The(G)Forum

Perfekt isch z game klar nid. D stürig dörft chli gschmeidiger si wie ou d Kämpf, viu Pfilä träffä eifach z Ziel nid und prallä vorem Gägner wie arä unsichtbarä Mur ab. Aber schüsch is das Game eifach numä super!!

Bejita hat geschrieben:viu Pfilä träffä eifach z Ziel nid und prallä vorem Gägner wie arä unsichtbarä Mur ab.

ähm, rüschtig? helm?

longbow ma friend!

Master(G) hat geschrieben:

Bejita hat geschrieben:viu Pfilä träffä eifach z Ziel nid und prallä vorem Gägner wie arä unsichtbarä Mur ab.

ähm, rüschtig? helm?

longbow ma friend!

Nei ou scho bi serignä ohni Helm. Huere latänz zum Zilä wemä nid dr Gamemodus dinnä het isch ou ä katastrophä

du wieder LOL...
aso ich ha weder s'einte no s'andere problem... 60 stunde und no nie isch en pfiil anere unsichtbare wand aprallt.

und gamemode am tv? das isch sowieso pflicht - und kabel am pad au. bluetooth lag!

Das isch well de Gägner en mongolischi Intenretleitig hed und umelagged. Wie bim CoD amigs weisch

Das Problem hani au nonie gah bis ez und gester hani chli mit de beide Böge güebt

mir macht z'game nach wie vor vell spass aber schwankige bir schwierigkeit sucke extrem.

am afang bini regelmässig abkratzt, wasi super gfunde ha.
jetzt hani 100 verschiedeni gimmicks und walze alles nieder ohni problem.

vo dem her findi wertig vor m-games mit 85% grad perfekt.
im eint isches sogar uf hard vell z'eifach gsi.

ab hütt gitts en patch:

- neue schwierigkeitslevel "lethal"

isch mit debi! update mache und happy si!

Master(G) hat geschrieben:ab hütt gitts en patch:

- neue schwierigkeitslevel "lethal"

isch mit debi! update mache und happy si!

en richtige old-school gamer macht eher harakiri anstatt in-game schwierigkeit wächsle.
aber game dured zu lang zum namal afoh.

onion hat geschrieben:en richtige old-school gamer macht eher harakiri anstatt in-game schwierigkeit wächsle.
aber game dured zu lang zum namal afoh.

en logik wo ich ned nahvollzieh chan. aber ja. jeder wiener will

Spiele uf hard und am Afang isch schwär gsi, ez nüm so.

Aber das mit de Schwierigkeitsgrade isch ja of sone Sach... d Gägner sind wäg dem sälte schlauer, schneller, strategischer... i de Regel zeichnet sich en höhere Schwierigkeitgrad eifach dadurch us:
Gägner macht meh Schade und chönndmeh Schade istecke ODER mer macht sälber wenige Schade und chan weniger istecke... was logischerwis immer ufs gliche uslauft... Es wird schwieriger, wells tümmer wird... nid wells aspruchsvoller und interessanter wird.
Jetzt mit Leathal wirds de halt so si, dass anstatt mit 4 Hits oder so bisch mit 1 oder 2 down. Super spannend. Aber zerst chani glich no locker 12 Kills cheese. Und oft blibed die wo killt hesch ja au Tod und wenn esCamp 36 Lüt hed, denn cheesisch halt 3x...

Zum chli en guete Schwierigkeitsgrad z ha, tuen i äbe nie cheese. Entweder amchi de s ganze Camp stealth oder fange mit Standoff a und denn alles ordeli im Samuraistil schnätzle!
Stealth... selbst i de grössere Camps relativ apruchslos... die Mongole chnusted immer öppis andere Chiste oder am Bode um... Öpper mal abklänke oder irgendwie schlau vorgah musch nie... eifach eine am andere wo ane Wand lueged umlah. Und wenns en Liche gsehnd möcheds au nid gad viel.

D KI isch rächt dämlich...

Ez viel schlächts gsi. Aber macht Spasss! Isch es guet Spiel und ich freu mi, wenn i wieder chli chan witer mache.

wasi gläse han isch de neu lethal-mode eso:

- gägner mached meh schade
- du machsch meh schade
- s'ziitfänster für just-deflect und uswiich-konter isch starch minimiert

sötts also scho bitzli taktischer macher.

aber ja, KI isch scho dämlich. das stimmt. darum tue ich au sälte stealthe, au wenni eigentlich lieber en ninja wär. de samurai-way macht mir da eifach irgendwie meh spass.

au die monster-duell gäg die 5 klinge machet mir meh spass, wenni möglichscht lang deflecte und uswiiche. eifach usezögere das ganze.

Oke danke für Info. Demfall bruchi lethal mode nid...

Oh es riese plus vergässe! Das mit de Haikus fini huere super... d Musig, d Bilder, d Stimmig und denn s Haiku am Schluss! Alles andere isch i dere oder andere Form schomal da gsi. Aber das mit de Haikus isch neu und erfrischend!

das mit em wind als map marker isch au neu und suprig

Master(G) hat geschrieben:das mit em wind als map marker isch au neu und suprig

isso!
Nid neu aber au erfrischend isch darus resultierende minimalistische HUD. Isch besser für mini imörschn.

Master(G) hat geschrieben:das mit em wind als map marker isch au neu und suprig

Mich erinnerts as Journey

haiku isch zzzzzzzzzzzzzzzzzzen

Im Teil 2 bitte en Zerhäxxler Modus wie im Metal Gear Rising: Revengeance und es wär 10/10

hesch denn de rage-mode scho freigschalte?
mit dem chasch zumindescht es paar gägner chöpfe oder au mal en arm abtränne
au ned schlächt!
hätt mir aber au meh "gibbing" gwünscht...

Master(G) hat geschrieben:hesch denn de rage-mode scho freigschalte?
mit dem chasch zumindescht es paar gägner chöpfe oder au mal en arm abtränne
au ned schlächt!
hätt mir aber au meh "gibbing" gwünscht...

Nö, bin immer no in akt 1. de chani öppe hüt oder morn finishiere.
Wo bechumi de? Bi sonere Mistery Gschicht oder wie di heissed vome Musiker? Vo so eim hani en Schalg, wos amigs de Unterarm absäbled.

de gitts leider viel zspaht! lol
am endi vo akt 2 .... ghost-stance und rage mode. isch ad story knüpft leider.
aber machs doch so wie ich, spiel bis afang akt 3 und denn isch die ganz map offe und mer hett alli technike. de chasch go ufruume!

mini und em armin sini meinig:
https://www.thegnet.org/post/the-g-net- ... f-tsushima" onclick="window.open(this.href);return false;

werum isch de armin vor maniac abghaue? die fraged sich hüt na was passiert isch.

da muesch de Armin selber frage, ich will da nüt dezue säge, das staht mir ned z ue... ich säg ihm mal, dass er en Account da ine macht

Master(G) hat geschrieben:da muesch de Armin selber frage, ich will da nüt dezue säge, das staht mir ned z ue... ich säg ihm mal, dass er en Account da ine macht

nönö isch guet ha dänkt evtl. isches e lustigi anekdote. aso ernsthaft hani da nid wele wüsse.

uf jedefall hani jetzt e hammergeili rüstig becho und wiss tünkled, gseht unfassbar guet us.

So, hüt machi Castle Kaneda MIssion und de mal ufe go luege. Dete mach i glaubs würli wie du und gib mal chli gas mit de Story und de spöter nochli ufrume.
Giz Trophy für 100%?