scho sehr intensiv das ganze.

Re: VR Brülle - PS4 edition

Verfasst: 25 Jan 2019 11:32
von The Sheep
Mastler(P) hat geschrieben:ich find ebe, mer sött richtig mit chopf drehe ahgeh und laufspeed mitm pad. aber wenn das niemert macht ischs wohl recht suboptimal ufm sofa.
Wie wettsch das mache bime Game wie Resi 7 wo du mittedrin bisch? Im Sitze de Chopf dreie deckt nur 90-100 Grad ab vo dene 360 wo bruchtisch. So öppis muesch im Stehe spiele mit vollem Körperisatz. Aber das bechunnt d'Hardware leider nit richtig ane.

Re: VR Brülle - PS4 edition

Verfasst: 25 Jan 2019 11:37
von Mastler(P)
nutzisch eifach wieder di gliche tastekombi wo eh im game häsch zum 180°drehe - problem glöst :idea:

Re: VR Brülle - PS4 edition

Verfasst: 25 Jan 2019 13:16
von damian
a das mit dä überlkeit gwöhnt mer sich. es git ja au lüüt wo's scho bime normele 2d bildschirm übel wird. uflösig findi etz au ok, es mues ja nöd alles 4k gsi. hans aber nie selber bsitzt, nur amel im lade usprobiert und so...

Re: VR Brülle - PS4 edition

Verfasst: 26 Jan 2019 18:24
von Xinobrax2
Chamer demit überhaupt VR Porn luege? Chamer demit 3D Film luege? Gits Google Earth VR? Chamer das Headset überhaupt für irgendwas bruche mal abgseh vo dene paar Spiel wo defür konzipiert sind?

Falls nei, DAFUQ? :lol:

Re: VR Brülle - PS4 edition

Verfasst: 26 Jan 2019 20:00
von The Sheep
Porno und 3D Film ja, Google Earth VR nei.

Re: VR Brülle - PS4 edition

Verfasst: 26 Jan 2019 20:20
von Xinobrax2
Okay...immerhin. VR isch halt nach wie vor na e Spielerei und darum machts imo au nur uf Plattforme Sinn wo Spielereie erlaubed....zumindest vorerst. Mal luege wies denn bi de nöchschte Generation usgset.

Vilicht findsch ja öpert wos dir mal für es paar Wuche uslehnt. Chaufe würdis nid.

Re: VR Brülle - PS4 edition

Verfasst: 28 Jan 2019 23:40
von The Sheep
Ohne Gewähr. Han googlet. Aber mit Sicherheit weiss ichs nur vom Oculus Rift. Dört funktioniere alli 3

Re: VR Brülle - PS4 edition

Verfasst: 29 Jan 2019 07:35
von PlanetHarrieR
Hol sie dir ruhig, am besten mit dem letzten großen Spiele-Bundle. Die geilsten VR-Spiele gibt's für PSVR! :) Astro Bot Rescue Mission ist genial von Ideen, Spielmechaniken und Charme her! WipEout Omma Collection ist auch ein krasses Erlebnis! Rez Infinite sehr spacig, Until Dawn: Rush of Blood ein cooler Ride mit erstaunlich wirkungsvollen Jump-Scares. Resi ist wohl auch cool, kann ich aber nicht spielen wegen Übelkeit. Dann gibt's noch einige kleinere Perlen wie das Puzzlespiel Statik oder chilliges Angeln in Monster of the Deep: Final Fantasy 15. Oder ganz nette Shooter in Firewall Zero Hour und Farpoint.

Die niedrige Auflösung ist nicht so wild, weil die versetzten Subpixel das Bild feiner erscheinen lassen als bei Rift und Vive. Ich hab mir neulich allerdings eine PS4 Pro für bessere VR-Grafik/höhere Auflösung geholt. Klar, wenn du richtiges Roomscale willst, brauchst du Vive (Pro) mit Wireless Adapter und sehr schnellem Spielerechner (Rift geht auch noch halbwegs mit Drei-Kamera-Setup). Aber softwaretechnisch fürs Spielen auf/vor dem Sofa ist Sony momentan klar am stärksten! (zumal auch deutlich günstiger)

Hier mal listenmäßig:

http://www.4players.de/4players.php/ber ... yStationVR" onclick="window.open(this.href);return false;

Re: VR Brülle - PS4 edition

Verfasst: 29 Jan 2019 08:30
von Mastler(P)
oh, kühl. mit liste. danggsche!
wtf, psychonauts?! hassu angespielt?

im momänt will ich eh no games nahholle vo dä letschte baar jahr. denn, wennd brülle hoffentli chli billiger isch, luegi gern mal gnauer dri.

Re: VR Brülle - PS4 edition

Verfasst: 29 Jan 2019 09:42
von PlanetHarrieR
:yoberry:

ne, sollte ich evtl. auch mal angüggsle die psychonauten.