Seite 2 von 5

Re: Assassins Creed Origins

Verfasst: 21 Aug 2017 11:09
von Master(G)
jetzt mit Julius Cäsar und Kleopatra!

ich hols mir glaub für Xbox One X... 4k, HDR und beschti Framerate... glaub... oder? oder ned?


Quelle

Re: Assassins Creed Origins

Verfasst: 21 Aug 2017 18:28
von abyss
Dito. Chunnt ja scho gli di neu Box.

Re: Assassins Creed Origins

Verfasst: 22 Aug 2017 08:09
von Bejita
Master(G) hat geschrieben:jetzt mit Julius Cäsar und Kleopatra!

ich hols mir glaub für Xbox One X... 4k, HDR und beschti Framerate... glaub... oder? oder ned?


Quelle
Es isch ja nid mau nativi 4K, mi würds nid verwundere wenn d Pro Version besser louft wäge checkerboardere. Und schlechter wird d Pro Version ou nid usgseh wenn sis uf Xox i native 4K wei häre bringe. Usserdäm, e xox choufe? Its wo Xbox toter aus tod isch? Dr dümmscht, nächscht jahr chöme si de scho mit dr xbox two haha

Re: Assassins Creed Origins

Verfasst: 29 Sep 2017 13:39
von Master(G)

Quelle


guet möglich, dass das sbeschte AC sitt immer wird...

Re: Assassins Creed Origins

Verfasst: 03 Nov 2017 14:01
von resuscitation
Ich bin bis jetzt total begeischteret.. ändlich mal ä butterweichi und präzisi Stüürig. Nöd dä Schrott, wie i dä Vorgänger.. isch jetzt zwar vom Spielprinzip her eher bime Witcher, Elder Scroll aber d'Atmosphäre, Grafik und s'Gameplay isch würklich grandios worde! Hoffentlich bliibt das bis am Schluss au so

Re: Assassins Creed Origins

Verfasst: 06 Nov 2017 07:09
von Master(G)
Es isch fantastisch! Es isch quasi s'lovechild vom Witcher und Far Cry oder sowas, u-huere super find ichs! und grafik uf de xbox one x in native 4k und mit hdr isch de oberhammer, sorry! lauft flüssig, stürig super, interessanti quests, und en unglaublich lebändigi wält womer sich total drin verlürt. ich chan aligs chum höre spiele, en verdammti sucht das spiel. alles anderi hani weg gleiht im moment und spiele nur das. liebe mann! :herzli: :panik:

Re: Assassins Creed Origins

Verfasst: 07 Nov 2017 14:27
von Buccaneer
4.1 Assassin’s Creed (2007)
4.2 Assassin’s Creed II (2009)
4.3 Assassin’s Creed: Brotherhood (2010)
4.4 Assassin’s Creed: Revelations (2011)
4.5 Assassin’s Creed III (2012)
4.6 Assassin’s Creed IV: Black Flag (2013)
4.7 Assassin’s Creed Rogue (2014)
4.8 Assassin’s Creed Unity (2014)
4.9 Assassin’s Creed Syndicate (2015)
4.10 Assassin’s Creed Origins (2017)

Bis Black Flag hani alli gspielt, erst denn hed sich chli en Sättigung igsetzt.
Unity hani mal chli agspielt... aber immer no s gliche...

Was möcheds ez andersch und oder besser?

Re: Assassins Creed Origins

Verfasst: 07 Nov 2017 15:47
von Master(G)
spiels eifach! wirsch es ned bereue!

ich han bi black flag au ufghört, just sayin'....

Re: Assassins Creed Origins

Verfasst: 12 Nov 2017 01:53
von zeromeier
ok, das isch überraschend. Rasch wele d'Grafik aluege, stattdesse 3h an Bildschirm gfesslet gsii. Setting/Epoche und aständigs Kampfsystem sei Dank.

Für mich s'erscht guete AC - bin zwar ersch mitm erschte Kapitel fertig jetzt denn, aber bis jetzt effektiv es guets Spiel.

