Seite 1 von 1

Sphinx and the cursed Mummy

Verfasst: 03 Nov 2017 15:32
von zwirrlibatz
...remaster 4HD dings whatever chunnt für pece:

http://www.eurogamer.net/articles/2017- ... ding-to-pc" onclick="window.open(this.href);return false;

eis vo de beschte gsi i sire ziit.

Re: Sphinx and the cursed Mummy

Verfasst: 03 Nov 2017 16:28
von Mr. Heli
si söled gschieder en zweite teil bringe. es isch mega, eis vo de beste spiel ufem cube.

Re: Sphinx and the cursed Mummy

Verfasst: 03 Nov 2017 16:51
von Herr Rossi
Huren gut. Aber extra für das de peze ufrüschte.... :-/

Re: Sphinx and the cursed Mummy

Verfasst: 03 Nov 2017 17:21
von Xinobrax2
S gset au im Dolphin bi 4K oni HD Texture ziemlich guet us...

Re: Sphinx and the cursed Mummy

Verfasst: 06 Nov 2017 12:36
von Mr. Heli
wieso gits eigentlich so wenig spiel mit ägypten spiel? oder kenn ich die eifach nöd...
gäbt so viel wo meh mit de gschicht mache chönt...

Re: Sphinx and the cursed Mummy

Verfasst: 06 Nov 2017 13:11
von evo
Genau das hani probiert vor so 2 jahr. Het mi nit möge zbegeistere. Nie gnau gwüsst wasi mache sell und relativ bald wider ghört demit. Muess filich widermol versueche durezbisse.

Re: Sphinx and the cursed Mummy

Verfasst: 06 Nov 2017 14:04
von Xinobrax2
Mr. Heli hat geschrieben:wieso gits eigentlich so wenig spiel mit ägypten spiel? oder kenn ich die eifach nöd...
gäbt so viel wo meh mit de gschicht mache chönt...
Timelapse isch na nett...es alts Point n' Click. Gasch vo de Osterinsle us nach Ägypte, zu de Anasazi und de Mayas und am Schluss nach Atlantis. Hani damals super gfunde...

Btw...
Bild

Re: Sphinx and the cursed Mummy

Verfasst: 07 Nov 2017 11:39
von zwirrlibatz
D'Bible gäbt au no einiges a Gschichte her. Aso ernstlich jetz, aber da will sich wohl niemer Pfinger verbränne.

Re: Sphinx and the cursed Mummy

Verfasst: 07 Nov 2017 13:23
von PlanetHarrieR
Killer Mami!!!

https://youtu.be/B8iUlhu60BA?t=37s" onclick="window.open(this.href);return false;

Re: Sphinx and the cursed Mummy

Verfasst: 08 Nov 2017 10:02
von Moff
zwirrlibatz hat geschrieben:D'Bible gäbt au no einiges a Gschichte her. Aso ernstlich jetz, aber da will sich wohl niemer Pfinger verbränne.

Quelle

Re: Sphinx and the cursed Mummy

Verfasst: 08 Nov 2017 10:17
von zwirrlibatz
:lol:

aber xehsch, nintendo distanziert sich drvo.

Re: Sphinx and the cursed Mummy

Verfasst: 12 Jan 2018 19:30
von zwirrlibatz
Bin öppe i de Hälfti und es haut mich um. :shock: No viel besser als i de Erinnerig. Das nödemal wäge Nostalgie, für das isch es viel z'elegant und z'poliert. Locker uf Zelda Niveau, LOCKER! Es isch e Schand dass das so untergange isch dazumal, will es büütet so dermasse viel Originalität und Witz, dass es en Start zunere erfolgriiche Franchise hätt müesse sii. Isch aber halt grad gliichziitig mit em erschte 3D Prince Of Persia usecho und das isch ihm - völlig zu Unrächt - vor de Sunne gstande. Sogar s'äbefalls fasch gliichziitig erschienene Beyond Good and Evil hett meh Lärme gmacht und das isch ja nöd grad sone grosse gsi. D'Mummypuzzles sind fantastisch, d'Wält isch wunderschön duregstylt aber halt weniger opulänt als gschmackvoll dosiert. Das mag ihm wohl jegliche Hype verwehrt ha. Es isch es Spiel, wo sich ersch nahdisnah uftuet. Genrefans wo das ignoriered, händ e Meise. E MEISE!

Re: Sphinx and the cursed Mummy

Verfasst: 13 Jan 2018 00:28
von Herr Rossi
Für mich isch es DAS Gabecube Schpil schlechthin gsii. Näbem Eternal Darkness und em Beyond good and evil hani das em meischte zockt. Ich weiss no dasi am Afang chli müe gha ha zum dri cho, hed sich au I mim Umfeld chli so zeigt. Aber usnahmslos jede hed nach 2 bis 3 Schtund nüm chönne höre mit em. E Perle vom ne Schpil

Re: Sphinx and the cursed Mummy

Verfasst: 13 Jan 2018 18:01
von zwirrlibatz
Mönschterli iifange zum se nachher loslah zum puzzles löse oder eim bim schlegle hälfe. Uereguet. De clochard wo eim irgendwänn sin rupeebüütelschänkt will er en nöd chan bruuche. :lol: Me muess au viel sälber go sueche und entdecke und sich merke, au innerhalb vo dungeons cha me d'rüüm teilwiis i verschiedene reihefolge ahgah. Spielstil isch reduziert uf s'maximum: Es gitt kei EXP, nur de läbensbalke cha me verlängere, die einzig handwaffle wird nie upgradet, me brchunnt nur ein einzige neue move und dä sehr früeh, nur für d'näbewaffe gitts neui items. Heisst: me muess wie i de zeldas als spieler immer besser und gschickter wärde. Und die stimmung! Wüeschti und türkiswasser und tämpelstatue, es gseht cheibeschön us i däm remaster.

Re: Sphinx and the cursed Mummy

Verfasst: 29 Mär 2018 10:15
von Xinobrax2
Ich han mir das mal gholt willses au für Linux git. De Text isch bimene 4K Display so chli dasmer en nur chan lese wemer am Bildschirm chlebt. Ez spili trotzdem d Gamecube Version mitem Dolphin :typej:

Re: Sphinx and the cursed Mummy

Verfasst: 30 Mär 2018 08:47
von Mr. Heli
Xinobrax2 hat geschrieben:Ich han mir das mal gholt willses au für Linux git. De Text isch bimene 4K Display so chli dasmer en nur chan lese wemer am Bildschirm chlebt. Ez spili trotzdem d Gamecube Version mitem Dolphin :typej:
ich han generell s gfühl das ich bi allne neue spiel e lupe bruche. min tv isch zwar nid so gross, aber die text sind zum teil würklich viel z chli