Seite 6 von 7

Re: Super Mario Odyssey (Schalter)

Verfasst: 02 Nov 2017 14:50
von Moff
ich han scho paar sache zum meckere.
vieli moons sind zu simpel und werded mit de zit doch recht repetitiv, und die ganz progression im spiel gfalltmer nöd, mer muess zum witercho eifach i jedem level x moons hole fertig, meh bringt gar nüt. zudem gits kein hub welt und de level select isch en simpli lischte. Mario 64 blibt Mario king und BOTW blibt beschte Zock vom 2017.

trotzdem isch de Odyssler natürlich es top spiel, wasmer näb de kreativität am beschte gfallt isch, dass münze, lebe etc. endlich mal en sinn händ. das isch uf jede fall gübschtig imene spiel mit explorationsfokus.

Re: Super Mario Odyssey (Schalter)

Verfasst: 02 Nov 2017 15:20
von LuiStyle
Bejita hat geschrieben:
evo hat geschrieben:Jä isches jez s best game aller zite oder doch nööd?
Jedäs Game vo Nintendo isch z bestä Game auer zite!!! Evlor was steusch so dummi Frage?? :kicher:
Es isch s’beste Super Mario plus Kirby under dä Kappe.
Mit anderscht krassi 8k uflösig da kann PS und co gad ipacke :lol: :groel: :groel: :groel:

Re: Super Mario Odyssey (Schalter)

Verfasst: 03 Nov 2017 06:38
von Mr. Heli
zeromeier hat geschrieben:de hani nanig gspielt, machi wahrschiinlich au nie, da ich ungern Joypads in TV rüer.
du bisch demfall au so en geduldige wie ich :lol:

Re: Super Mario Odyssey (Schalter)

Verfasst: 03 Nov 2017 08:13
von mr.raw
Ich kum mit dr Stüürig nid klar :(
au immer snochestelle vo dr Kamera...argh.... Vor allem find i, dass dr Mario "znoch" bi eim isch und eso nid khasch witt vorus luege.
Wohrschiinli bini eifach unfähig oder ha dr "dreh" nid duss.

Re: Super Mario Odyssey (Schalter)

Verfasst: 03 Nov 2017 08:17
von agestuffer
mr.raw hat geschrieben:Ich kum mit dr Stüürig nid klar :(
au immer snochestelle vo dr Kamera...argh.... Vor allem find i, dass dr Mario "znoch" bi eim isch und eso nid khasch witt vorus luege.
Wohrschiinli bini eifach unfähig oder ha dr "dreh" nid duss.
Du bisch eifach zalt
agestuffer

Re: Super Mario Odyssey (Schalter)

Verfasst: 03 Nov 2017 08:25
von Master(G)
aso dstürig isch perfekt i dem spiel. besser gahts gar ned :!:

Re: Super Mario Odyssey (Schalter)

Verfasst: 03 Nov 2017 08:38
von Shadow
Master(G) hat geschrieben:aso dstürig isch perfekt i dem spiel. besser gahts gar ned :!:
wörd. letschti mal Super Mario 64 gspielt und mit em Odysee vergliche, meine Fresse. Damals hät jede d'Stürig gliebt. s'neue isch um Welte besser omg

:panik:

Re: Super Mario Odyssey (Schalter)

Verfasst: 03 Nov 2017 08:39
von mr.raw
Wie kha d Stüürig perfekt sii, wenn ich immer mues noche justiere? sdreie kunnt mir so laaahm vor... Denn no sgefuchtel drzue...!?
Oder mach i öppis falsches?
Jo, i weiss...bin z alt für so games.

Drfür ha i geschter dr xybot bi splatoon chli gärgeret :lol:

Re: Super Mario Odyssey (Schalter)

Verfasst: 03 Nov 2017 08:42
von Shadow
mr.raw hat geschrieben:Wie kha d Stüürig perfekt sii, wenn ich immer mues noche justiere? sdreie kunnt mir so laaahm vor... Denn no sgefuchtel drzue...!?
Oder mach i öppis falsches?
Jo, i weiss...bin z alt für so games.

Drfür ha i geschter dr xybot bi splatoon chli gärgeret :lol:
haha chum jetzt, bin au alt, gibe zue han mi chli müesse drah gwöhne :) blib drin und es chunt scho das feeling. das bisch am super mario schuldig :herzli:

Re: Super Mario Odyssey (Schalter)

Verfasst: 03 Nov 2017 08:46
von mr.raw
klar bliebi dra...es isch eifach e ungwöhnig vorhande. Au irriertiere mi die erklärige rechts unde die ganz zitt.
Ich khas eifach nid ha, wenn me sich muess dreie und das duuret e ewigkeit. Au mit dem gefuchtel...HÖLLE!!!!
Denn wottsch das s Cappy graduss sett, aber nei...es goht uff dsitte. :briegge:

Re: Super Mario Odyssey (Schalter)

Verfasst: 03 Nov 2017 09:02
von Master(G)
ich spiele mit pro controller. weiss ned wies mit joycons isch, chamer aber ned vorstelle, dass es viel schlächter söll si... ?

Re: Super Mario Odyssey (Schalter)

Verfasst: 03 Nov 2017 09:27
von Pombaer
mr.raw hat geschrieben:Wie kha d Stüürig perfekt sii, wenn ich immer mues noche justiere? sdreie kunnt mir so laaahm vor... Denn no sgefuchtel drzue...!?
Oder mach i öppis falsches?
Jo, i weiss...bin z alt für so games.