Ich han chli d'Befürchtig, dass d'Wält riisig isch und sich hine use alles wiederholt (Ghost Recon Syndrom bspw), wenn das nöd passiert, isches mega.

Re: Assassins Creed Origins

Verfasst: 13 Nov 2017 07:38
von zeromeier
Das Spiel findt zwenig Beachtig wills AC isch, debii isches komischerwiis s'erschte guete AC.

Re: Assassins Creed Origins

Verfasst: 13 Nov 2017 08:24
von Master(G)
naja, black flag isch scho recht super gsi. aber das da isch scho nomal 3 klasse besser :herzli:

Re: Assassins Creed Origins

Verfasst: 13 Nov 2017 09:41
von zeromeier
Master(G) hat geschrieben:naja, black flag isch scho recht super gsi.
leider nöd.

Re: Assassins Creed Origins

Verfasst: 13 Nov 2017 09:52
von Master(G)
:kicher:

Re: Assassins Creed Origins

Verfasst: 13 Nov 2017 10:13
von zeromeier
Master(G) hat geschrieben::kicher:
kack stüürig, langwiiligs gameplay, "toti" gägende dank belanglose, nichtssagende und nöd ächt wirkende charaktere/npcs, det isch so einiges falsch gloffe.

umso überraschender, dass es jetzt so super isch

Re: Assassins Creed Origins

Verfasst: 13 Nov 2017 12:11
von sidusson
auso bishär fingis aco rächt guet. setting macht viu wett, aber black flag blibt ds beste.. me mues trotzdäm immer no jede quest mit lüt umbringe beände oder viecher töte.. isch schad heisi keni schlaue idee ineta.. ou dwäut isch viiiiiiiiu ds gross.. u ds lär leider..

aber wirde sicher houptquest dürespilä wägem setting, aber es isch wiiit wäg vom beste ac.. für dases eigentlech jetz es witcher ac isch worde wo eigentlech nüt me mit ac ds tüe het :lol:

Re: Assassins Creed Origins

Verfasst: 13 Nov 2017 12:36
von DeftOne
sidusson hat geschrieben: aber wirde sicher houptquest dürespilä wägem setting, aber es isch wiiit wäg vom beste ac.. für dases eigentlech jetz es witcher ac isch worde wo eigentlech nüt me mit ac ds tüe het :lol:
Au wenn nur Hauptstory durespiele willsch, wird's irgendwenn ziemil mühesam leider. Für Endquest isch Levelempfehlig 35 und joa, a sich söt mer sich vor allem im Origins scho chli as level halte. Da ja sust en Onehit bisch oder zumindest 2 Schläg haltsch no us.

Vilicht bin i au chli selber d Schuld, dass i hauptsächilch Sperrgebiet igno ha und anderi Fragezeiche gmacht ha und eher wenig Nebequests, aber irgendwenn hängts eim scho chli use so nach 30 Stunde.

Es isch scho eis vo de bessere AC's ufjedefall. Denk wenn's vo öperem sogar s erste wär, ischs au sehr guet. Aber so insgesamt gseh isch es halt nur guet aber nüt überragends.

Re: Assassins Creed Origins

Verfasst: 13 Nov 2017 12:42
von Buccaneer
Chani mit em hidden Blade au dertig umbringe, wo en Totechopf hend? Bin erst Lvl 14 oder 15, aber s Hidden blade hani bereits um paar Stufe verbessert, fählt no zwei oder drü Stufe. Oder gaht das nid?

Bis ez kei Proble mit uflevle. Gid ja gnueg ztue. Aber bin erst in Alexandria und han d Snake killt.

Re: Assassins Creed Origins

Verfasst: 13 Nov 2017 12:45
von Master(G)
nei, totechopf heisst "finger weg"
du chasch nur settig meuchle wo max. 1 stufe über dir sind... usser du hesch dis hidden blade so starch ufglevlet, denn chasch evtl. au söttig wo 2-3 stufe über dinere sind...
generell sind aber gebiet mit höhere stufe als du tabu.

wenn hinder eim stahsch zeigts der ja au de roti balke vo ihm ah. d.h. wenn er voll rot isch, stirbt er sofort. wenns no es spickeli läbe (gälbi farb) hett, denn staht er wieder uuf.
isch wie bi de böge. wenn uf eine zielsch zeigts der ja au ah, wieviel läbe du ihm abziehsch (bi chopfträffer meh, als bi körpertreffer)

bin jetzt stufe 30 (nach rund 38 stund). ha aber no öppe dhälfti vom land nonig ufdeckt. bin jetzt in memphis (nach de giza-pyramide) und bim "krokodil".
ich muess aber au immer alli quests mache wos umehett, es isch en sucht! :kicher: :herzli:

Re: Assassins Creed Origins

Verfasst: 13 Nov 2017 13:03
von DeftOne
Be Totechöpf macht mer halt au mitere guete Waffe eifach null schade. :lol:

I ha leider echli spat gmerkt, dass Cursed Weapons völlig OP sind. Het sust wohl scho früener mit dene agfange spiele.

Re: Assassins Creed Origins

Verfasst: 13 Nov 2017 13:05
von Master(G)
ich han mini cursed weapons unds shield immerno vom anfang... scho 2x upgrades, demits wieder min level hett... super sach :lol:

"sleep-on-hit" bäm! :sleepy:

:lol:

Re: Assassins Creed Origins

Verfasst: 13 Nov 2017 13:08
von DeftOne
Isch halt immer ziemli tüür die amel upzgrade. Aber macht kämpf halt scho um einiges agnehmer. Da mer sust au ziemli lang für en Kampf bruche cha. Wobi Nilpferd ziemli scheisse als Gegner sind, wemmer Cursed weapons het.

Re: Assassins Creed Origins

Verfasst: 13 Nov 2017 13:23
von Master(G)
die angry hippos sind jetzt scho kult! hahah :groel:

Bild

Bild


Scorpion Wins!

Re: Assassins Creed Origins

Verfasst: 13 Nov 2017 13:27
von zeromeier
sidusson hat geschrieben: ou dwäut isch viiiiiiiiu ds gross.. u ds lär leider..
chani nöd underschriibe. im Gägeteil, de Witcher isch volle mit Scheisse, nervt nur no. all 2 Meter musch irgendwas mache.

Re: Assassins Creed Origins

Verfasst: 13 Nov 2017 13:30
von Buccaneer
Hippos sind scheisse :groel:

Aber, han ez sone Quest woni sone Typ (Aplodorus oder so?) muss zu sinere Villa zrugg bringe. De haut rächt viel DMG use und anstatt das ich ihn jetzt Hei bringe, gang i mit im go Krokodil und ander Viecher jage.

Für was brucht mer eigentlich Gäld, usser zum Waffe upgrade? Han jetzt öppe 10k zäme und no kei Gäld brucht für nix... Brucht mehr spöter Stutz für öppis und söli nochli spare, oder alles i Waffeupgrades investiere.

Ich finde Poison no guet. Vor allem wenn mer wett Materialtransport überfalle. En vergifteti Liche steckt ja alles i de Umgäbig a. Also chani en Transport ufere Chrüzig überfalle und dete isch jetzt en rächti Flächi vergiftet und es chunnt immer mal wieder en Transport verbi wo eifach is Gift inefahrt. De chasch schnell alli umtue und die giftig Flächi vergrössered sich no meh. Easy... In Siwa gahts ganz guet und in Alexandria gids au en gueti Stell ufere Chrügig.

Re: Assassins Creed Origins

Verfasst: 13 Nov 2017 13:41
von DeftOne
Es git no en Skill bem Seher, dass du Materialie chasch chaufe bem Weber oder Schmied. So kriegsch s Geld au weg und hesch es halt eifacher um dis Equip upzgrade.