jup, das stimmt.
aber:
EA und DICE händ jetzt zwei debakel hinder sich und sie mached das garantiert ned nomal mit einere vo ihre wichtigste franchise. das sind sie ned mal de spieler schuldig, sondern de investore, die täubelet! und das tuet ene viel meh weh
sie händ sich business model vo rainbow six siege und overwatch agluegt und sogar fortnite. paar vode lukrativste spiel überhaupt. sowas ähnlichs händs jetzt au mit BFV welle mache. life-service halt. sprich: es spiel übere en längere ziitruum supporte, konstant neui inhält bringe und geld mit skins mache. lüüt liebed skins und gäbet gäld us für das. ich würd mir en virtuelle helm oder en camo chaufe, wenn sie geil usgeht und ich so bitzli "andersch" ugseh, als alli andere...
ich bin sicher, die händ de meischt DLC scho fertig oder schaffed jetzt grad dran. ich bin au sicher, dass mir ned so schnell es neus Battlefield spiel gseh werdet, darum bini überzüügt devo, dassi das spiel no lang supporte. müend supporte!
und nöchscht summer choscht das spiel no en füfer und es weggli, hett fascht kei fehler meh, all de sjw-shit und de hass isch vergässe und es hett denn en tonne meh inhält bis denn. denn chaufeds au no meh lüüt, will dlüüt wänd battlefield spiele!
und wenn keis neus bf-spiel übere en längere ziitruum chunt, nämets BFV...
ich bin sicher, die händ panzer, waffe, uniforme für amis und russe scho fertig, und maps au scho. das wird jetzt eifach häppli wiis useglah. sie gönd ja mit ere timeline vom chrieg, also 1940 bis 45... am afang händ au nur dütschi und engländer kämpft, quasi... amis und russe sind erst später aktiv worde, japanler au... egal, ich drifte ab...
jedefalls, das konzept "fortnite" wird au vom tides of war modus bestätigt; er verlangt vom spieler, jedi wuche es paar rundene zspiele, für cooli skins und outfits. wenns ziitfänschter verpasst hesch, sinds wäg.... äbe wies bi fortnite scho lang üblich isch. darum spieled au soviel über solang das dumme fortnite.. häppliwiis neue stuff!
aso ich bin voll optimistisch, was zuekunft vom BFV agaht.
PS: ich wär ned überrascht, wenns nöchschte BF es free-to-play game würdi, ganz ehrlich. sogar CSGO isch jetzt free-to-play mit battle royale :typej: aber das isch es ganz anders thema. (bringt aber anschienend viel meh geld - obs eus gfallt oder ned). so wies jetzt isch bim BFV isch es snöchscht beste zum free-to-play modell. sie wäred blöd, würdets das ned usschöpfe, meinsch ned?