Drfür ha i geschter dr xybot bi splatoon chli gärgeret :lol:
D Kamerjustieriggschwindigkeit chame ide Optione isteue, fausde das meinsch :)

Re: Super Mario Odyssey (Schalter)

Verfasst: 03 Nov 2017 09:30
von mr.raw
Master: Ja, ich au...Pro Controller.
Pombaer :herzli:

Re: Super Mario Odyssey (Schalter)

Verfasst: 03 Nov 2017 09:33
von thaeye
s schüttle vom controller chöntets würkli weglah, das isch echt dumm und bringt null mehwert.

Re: Super Mario Odyssey (Schalter)

Verfasst: 03 Nov 2017 09:53
von PlanetHarrieR
Pombaer hat geschrieben:
mr.raw hat geschrieben:Wie kha d Stüürig perfekt sii, wenn ich immer mues noche justiere? sdreie kunnt mir so laaahm vor... Denn no sgefuchtel drzue...!?
Oder mach i öppis falsches?
Jo, i weiss...bin z alt für so games.

Drfür ha i geschter dr xybot bi splatoon chli gärgeret :lol:
D Kamerjustieriggschwindigkeit chame ide Optione isteue, fausde das meinsch :)
Auf jeden Fall, ich hab's auch viel, viel schneller eingestellt.

Re: Super Mario Odyssey (Schalter)

Verfasst: 03 Nov 2017 10:12
von rebornkid
mr.raw hat geschrieben:Master: Ja, ich au...Pro Controller.
Pombaer :herzli:
Jep, jedes Spiel spielt sich mit dem besser! :1thumb:

Re: Super Mario Odyssey (Schalter)

Verfasst: 03 Nov 2017 10:16
von evo
mit R und L kamme jo t kammera instantly in blickrichtig fokusiere

Re: Super Mario Odyssey (Schalter)

Verfasst: 03 Nov 2017 10:30
von rebornkid
evo hat geschrieben:mit R und L kamme jo t kammera instantly in blickrichtig fokusiere
Verstahne die ganze Problem nöd. Finde d'Stüürig gaht easy vo de Hand. Chli üebe und dra bliibe.

Re: Super Mario Odyssey (Schalter)

Verfasst: 03 Nov 2017 15:27
von Goran
evo hat geschrieben:
thaeye hat geschrieben:doch doch für dich sicher! best spiel aller ziite für immer und ewig. was frögsch so dumm? bruchsch bestätigung?
I finds nit mal s beschte vo däm johr

Ich hans nonig probiert. Für mich momentan und viellicht au nachdem is probiert han isch zelda sbeschte Spiel vom Jahr

Re: Super Mario Odyssey (Schalter)

Verfasst: 03 Nov 2017 15:28
von Goran
Moff hat geschrieben:ich han scho paar sache zum meckere.
vieli moons sind zu simpel und werded mit de zit doch recht repetitiv, und die ganz progression im spiel gfalltmer nöd, mer muess zum witercho eifach i jedem level x moons hole fertig, meh bringt gar nüt. zudem gits kein hub welt und de level select isch en simpli lischte. Mario 64 blibt Mario king und BOTW blibt beschte Zock vom 2017.

trotzdem isch de Odyssler natürlich es top spiel, wasmer näb de kreativität am beschte gfallt isch, dass münze, lebe etc. endlich mal en sinn händ. das isch uf jede fall gübschtig imene spiel mit explorationsfokus.

:1thumb:

Re: Super Mario Odyssey (Schalter)

Verfasst: 03 Nov 2017 15:44
von agestuffer
Goran hat geschrieben:
evo hat geschrieben:Ich hans nonig probiert. Für mich momentan und viellicht au nachdem is probiert han isch zelda sbeschte Spiel vom Jahr
Wart doch no 2 Mönet bis 2018, denn ischs Zelda GotY 2017 unds Mario GotYE 2018 für Dich. Mega oder?

agestuffer

Re: Super Mario Odyssey (Schalter)

Verfasst: 05 Nov 2017 16:55
von Astroboy
Ha mit dr Fründin gester und hüt chly SMO zocket (und Stranger Things S02 gluegt), es isch mega! Mamma mia hett das viu gueti Momente drin. Und öpper vo üs isch immer d'Chappe gsi, super.
:heart2:

Frage: Mir hei ize grad d'New-Donk-Welt düre (ds Festival :herzli:); wie wyt isch me da ca. im Spiel, prozentual? Also bis me dr Endboss bodiget hett?

Re: Super Mario Odyssey (Schalter)

Verfasst: 05 Nov 2017 17:00
von evo
denn sinder biz witer als t hälfti würdi sage. wobi t azahl monde eher usagekräftig isch fürd spiellängi. es git 883 resp. 999 monde

Re: Super Mario Odyssey (Schalter)

Verfasst: 06 Nov 2017 12:34
von Mr. Heli
Astroboy hat geschrieben:Frage: Mir hei ize grad d'New-Donk-Welt düre (ds Festival :herzli:); wie wyt isch me da ca. im Spiel, prozentual? Also bis me dr Endboss bodiget hett?
isch glaubs chli meh als der hälfti wenn ichs jez recht in erinnerig han. also rein vode story line. wobii vo de mönd her s no viel neus wird geh und die bruchsch denn au no für extra level.

Re: Super Mario Odyssey (Schalter)

Verfasst: 06 Nov 2017 20:37
von Astroboy
Supi, danke öich fürs Votum :happy: